【科健籽】OL減肥法 留在位也會瘦
1 :
GS(14)@2015-06-04 08:54:16記者工作成日有周圍走動的機會，但年輕時曾經做過2年office工，深明坐成日的苦況，不過好彩又因為坐唔定的性格，想出過多種「改變少少，效果多多」的收身方法，令身形不至慘不忍睹。炎夏已經降臨，OL絲打們不妨參考以下幾個真心些牙心得：
1.千祈唔好為咗遲啲開工而食快餐店早餐，最好養成在家食早餐的習慣，飲杯脫脂咖啡或齋啡，食個無饀麵包或一包梳打餅，出門嗰下真係精神好多，Lunch time亦冇咁快肚餓。
2.枱頭放置500毫升水樽一個（注滿水），不用打字只看文件時左右手輪流提舉，坐着垂直手提水樽，曲手踭提水樽至胸口，前側後方皆可，記得左右練習下數均稱。3.準備定袋裝麵包（一袋幾件的）或梳打餅在公司，Lunch前或下午茶肚餓口痕拿來吃，又唔會餓親，食極有個譜。
4.盡量唔用內線同同事溝通，有咩事直接走過去傾，增加郁動機會又可增進感情。
5.不要介意同事目光，坐夠1-2小時就站立工作，真怕尷尬就在枱頭放置小層架或矮櫃當作高架工作枱。
6.下班前時段，雙手按着坐墊，鎖緊下腹和臀部用力使雙腳提起，12下為一組。
7.放工坐車回家提早一至兩站下車步行回家，增加步行機會。資料來源: The Daily Mail記者：容慧心
盡量唔用內線同同事溝通，有咩事直接走過去傾，增加郁動機會又可增進感情。
放工坐車回家提早一至兩站下車步行回家，增加步行機會，又唔使迫咁耐車，心情輕鬆啲人都靚啲。
來源:
http://hk.apple.nextmedia.com/su ... t/20150604/19171176