ZKIZ Archives


2010年心水冧把 蔡東豪

2010-01-07  NM





新的一年,送份禮物給讀者;講多無謂,「冧把」最實際,「冧把」是173——嘉華國際。嘉華屬中小型地產股,對投資者來說這類股份一向吸引力不大。投資者忽略中小型地產股不無道理,我認為最少有三個原因︰

一、香港地產市場被大型地產商壟斷,中小型地產商只能在夾縫中尋找商機。發展一個有規模的樓盤,投資金額動輒數十億元,投資周期可長達三數年。萬一遇上市場環境逆轉,大型地產商有足夠實力去守,中小型地產商則隨時沒頂。

二、 中小型地產商可發展的項目不多,收入和盈利大上大落。大型地產商有大量土地儲備,可仔細計劃樓盤的推出時間,確保每年有穩定收入。中小型地產商的土地儲備 不多,樓盤的推出時間未必能充分掌握得到,在營運上欠缺大型地產商的「管理盈利」能力。投資者對盈利大上大落的股份敬而遠之。

三、投資銀行 和證券行不大理會中小型地產商。拿着十年、二十年、三十年前的大型地產商名單和今日的相比,差不多是一模一樣。即是說,三十年來沒有中小型地產商可進升至 大型地產商行列。對投行和證券行來說,大型地產商替它們帶來既穩定又可觀收入,毋須費神去照顧中小型地產商。

 

根據過住股價表現,投資者假如看好地產股,直接了當投資新地和長實股票,比在中小型地產商中尋寶實際得多。在這前提下,我仍然推介嘉華是因為它是不一樣的中小型地產股。

首 先,嚴格上嘉華是內房股,因為它三分二資產值位於內地。最近幾年我留意到這現象,雖然內地政府官員不時公開表示內地樓價上升過急,政府有必要實施政策加以 控制,防止泡沫形成,但樓價卻繼續上升。以我對國情的粗疏了解,內地地產市場其實分開兩個︰一個是位於北京和上海等大城市優質地段的豪宅,這些樓盤的目標 顧客不是老百姓,而是內地富戶和外資;另一個市場的銷售對象是內地普羅市民,這個是政府最關注的市場。

 

內地樓市是一個富爭 議的課題,對於內地樓市是否泡沫化、泡沫會否爆破等問題,不少學者和分析員提出完全對立的論據。在眾多分析之中,我最認同瑞銀張化橋的看法。張化橋預計未 來五至十年內,內地一線城市的豪宅價格會超越香港。張化橋最精警的分析,是他認為討論內地樓市泡沫化與否不應執着於「該不該」,應着眼於「會不會」。從人 均收入、樓價歷史走勢等數據分析,內地樓價早已遠超老百姓的負擔能力,肯定是一個泡沫,樓價「應該」跌,但實際上「會不會」跌,張化橋認為不會,原因是他 認為短期內政府會維持寬鬆借貸政策,因此資產價格會繼續高企。

我這三流內地分析員看好內地樓市,對內房股的感覺卻是「又痕又怕痛」——又想買又不敢買。內房股大都是民企,這些企業領導人作風進取,懂得把握時機,賭性甚強,做出好成績的內房民企大都是敢賭而又賭贏的一小撮。我對分析內地民企的管理質素無從入手,只敢遠觀。

 

嘉 華正好解決我對內房股的矛盾,它活躍於內地一線城市(上海和廣州)的豪宅市場,將受惠於內地豪宅樓價的升幅,而它的管理層是擁有上市往績及對企業管治有一 定尊重的香港企管人。嘉華的定位是Niche發展商,專注發展優質地段、用料、形象包裝的豪宅。過去幾年,不論在內地或是香港,嘉華累積了不少經驗,在顧 客心目中建立不俗口碑。我認為Niche豪宅的定位適合嘉華這類中小型地產商的身分,在個別內地城市和香港都是一條可取勝的方程式。

