ZKIZ Archives


包浩斯(483)業績有感

http://www.hkexnews.hk/listedco/listconews/sehk/20080715/LTN20080715088_C.pdf
其實我很喜歡這家公司,公司在1990年代由一對小情侶創辦,至今已多年,它們最後更成為夫婦,並於前3年上市。老闆唔似一般生意人,他做設計師出身的,個look好得意,老婆才是管理和財務的fit 人,成個說教的人,板起口面,他們聲稱給設計師很大自由度,並在衣服質料下功夫,但成本下跌,但價格仍能有一定程度的上升,另外款式也不落俗套,所以很受年輕一族的歡迎。

公司公佈一份不錯的業績,營業額由5億,上升至6.1億,升幅約20%,銷售成本由於採用不同質素的衣料影響,只升10%略多,導致毛利率上升約2%,至66%的高水平,毛利更升接近30%,但是由於租金及人工成本上升,導致分銷及行政成本上升,所以盈利只升約19%,至6,700萬港元,以公司股數359,450,000股計算,盈利每股18.63仙,末期息5仙,並加派特殊股息6仙,共11仙,加上中期息2.5仙,共派發13.5仙股息,以股價約1.4元,股息超過9厘。

公司業績雖然大好,但帳目上卻有輕微惡化,公司可淨流動資產稍降低200萬,加現金派發後,淨流動資產尚餘1.1億元,折合每股約3毛錢,公司盈利主要流向新開設店舖的按金、存貨及應收帳、擴張的廠房等,由於現金情況稍有惡化,所以亦相應拖了數,可見得應付帳款由4,600萬,提升至6,300萬,並快於較營業額的升幅,以提高公司流動性,但是總的來說資金方面頗為健康,應能應付其後數年的擴張需要。

據我在其店舖的觀察,這家公司的生意雖然好像很少,但是D衣服貴到飛起,食水好深,但是較新潮,香港的青年中國"90後"的一族應喜歡這類衣服。

在香港、澳門、台灣方面,由於其bauhaus衣服的市場太新潮,所以不為大部分的成熟人士喜愛,所以營業額的增長只能靠開副品牌,另行開拓新的年齡市場,至今其政策也頗為成功。

中國的「一孩政策」,加上城市人口收入上升,使成人給青少年的零用錢增多,加上中國佔其營業額較台灣一島更少,所以開拓中國市場應有可為。

他們進入中國市場分兩步走,一是開新舖,一是搞特許經營,但兩者各有弊端,通漲導致租金、人工、電力價格上升,從而影響了開店成本,令盈利降低。由於開拓特許經營能降低風險,並能加快開拓市場,所以特許經營是需要的,但是增加特許經營最大問題就是特許商的操守,因衣服生意的同質性很低,款式差不多但牌子不同的情況時有出現,若它們滲雜了其他公司的貨物,不論品質好壞,會影響公司的形象,所以一定要抓好經銷商的質素。

總而言之,公司的擴張速度不在其現金情況,而在其擴張選址及其特許經營商的質素,而時裝品牌的質素及款式則難以量化及估計,在此不贅。

公司聲稱他們實行三向發展策略,即代表市場多元化、產品多元化及地區多元化,最終目標是促進本集團業務達致長期增長。此方法看來暫時在短期內成功,但是其後是如何,則極難預測,但是公司營業額及盈利定規模來說,仍是頗少,所以發展空間極大,可塑性極高,潛質優厚,加上財政穩健,可能成為大時裝集團的獵物。
PermaLink: https://articles.zkiz.com/?id=4030

罷免老婆-包浩斯(483)


http://www.hkexnews.hk/listedco/listconews/sehk/20090223/LTN20090223388_C.pdf


公司今日突然公佈這個令人生疑的公告:


(a) 召開本公司股東特別大會(「股東特別大會」),以考慮免除唐書文女士之本公司董事職
務;



(b) 終止本公司與唐書文女士所訂立服務協議,自二零零九年二月二十三日起生效;



