📖 ZKIZ Archives

水清無魚 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130723/18344528
老闆Ｆ呻完港資中小經紀嘅苦況，又有機會與佢個界別嘅尊貴立法會議員張華峰見面，尊貴的張議員心廣體胖，有兩個慢必議員咁大嘅身形，有一隻馬「創新高」，上季爆冷一役，左丁山中到正，見到肥張議員，特別開心。
肥張議員又係呻到樹葉落，除咗FATCA，Prada呢啲額外合規成本外，還對夜期、延長交易時間有意見，左丁山笑佢：「你嘅功能組別選民同樣有意見，但你似乎冇法子令陳家強、證監會、港交所改變政策噃，選民會失望，你如何面對？」肥張議員話：「唔好當我冇到呀，我同經民聯一共有七票在手，希望政府會留意！」
七票在手，都要識得在適當時間適當時機運用至得，否則政府會逐個擊破，何況經民聯基本上係建制派，顧慮多多嘅。議員張最近收到不少選民意見，對證監會加強經紀行銷售金融產品規矩，係監管過甚。具體啲講，現時好多經紀行有研究推介，譬如左丁山手機就收到某經紀行推介某幾隻股票，推介之後，通常有經紀打電話嚟促銷，希望有生意做，當然推介嘅就係港交所上市嘅股票。但以後經紀要考慮及客戶嘅「適合性」是否可以承受買入推介股票後嘅股價下跌風險及冒險能力（能否承受虧損），肥張議員講：「咁即係叫所有經紀收聲，唔好主動打電話俾客戶推介股票，要守株待兔，等客戶打電話嚟啫。在淡靜交易時間，經紀唔打電話搵客戶講股票，坐在公司打遊戲機呀？點賺佣金呀？」
買賣上市股票，自不然有虧損風險，冇話實賺嘅，但自雷曼迷債事件後，客戶有輸打贏要傾向，立法會與傳媒傾向同情輸錢客戶，追打金融機構，故此一啲規管趨向矯枉必須過正，趕走咗好多大戶生意，流失咗俾新加坡，香港越係趕客，新加坡越係偷笑！前幾晚左丁山參加一個飯局，有機會與前監管人員交流，佢話監管機構必須考慮兩個問題：（一）What is the regulatory objective；（二）What is the regulatory cost。監管大前提永遠話係保護投資者，但保護條款越多，合規成本越高，太高嘅話就會扼殺創意與生意，活水變成死水，大家都沒飯吃。佢慨嘆咁講，議員俾好多壓力，立法會變成半個監管機構，故此法規漸多，形勢如此，可能係政治造成！
PermaLink: https://articles.zkiz.com/?id=69638

張宗永：水清無魚 平衡利益

1 : GS(14)@2017-08-04 05:40:11

【明報專訊】股市火熱，看來又會出現新一輪的上市熱潮。我有很多做企業融資的朋友最近都自立門戶，自設精品投行為客戶籌劃上市。近年，中資證券行在香港IPO市場的佔比愈來愈重，亦吸納了不少人才。這些中資券商在上市公司和投資者客源方面都有優勢，首先，很多計劃上市的公司的業務都在中國大陸；再者，不少上市股票都是批給陸資投資者，有些是機構投資者、有些是上市公司老闆的親朋戚友，無論在提供人頭和安排資金的手續上，中資券商都比外資行「更懂國情」。但正因為中資行自恃不愁生意，需要的只是技術人員，聘用人手方面出手不會特別闊綽。

中資證券行比外資「更懂國情」

另一方面，香港聯交所近年對IPO保薦人的監管愈來愈嚴格，在上市文件中簽名的負責人員（RO）有機會負上刑責。如果你單單只是拿一份薪水的人，做「刁」的時候一定要非常小心，因為犯不着因小失大，連牌照也被吊銷。然而，很多中國大陸客戶跟香港甚至總部高層都有直接溝通渠道，甚至會給高層有形和無形的好處，執行融資項目的同事不一定是受益者。但客戶一個「熱線電話」，趕死線和急急放行的壓力從上而下，員工有時只能使出拖字訣；亦有行家覺得風險和報酬不成正比，決定自立門戶，至少利益是直接跑進自己的口袋。

近年另一個股壇現象是「啤殼」。香港股票市場的集資能力強，直接導致「啤殼」成「瘋」，但看這事情不應戴上道德的眼鏡，香港是個法治社會，監管必須依法，雖然很多時都是道高一尺，魔高一丈，有規矩就會有迴避規矩的方法。市場上，有不少金主願意支持一些有業績但不大需要現金的公司上市，上市後將舊業務賣給原東主，金主「套殼」。但從法律的角度，聯交所很難審視申請公司的上市意圖；聯交所能夠做的只是在上市後監管大股東轉讓股權。

「啤殼」成風　需平衡商譽與營利

「啤殼」這事也許可以從不同持份者的角度看：香港整體社會、廣大小股民、聯交所、在排隊IPO的企業，最後當然就是投行本身。從社會角度，香港的商譽固然要維持，政府稅收亦是考慮因素；廣大股民的知情權需要保障，另外聯交所亦有責任為投資者提供高質素的上市公司作選擇；聯交所既要做生意，但主持公道亦是很重要，要對其他排隊申請IPO的企業公平，防止非法「打尖」；當然最後就是上市為投行帶來的收益和衍生的服務收益，如律師、會計師、印刷商等。

香港今年有機會又蟬聯全球IPO融資額之冠。我剛剛從新加坡公幹返港，新交所CEO是我的老朋友，近年新交所交投量持續下降，老友頭痛不已。股市在香港的經濟中一直扮演重要角色，水過清則無魚，如何在商譽和營利中取得平衡，極考功夫。

[張宗永 翼之聯想]


來源: http://www.mpfinance.com/fin/dai ... 4180&issue=20170804
PermaLink: https://articles.zkiz.com/?id=339464
Next Page
ZKIZ Archives @ 2019