木偶哥讚巧瑩慳家
1 :
GS(14)@2015-06-08 08:44:49■林師傑與女友歐陽巧瑩在麥當勞買外賣。
【爆相爆片】「木偶哥」林師傑自從公開與2013年落選港姐歐陽巧瑩拍拖之後,越戀越高調。女友早前遠赴沙巴拍旅遊特輯,遇上當地發生黎克特制5.9級地震,雖然未有受傷,但身為男友的師傑當然好擔心,前晚專誠到機場接女友機。昨日讀者劉先生更透過本報「爆相爆片」提供一張師傑與歐陽巧瑩到坑口一間24小時營業的麥當勞買外賣的相片,稱師傑好幸福,難得找到個肯捱「M記」的女仔。師傑昨日在電話笑說:「都OK唔錯㗎,佢係好慳家,對媽咪都好好。」他表示女友在沙巴時真的好擔心,他說:「好彩離開咗先,但有港人準備上神山,希望大家都平安。」採訪:嵐山
來源:
http://hk.apple.nextmedia.com/entertainment/art/20150607/19174962
歐陽巧瑩留院過元宵男友林師傑:腸胃炎一直唔好
1 :
GS(14)@2017-02-12 13:52:37昨日係元宵佳節,亦即係中國情人節,喺微博、Ig或Facebook,唔少情侶會貼一雙一對嘅相,做咗人父人母嘅,就貼一家人齊齊整整嘅相,總之甜蜜溫馨熱鬧乜都有。不過喺「無綫新一代咪神」歐陽巧瑩嘅Ig上,就見到喺醫院冷清氣氛下,一隻插咗鹽水針加包咗綳帶嘅手出嚟,見到都覺痛。隻手嘅主人就留言話:「浪漫元宵節……希望冇事……祝福我,我想返工……好多嘢未做……。」好慘慘豬!林師傑接受傳媒訪問時,未知是否要陪女友,故以WhatsApp回覆話:「(歐陽巧瑩)腸胃炎一路都唔好,依家吊鹽水,做緊test,多謝關心!」如果一般腸胃炎,休息多啲食番啲清淡嘢,應該冇乜大礙嘅,有男友陪喺身邊,何時或何地,都可以慶祝情人節嘅。
來源:
http://hk.apple.nextmedia.com/entertainment/art/20170212/19925885
歐陽巧瑩濕身出浴晒側身完優質股
1 :
GS(14)@2017-06-22 07:42:28歐陽巧瑩(Tammy)早前孖男友林師傑去美國旅行,仲響應「解放乳頭運動」(Free The Nipple),冇戴Bra真空上陣影相,性感又唯美。昨日Tammy喺instagram再下一城,貼出一張濕身相,着上一件頭嘅白色魚網超高衩衫半浸喺浴缸中,側身晒靚股,大騷S形身材。佢留言:「美國返嚟之後,一直都未有停下嚟休息、睇相、執行李嘅時間,雖然好攰,但係我真係好開心好充實,多謝上天對我嘅照顧!多謝身邊愛護我嘅人!多謝自己!」
Tammy昨日接受傳媒訪問,問到狂貼性感相,男友林師傑會唔會介意?佢話﹕「唔會鬧,啲相係佢影,咁靚,都唔核凸,青春嘛。」
來源:
http://hk.apple.nextmedia.com/entertainment/art/20170621/20063721
Next Page