📖 ZKIZ Archives

【馮仁昭四圍超】張羽希等見宋仲基

1 : GS(14)@2016-07-15 05:16:42

近年去咗韓國發展嘅張羽希（前名張苡澂Venus），噚日喺香港為佢最新推出嘅寫真舉行發佈會，Venus話寫真嘅收益全數撥捐保良局：「我接咗一部戲，明年喺美國拍，有機會同宋仲基合作，部戲係我公司投資嘅，佢喺中國、韓國都好紅，但佢喺美國冇人識，都想去美國巿場。」佢話而家忙於到韓國做新歌，之後考慮會港韓兩邊發展。撰文：馮仁昭





來源: http://hk.apple.nextmedia.com/entertainment/art/20160715/19695274
PermaLink: https://articles.zkiz.com/?id=303856

可嵐鬧整容張羽希：精神有問題

1 : GS(14)@2016-08-11 06:08:30

曾被老公家暴的可嵐，日前在社交網狂插某歌手：「去完韓國走轉，以為整完個樣真係變咗韓國人？講好廣東話先啦，影衰晒香港樂壇！」她昨在電話中透露：「呢個人曾經同我老公講，話我唔識做人老婆，加上我覺得作為香港歌手，唱好本土歌最緊要。」可嵐所講的特徵，跟去年到韓國發展、現改名為張羽希的脗合，可嵐拒絕證實是否同一人，只說：「我諗佢唱歌都有改善空間，讀多啲報紙講好廣東話。」


■可嵐指有人曾在其老公（小圖）面前力數她不懂做人老婆。資料圖片


昨日張羽希到太子出席活動，否認曾投訴可嵐唔識做老婆：「佢叫我幫佢老公買保險，我冇買，佢有少少唔開心，後來佢鬧我抽水，我哋四年冇來往。」她覺得可嵐有問題，還用手指着腦部：「呢啲朋友要唔要都罷，如果需要錢，可以借畀佢，如果精神有問題，可以介紹心理醫生幫佢，如果有人無中生有，公司有三個律師隨時stand by！」採訪：黃曉妍攝影：陳慧安





來源: http://hk.apple.nextmedia.com/entertainment/art/20160811/19731427
PermaLink: https://articles.zkiz.com/?id=305389

可嵐嘲張羽希對號入座

1 : GS(14)@2016-08-13 14:59:46

可嵐和陸詩韻昨日在太子出席衍生獎學金頒獎禮，可嵐早前在個人平台鬧某人背後造謠生事，張羽希對號入座指可嵐精神有問題，可嵐說：「好無稽，係人都知我老公唔係做保險。」她續說：「我幾時有話係佢，無啦啦變咗話佢，又話律師又乜嘢都幾得意，香港有言論自由，要珍惜，唔知佢博新聞定點。」她並再三否認所指的人是張羽希。




來源: http://hk.apple.nextmedia.com/entertainment/art/20160813/19734146
PermaLink: https://articles.zkiz.com/?id=305688

【馮仁昭四圍超】可嵐自撐鬧張羽希

1 : GS(14)@2016-08-16 06:11:30

可嵐、劉威煌噚晚喺尖沙嘴演出酒吧騷，可嵐之前喺網上唔開名、話一個去完韓國整容嘅女歌手，影衰香港樂壇，暗指係張羽希，之後兩人隔空開火。但有網民就話可嵐借啲易抽水，可嵐話篇文係寫喺自己微信，畀記者睇到至會公開，都冇乜好回應。坐喺旁邊嘅威煌亦幫口：「可嵐都係有感而發啫！同埋網民應該睇晒前文後理，先畀意見會好啲。」撰文：馮仁昭




來源: http://hk.apple.nextmedia.com/entertainment/art/20160815/19736210
PermaLink: https://articles.zkiz.com/?id=305969

【馮仁昭四圍超】張羽希寸可嵐縮頭烏龜

1 : GS(14)@2016-08-18 06:04:34

張羽希噚日喺天后見記者，嚟緊將會接受8星期體能訓練，希望練得胸大、腰細、屁股挺，佢話會有大隻佬教練幫手。問到老公有冇呷醋，佢就唔多願講，只係話：「佢喺美國做嘢1年，我哋好少見，而家網絡咁方便，溝通易。」之前佢同可嵐隔空互數，張羽希話冇聯絡對方：「佢又冇開名，唔知發生乜事。講就天下無敵，做就縮頭烏龜，我只係專注工作。」撰文：馮仁昭