(c) 終止唐書文女士之本公司副主席及授權代表職務,自二零零九年二月二十三日起生
效;及



(d) 委任李玉明女士出任本公司授權代表,自二零零九年二月二十三日起生效。


greatsoup:


連通函都要後補,真是很急。


今次搞得正正經經的,看來一次股權爭奪大戰難以避免,又有好戲看,增加了公司賣盤的機會,繼寰宇國際(1043)後,又一對生疑的夫妻關係。

PermaLink: https://articles.zkiz.com/?id=6067

中環在線:包浩斯主席夫婦早已離婚 李華華


2009-2-25  AppleDaily





 

包 浩斯(483)前晚突然宣佈免除董事唐書文嘅職務,令市場揣測佢同公司主席黃銳林嘅婚姻,係咪亮起紅燈。知情人士噚日同華華講,查實黃先生同唐小姐喺07 年經已離婚,所以07年打後嘅年報,董事介紹早已冇咗「黃先生為執行董事唐書文女士之配偶」嘅字句。知情人士仲話,免除唐小姐董事職務,係整個董事會嘅決 定,唔係一兩個人話事,董事會亦覺得呢個做法符合公司整體利益喎。由於罷免唐小姐要開股東特別大會通過,咁就要計吓雙方持股量。聯交所資料顯示,黃先生同 唐小姐共同持有嘅私人公司,揸住包浩斯約1.8億股(約50%股權),兩人分別直接再持有2990萬及3611.4萬股。由於唔知兩人喺私人公司持股分 佈,所以唔知唐小姐有冇機會翻案。知情人士話,股東會應該喺下個月底舉行,大家慢慢等啦。唔知雙方喺股東會前,會唔會再有一番角力呢?



PermaLink: https://articles.zkiz.com/?id=6207

0483.HK 包浩斯國際 PARTIPRAL 派得好

http://partipral-hk.blogspot.com/2011/03/0483hk.html

今日想揀隻服裝零售股分享下, 但又唔知應該寫邊隻先, 咁岩今朝買報紙時八達通淨番$483.X, 所以先寫下呢隻BAUHAUS.

如果我冇記錯, 幾年前我應該試過入過BAUHAUS買個袋, 係咁多了, 咁多年我最多應該淨係幫襯過BAUHAUS一次, 所以自己對呢間野認識肯定唔深, 但依然非常印象深刻既反而有一點, 就係貴. 同一件衫同一件褸你去GIORDANO, BOSSINI買到既你去BAUHAUS買會貴超過一倍, 而呢個就係BAUHAUS現時走緊既路線.



2006
2007
2008
2009
2010
營業額
436,008.00
509,248.00
617,612.00
745,599.00
793,792.00






毛利
277,262.00
324,668.00
413,259.00
513,366.00
556,422.00
毛利率
63.59%
63.75%
66.91%
68.85%
70.10%






自行經營店
63
64
84
116
123
特許經營店
18
35
54
66
70
合計
81
99
138
182
193






租金支出
80,787.00
99,772.00
139,041.00
188,629.00
204,242.00
租金支出/營業額
18.53%
19.59%
22.51%
25.30%
25.73%






員工開支
78,848.00
93,904.00
115,415.00
136,788.00
139,579.00
員工開支/營業額
18.08%
18.44%
18.69%
18.35%
17.58%






其他開支
56,569.00
64,466.00
79,419.00
112,294.00
110,317.00
其他開支/營業額
12.97%
12.66%
12.86%
15.06%
13.90%






除稅前溢利
61,058.00
66,526.00
79,384.00
75,655.00
102,284.00
稅項
(10,197.00)
(9,301.00)
(12,349.00)
(14,886.00)
(19,256.00)






純利
50,861.00
57,225.00
67,035.00
60,769.00
83,028.00






存貨
85,776.00
98,248.00
112,160.00
136,939.00
124,604.00
營業額/存貨
5.08
5.18
5.51
5.44
6.37






固定資產
32,635.00
31,009.00
50,699.00
63,114.00
47,986.00
折舊
10,850.00
11,556.00
13,705.00
23,195.00
24,965.00






