|
||||||
代表金融服務界嘅立法會議員詹培忠(圖)一早講明,做咗十幾年議員,明年立法會選舉唔再玩。 但係,證券學會永遠榮譽會長張華峰就睇死金勞詹得把口,最終都係唔玩又玩。 咁又係,試問金融界有邊位可以好似詹議員有咁大影響力。 自從金勞詹話唔玩,市場就估,金利豐老闆娘朱李月華同張華峰最有機會出選。朱太已表明心迹,雖然鍾意幫業界做嘢,但唔鍾意做議員咁困身。至於張華峰就講笑話,自己屋企有僭建,費事俾人捉,唔會選咁話。 驚僭建被捉唔參選 雖然係咁講,張華峰好關心業界發展,佢曾經建議將o依家幾個業界組織合併成一個大組織,增加同政府或監管機構講數嘅牙力,又提議仿效貿發局,成立一個金融發展局,可惜全部未得到認同。 |
||||||