8電影人攻選委 稱或有更佳特首人選 爾冬陞名單：沉默帶來傷害
1 :
GS(14)@2016-11-12 05:30:06■8名重量級電影人昨日報名參選演藝界選委；曾因支持梁振英而感後悔的張堅庭則表示未有心水。何柏佳攝
【演藝界】【本報訊】過去兩屆特首選委會選舉均等額當選的演藝小組，今屆很大機會有競爭。8名重量級的資深電影工作者，包括施南生、爾冬陞、張堅庭等昨日報名參選演藝小組選委，雖然他們對是否支持特首梁振英避而不談，但表明再沉默只會帶來傷害，今次決定參選全因不能再逃避責任，電影導演莊文強更暗示想有較梁振英更好的特首候選人，「可能我哋有更好嘅（特首候選人）人選」。記者：呂浩然
在2006年及2011年的選委會選舉中，演藝小組均在無競爭下由所有報名人士自動當選，施南生昨連同陳欣健、張婉婷、金培達及唯一是上屆選委會委員的莊冠男（莊澄），到沙田康文署總部，報名參選選委會演藝小組，他們將要與日前報名的無綫行政總裁李寶安、曾炮轟電影《十年》的香港影業協會理事長洪祖星等11人名單，競爭演藝小組15個選委名額。
張堅庭拒談是否撐梁
8人的聯合政綱雖未提到對下任特首人選的意見，但就強調要「促溝通，倡共融，彌補撕裂；聽其言，觀其行嚴選賢能」。同時亦指出，過去港人面對危機時總能求同存異找到出路，惟現時社會的撕裂令人與人之間失去互信，不同意見只懂各走極端。而且他們「明白沉默缺席帶來的傷害，是不肯負上責任的惡果」，所以今次「不能再逃避責任」，因此決定參選選委。上次特首選舉中曾為梁振英站台，但早前表明對此後悔及致歉的張堅庭，昨亦未有透露會支持誰人做下任特首，只稱「出晒（特首）候選人先決定」。不過，他解釋今次參選選委，是有感公民社會中每個人都應有選舉意識和投票的權利，同時不希望演藝小組再次以自動當選形式選出代表，認為選民應有機會選擇，並且希望為業界爭取到一人一票，而不是目前公司票為主。
莊文強：不做罪魁禍首
編、導電影《竊聽風雲》系列的莊文強稱，由於目前有的只有疑似特首候選人，所以要留待確實情況後才決定，不過被追問會否支持梁振英連任時，莊說「如果佢有機會出選嘅話，我哋咪再睇吓有乜對手，可能我哋有更好嘅人選呢」。莊文強亦解釋，今次角逐選委是因為要盡好市民的責任，他又直言，若果演藝業界給予他機會選出特首，不過「如果我哋連呢樣嘢都唔做，我哋先係罪魁禍首」。今年以金像獎主席身份頒發最佳電影予《十年》的爾冬陞亦角逐選委，他亦不就特首人選問題及釋法問題表態，僅指出過去兩屆選委會選舉中，演藝小組並無競爭，今次參選正是「要出嚟做啲嘢」。
來源:
http://hk.apple.nextmedia.com/news/art/20161112/19831185
80後工程師首攻選委抗赤化
1 :
GS(14)@2016-11-29 00:03:44【本報訊】就像普遍市民，2012年特首唐梁決，現為港鐵二級建造工程師（土木）的張振傑只在場外「食花生」，「當時唔覺對切身影響好大，佢哋有乜政綱都冇睇過」。香港在梁振英當選特首後急速赤化，令原本政治冷感的年輕工程師，一鼓作氣闖進工程界選委會，冀以選票擋住兩制下的「紅」線別過界。「我哋有嘅係自由意志！」團隊另一成員是現為高級工程師麥雪晶表明若手持特首票，勢必代表港人意願。
「特首唔係一味聽從中央」
「我對呢屆特首或者係成個政府，都頗有意見」。28歲的張振傑，4年前對政治興趣近乎零，如上屆特首選舉，「冇參與嘅權利，年輕人都冇份玩……都係剝吓花生」。梁振英當選後，反國教與爭取港視發牌運動，他都參與其中，令他警覺的是「（梁治下）赤化問題好嚴重」。之後傘運，縱使成效不彰，卻給他啟示，「其實肯犧牲、肯出嚟表達對政府嘅不滿，係要好大勇氣……如果唔正視呢班人嘅意見，後果係好嚴重」。去年區議會選舉，他蠢蠢欲動，選區最終有民主派出戰，才打消披甲念頭，將選戰第一次獻給負責選特首的選委會，「工程界比較難有機會畀年輕工程師表達意見，希望我有機會將佢哋嘅聲音帶出嚟」。相較之下，33歲的麥雪晶，政治醒覺更早，「03、04年（23條立法前後）啱啱入大學，嗰時好大衝擊，覺得香港原本嘅制度被侵蝕，自由又受影響」。六四與七一外，傘運亦支持，雖然表達的意見未必獲政府接納，「但令人覺得有必要發聲，唔可以逆來順受」。2012年特首選舉更令麥雪晶記憶猶新，「上屆見到好多人（選委），係冇自由意志，主要支持唐唐（唐英年）嘅，後來唔知受咗乜嘢啟示轉咗去梁營嗰邊」。像她這樣一代的工程師，不少冀盼香港有普選，隨着人大8.31決定粉碎素願，能冀望的只剩有份選特首的選委。與其交託別人，不如挺身而出，若然當選，表明按自由意志投票，「我係代表香港某啲人意願，唔係代表某啲人嘅心意、亦唔係聽邊一個人嘅指示」。民主派今屆組成「進步工程」團隊參選工程界選委會，20人中包括麥雪晶、張振傑兩名首戰族；不支持梁連任，要求人人平等。麥雪晶期望新特首以香港發展為先，「唔係一味聽中央意見或主動迎合」，並保存香港的優良制度，多聽市民意見，「而家嘅特首似乎做唔到海納百川，反而令到社會好分化」。張振傑冀未來特首施政時優先考慮香港而非中國，「香港係高度自治，冇理由為配合中央某啲政策夾硬去推一啲嘢出嚟」，嘆幾年來中港融合太快，「4年前冇人知本土派係乜……其實係大家覺得被侵蝕；雖然係中國一部份，但唔應該被視為同中國完全一樣，最重要保存香港獨特性」。■記者許偉賢
來源:
http://hk.apple.nextmedia.com/news/art/20161128/19848149