現金
139,660.00
161,099.00
154,985.00
144,615.00
220,615.00
總債項
3,527.00
0.00
0.00
0.00
0.00






經營現金流量
40,388.00
63,455.00
81,830.00
85,993.00
139,226.00
已繳稅項
(12,791.00)
(10,500.00)
(14,042.00)
(13,345.00)
(12,964.00)
增添固定資產
(14,882.00)
(10,621.00)
(33,674.00)
(39,360.00)
(13,803.00)



22 Jun 11 - 包浩斯(0483) 全年業績 藍兵手記

http://airmanblue.blogspot.com/2011/06/22-jun-11-0483.html


0483.HK 包浩斯國際2011業績 PARTIPRAL 派得好

http://partipral-hk.blogspot.com/2011/08/0483hk-2010-2011.html































曾經寫過BAUHAUS, 詳見舊文
0483.HK 包浩斯國際. 寫果時係未出全年業績的, 今次趁有時間借最新一份業績黎更新一下自己對BAUHAUS既睇法.

全 年營業額剛好突破10億, 同比增長27.5%, 平均店舖銷售(綠字)增長5%, 表現不俗. 港澳分部仍然係公司重點所在, 營業額6.5億同比增長22%, 分部收入佔總收入近65%; 大陸營業額1.7億同比增長39%, 增長頗強勁, 分部收入佔總收入提升至17%; 台灣營業額2.45億同比增長55%, 增長力度更強, 分部收入佔總收入亦提升至16%.

單睇營業額增長就算頗理想了, 毛利率繼續保持70%, 說明公司仍然非常著重品牌建立, 無意打任何減價戰. 租金開支佔營業額比例稍見回落, 乃6年來首次, 似乎一直最困擾BAUHAUS既成本問題終於開始稍見舒緩, 實屬好現象因為其他開支對BAUHAUS黎講問題不算太大.

純利增加近4成, 數字算漂亮. 不過較值得留意既係雖然公司講明致力開拓大陸市場, 但今期業績卻顯示大陸分部響營業額大增既同時溢利反而倒退18%, 主席報告書亦無交代為何倒退, 報喜不報憂乎? 成份業績我覺得關鍵會係響呢度.

現金流減弱, 原因係存貨大增. 分店同營業額都在增長中, 存貨週轉率5倍屬合理水平; 另外響九龍灣買左個倉庫, 導致固定資產大增而現金減少. 每股全年派17.7仙股息, 數字上比去年微增但派息率其實係下降左. 2010-2011年派息總額近6千4百萬, 4月份又用5千6百幾萬響荃灣買左另一個倉庫, 現金所剩無幾, 下年派息率分分鐘會再降.

之前其實睇得BAUHAUS幾淡, 但最後交出來既業績又唔算太差, 算係超出個人預期. 現價$3.32往績市盈率10倍; 息率5.33%, 雖然唔算貴但我依然對BAUHAUS既增長力有多少保留. 或許佔收入來源比重最高既本地市場來年可以再有些微突破, 但始終未來發展大方向一定係要打入內地市場. 就目前所見, 大陸BAUHAUS盈利能力比想像中弱得多, 靠不斷開店或者可能繼續保持收入增加, 但最終回報卻未必成正比.

重複我當日所講過既觀點, BAUHAUS市場定位唔同GIORDANO果類, 可以三九唔識七都入去買PACK底橫, BAUHAUS係真係純粹賣牌子. 而所謂既品牌其實只係一種看他樓起快, 看他樓塌更快既東西, 藍籌股思捷正正係一個好例子. 要押注BAUHAUS變成下一隻I.T, 目前表面證供似乎仍然未算太足夠.


0483.HK 包浩斯國際2011業績 PARTIPRAL 派得好

http://partipral-hk.blogspot.com/2011/08/0483hk-2010-2011.html































曾經寫過BAUHAUS, 詳見舊文0483.HK 包浩斯國際. 寫果時係未出全年業績的, 今次趁有時間借最新一份業績黎更新一下自己對BAUHAUS既睇法.