未來兩 年是嘉華的收成期,幾個在上海和香港的大型樓盤將會發售,銷售收入非常可觀。嘉華是呂志和家族的旗艦上市公司,呂氏家族持股接近六成,近日大股東在接近現 股價價位多次增持。對於這類垂直控股的上市集團,我認為投資者應儘量跟大股東的個人利益看齊,即是買大股東直接持股最高的一間上市公司。2010年我的心 水「冧把」是173。

蔡東豪Tony Tsoi

現任上市公司精電國際行政總裁,他曾任職投資銀行,在《信報》以筆名原復生撰寫財經專欄,對投資及求知有無限渴求,習慣早上四時起床寫作找樂趣。
 



PermaLink: https://articles.zkiz.com/?id=13757

財演擂台:我的心水股!

2015-05-07  NM
 
 

 

港股大時代,迎接牛市,全民皆股。單是四月,恒指已累升超過三千六百點!踏入五月,「五窮六絕」已被拋諸腦後。恒指高位徘徊,但人人都話升勢未完,一眾心思思的散戶想入市,無非都是想要一個「冧巴」。今期,本刊開設一個擂台陣,找來城中十位人氣最高的股評人「互揪」,點評大市,再加一人推介一隻心水股。三個月後,再來一個結算,贏家輸家,毋須牙擦擦,到時自有分曉。擂台規則

所有推介股票,以本週四開市價計算,三個月後即八月六日(星期四)埋單計數。預測恒指升幅最準確、推介股票升幅最多者勝出。

陸叔(陳永陸)裕陸控股創辦人

正所謂「五窮六絕七翻身」,估呢幾個月走勢有啲難度喎。而家個市係資金主導,但啲錢到唔到位、點樣到都未知,又難評估。公募基金未落嚟已經炒起晒個市,我睇五月應該有個調整,五月中後期資金會到,六、七月應該會升上去。我睇恒指高位會升到30,000點啦,調整期間跌到26,000點就好入市。而家好多股票都升晒,要搵隻追落後都難,唯有揀啲調整緊嘅股票。我嘅策略係最早升嘅股票,會最早調整,所以睇好中交建(1800)。「一帶一路」概念一出,所有鐵路股炒起一輪,中交建$10起步,最高上過$17,而家跌番一半,加上佢會分拆旗下的中交疏浚上市,應該七月成事,所以當佢調整到$13.5就要吸納,三個月有機會重上$17。

青姐(胡孟青)獨立股評人

嚟緊呢季,32,000點實破o架啦,頂係要嚟破嘅!當年科網股泡沫爆破,納斯達克由高位跌落嚟,好多人都話有生之年都見唔番個高位,咁近排都過咗5,000點啦。而家周圍都QE,就係因為錢太多,銀行利息太低,所以啲資金要泊晒落股市。而家個市都搵緊新嘅催化劑,下一個應該係深港通。政改唔得,深廣通都一定得,人哋都出晒口術!我年頭推介過萬達商業(3699),而家都行咗啦。嚟緊梗係推萬洲國際(288)啦。而家好多板塊都行晒,佢有$700幾億市值,夠大隻。個市一路炒概念,良莠不齊都升晒上嚟,係未輪到佢。隻股而家仲潛緊水,起碼上番去招股價$6.2。食品股從來未炒過,佢大市值,多大行睇,夠穩陣,中國人一定要食豬肉o架啦,一定係佢﹗

郭Sir(郭思治)耀才證券市務總監

今年為止每一個月恒指都係升,累積升幅已經唔少,而且上個禮拜起港股成交金額回落咗,即係話個市向上推升動力唔夠。我認為個市而家都升快咗,五月份需要調整一下。中央取態都係想個市穩定咁升,所以會定時出啲政策,加上近期外圍因素唔太好,個市都係走向整固為主,預料未來三個月都係28,000到29,000窄幅徘徊。我建議大家留意吓港交所(388),因為等深港通開咗,港股成交就唔止而家一、兩千億咁少,港交所絕對係直接受惠。如果個價去到$280左右,可以買一注,要睇吓成交金額,如果港股成交金額有突破,可以上到去三、四千億,港交所個價上到去$350都有可能。

