樂香園 ：人幣「捉放曹」
1 :
GS(14)@2016-11-18 17:21:11於中央官員以至內地官媒持續以「人民幣並無出現貶值趨勢的基礎」口號護航下，人幣兌美元一直持續貶值，驚見約八年來新低，每百港元已可換到90元人幣，有人更作出大膽預測，稱港元兌人幣「一換一」年代將會重臨，對仍持有大量人幣市民，人幣滙價走勢猶如「鬼故」一樣。會否繼續貶？有投行友人估計人幣最少要貶到出年。他說：「邏輯好簡單，就係美金繼續強，而點解美金會繼續強？道理亦好簡單，因為大家對美元都有加息預期，雖則其實美國自己應該就唔係太想滙價升得咁急……我估計，人幣喺12月美國議息前貶一輪先，下個關口就係明年1月特朗普宣誓就任總統，再貶多輪。」貶完兩輪後，人幣就可「重回升軌」？友人笑指「發夢冇咁早」。他說：「之前（中央）一直想貶但又驚俾人話人幣貶值即係經濟唔掂啦，現時美金咁強，兌所有貨幣都有得升，中央當然唔會放過呢個可以一貶再貶嘅好機會啦，有幾何明明係自己想貶值，但又可以賴其他人？唔貶到夠就係儍仔啦！」想不到特朗普尚未上場，便與中國合演一場「人幣捉放曹」。密西比
來源:
http://hk.apple.nextmedia.com/financeestate/art/20161118/19837668