大肚GiGi狼吞200蚊麵
1 :
GS(14)@2015-01-06 09:10:11
【前晚 夾大箸麵】■大肚GiGi一人食兩人份量，大口大口食湯麵。
【灣仔】懷孕七個月的梁詠琪（GiGi）前晚挺巨肚跟老公Sergio拍拖開餐，一人食兩人份量的GiGi胃口很好，狼吞盛惠200大元貴價麵兼飲埋湯底，Sergio食飽後情深款款望着老婆食麵，又摸頭又摸手仔表現煙韌，離去時全程十指緊扣拖着大肚婆，甜蜜滿瀉！
梁詠琪於2011年嫁給西班牙籍老公Sergio，婚後兩夫婦努力造人炮製愛情結晶，去年9月GiGi終於公告懷孕喜訊，首胎陀女的她現已懷孕七個月，估計BB預產期是3月，同樣於3月出生的GiGi就快踏入39歲，相信女兒好大可能跟她同月出生。
叫老公連湯飲
前晚約8時，大肚GiGi和老公Sergio拍拖到灣仔的「一碗麵」開餐，素顏的GiGi背着門口而坐，這間麵館的招牌麵盛惠200元，一人食兩人份量的GiGi胃口很好，大口大口地狼吞貴價麵，還連湯底都飲埋毫不浪費。兩夫婦邊食邊傾十分愉快，Sergio很快已解決自己那碗麵，GiGi見狀指一指老公碗麵，提他要飲埋湯底好好品嚐。
Sergio食飽後情深款款望着老婆食麵，不知是否覺得GiGi狼吞的樣子很可愛，Sergio先情不自禁地摸一摸老婆的頭，之後再肉緊地摸摸GiGi的手仔，煙韌到暈。
【素顏有福】■GiGi懷孕後變得臉圓圓好有福氣，大肚婆果然最美麗。
【溫柔摸頭】 DV圖片
【體貼老婆】■Sergio埋單後有風度地幫老婆拉凳，夠晒體貼。DV圖片
■懷孕七個月的GiGi戴上口罩，由老公十指緊扣拖着慢慢行。
穿斗篷現巨肚
待GiGi食飽後由Sergio埋單，高齡產婦GiGi戴上口罩才離去，雖然穿了斗篷仍難掩巨肚，Sergio全程十指緊扣拖着大肚老婆，記者叫GiGi小心慢慢行，她連聲禮貌地說：「OK！」Sergio有風度地幫老婆開車門，安頓好GiGi後跟記者講拜拜開車返歸。此外，早前GiGi、劉德華、黃耀明及王菀之等為攝影師Simon C的攝影展做模特兒，用衣領半遮面的GiGi露出一雙會笑的眼睛，正好代表她現在的心情。採訪、攝影：陳辰、吳耀輝
來源:
http://hk.apple.nextmedia.com/entertainment/art/20150106/18992422
楊采妮送BB浴缸畀GiGi
1 :
GS(14)@2015-03-07 09:05:24
【澳門直擊】楊采妮（Charlie）昨日在澳門出席Gucci活動，身穿橙紅色露肩長裙的她，精神不俗，她透露大年初一要飛到新加坡跟老爺奶奶拜年。前日元宵節Charlie相約李心潔和許茹芸探望梁詠琪和「小高妹」契女Sofia，她說：「BB好得意，好靚女，雖然係混血BB，但係合眼好似中國人，開眼就好似爹哋，眼珠就深啡色。」Charlie表示GiGi陀Sofia的時候，已經將女兒契給她們，她們更為契女準備了一個專業浴缸沖涼。
Charlie被問到生B計劃，她說：「我哋都有計劃，要搞好自己身體，
GiGi囡囡姓梁？
1 :
GS(14)@2015-03-17 08:44:54
■GiGi昨在微博貼相大晒為囡囡訂製的朱古力。
梁詠琪（GiGi）剛於上月二十八日為西班牙籍老公Sergio誕下六磅多混血女兒Sofia，榮升人媽。GiGi昨日在微博貼相，大晒法國甜點老店DALLOYAU為女兒訂製的馬卡龍和朱古力，GiGi留言說：「非常感謝大家對小女兒Sofia的祝福和愛護，今天起會陸續送上Dalloyau特別為Sofia訂製的馬卡龍和巧克力boxset給圈內好友們，分享我們這份喜悅，正式喜迎Sofia的來臨！」
GiGi愛女全名是Sofia Crespo Leung，有網民疑惑，以為Sofia隨GiGi姓梁，但其實西班牙人會將爸爸的姓氏放在中間，媽媽的姓氏放在最後。撰文：小米