天才經紀(梁杰文)宏高證券投資經紀

五月都係上落格局,成交咁多,恒指應該可以保持高位,唔會大跌。三個月後恒指升到咩位,要視乎有無深港通,因為呢個係股市最大支持。如果有,恒指會升到上30,000點,如果唔得,我就擔心股市會跌番去25,000點。你都知中、港經濟好一般,香港旅客少咗,拖累其他行業都差,依家係靠阿爺放水撐住個股市。個股我睇好港交所(388),都係搏深港通會開通。港交所嘅盈利好簡單,成交額多佢就賺得多,一蚊生意就有一蚊盈利。而家佢乜都唔使做,每日就有一千五百億成交,幾好賺。我睇佢會升到$388,哈,講吓笑,$350至$400啦。

渾水獨立股評人

大市我唔識睇,唔係扮嘢,係小弟才疏學淺,淨係識炒細價股,唔好意思。我睇好民生珠寶(1466),因為佢係由民生國際(938)分拆出嚟,自從上市之後未有大炒過,非常細粒,市值只有4億銀,而且非常貨源歸邊,主席鄭松興揸住超過60%,好有賣殼概念。佢現價$1.46,目標價$3!

Alex(黃國英)豐盛金融資產管理董事

三個月後走勢,要視乎有冇大陸佬喺度,而家齋吹有好多錢會到之嘛,其實港股通個額度用咗好少,又話要俾時間公募基金成立,多多藉口,之後唔可以再靠吹,要真係有錢到啦。短期個市係驚o架,因為外圍插到乜咁,美債又大插,即係啲人準備加息,其實外圍氣氛唔好,只係香港唔理照炒。三個月後,正路大陸佬啲錢會到嘅,所以我睇恒指會高過○七年高位,即係32,000點。要買梗係買騰訊(700)同中移動(941),因為大陸最欠缺呢啲大型科網股同電訊股,只此一家就係香港,啲公募基金一定會買。我睇騰訊可以升到$200,中移動可以升到$130。兩隻要揀一隻?黐線o架?呢個時勢仲玩一注獨贏?食家興板塊輪流炒呀,我買嘅股票數目,都要比以前多一倍呀!你買得一隻,淨係唔升你嗰隻點算呀?得一注錢你就唔好賭啦。

股壇師奶殺手(鄧聲興)君陽證券董事兼行政總裁

預料嚟緊呢三個月,恒指都會上試30,000點,不過阻力就會比較大,未必咁容易突破住,因為恒指累積升幅都唔少。而家香港同內地股市都幾緊密,如果內地股市係咁上,H股差價就會大,資金又會落番嚟炒H股,今年「五窮六絕」未必應驗到。我睇好中資證券股份,主要國家政策要發展資本市場,同埋寬鬆政策,都對股市有利。內地人炒港股,多數都會去番內地行開戶,對佢哋業務上都會有幫助,我自己會推介國泰君安(1788),本身上年業績都靚,今年開戶量大增,預料業績以倍計上升,三個月內上望$15。

小炒王(梁心欣)獨立股評人

四月減完存款準備金率,五月應該會減息,因為上次個模式都係咁,所以呢幾日重債股都受惠,紙業股、內房都升好多。八月我估個市會升穿○七年高位,即係高過32,000點,因為到時深港通應該出咗。如果內地投資者獲批買創仔(創業板)咁就升得更勁,你知唔知今年以嚟,內地創業板已經升咗90%,只係四個月喎!短線我睇個市會好chok,因為啲錢未到,而家都係炒大股多。但我就睇好中遠國際(517),搏佢做船業合併,之前航運股爆升佢都唔升,有得追落後,再加上佢有$61億現金喺手,一隻現金牛跌極都唔驚。現價可以買啦,目標倍升到$10,我之前冇介紹過佢o架,秘密武器!

