2009-09-09 AD
| ||||||
| 騰 訊（700）同阿里巴巴（1688）呢兩隻來自祖國嘅重量級互聯網股份，噚日雙雙成為市場焦點，前者股價最高見過130蚊歷史新高；後者喺倒數慶祝創辦 10周年之際，主席馬雲以每股平均價20.78元，配售1300萬股，佔大約5%股權，大概套現2.7億元，配售價較噚日收市價21.65元折讓4%。無 啦啦減持搞乜呢？據馬雲解釋，唔係話睇淡公司或者走人，只係想向老婆同自己有個交代喎！ 馬雲噚日特登喺阿里巴巴員工嘅blog度擺咗封信，解釋賣股，內地網站有人轉載，內容大致話阿里巴巴即將進入另一個10年，喺第一個創業階段即將結束，另一個激動人心嘅新時代快將啟動之際，佢決定賣一啲股份，畀自己同家人小小階段性嘅成就感。 有階段性嘅成就感 因 為10年之前，當佢決定賣樓仲同人借錢創業嗰陣，佢同老婆描繪未來10年嘅藍圖：「我們會有錢，會有好房子有車，會有更多的能力和實力幫助別人，會有屬於 自己可以支配的財富同自由……」佢話想趁o依家呢個年紀，好多嘢唔應該等到老咗先做。「減持」兩個字，馬總可以演繹成千字，厲害！李華華 [email protected] | ||||||