來源:
http://hk.apple.nextmedia.com/entertainment/art/20150317/19078855
馮仁昭四圍超：生日撞正坐月GiGi抱女慶祝
1 :
GS(14)@2015-03-27 08:25:20
■GiGi噚日生日雖然冇出街慶祝，但老公Sergio一早買定蛋糕同佢慶生。微博圖片
噚日係梁詠琪（GiGi）39歲生日，不過佢生完冇耐，仲喺屋企坐緊月，所以唔打算出街慶祝食飯啦！只會同老公Sergio、囡囡、媽咪、細佬喺屋企食飯，噚日同GiGi通電話，同佢講生日快樂！聽佢把聲都好精神開心，問佢多了一個女兒，今年生日係咪不一樣？佢話：「係呀！活咗39年，今年過嘅生日最特別，囡囡嘅來臨，勝過任何生日禮物，經歷過自己湊BB後，我先發現媽咪好偉大。」
■有咗自己囡囡Sofia（右圖），GiGi先體會到媽咪有幾偉大。微博圖片
微博圖片
同老公輪更湊女
GiGi話自己親手湊女，冇請陪月，搞到每晚要起身餵人奶好辛苦，佢講：「餵咗兩個禮拜後，真係頂唔順，所以之後我先將人奶儲入雪櫃，到夜晚就叫老公整番熱啲奶畀佢食，兩個人輪更服侍囡囡，好彩老公放成個月假，可以幫吓手，見到老公同個女沖涼，我就好羨慕，好想參與，但阿媽話我仲未掂得水，湊女真係唔容易呀！」因為唔沖得涼，生完到
GiGi捐囡囡利是錢
1 :
GS(14)@2016-03-15 16:08:00梁詠琪（GiGi）昨日以大使身份到大潭參與「奧比斯步步獻光明慈善步行」啟動儀式，她表示希望有機會跟隨醫療專機到其他地方作親身探訪。GiGi過去9年一直捐助奧比斯，她今年更將女兒祈淑菲（Sofia）第一年的利是錢捐作善款。
GiGi日前為電影到澳門拍攝了5天外景，今次是她誕下愛女後，離開囡囡最長時間的一次，她笑說起初還擔心女兒忘記自己，但有意想不到的事發生：「感覺好似小別勝新婚，返嚟嗰日，原本爸爸餵緊佢奶，佢一見到我就推開爸爸，仲以為佢係飽，原來係佢拎支奶要我餵佢。」平日又愛整蠱爸爸，每逢叫了幾句爸爸逗得爸爸開心時，就會突然叫句媽媽。採訪：馬建華攝影：陳慧安
來源:
http://hk.apple.nextmedia.com/entertainment/art/20160314/19528077
GiGi帶Sofia會張梓琳母女
1 :
GS(14)@2016-05-19 02:33:55「世界小姐」張梓琳於大前年嫁給內地金融才俊聶磊後，去年宣佈有身孕，上月20日她在香港養和醫院誕下6磅重女兒Evelyn，之後她一直在香港坐月，而老公和母親都專程從北京來了香港照顧她。日前梁詠琪（GiGi）偕老公Sergio及囡囡祈淑菲（Sofia）前往探望張梓琳母女，一歲大的Sofia看到尚未足月的Evelyn，特別興奮和好奇，好肉緊的用自己小手去摸小寶寶。昨日問梓琳會甚麼時候復工？她表示：「下周我會返回北京住了，下月應該可以復工，如果出埠工作，女兒會交由母親代為照顧。」Evelyn五官清秀，手長腳長，應該是遺傳了爸媽基因，梓琳身高184cm，聶磊更高達193cm，不過梓琳就不想囡囡生得太高，她笑言：「長得太高，以後很難找老公的。」採訪：鍾國仁
來源:
http://hk.apple.nextmedia.com/entertainment/art/20160517/19614548
GiGi勸無綫尊重知識產權
1 :