沈大師(沈振盈)訊匯證券行政總裁

我就唔信五窮六絕,過去十年出現的命中率少過一半。五月會有一個中期調整,因為之前升得多、升得急,加上希臘債務問題個個月都要傾;美國加息雖然維持不變,但今個月八號出嘅就業數據係一個關鍵,有機會借勢調整。內地監管機構又叫人冷靜、量力而為,唔好將慢牛變快牛,以A股之前升得咁急,有機會要調整。以技術走勢嚟講,我睇三個月後,恒指高位可以見34,000點,低位就27,600點。我睇好人保(1339),好簡單:第一業績好;第二估值偏低;第三累積升幅係行業中最少,目標價大約$7。

Matthew(郭家耀)中國銀盛財富管理首席策略師

我對後市睇法仍然樂觀,個市喺上個月都升咗唔少,短線有整固係正常現象,但喺內地政策背景之下,以目前嘅通脹水平,人行有足夠嘅空間再放水,而且中央都強調增長係首要經濟任務,所以嚟緊降息降準機會都相當高。喺央行鼓勵投資者之下,加上資金持續流入港股,呢一季恒指都會睇好,我預料七月尾恒指可以企穩30,000點。如果手上無太多貨,又睇好恒指前景,指數ETF都係一個唔錯嘅選擇。深港通好大機會喺呢季公布,A、H差價題材仲會有得炒,但係相對估值合理而又受惠到放水,我建議要留意吓啲內房板塊,中央針對房地產嘅政策放寬咗,好似限購、首套房貸咁。碧桂園(2007)自從中國平安入股之後,對佢發展都相當有利,同埋佢嘅物業銷售量一直都做得好好,相信未來業績都會反映到呢啲因素出嚟,股價呢排都升咗唔少,但係我相信繼續破頂機會都幾高,七月尾可以上望$6。

 
PermaLink: https://articles.zkiz.com/?id=143659

心水輪 易明的生活點滴

來源: http://eming620.mysinablog.com/index.php?op=ViewArticle&articleId=18485162

  「好久不見了,近期有什麼心水股可炒嗎?」霞姐問。

  難得於喝早茶的時候遇上久違的霞姐,一見面離不開索取「貼士」。

  「妳問我的話總離不開窩輪及牛熊證。」

  「嘩!好可怕呀!」

  「妳們就是對這些衍生工具存有偏見,完全沒有想過是自己的問題,以牛熊證為例,妳害怕被『打靶』,難道不會選擇安全的牛熊證嗎?比如妳今天看好港交所(388)想買其牛證,找那些回收價為150元左右的牛證買,妳道港交所在目前的市況下跌至150元的機會有多高?如果不高的話又怕什麼被『打靶』呢?至於窩輪嘛,沒人叫妳聽從報章的推介而買,那些輪商都是在『宰人』,像我近期推介的幾乎全部賺錢,不信的話,今天就介紹妳買中國銀河(6881)的窩輪12398,此輪的行使價為8.08元,2018年7月30日到期,時間那麼長怕什麼?昨天正股收7.23元,距離行使價不太遠,很合理。再看中國銀河,近期於7元水平似乎找到了支持,昨天開始重越10天價的7.216元,如果能於7.2元之上守穩則有機會突破7.31元的阻力,一旦突破的話可以上望7.57元,妳於7.2元水平買入12398的話賺錢的機會很大,估計屆時12398的市價應該是0.145-0.15元之間,買入之後一見中國銀河升至7.5-7.6元之間就獲利可也。」

