少年拍 MV媾女
1 :
GS(14)@2012-08-21 15:26:55成個旺旺仔咁
http://hk.apple.nextmedia.com/international/art/20120821/16621674
上網唱情歌示愛，本來是件浪漫美事，可惜美國這名小夥子的做法，卻英勇得近乎瘋狂。
片段甫開始，已播出加拿大搖滾男歌手 Bryan Adams《（ Everything I Do） I Do It For You》，小夥子則雙手垂下，站在郊外木無表情「咪嘴」，有時則站在大樹下扮彈結他（左圖），歌藝如他自己所言，完全不動聽。
歌聲結束後，小夥子再現身（右圖），對夢中情人埃米莉深情表白：「看完這個 MV後，你可能會覺得我很討厭，但我只想告訴你，我很在乎你，在乎得絕非筆墨可形容，這也是我炮製這 MV原因。你可以憎恨我，做你喜歡的事，只要你明白我多麼在乎你就夠了。」據稱埃米莉看過 MV後，歡喜不已。
英國 orange網站
2 :
Sunny^_^(11601)@2012-08-22 09:18:16可以做Friday接班人=]
【媾女功略】學功夫追女仔 打贏抱得美人歸
1 :
GS(14)@2016-03-05 01:12:12為了爭女仔，治昂(左)成日同時宇對打。《武林學校》截圖
【三個粉絲追韓劇】尹時宇（李玹雨飾）和王治昂（李弘彬飾）在KBS劇集《武林學校》愛上同一個女生沈順德（徐睿知飾），為了她用功習武，出盡全力打生打死，到底順德最後情歸何處？三個粉絲在追《武林學校》的同時，發現原來韓國有同樣以功夫為主題的舞台劇《JUMP》！
韓國有功夫電視劇，原來都有功夫舞台劇。
講一個「好打得」嘅男仔，想做功夫家族女婿，遇上賊仔，幫忙解圍，希望抱得美人歸。
劇中有好多同觀眾嘅互動環節。
動主播阿仙、viu韓劇導賞員阿愁和太成齊齊入場看功夫音樂舞台劇《JUMP》。故事是講一個「好打得」的男仔，想做功夫家族的女婿，遇上賊仔，幫忙解圍，最終能否抱得美人歸，當然留待你自己睇。
仲會請觀眾上台一齊玩，好似阿仙咁。
仲摸到「女婿」個胸......肌添呀！
劇中時宇(右)有順德教導。《武林學校》截圖
《JUMP》是長壽劇，每晚都在韓國上演，連續十三年無間斷，亦有在世界各地做巡演。製作人 Cara Han介紹，為了令全世界的觀眾都能享受此劇，全劇都不用台詞，由九個角色靠身體語言令笑聲四濺。導演Lee Jun Sang指，演員的武術都融合了功夫和雜技。而為了讓觀眾更投入演出，演員不時會與觀眾做各式各樣的互動，阿仙有幸被劇中的叔叔抽中上台玩，更親手摸到「好打得」的男主角，引來全場尖叫！想知過程幾有趣，立即去片。
治昂(右)有善雅幫忙。《武林學校》截圖
三個粉絲跟《JUMP》嘅爸爸、媽媽、叔叔學功夫，阿仙激到爸爸死。
正所謂「台上十分鐘，台下十年功」，學武夫不停練習是固然的，但有一位好老師亦相當重要。例如《武林學校》劇中，王治昂有黃善雅（鄭幼珍飾）幫忙，而尹時宇有沈順德教導，至於三個粉絲亦想一嘗習武滋味，便找來《JUMP》的爸爸、媽媽和叔叔指教。劇中飾演爸爸的Lee Won Young懂得劍術、棒術和中國武術，媽媽An Hye Ran最厲害的是跆拳道，而叔叔You Su Ho指自己六歲便開始學合氣道，而在劇中最善長的是玩雙截棍。面對三位猛人，三個粉絲能否好好學習？去片啦！
太成都係三腳貓功夫。
阿愁最叻！連叔叔都讚佢耍得好雙截棍。
主持：動主播阿仙、Viu韓劇導賞員阿愁和太成攝影：陳家文、李錦鏵、張宗光《武林學校》片段由Viu提供：
https://goo.gl/bRSBQU【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20160303/19513463