GS(14)@2016-05-24 10:27:27梁詠琪（GiGi）昨日在九龍灣出席港台《天人合一2016》啟播禮，分享環保心得。GiGi透露下月會參加無綫一個慈善節目，本打算唱《花火》，現因版權問題而不能唱。對於無綫要求與環球續約需加簽歌手網絡永久使用權，她說：「如果價錢合理，又咁大機構，版稅、知識產權係應該尊重，畀錢係好應該，冇得播，係觀眾損失。」提到好友李心潔陀孖仔，GiGi說：「執好囡囡較中性嘅BB衫，已託人拎過去。佢個肚好大，待產心情唔太緊張，反而好期待。」此外，GiGi早前應邀出席由古巨基擔任導師的內地節目《星動亞洲》第二季，他倆在17年前曾合唱一首《許願》，應現場觀眾要求，即場再度合唱。採訪：黃曉妍攝影：仇志德
來源:
http://hk.apple.nextmedia.com/entertainment/art/20160524/19624507
GiGi上門教關心妍餵母乳
1 :
GS(14)@2016-05-25 10:04:10■關心妍在家中待產，GiGi（左）主動上門探好友，並分享做母親心得。微博圖片
關心妍（Jade）陀B女7個半月，因為懷第一胎比較緊張的關係，所以老公楊長智下了禁令不讓她隨便外出，如沒必要的話，Jade都會安坐家中靜待小公主來臨。這段時間，Jade的好友主動到她府上作客，同為人母的梁詠琪（GiGi）昨日亦去了探望Jade為她打氣，Jade亦將與GiGi的合照放上微博。GiGi昨日接受本報電話訪問說：「恭喜佢！佢狀態好好呀！有叫佢放鬆心情，唔使緊張。同佢分享好多生BB嘅過程，要注意嘅嘢，同埋鼓勵佢餵母乳，有乜唔明隨時可以問我。」準媽媽Jade昨日受訪時指還有不到兩個月囡囡就出世，十分期待，她說：「GiGi嚟探我，好有心，因為我都唔會周圍出街，所以佢嚟探我，又買咗啲嘢畀BB。我問佢攞啲做媽媽要準備嘅心得，因為我冇呢個經驗，GiGi亦係好好嘅媽咪，佢教咗我好多嘢，好開心。」她又大爆愛犬Butter小姐非常喜歡GiGi：「佢依依不捨，出奇地黐GiGi，好多人佢都唔跟，GiGi係靚女，好識揀。」採訪：陳以晴、皓騫
來源:
http://hk.apple.nextmedia.com/entertainment/art/20160525/19625892
GiGi拉老公囡囡巡唱
1 :
GS(14)@2016-06-20 05:45:24梁詠琪（GiGi）昨日現身上海為內地巡迴演唱會舉行記者會，她於9月展開出道20周年紀念巡迴演唱會，首8場已落實在深圳、合肥、青島、上海、西安、廣州、武漢及北京等地舉行，第一站9月30日會先在深圳舉行，而香港因沒場地，可能明年才可以舉辦。
GiGi已有多年沒開演唱會，故今次有些緊張，更要暫放下造人計劃，她表示：「喺過去20年，我參與過好多幕前演出，有好多作品，但令我最有成就感嘅代表作，肯定係我嘅家庭同個女，哈哈！對我咁重要嘅演唱會，當然佢哋每一場都會一齊參與！」問到香港個唱何時舉辦？她說：「香港場地今年好滿，冇檔期啦！所以惟有先做內地。」採訪：鍾國仁
來源:
http://hk.apple.nextmedia.com/entertainment/art/20160620/19660904
Gigi Hadid換衫狂騷胸
1 :
GS(14)@2016-06-21 07:39:16由iHeartRadio舉辦的Much音樂錄像頒獎禮前日於多倫多舉行，由美國人氣索模Gigi Hadid擔任主持。雖然Gigi早前被超模Stephanie Seymour形容為「新一代八婆」，但Gigi懶理是非，全晚表現風騷，單是在頒獎禮上已換了五套衫出場，盡騷弗爆身材，當中以白色開胸長外套的造型最惹火。當Gigi現身紅地毯時就以全紅造型上陣，雖未算性感，不過勝在夠親民，一落車就走近粉絲堆，又擺出搞怪表情跟粉絲自拍，成功搶鏡。當晚的大贏家則是加拿大歌手Drake，共奪得6個獎項。撰文：梁雯迪
來源:
http://hk.apple.nextmedia.com/entertainment/art/20160621/19662304
Next Page