來源: http://hk.apple.nextmedia.com/entertainment/art/20160818/19740397
PermaLink: https://articles.zkiz.com/?id=306398

【馮仁昭四圍超】張羽希稱同韓梓亮唔熟

1 : GS(14)@2016-12-01 00:01:35

曾去韓國發展嘅張羽希噚日喺觀塘主持一個飲食節目，對於曾因肛交後勒索同志而被判入獄兩年嘅歌手韓梓亮，喺社交平台唔開名指一位「所謂韓國女歌手」喺公事上對佢過橋抽板，似乎暗指係張羽希，但張羽希話：「同佢唔熟，好莫名其妙，韓國女歌手，香港好多。」問到有邊個，張羽希又答唔出。佢認為娛樂圈都係是非地，呢啲係控制唔到。撰文：馮仁昭




來源: http://hk.apple.nextmedia.com/entertainment/art/20161130/19849755
PermaLink: https://articles.zkiz.com/?id=317688

【馮仁昭四圍超】張羽希跌手機失內衣相

1 : GS(14)@2016-12-07 07:41:22

張羽希噚日喺觀塘拍攝飲食節目，自爆上星期去朋友生日會，飲醉咗搞到唔見電話，裏面有啲內衣褲相同藝人電話。提到被韓梓亮暗示成日利用其他藝人博宣傳，張羽希就爆韓梓亮係因為一封利是反面：「佢介紹人畀我做PR，但請唔成，佢就問我攞利是。一隻狗對住你咬，唔通你趴喺度咬番佢咩？我對得住天地良心，朋友全部有頭有面，冇乜必要理呢啲人。」撰文：馮仁昭




來源: http://hk.apple.nextmedia.com/entertainment/art/20161206/19856066
PermaLink: https://articles.zkiz.com/?id=318534

張羽希半年肥20磅

1 : GS(14)@2016-12-10 13:30:17

張羽希昨日在佐敦拍攝飲食節目，近日她為節目奔波勞碌，在開拍後的短短半年時間內，她由原來的90幾磅變成120磅，重了20幾磅。因此張羽希被韓國經理人投訴，下令要禁食減磅，她說：「韓國經理人係EXO團隊，遲啲會嚟香港幫我錄歌，之前佢哋已經話我肥，炸雞都唔畀我食，好慘。下月開始我會將拍飲食節目安排早上拍，希望可以減磅。」




來源: http://hk.apple.nextmedia.com/entertainment/art/20161210/19860613
PermaLink: https://articles.zkiz.com/?id=319092

張羽希講老公欲言又止

1 : GS(14)@2016-12-24 10:55:39

張羽希、盧敏儀和趙式浩媽媽蔡盈盈前晚在陽明山莊出席榕光社活動，張羽希中門大開，逼爆低胸裙，她表示之後帶病到北京做節目。問她的老公可會不會心痛？她欲言又止，突然拒絕談感情：「暫時唔想講感情。」被一再追問跟老公的感情，她說：「遲啲先同大家交代。」是不是已經分開？她說：「到時候同大家交代，希望2017係一個好年份，而家暫時專注工作。」擔任司儀的盧敏儀表示之前身體出現毛病，她說：「11月嗰陣我身體有啲小病痛，而家已經康復，所以覺得健康好重要，亦覺得老公好錫我，佢仲緊張過我，我覺得自己好幸福！」採訪、攝影：盧妹




來源: http://hk.apple.nextmedia.com/entertainment/art/20161224/19875150
PermaLink: https://articles.zkiz.com/?id=320008

【馮仁昭四圍超】張羽希好耐冇見老公

1 : GS(14)@2017-01-06 02:07:57

近期拍緊飲食節目嘅張羽希噚日同埋徐家傑、吳秉泰一齊去元朗拍外景。早前出活動時已經不停咳嘅張羽希，噚日仍然未好番：「由聖誕開始病到?家，已經轉咗四個醫生，又做咗身體檢查，醫生話我係氣管炎。」月前佢透露同老公好耐冇見，咁最近有冇聯絡？佢冇正面回應：「我哋順其自然啦，總之舊年各方面都好差，感情同工作都有問題，希望新一年好啲。」撰文：馮仁昭




來源: http://hk.apple.nextmedia.com/entertainment/art/20170105/19886601
PermaLink: https://articles.zkiz.com/?id=321520
Next Page
ZKIZ Archives @ 2019