| |||||||||||||||||
| ||||||
藍 籌大股東增持自己公司股票，出起錢上嚟，通常一球球咁計，但據聯交所資料顯示，恒基地產（012）主席李兆基（四叔）上月30日竟然只係拎咗20.5萬銀 出嚟，增持7000股，似散戶多過大孖沙，認真罕見。聽番恒地靚太公關解釋，四叔今次唔係孤寒，只係當日打算按每股29.3元增持，點知喺呢個價淨係買到 7000股，就係咁簡單。 超人斥336萬增持長實 四叔自上月中開始不斷增持恒地股票，第一次最大手筆，拎咗9588萬蚊買咗 300萬股，至今計埋用咗2.3億銀，增持722.2萬股，持股量增至53.75%。除咗四叔，長實（001）主席李嘉誠自從舊年10月增持過後，本月3 日再度出手，增持5萬股，平均價67.14元，涉及資金335.7萬元，持股量增至40.24%。 | ||||||
| ||||||
| 8 號仔電盈呢排有幾亂，睇怕唔使點講。呢頭高院批准證監會介入私有化聆訊，嗰頭由鬼佬董事總經理AA艾維朗揸fit嘅裁員行動就搞到一鑊泡。之不過，諗住同 阿爺（新聯通）一齊畀4.5元私有化8號仔嘅主席李澤楷就話之你，靜靜雞咁繼續增持。繼本月17號，佢間盈科拓展掟近3000萬元增持750萬股之後，喺 證監仲有21日搵證據預備整佢單大茶飯、股價復牌預咗會跌（噚日真係跌2.51%到3.89元）之時，噚日佢再掟1921.5萬元，增持500萬股，每股 平均價3.843元，令持股量增至28.6%。 罕有地即時公佈 本來，佢對公司有信心冇乜好講，但奇就奇在噚日佢增持就即刻公佈，有別於過往幾日後先至睇到。雖則話銀碼唔大（對佢嚟講），但呢啲「信心的表現」可能意義深遠，至於係乜意義同有幾深遠，咁就真係任你估嘞！ | ||||||
| ||||||
| 賭 王何鴻燊二房長女何超瓊打骰嘅信德集團（242）高層最近大執位，中環人都話，老竇係時候交大權畀阿女。08年度各執董都冇袋花紅──除咗超瓊，可見大家 姐地位超然。而佢妹妹超鳳呢個月8號開始，短短約一星期先後5次增持信德股權，難免令人猜想，係咪為家姐大權在握鋪路。 超瓊加底薪削花紅 賭 王上年喺澳博（880）咗2000幾萬人工，喺信德只6.5萬銀執董袍金，啲人工咪留畀啲女囉！超瓊08年度底薪加咗5%，但花紅就大削300多萬 銀，得番50.4萬銀，所以總薪酬由07年1213.8萬銀減到得番957.6萬銀，少咗兩成。至於其他執董一律冇花紅，但都有人工加，超鳳同超蕸兩姊 妹，總薪酬同樣少咗約6%，但睇真啲，佢哋嘅底薪都逆市加咗，超鳳加6%，超蕸加7%。 三舊臣齊減5% 賭王3名親信蘇樹輝、 禤永明同陳偉能月初已經請辭，今次係最後一年出現喺信德嘅薪酬表。佢哋雖然冇花紅分，但底薪都齊齊加咗2%，3人總薪酬各自少咗約5%。咁2%同5%比， 似乎有厚薄之分噃。雖然花紅少咗，但超鳳冇話慳住荷包，先係本月8號同9號增持信德，跟住第二個禮拜，仲連續3日加碼，分5次增持，每股介乎2.7至 2.9蚊，粗略一計，佢前後總共拎咗超過1400萬銀出嚟，持股量由12.97%，增至13.19%，唔通係想幫家姐鞏固地位？李華華 [email protected] 信德執董08年總薪酬 執行董事：何鴻燊金額：6.5萬元變幅：不變執行董事：何 超瓊金額：957.6萬元變幅：-21.11%執行董事：何超鳳金額：557.7萬元變幅：-6.02%執行董事：何超蕸金額：397.9萬元變 幅：-6.71%執行董事：蘇樹輝金額：140.4萬元變幅：-5.01%執行董事：永明金額：185.3萬元變幅：-4.83%執行董事：陳偉能金 額：178.1萬元變幅：-5.01% | ||||||