爆出小三 老婆夜審要跪玻璃盛品儒背妻媾女認錯
1 :
GS(14)@2016-03-17 14:52:48前晚 銅鑼灣【未爆發前】■盛品儒前晚雖與蔡一鳳睇戲補鑊，但老婆返家後即大興問罪。
現年39歲的亞視前高層盛品儒花弗有前科，新婚未夠兩年，前日又爆出有小三Tasha，女方不甘遭冷落，爆料指曾為盛品儒「落仔」，她自稱手頭有醫生紙和超聲波證明，昨以短訊攻勢逼盛品儒夫婦見面兼對話。盛品儒再度偷食闖禍，馬上淆底向太太蔡一鳳認錯，前晚經老婆夜審後，盛品儒昨自爆徹夜跪玻璃求原諒，承諾會生性。
亞視前高層盛品儒前年跟銳思集團主席蔡一鳳拍拖時，男方曾被爆街頭啜爆C奶僆模郭奕芯（Ashina），蔡一鳳一度嬲爆險釀分手，盛品儒同年即用一紙婚書成功箍煲，去年底補擺婚宴。但前日又傳出盛品儒再出軌，有人在香港討論區開帖，呻遭人搞大肚要落仔。前日有網友在討論區申訴遇上名人感情騙子，並揞名爆：「成年啦，佢每次都係叫我等佢……佢而家創緊業好忙，佢叫我等佢返嚟……其實6月嗰陣時我有咗，我冇話畀佢知，因為我知道佢一定會驚……」前晚有讀者爆料指事件涉及盛品儒，昨日繼續有讀者起小三底，有指她叫Tasha，她不時在fb貼出腿張開大跳鋼管舞相，甚至貼展示胸前事業線的誘人照片。
【錫面冧妻】■盛品儒前晚自知闖大禍，跟老婆睇完戲當街情深一吻冧對方。
【死纏唔放】■盛品儒昨已傳短訊跟Tasha講清楚，但女方仍狂傳短訊求見，更在短訊中直認仍然喜歡他。
【騷擾正印】■Tasha昨日在fb傳短訊給正印蔡一鳳要求對話。
蔡一鳳：喺結婚前識
記者前晚短訊盛品儒求證令小三「落仔」傳聞，他回覆：「又俾人黑？當然否認，沒有此事，我沒有。」蔡一鳳向老公審問後，前晚在電話中回應：「James（盛品儒）解釋同個女仔喺結婚前識，記得舊年2月，有晚半夜老公收到個女仔短訊，我當時都查問咗，仲要老公快啲同人講清楚，唔好畀人幻想同希望。James同時承認幾個月前，我出咗trip，佢背住我同個女仔出去飲嘢，我就話佢結婚前點玩都得，但結婚之後就要對家庭負責任，佢都話知錯，堅決否認同女仔有親密關係。」兩公婆之間突然彈出小三Tasha，蔡一鳳仍有EQ㩒住怒火，前晚還孖咇到銅鑼灣時代廣場睇戲，離開時更十指緊扣，蔡一鳳等升降機時又讓盛品儒錫面，還做柴可夫載老公返歸
【小三晒乳】■盛品儒小三Tasha不時在fb貼出爆乳三點式泳照騷身材。互聯網圖片
【倒奶絕技】■Tasha除擁有巨咪，還會跳鋼管舞。互聯網圖片
■盛品儒昨晚做「跟得老公」陪蔡一鳳去澳門出席晚宴。
「出去飲過幾次嘢」
記者昨日再致電盛品儒，他解釋搭上小三Tasha經過：「我結婚前同佢透過fb網聊識嘅，老婆成日出差，陪唔到我，有時又嗌交，我咪識女仔激佢，我哋出去飲過幾次嘢，佢成日想見我，我話下次先，我承認係拖住對方，我處理得唔好，我都要同佢講『對唔住』。」盛品儒強調沒跟Tasha發生親密關係，也沒影過情慾相，對於有人在網上大爆落仔，問他會否考慮法律追究？他竟大方說：「我諗唔好搞大件事，我都有錯，我話斬纜又冇同佢講清楚，呢次講清楚，嚴正啲。」盛品儒認死狗求老婆原諒：「我跪咗成晚玻璃，膝頭都損晒。」更不忘擦老婆鞋：「我好對唔住我老婆，我娶到呢個老婆三生有幸。」蔡一鳳經過一晚冷靜已原諒老公，盛品儒明日會去泰國公幹，他臨時決定帶老婆同行，以旅行補鑊，昨晚他又黐實蔡一鳳去澳門出席活動。記者昨致電Tasha求證，她的手機轉駁到留言信箱。但Tasha昨午不斷傳短訊給盛品儒求見面兼力斥他不是，即使盛品儒斬釘截鐵絕交，但Tasha仍咬着不放：「你會搞大你朋友的肚嗎？醫生紙、超聲波照，我還留住……我知道你很憎我，但我仍然鍾意你，如果不是你，我不會下掉（墮胎），你必須為自己做的事負責。」盛品儒狠心不覆，她便在蔡一鳳fb留言，欲相約正印講數。採訪、攝影：陳杰、梁繼光、朱志聰