PermaLink: https://articles.zkiz.com/?id=217711

心水特首曾俊華

1 : GS(14)@2016-03-01 18:10:34

【本報訊】2017年香港選特首,政壇官場將風起雲湧。劉夢熊曾為梁振英助選,熟悉特首選舉潛規則,早前與《蘋果》大談下屆特首心水,大讚曾俊華為人包容及有原則,點名支持他做特首,有利紓緩中港關係,又自誇早於2013年已提點對方要有思想準備選特首,其次則會選曾鈺成,聲言:「CY連任機會係零!」



「CY連任機會係零」

劉夢熊批評梁振英梁無視一國兩制,只聽命於中央,與左中右派均不咬弦,指前年梁振英曾下令各司長局長不得出席自由黨20周年黨慶,又揶揄梁政改時做離岸特首,近日李波事件則做縮頭烏龜。劉夢熊聲言「CY連任機會係零」,形容他「一係唔出聲,一出聲就言不及義,講咩叫『李波自己提多啲資料』,佢俾人綁架咗吖嘛!點提供多啲資料?」劉對曾俊華看高一線,認為曾若得中央祝福便會參選。劉認為「香港仔」曾俊華當選有其獨特優勢,指:「有乜閃失,社會就會話係港人治港失誤,唔關阿爺事,唔入阿爺數。曾俊華擺明係香港仔啦,唔會係地下黨員啦,唔係根正苗紅啦,你哋自己唔爭氣咋喎,唔好賴阿爺!」至於第二位心水人選,劉夢熊則支持曾鈺成,但對方已明言不參選,他大讚曾「如果佢願意去馬,唔只做no.2,做no.1都有之」,讚賞曾鈺成近年「較多講人話」。劉亦指林鄭月娥本來呼聲甚高,但政改一役後已大失民心,政治資本一鋪清袋。劉夢熊又點評「黑馬」梁錦松,形容他背景紅,其妻是「國寶」伏明霞,笑言:「曾俊華係灰帽子,梁振英就係紅帽子,而梁錦松係粉紅帽子。」劉夢熊估計梁錦松本有意選特首,但自從去年習近平與曾俊華握手後便轉歸沉靜。劉夢熊另指馬時亨早年稱腦生瘤辭官,現時卻出任港鐵主席,真假莫辨,加上他與中央關係非密切,感覺「蝕底」。至於葉劉淑儀,劉夢熊直言她只屬陪跑,狠批她缺乏能力,過份機會主義,人云亦云,早前稱如果是公安捉走李波會「做得乾淨啲」,他嘲笑葉劉淑儀「成日講嘢唔經大腦」。



劉夢熊下屆特首心水



梁振英【不能連任】

予人感覺西環治港,思維狹隘,崇尚鬥爭哲學,與左中右派均不咬弦,令立法行政間矛盾加劇




曾俊華【最有機會當選】

感覺「香港仔」,若當選有利擔任中港間的防火牆,性格包容,較少捲入政治爭拗,左中右派均接受




曾鈺成【大機會當選】

開明建制派,左派老大哥,議事堂上表現理想,對佔中普選均持平客觀,政治論述水平高




梁錦松【中等】

背景較紅,曾出任財政司司長,但得知中央有意找曾俊華出任特首後便轉歸沉靜




林鄭月娥【中等】

素來好打得,但主管政改時明知中央底牌是一錘定音,卻說有商有量,違背良知欺騙港人,民望插水




馬時亨【中等】

於商界長袖善舞,但當年稱腦生瘤辭官現卻任港鐵主席,感覺當年或是跳船逃生,與中央關係亦非親密




葉劉淑儀【甚微】

理念、政綱、能力都不理想,機會主義,沒有獨立思想





來源: http://hk.apple.nextmedia.com/news/art/20160301/19511561
PermaLink: https://articles.zkiz.com/?id=296390

【白色情人節】伴侶送禮物 唔啱心水應該點?

