| | ||||||
| ||||||
| 「除非怕天下大 亂，走佬時要有嘢揸手傍下身，先至會買些少金條。否則，好難想像有人會買黃金做保本投資。畢竟，黃金買賣交易成本大，又無利息收。」獅子山學會的王弼，是 我們這些30世代中，少數明白舊日情懷的一個。 黃金交易成本大又無息 世民：「歐元又唔得，美國經濟又開始出事，你真係唔揸多 些少黃金？我見呢排多咗人講金。好似Tigris Financial個Thomas Kaplan，手上有成廿億美金等值嘅黃金position，真係講到好得人驚。」 王弼：「如果個世界咁灰，我諗你揸幾多金都死。以前，元 朝蒙古統治者為咗逼人用朝延發行嘅鈔票，私藏黃金係死罪。就算美國喺1933年都試過禁止私藏黃金。如果世界真係無咗自由，唔尊重私產，你識乜嘢投資策略 其實都係假。」 世民：「咁又唔使去到世界末日咁遙遠。可以捱過呢一浪，再諗之後點啦。 上個星期，商品價錢都掟散晒，歐元又反 彈，走勢好飄忽。4月，標普500成份股，大多數喺50日平均線以上，到咗5月，情況相反。似乎美股都有好大壓力。」 王弼：「又一次應驗咗 Sell in May嘅傳統智慧。揸現金又唔會咬人，呢啲環境唔蝕就已經當賺。況且，全世界都唔似有通脹，真係見到有通脹，先至去買金都未遲啦！ 不 過，講到尾，長遠我都係睇好美國。始終佢個底厚，成百年嘅基業，唔係一個金融海嘯冲得走。所以，港元掛美金，始終都係保持香港存戶資產最大保證。」 利 世民 | ||||||