來源:
http://hk.apple.nextmedia.com/entertainment/art/20160317/19532349
消防員港男唔認專長媾女
1 :
GS(14)@2016-07-12 22:08:14■王瑋彤指哥哥王浩信，叮囑他要健身操大隻。
13位入圍港男昨日在無綫進行《2016香港先生選舉》首次會面，包括紋身法國仔麥凱程（Alex）、食蕉消防員Flow、王浩信胞弟王瑋彤（Tony）等。早前因生腎石入院的王瑋彤，透露已康復得七七八八。來自溫哥華的23歲簡少傑（Kent）在當地大學讀書，他表示還有半年才畢業，並笑謂不覺自己似黎明。有報道指莊思敏有消防員Flow的電話，他笑說：「我惟有笑。」對於有人爆料指他專長是媾女，他立即否認，又指本身不飲酒，所以不會蒲吧。有傳Flow有花名叫wolf（狼），他巧妙地回答：「我個名調番轉就係wolf。」採訪：黃曉妍攝影：陳志嵐
■攞住牛奶和麵包的Flow，強調自己不飲酒不蒲吧。
■來自溫哥華的簡少傑由叔父陪同下，參加首次港男會面。
來源:
http://hk.apple.nextmedia.com/entertainment/art/20160712/19690643
洗米仔唔跟老竇媾女：使佢教？
1 :
GS(14)@2016-08-18 06:04:28■洗米仔周柏豪與姑姐（左）都十分支持Heidi。資料圖片
洗米華與前妻所生的長子、洗米仔周柏豪完全得到爹哋的遺傳，父子都甚有生意頭腦，洗米仔於十多歲時於英國讀中學，當時已經與老師創立了學生折扣App，賺到約200萬港元做本給自己創業，完全沒有問過家人取分毫。洗米仔表明父親並非他的理想投資拍檔，主要是覺得爸爸不熟行。洗米仔曾接受雜誌訪問，被問到父親洗米華可有傳授他媾女絕招？洗米仔笑言：「使佢教？」但透露老竇會用肥胖打擊他，而洗米仔與繼母陳慧玲（Heidi）感情好，非常支持她。撰文：劉敏
來源:
http://hk.apple.nextmedia.com/entertainment/art/20160818/19740624
港男梁裕恆上ViuTV媾女食兩家茶禮
1 :
GS(14)@2016-09-06 04:42:19■梁裕恆早前辭去消防員工作參選無綫港男，似乎是決心加入娛樂圈。資料圖片
為夢想可以去到幾盡？「翻版唐文龍」梁裕恆（Flow Leung）為參加今屆香港先生選舉，決心辭去消防員工作。早前被問到是否很想加入娛樂圈時，他害羞地搖頭，表示不懂回答。但其實Flow鋪路入娛樂圈早已有迹可尋，本報發現ViuTV將於明晚10時播出的實驗愛情節目《脫獨工程》，Flow是其中一名男神約會對象。
爆肌履歷又好
在宣傳片中，Flow坐在梳化一男面對三女對談，之後蒙着眼與另一位靚女約會。Flow在健身房內赤裸上身，大騷爆肌身材，約會後說：「幾enjoy同佢（靚女）觸感，成件事都幾浪漫。」據悉《脫》於今年5月在網上招聘單身男女，Flow表現突出，很快便被監製睇中。《脫》監製黃慧君昨日在電話說：「佢除咗靚仔、大隻、人工高，份履歷表仲好突出，話自己有做義工，鍾意彈結他、睇書，又有講愛情經歷，係鍾意啲好純樸嘅女仔。」問到Flow有否與靚女發展？她說：「唔可以穿結局，嗰個女仔叫KT，係藝術家，本身性格硬繃繃，我哋就係要幫一啲有問題嘅人去結識唔同異性。」
■ViuTV《脫毒工程》宣傳片中，梁裕恆蒙着眼與藝術家KT手拖手行街。互聯網圖片
■梁裕恆自言幾享受與靚女觸感，認為約會很浪漫。互聯網圖片
麥明詩揀6號