全 年營業額剛好突破10億, 同比增長27.5%, 平均店舖銷售(綠字)增長5%, 表現不俗. 港澳分部仍然係公司重點所在, 營業額6.5億同比增長22%, 分部收入佔總收入近65%; 大陸營業額1.7億同比增長39%, 增長頗強勁, 分部收入佔總收入提升至17%; 台灣營業額2.45億同比增長55%, 增長力度更強, 分部收入佔總收入亦提升至16%.

單睇營業額增長就算頗理想了, 毛利率繼續保持70%, 說明公司仍然非常著重品牌建立, 無意打任何減價戰. 租金開支佔營業額比例稍見回落, 乃6年來首次, 似乎一直最困擾BAUHAUS既成本問題終於開始稍見舒緩, 實屬好現象因為其他開支對BAUHAUS黎講問題不算太大.

純利增加近4成, 數字算漂亮. 不過較值得留意既係雖然公司講明致力開拓大陸市場, 但今期業績卻顯示大陸分部響營業額大增既同時溢利反而倒退18%, 主席報告書亦無交代為何倒退, 報喜不報憂乎? 成份業績我覺得關鍵會係響呢度.

現金流減弱, 原因係存貨大增. 分店同營業額都在增長中, 存貨週轉率5倍屬合理水平; 另外響九龍灣買左個倉庫, 導致固定資產大增而現金減少. 每股全年派17.7仙股息, 數字上比去年微增但派息率其實係下降左. 2010-2011年派息總額近6千4百萬, 4月份又用5千6百幾萬響荃灣買左另一個倉庫, 現金所剩無幾, 下年派息率分分鐘會再降.

之前其實睇得BAUHAUS幾淡, 但最後交出來既業績又唔算太差, 算係超出個人預期. 現價$3.32往績市盈率10倍; 息率5.33%, 雖然唔算貴但我依然對BAUHAUS既增長力有多少保留. 或許佔收入來源比重最高既本地市場來年可以再有些微突破, 但始終未來發展大方向一定係要打入內地市場. 就目前所見, 大陸BAUHAUS盈利能力比想像中弱得多, 靠不斷開店或者可能繼續保持收入增加, 但最終回報卻未必成正比.

重複我當日所講過既觀點, BAUHAUS市場定位唔同GIORDANO果類, 可以三九唔識七都入去買PACK底橫, BAUHAUS係真係純粹賣牌子. 而所謂既品牌其實只係一種看他樓起快, 看他樓塌更快既東西, 藍籌股思捷正正係一個好例子. 要押注BAUHAUS變成下一隻I.T, 目前表面證供似乎仍然未算太足夠.


包浩斯(483) 文仔

http://hk.myblog.yahoo.com/siuman1986/article?mid=17

早排諗住寫個橫評,評下一眾買衫股,但原來要做好多功夫,以我而家的懶散同分析能力,似乎未係時候,所以決定逐隻黎,先了解多點~

第一隻開火的是包浩斯(483)

點解揀佢呢?因為最近睇到Webb 哥哥 3.104增持24萬股,持股超過5%,所以就揀佢~

事實上,公司數字都唔錯架~

文仔買股先睇股息,有安全保證嘛。最近派左特別息,有成5厘,都算幾好。五年的情況分別是0.155、0.105、0.135、0.11、0.1075,平均派息0.1225,現價計都有4.25厘,雖然未到好吸引,不過都唔錯。

公司係淨現金公司,0債項,派息應該可以維持,不過由於上期係特別息,特別有唔安全感。

業務方面,公司主要經營地點在中港台澳四地,尤以香港為主。幾鐘意佢年報入面的各部細項(p.05),清楚列明各地情況。呢四個地方,經濟都頗為理想,所以公司處於好的馬場上,可以放任馳騁。

零售店入面,2010年比2009年多左11間,部份係特許經營(都係在內地),而從公司店鋪增長情況,好明顯係想擴大內地巿場。而個人由細到大都唔係幾鐘意的TOUGH增加得反而最多,除左證明公司最出名的係呢個牌子,重證明左我品味係好有問題。

