中環在線：潘石屹送書應景 李華華
2008-09-19 AppleDaily
SOHO 中國（410）噚日公佈中期業績，一向出雙入對嘅潘石屹同太太張欣，噚日冇一齊出現，得番潘太拍住兩個高層支撐大局。潘石屹雖然唔出現，但就送咗本今年5 月出嘅新書《我用一生去尋找》畀記者。本書除咗講工作及第一桶金，亦講咗好多個人感想。集團公佈見紅嘅中期業績居然派書畀記者，係百無禁忌，抑或用嚟應 景?
由地產鬥到出版
潘石屹一向鍾意寫嘢，佢網誌經常update，集團又出月刊，十足文化雜誌。講番本書，其實唔係潘石屹第 一本，佢之前出過《童年的糖是最甜的》，趣怪嘅係，潘石屹喺大陸做地產，但就喺台灣出呢兩本書。不過鍾意寫嘢唔止佢一個，對手──萬科王石亦有同好。王石 年初出過本新書《讓靈魂跟上腳步》，講佢考察「玄奘之路」嘅經歷，兩人可以話由地產爭到去出版。
中環在線：法巴搞歷險遊戲應景 李華華
2008-10-09 AppleDaily金 融海嘯浪接浪，咪話散戶，就連唔炒開股嘅市民，睇見全球銀行輪住嗌救命，都感受到市況好似玩過山車嗰種驚險法。偏偏法巴銀行竟然仲搞個銀行業歷險遊戲，唔 知係想應景，定係覺得唔夠刺激！法巴個銀行業歷險遊戲叫「Ace Manager」，其實係畀大學生玩嘅，內容環繞銀行業及網球世界，設計咗三個任務，包括為企業家創業、籌辦網球錦標賽同為網球明星理財，好似玩角色扮演 遊戲，有埋現實生活場景，參加者完成任務期間，會接觸到零售銀行、企業及投資銀行，同埋資產管理及服務呢三個法巴核心業務。
據法巴講，個遊戲旨在測試參加 者喺銀行業嘅天資喎，相信係為佢哋嘅請人大計鋪路。法巴計劃今年內請2.4萬人，6月為止已請咗超過1.3萬人。咁嘅時勢，估唔到佢哋既唔裁員反而繼續請 人！
浮生六劫講股票好應景
1 :
GS(14)@2013-06-13 22:46:34我真是唔明d股票，又忽然起，又忽然跌的呢?是乜野原因呢? 搞到我頭都大埋。放又唔是，唔放又唔是....
2 :
GS(14)@2013-06-13 22:48:59唔好亂借錢炒股呀
3 :
GS(14)@2013-06-13 22:50:31姓霍又塑膠廠是咪好熟呢
4 :
skfv(15984)@2013-06-14 00:28:04唔知點解呢，我諗野比較抽象，我成日覺得股價就好似咖啡上面個d泡, 睇個咖啡師打奶泡既功力,
有時你睇落好實在, 好靚, 好似剃鬚膏咁, 好綿密, 好踏實;
有時就好似肥皂泡咁,好虛,好浮,一吹就散晒........
5 :
GS(14)@2013-06-14 00:32:414樓提及
唔知點解呢，我諗野比較抽象，我成日覺得股價就好似咖啡上面個d泡, 睇個咖啡師打奶泡既功力,
有時你睇落好實在, 好靚, 好似剃鬚膏咁, 好綿密, 好踏實;
有時就好似肥皂泡咁,好虛,好浮,一吹就散晒........
你又有道理，不過你買到個base..
6 :
skfv(15984)@2013-06-14 00:33:555樓提及
4樓提及
唔知點解呢，我諗野比較抽象，我成日覺得股價就好似咖啡上面個d泡, 睇個咖啡師打奶泡既功力,
有時你睇落好實在, 好靚, 好似剃鬚膏咁, 好綿密, 好踏實;
有時就好似肥皂泡咁,好虛,好浮,一吹就散晒........
你又有道理，不過你買到個base..
對對對~
7 :
CHAUCHAU(1254)@2013-06-14 00:56:05當年追住睇,麗的高收視之一
8 :
greatsoup38(830)@2013-06-14 01:04:127樓提及
當年追住睇,麗的高收視之一
我睇左幾集都覺得劇情都幾正，把些真野放左入去
港股高開急插 好淡通殺聽到《大時代》主題曲 股民：好應景
1 :
GS(14)@2015-04-22 01:21:06■恒生指數午後大跌，殺股民一個措手不及。羅君豪攝
【港股大時代】【本報訊】《大時代》重播日，香港股市反高潮先升後挫，好淡通殺！人民銀行周日突然出手下調存款準備金率（RRR）1個百分點，變相放水萬億元人民幣，帶動恒生指數昨高開117點，上周五狂沽夜期的淡友被迫止蝕，但港股未幾即由升轉跌，午後更一度急瀉超過600點，跌穿27000點水平，早市高追的散戶成手蟹貨，好友淡友齊齊做輸家。記者：林靜 黃珮琳 鄧婉婷
本報記者昨午走訪九龍灣一間證券行，有人在午後大市跌400至500點時，「俾佢（大市）嚇一嚇放咗貨」，即日輸錢；有人大呻市況「忽冷忽熱，朝早氹你買，下晝一盆冷水淋落嚟」；有散戶索性未收市便離開，寧願明日再戰，氣氛之差可想而知。適逢經典股災劇《大時代》昨晚重播，有股民將跌市歸咎丁蟹效應，當電視財經節目播放《大時代》主題曲時，無不慨嘆「好應景」。
未能擺脫丁蟹魔咒
事實上，中港股市似乎未能擺脫丁蟹魔咒，內地股市在放水效應下照跌1.6%，拖累恒指昨埋單大跌558點或2%，報27094點，為逾4個月以來最大單日跌幅；H指報14111點，跌425點或2.9%。由於上周五外圍市況受累中證監要規範融資（孖展）融券（沽空）的衝擊，夜期在巨額成交之下，最多大瀉745點，而昨日即月期指曾經升251點，淡倉隨時要輸接近一千點，故不排除早段已被迫投降止蝕。昨日主板成交達2,110億元，但當中沽空金額只佔7.2%，為連續兩個交易日處7%的低水平，意味淡友未有在弱市下加注，而證輪發行商亦指炒家以買牛證或call（認購證）為主，反映跌市下贏錢者應該不多。
港滙歐市時段轉強
招銀國際策略師蘇沛豐表示，放水效應欠佳因市場早預期RRR降0.5個百分點，即一半放水憧憬已在上周升市體現，最終急瀉因為「額外一半要抵銷中證監出招嘅影響力，但又抵銷唔晒」。不過，港滙在歐洲開市時段卻再見強勢，或利好港股後市，兌美元多次觸及7.75的強方兌換保證，金管局於下午5時30分終再度出手，向市場注資23.25億港元，銀行體系結餘將於4月22日升至2,753億港元。恒生銀行執行董事馮孝忠指，昨日主要以非股票的商業盤為主，可能涉公司準備派息或將海外盈利調回本港。交銀香港環球金融市場部經濟及策略師何文俊亦傾向認為海外投資者對股市作中期佈局，港滙將續強勢。
來源:
http://hk.apple.nextmedia.com/news/art/20150421/19120053
Next Page