而昨日Flow與其他9位候選港男在馬鞍山參加宣傳活動，「小鮮肉」1號鍾君揚（Freeyon）先拔頭籌奪得「現場最佳表現香港先生」，2號麥凱程（Alex）則好識冧女仔，用法文讚穿上大露背裝的麥明詩非常靚女，又指應屆港姐劉穎鏇是他心目中的女神。麥明詩就覺得6號馬俊傑特別合眼緣，自言喜歡青靚白淨，但一提男友林作便煞停，追問她是否分手？她說：「唔講啦，低調啲！」採訪﹕黃曉妍、嵐山
■麥明詩睇好6號馬俊傑（左二），覺得他青靚白淨合眼緣。
■梁裕恆昨日出席港男拉票活動。
來源:
http://hk.apple.nextmedia.com/entertainment/art/20160905/19759923
【峯迴路轉】林作媾女釀情變
1 :
GS(14)@2016-09-17 17:52:50麥明詩剛卸下港姐名銜，但她與林作的戀情，離離合合由參選至今未停過，由浮面到默認、分手，前日中秋佳節又被本報發現與林作全家食飯做節，發展峯迴路轉。
6月11日 抄牌斷正
麥明詩身在深圳拍劇，林作被本報讀者影到在銅鑼灣向低胸女「抄牌」。
6月19日 無奈爆喊
麥明詩接受本報訪問承認為男友向低胸女「抄牌」而喊過，又苦笑說：「咁同得一齊，就選擇信啦！」
上周三 降呢朋友
有指身在巴西做奧運主持的麥明詩，隔空向林作提出分手，回港後她亦以「朋友」來形容與林作關係，變相承認二人已分手。
上周四 唔認拍拖
爆出分手後，林作接受傳媒訪問時說：「我哋一直都係朋友，坦白講，我從來冇喺公開場合講過我哋係男女朋友關係！」
上周六 派對撩女
本報讀者爆林作現身淺水灣酒吧與友人開派對，穿上如鹹菜的孖煙囱粉藍色泳褲與幾位穿比堅尼索女傾偈。
前日 中秋合體
麥明詩被本報影到與林作及其家人，於中秋佳節在中環食飯，二人前後腳離開，麥明詩更一臉儍笑。
來源:
http://hk.apple.nextmedia.com/entertainment/art/20160917/19772847
【媾女惹禍】踩場被天明鬧爆
1 :
GS(14)@2016-10-19 05:28:45近年林建億轉嗒洋妞，經常被拍得被外籍索女包圍，其實早年他先後與圈中人拍過拖及傳出緋聞。
周家蔚
2012年，在舊愛周家蔚結婚當日，林建億不請自來，又飲又食又追女仔，更弄濕周家蔚的晚裝，令洪天明嬲到爆粗鬧，林建億最後要道歉。
藍莓
傳過藍莓與林建億拍過拖，雖然藍莓否認有其事，但在林建億被洪天明鬧爆時，藍莓力撐對方。
E Cup超蓮
林建億與「E Cup超蓮」鍾采羲在英國讀書時認識，回港發展後傳出二人拍拖。
金髮女模
有模界殺手之稱的林建億，去年被本報拍到與金髮女模在暗角調情，又摸又錫。
來源:
http://hk.apple.nextmedia.com/entertainment/art/20161019/19805008
陳瀅懶理猷亨媾女
1 :
GS(14)@2016-10-28 06:24:20陳瀅、岑麗香、龔嘉欣、楊明、莊思明及高海寧等，昨日在中環出席邵氏兄弟控股有限公司記者會。賭王四房長子何猷亨跟陳瀅甩拖後，日前被拍到偕長髮索女到中環撐枱腳，陳瀅被問到舊愛猷亨有新歡，她即封嘴：「唔答。」陳瀅表示現在享受工作，無暇拍拖。同場的龔嘉欣被指介入楊明與莊思明戀情，三人昨日同場並不尷尬，龔嘉欣說：「佢係識十年好兄弟，新聞只係炒作，唔係事實。」高海寧則表示如真命天子出現會公開，對方可是創作人鄧智偉？她即說：「你哋畀啲空間我啦！適當時候會講。」撰文：楊定
■岑麗香昨穿上連身套裝露香肩。
■被指介入楊明及莊思明戀情的龔嘉欣（右圖），表示三人同場並不尷尬。
來源:
http://hk.apple.nextmedia.com/entertainment/art/20161028/19814155
Next Page