1 : GS(14)@2016-03-14 01:44:46

又白色情人又復活節,就算無節日,兩個人之間要維持感情,小禮物小心思一定少不了。不過送禮的一番心思,收禮的未必接受,如果收到不喜歡的禮物,如何是好?如何避免送錯禮物?集思廣益,訪問了不少男女,幫你解決疑難。首先從選禮物入手,或許你不知道對方喜歡甚麼,但也最起碼要知道對方不喜歡甚麼。有幾樣禮物,最易出事。


1.衣服:衣著風格人人不同,就算熟知對方口味,衣服褲子看着漂亮,也要穿上身才知好壞。買給對方,試上身才知道不合襯的情況常有發生,別重複犯錯了。2.音樂盒:音樂盒漂亮,打開音樂又夠悅耳。不過正常人鮮會打開音樂盒聽音樂,最後都是放在房間一角舖塵。如果是大一點的音樂盒,更加未必有地方放置。3.食物:再好味新奇的食物,食完就沒有了,不留一絲雲彩。所以食物真的不是一個好的禮物選擇。如果千挑萬選後,把禮物送給對方一刻,已感覺到對方不滿,如何應對?1.去一些可以換貨的店,甚至可以退款的店買禮物,真的有甚麼差池也可以補救。大不了退款後再買另一件,不會浪費彈藥。2.買禮物後,訂一間對方喜歡的餐廳,或多買一份不太有心思但穩陣的選擇,如果第一份禮物不喜歡,立即說好彩有後着,已訂了你喜歡的餐廳,或者說還有另一份禮物。通常人在失望後期望都會變低,比較容易滿足,這招非常實用。作為收禮物的一方,也需要包容一點,不要令對方太失望。就算是一份不喜歡的禮物,當中也有心思情意在,要學會欣賞對方。那麼當下應該如何應對?1.立即攬着對方,一來可以代表感謝,二來對方看不到你當下的失望表情,你有十多二十秒的時候去整理情緒。2.收到禮物後一定要表現高興,過一段日子再問對方為何選擇這份禮物,再過一段日子,慢慢告訴對方自己喜歡甚麼禮物。記者:李聰





來源: http://hk.apple.nextmedia.com/su ... t/20160313/19527147
PermaLink: https://articles.zkiz.com/?id=297848

記住向西!想中一億六合彩?麥玲玲醒你心水號碼

1 : GS(14)@2016-05-08 01:56:15

又有發達機會啦,六合彩彩金又高達一億等大家發大財。因為上期頭獎冇人中,已經連續7期頭獎懸空,頭獎彩金當然係人人爭中獎,邊個係超級幸運兒,今晚9點半開彩就會揭曉。近日為90歲大壽「事頭婆」英女皇伊利沙伯二世算命嘅玄學家麥玲玲,佢由英女皇命格推算出壽星婆屬金,一生衣食無憂,係大富大貴嘅格局。《蘋果》今次又搵「神算」麥玲玲出動,佢開心「些牙」咗8個幸運冧把:「1、5、9、12、14、23、27、42。」麥玲玲再三強調呢幾個只係佢心水號碼,佢搞笑話:「知號碼實中就唔畀你,留番自己買啦。」麥玲玲話今日係破日,財位喺西面,所以佢建議大家朝早起身出街時要朝西方向出發吸財:「不妨去西環、西營盤、西九龍同新界西,向西地方嘅投注站落注,去一啲運氣差嘅投注站買都會易啲派錢,好似門口整路、天橋底或斜坡附近嘅投注站都係有利。」麥玲玲話今日係「水的日腳」,建議大家着米白色或藍色衫去落注,不坊揀1號同9號窗口落注。雖然麥玲玲分享咗8個幸運冧把,佢話平日好少特別吼實多寶彩金就落注,今日或者會同公司女職員一齊夾份,派佢哋去中環士丹利街嗰間投注站買,但如果太多人打蛇餅排隊,佢就話未必買啦。





來源: http://hk.apple.nextmedia.com/entertainment/art/20160505/19598322
PermaLink: https://articles.zkiz.com/?id=299865