有一個地方引起左我注意,就係公司固定資產跌左。似乎公司新店係租鋪機會率比較大。不過呢個都唔係重點,最緊要係搵到錢,當然加租會係影響盈利的要素,呢個要注意一下。

營業額方面,年年上升,流動資產同流動負債都一樣上升,係生意越做越大的情況,值得加分。存貨周轉率亦年年擴大,除左09年跌左丁多,而家升到1年清6.37次貨,越賣越快,好理想。

盈利方面,2010年創左新高,之前四年都差唔多,五年平均盈利係6,380萬,每股平均盈利0.18,情況都幾穩定。公司年年都有交稅,現金流報表同損益表數字差唔多,應該可信。

公司經營現金流年年上升(不過唔知點解中期有兩年係見紅架喎),值得加分。

總括黎講,包浩斯各項數字都好好,無咩特別地方批評(可能有我未夠能力指出,所以好想各高手寫幾隻字教下我)。

跟住到估價,資產淨值1.185,由於公司租鋪,所以資產較少,比高少少PB,乘個1.5比佢,1.185 x 1.5=1.7775

盈利能力,比12倍啦,0.18x 12=2.16

平均(1.7775+2.16)/2= 1.968

咦....點解而家賣緊2.88咁貴的?係咪我估值太孤寒呢?放大少少先

用2倍PB同15倍PE

1.185 x 2=2.37

0.18 x 15=2.7

(2.7+2.37)/2=2.535

嘩,2.88 仍然係好貴喎.......似乎巿場先生好肯比錢買公司前景。

咁都難怪,公司數字又咁靚,前景又咁好,加上熱炒左一段時間,都好正常。而且我用的盈利數字又係五年平均,計開又真係差咁截。

結論係,我覺得唔係平,不過公司係好,所以密切留意,股災時可以考慮考慮。



包浩斯盈警 PARTIPRAL 派得好

http://partipral-hk.blogspot.com/2011/11/blog-post.html

包 浩 斯 國 際(控 股)有 限 公 司(「本 公 司」連 同 其 附 屬 公 司,「本 集 團」)根 據 香 港 聯 合 交 易 所 有 限 公 司 證 券 上 市 規 則(「上 市 規 則」)第13.09條 作 出 本 公 佈。


本 公 司 董 事 會(「董 事 會」)謹 此 通 知 本 公 司 股 東 及 潛 在 投 資 者,預 期 本 集 團 截 至 二 零 一 一 年 九 月 三 十 日 止 六 個 月 所 錄 得 盈 利,較 截 至 二 零 一 零 年 九 月 三 十 日 止 六 個 月 所 錄 得 者 大 幅 下 降,主 要 由 於 經 營 成 本 增 加,以 及 本 集 團 自 中 國 內 地 的 溢 利 貢 獻 大 幅 下 跌。

本 盈 利 預 警 公 佈 僅 基 於 本 公 司 就 本 集 團 綜 合 管 理 賬 目 之 初 步 審 閱 得 出,仍 有
待 落 實,且 未 獲 本 公 司 核 數 師 審 閱 及 審 核。



頗出乎意料之外既盈警竟然唔係出現響小型工業股而係出現響本地零售股包浩斯(483)身上. 自己一直都有留意開呢間公司, 雖然一直無持有, 但都曾經講過下自己睇法, 詳見舊文

0483.HK 包浩斯國際2011業績.

細閱呢則簡短通告, 管理層將盈利下跌歸咎於經營成本增加及大陸溢利貢獻大跌. 根據過去幾年表現, 包浩斯香港部份既盈利算係可以保持, 就算無增長, 都無乜理由會突然大跌. 所謂既"經營成本增加" 我估計係指租金, 但根據上幾份業績報告, 反而睇到租金上升對包浩斯影響非想像中大, 尤其係大部份租約都應該係一簽就幾年, 若然呢部份出事, 應該上一份業績可以睇到端倪, 所以實際上令今年份半年業績走樣既主因應該係"大陸溢利貢獻下跌".

