2009-09-09 AD
| ||||||
| 騰 訊（700）同阿里巴巴（1688）呢兩隻來自祖國嘅重量級互聯網股份，噚日雙雙成為市場焦點，前者股價最高見過130蚊歷史新高；後者喺倒數慶祝創辦 10周年之際，主席馬雲以每股平均價20.78元，配售1300萬股，佔大約5%股權，大概套現2.7億元，配售價較噚日收市價21.65元折讓4%。無 啦啦減持搞乜呢？據馬雲解釋，唔係話睇淡公司或者走人，只係想向老婆同自己有個交代喎！ 馬雲噚日特登喺阿里巴巴員工嘅blog度擺咗封信，解釋賣股，內地網站有人轉載，內容大致話阿里巴巴即將進入另一個10年，喺第一個創業階段即將結束，另一個激動人心嘅新時代快將啟動之際，佢決定賣一啲股份，畀自己同家人小小階段性嘅成就感。 有階段性嘅成就感 因 為10年之前，當佢決定賣樓仲同人借錢創業嗰陣，佢同老婆描繪未來10年嘅藍圖：「我們會有錢，會有好房子有車，會有更多的能力和實力幫助別人，會有屬於 自己可以支配的財富同自由……」佢話想趁o依家呢個年紀，好多嘢唔應該等到老咗先做。「減持」兩個字，馬總可以演繹成千字，厲害！李華華 [email protected] | ||||||
| |
||||||
2010-11-22 AD
|
||||||
|
點解財經版搵楊天命師傅做訪問？無他，皆因佢已晉身為上市公司高層─進軍墓園業嘅仁智國際（8082，前稱訊通控股）嘅顧問，大家都想知佢扮演咩角色。 幫仁智老闆擺風水而起 「我係顧問咋，唔係咩高層！呢個Business Model好新，o依家我想做好規劃先，就好似個總規劃咁囉！」 楊 師傅話係第一次規劃墓園，「做每件事都係講緣份，我同Andy（仁智主席徐秉辰）識咗好多年，佢初初都唔係好信玄學，後尾幫佢擺風水，佢見啲嘢好咗，有進 步，傾傾吓佢問我有無興趣合作，咁我咪合作囉。」不過，仁智個名唔係楊師傅改嘅，合作之前，佢亦無算下同Andy夾唔夾，「個人心地好我就會合作啦！」 剛有份帶完隊去上海考察仁智個墓園嘅楊師傅話：「即將規劃嘅Project賣點係山明水秀，啲水係有收嘅，即係有山擋住唔會一望無際，西南有水，旺八運，早葬早發，2023年之前葬入去仲當八運葬，運氣會快發啲，會旺財但唔係旺官……」 聽落唔錯，不過，華華就仍然唔希望咁快幫襯嘞！ |
||||||
2011-3-9 AD
|
||||||
|
台灣米餅大王蔡 衍明（圖），上年為亞視單嘢同查懋聲撐到「行」，一句冇乜香港人聽得明嘅「炸能狗狗」（閩南話「吃人夠夠」，即係欺人太甚），令佢紅遍全港。不過呢排佢又 變番低調，始終亞視股權糾紛已經擺咗上法庭解決，蔡老闆似乎叠埋心水，唔再俾香港人呃，返台灣搞吓佢盤生意好過。 噚日蔡老闆隻中國旺旺 （151）公佈業績，表現唔算理想，始終o依家全世界都講緊通脹，原材料價係咁升，今年生意都係難做。不過，蔡老闆似乎非常睇好今年嘅表現，點解？蔡老闆 喺通告嘅「2011年展望」中就咁解釋，佢話由於「2011」嘅英文讀音（two-O-one-one），好似「20旺旺」，所以公司內部都決定將 「2011」年叫做「20旺旺」年！ 就係因為咁，所以對「20旺旺」年特別充滿希望同信心。華華覺得，若蔡老闆退休唔做生意，可改行去測字睇風水，相信佢好有呢方面天份。 |
||||||