被問下屆特首心水 只稱「支持最好嘅」「梁粉」羅范拒表態撐CY

1 : GS(14)@2016-10-10 04:24:59

【本報訊】正當多名核心「梁粉」先後表態支持特首梁振英連任,上屆特首選舉擔任梁競選辦主任的羅范椒芬,昨拒絕表態挺梁連任,強調自己永遠支持最好的候選人,如今未有候選人可供她選擇。有學者認為,由於中央仍未對下屆特首選舉有決定,作為港區人大的羅范椒芬現不會挺梁,以免日後中央有決定時「冇彎轉」。記者:姚國雄



特首選舉在5年前的10月,已揭開戰幔,梁振英當時尚未宣佈參選,但羅范當時已大讚梁振英,說很高興和欣賞梁不被勸退,又說無論梁最終能否勝出,他「在歷史上已經贏了」;但5年後的今天,梁振英同樣未宣佈參選連任,但羅范已不肯公開再挺梁。


稱橫洲搬貨不比搬人易


她昨出席商台節目時,被主持追問支持誰人做下屆特首,羅范始終不肯說支持梁,她說:「我支持最好嘅候選人,(即係邊個)睇吓有邊個最好,我永遠都係支持最好,所以人哋問我,我回顧2012年,我覺得3個候選人最好都係梁振英。」之後主持再問她,今次特首選舉是否仍然支持梁振英?羅范始終不肯說:「今次我未睇到有候選人出現畀我揀。」當年率領梁振英競選團隊出席「小桃園飯局」,游說新界鄉事派支持梁振英,昨日當談到涉及鄉事派龐大利益的橫洲事件,羅范明顯維護反對在橫洲大規模興建公屋的鄉事派,認為要在滿佈貨櫃的棕地起樓不容易,認為搬貨不會較搬人易,「幾個貨櫃後面有好多貨車司機,好多貨倉管理員,攞貨嘅人,其實係涉及好多家庭,唔好認為搬貨物容易過搬人」,指政府也有難處,不要一開始就以陰謀論看事情。對於外界揶揄梁振英是「港獨之父」,羅范指港獨意識是源自雨傘運動,認為年輕人希望可選特首,減少中央干預,但認為他們不清楚分裂的意思,「高度自治並不等於完全自治,高度自治喺《基本法》寫咗邊啲係你自治範圍,就係嗰啲」。理大社會政策研究中心主任鍾劍華認為,羅范拒絕表態挺梁,明顯是中央就特首選舉未有決定:「費事到時中央決定咗冇彎轉,羅范呢類建制派,都係睇中央決定㗎啦。」




來源: http://hk.apple.nextmedia.com/news/art/20161009/19795532
PermaLink: https://articles.zkiz.com/?id=311221

王曼喜追求者唔啱心水

1 : GS(14)@2016-11-20 23:52:09

王曼喜和名模媽媽馬詩慧、汪詩詩和王馨平昨日在金鐘出席時裝品牌ST. JOHN發佈會,王曼喜早前被影到跟新女伴在球場談心,她說:「嗰個係朋友嚟㗎啫,而且冇拍拖。」咁有冇追求者?她說:「唔係好啱心水囉。」汪詩詩透露老公甄子丹稍後到美國荷李活星光大道打手印,林丹被影到背妻偷食,詩詩表示並不擔心老公:「我哋關係好好,大家好坦白,我100%信任佢。」詩詩又直言想要更多私人時間:「佢成日打嚟check住我就真,有時出去同朋友食飯,啲仔女打電話嚟,點知原來係爸爸叫佢哋打。」採訪:曹家誠攝影:仇志德




來源: http://hk.apple.nextmedia.com/entertainment/art/20161119/19838456
PermaLink: https://articles.zkiz.com/?id=316281