包浩斯2010年上半年稅前賺3千2百幾萬, 當中大陸分部佔近3成約1千萬左右, 但下半年大陸盈利已跌至得番6百幾萬. 若然今個半年錄得大幅倒退, 即係有機會比上年下半年做得更差, 盈利可能跌到5百萬都無. 上一份業績所見, 包浩斯已開始慢慢減少大陸特許經營店而轉為自營, 開店速度無減慢, 但盈利能力不足既情況反而愈浮愈上面. 當然, 實際情況都要等業績公佈後先知, 唯一希望既係營業額唔會出現倒退. 始終零售業大部份成本都係固定, 只要營業額起碼保持, 他日能夠翻身既機會就大得多.

正如我8月份時所講 "不過較值得留意既係雖然公司講明致力開拓大陸市場, 但今期業績卻顯示大陸分部響營業額大增既同時溢利反而倒退18%, 主席報告書亦無交代為何倒退, 報喜不報憂乎? 成份業績我覺得關鍵會係響呢度.", 其實上一份業績已經可以睇到包浩斯大陸盈利出現問題, 只係佔既比重唔算太高, 估唔到要出盈警咁嚴重. 包浩斯香港一般下半年先係旺季, 只要今次香港分部盈利能夠力保不失, 實際情況應該未算太壞, 等業績公佈後再分析.


業績簡評 - 包浩斯國際 (0483.HK) PARTIPRAL 派得好

http://partipral-hk.blogspot.com/2011/11/0483hk.html

包浩斯今日收午市後公佈已有盈警打底既中期業績, 先睇損益表.

半年收入同比增長2成至4.7億; 毛利率竟然可以再擴闊多兩個百份點至71.7%, 證明BAUHAUS有能力專注走中高檔路線; 純利不協調地大跌35%至1千5百萬, 乃自上市以來最差之半年表現; 純利率減近半至3.2%, 派息維持2仙.

大陸收入升26%但利潤跌到反肚, 管理層對此解釋為: "除 中 國 內 地 之 經 營 成 本 日 益 增 加 外,本 集 團 面 對 之 問 題 亦 包 括 欠 缺 足 夠 應 付 其 迅 速 發 展 之 有 效 銷 售 管 理 人 員 及 技 術 卓 越 之 工 作 團 隊。". 第一個原因都可以理解, 但第二個原因就有D令人摸不著頭腦, 如果銷售管理人員效率不足, 何解營業額可以追到店舖增長? 睇到員工成本大增3成至9千4百幾萬, 奇怪既係店舖多左18間, 但僱員就只係多左13人, 上年度下半年員工支出講緊都只係7千8百幾萬! 可以出現咁搞笑既情況即係話一係就全體員工半年以來加薪2成, 一係就新請果13個人係超人, 每人年薪2百幾萬, 一係就董事肚滿腸肥. 對股東黎講, 以上幾個原因都唔易接受. 唔計報告入面無提既不明部份, 其實最影響今期純利大跌既就係員工支出, 而且大部份都係來自大陸, 所以大陸分部純利大大走樣.

再講BALANCE SHEET, 最礙眼係存貨不尋常地大增, 擺明滯銷; 現金大跌到得番5千幾萬, 短債又突然多左8千幾萬, 就算計埋買倉, 現金都係少左好多, 損益表數字水份味濃. 唔係話借錢就十惡不赦, 只係相信物必先腐而後蟲生, BAUHAUS一向唔需要借錢經營, 何解依家又要呢? 咁既情況下去勉強維持派息, 又係唔係好事呢? 分分鐘下半年即減番.

早早於上一份業績已顯示大陸分部營運有問題, 但當時管理層完全無交代過, 所以先搞到今次反差咁大. 開頭仲估佢都賺到幾百萬, 點知原來差D要倒蝕. 明明擴張速度無特別加快, 好難明白點解近兩期大陸業績可以FREE FALL. 加上財政有轉弱跡象, 現價$2.02 P/E 15倍以上, 息率不詳. 不明朗因素太多, 就算再跌, 都無乜投資價值.


Next Page
ZKIZ Archives @ 2019