投資一周:神級炒家的心水股

1 : GS(14)@2016-12-21 23:40:33

中芯國際(981,臨時編號:2920)這股票,是一位股神級朋友的分析心得,這位朋友炒股票贏了幾百億元身家,你沒看錯數字,的確是幾百億元。曾經有一隻股票,他1998年買入,2007年沽出,贏了幾十億元,應該是破了香港開埠以來作為小股東的單一股票贏錢記錄,傳媒也有報道過。查中芯國際在2004年上市,股價從來未曾好過,最慘是在2012年,累積跌了91%,這幾年才慢慢好轉,但距離當年的招股價,仍然下跌了大約63%。這公司是集成電路芯片製造商,也是內地最大半導體製造商,2000年由台積電的張汝京創立,張曾經被台積電控告過竊取商業機密,現任的CEO則是邱慈雲。電路芯片是電腦的核心技術,台積電是龍頭,市值幾千億元,中國一直想攻堅這技術,領頭的就是中芯,一旦成功,股價就可升數十倍,問題在於:它在之前,一直攻不進,在今後,有沒有這可能性呢?蛛絲馬跡是:根據披露易,瑞信、摩根大通、黑石剛剛入了股,它也剛剛完成了合併股份,從1元股變成了10元股,不但把散戶的股份合乾了,也變成了1美元以上的基金股,變身的手影躍然而出。分析是:變身成功,將會升十倍以上,縱然變身失敗,反正現價不貴,輸極有個譜啩?周顯投資者、八卦公、知識分子
mailto:[email protected]本欄逢周三刊出




來源: http://hk.apple.nextmedia.com/financeestate/art/20161221/19871722
PermaLink: https://articles.zkiz.com/?id=319624

建制選委:習未透露心水

1 : GS(14)@2017-01-17 01:48:59

【拆局】中央預料最快今天會同步批准政務司司長林鄭月娥以及財政司司長曾俊華的辭職,意味着特首選舉跑馬仔戰事正式展開。雖然合共有過百張選委票在手的左派政團工聯會以及民建聯,目前仍然未有正式表態支持哪一位特首候選人,不過,他們支持林鄭月娥的取態呼之欲出;而贏在起跑線的林鄭月娥能否由頭帶到尾衝線,則需要視乎勁敵曾俊華能否取得150個提名入閘。


中聯辦放風稱京憂流選


據了解,中聯辦在特首梁振英早前宣佈不會競逐連任之後,已經向建制派選委放風,指林鄭月娥才是中央屬意的特首人選,又表示中央擔心特首選舉有流選風險,因此希望可以一輪投票便已經選出特首。而若然曾俊華同場入閘,由於投票是不記名,消息指出,中聯辦極度擔心部份的建制派選委、尤其是部份財團的選委票,未必會投予林鄭月娥,令林鄭月娥以獲過半數、即601票當選的機會大減,甚至令選舉流選收場,故此要在提名階段力阻曾俊華入閘。有建制派選委不諱言,知道最關鍵一票、即國家主席習近平目前仍然未有透露其屬意人選,不過為了避免與中聯辦唱反調,影響仕途,故此亦不敢公開提名曾俊華,藉以避免被有關方面「選後算賬」;但曾俊華若果成功入閘,「到時我投邊個都冇人知」。上屆特首選戰,部份被中聯辦游說由唐英年轉投梁振英的選委暗地「違旨」,導致梁振英最終未能如中聯辦算盤以逾700票當選;有建制中人指出,為了避免特首選戰的流產風險,預料會有更多建制中人勸退暫時選情被看低一線的曾俊華,而基本法委員會副主任梁愛詩日前便已經率先開腔,呼籲有意參與特首選舉人士進行調節,評估勝算之後再決定是否參選。■記者許偉賢




來源: http://hk.apple.nextmedia.com/news/art/20170116/19898538
PermaLink: https://articles.zkiz.com/?id=322722

Next Page

ZKIZ Archives @ 2019