ZKIZ Archives


給銀行寵壞 左丁山


2009-03-15 AppleDaily





 

校 友會午餐例會,搵到胡孟青講「滙豐供股要Say No」,大收旺場之效。有一位校友帶埋乖女嚟聽,吃過午餐後便一同到太古商場逛百貨店,問校友為何如此舒服,唔使做乎?校友曰:「我已退休,乖女間銀行被 吞併後,舊人遣散,佢亦回家湊我個孫!」可惜啲喎,校友之女在柏克萊畢業,哈佛MBA,曾在紐約大型投資銀行做分析師,香港監管機構工作,一流財金人才 也,投閒置散未免嘥料。世姪女話:「現在搵工難,而且我o依家先至發覺,出面人工幾低吓,大概我已俾銀行高薪縱壞咗,仲要一段時間適應,返屋企親子都係好 選擇。」好,梗係好啦,佢在屋企教子,會叻過幼稚園老師好多倍。陳智思太太咪堅持在家教次子,唔送佢入幼稚園囉。

過去銀行(特別係投資部門 方面)人工高,令年青人趨之若鶩,不幸碰上金融海嘯,以後唔知仲有冇呢支歌唱。高盛一位亞洲高層最近退休,佢對英文報紙記者講:「投資銀行黃金時代已一去 不復返,或者再等十年啦,我在呢個時候退休,十分適合!」年青學生請留意吓嘞,叻仔叻女入大學或者選番做工程師、醫生、科學家,而唔係一定要爭住讀商科 嘅。

參加校友午餐會嘅校友,有財務W在,原來佢位公子本在美國讀工程,畢業後立即加入銀行做衍生工具,由貝爾斯登出身,去咗東京雷曼,再回 港加入滙豐,現在呢?財務W話:「個仔上個月攞咗遣散費,繼續享受生活!」又係嘅,過往七、八年,收花紅不在小數,嘆吓未遲,只要佢對調查人員講(如果被 抽樣選中嘅話)佢唔會短期內搵工,佢就唔算失業,唔會推高失業率,令曾司長頭痛。

 

未被縱壞,只怕捱壞嘅記者小B一味呻窮, 佢啲同學被銀行炒魷,拿到嘅遣散費,足夠佢三年薪水。可見銀行與傳媒行業薪酬相距之大,成績標青到極嘅學生要爭住入讀中大新聞系好似冇反映到呢個wage gap。現實上,記者做三四年就轉行,有其道理。在校友午餐會上碰到一位靚女校友,佢遞上名片,係私人銀行家,已係董事級,問佢讀邊系,佢話:「我讀 Journalo架。」咦,果然醒目,讀新聞而打銀行工,識得轉膊喎。



PermaLink: https://articles.zkiz.com/?id=6596

被寵壞孩子 Money Cafe

http://moneycafe-icable.blogspot.hk/2014/03/blog-post_1470.html
「被寵壞孩子」
「走上民綷主義之路」
「港人應加強危機意識」

呢一類咁情緒化、煽情說話,超人不在上周兩個記者會上透露,反而是透過內地媒體財新網發表,意慾何在?

再次接受內地傳媒專訪,這次是胡舒立的財新網。

坐擁2400億身家,李嘉誠強調自己也做過窮人、明白天天要擔憂生活的感受,滋生民粹是人之常情。

刻意回顧去年的碼頭工潮,李嘉誠指,即使將他扮成魔鬼、他在照片仍然是笑的。

但佢隨即提出、不應停滯在憤怒情緒階段,更批評不少政客只會推波助瀾,結聚憤怒。

李嘉誠又提醒政府、切忌政策情緒化,擔心是個大滑坡、造成惡性循環。

他形容,新加坡先天不足,香港則是寵壞了的孩子,如果民粹主義再升溫,五、六年間香港就會面目全非。

說到香港同內地的矛盾、李嘉誠說,香港人對國家民族、對自己的家是真心的,不應該被社會一些表面現象,扭曲了港人對民族認同的心。

近年熱愛科技,身邊人周凱璇不忘提胡舒立超人的新玩具: 由電路版研發的NANOLEAF燈膽。

「改變世界,就如此燈般簡單。」超人如是說。

所以展望未來,超人認定是由創新科技主導,政府應該急起直追,如果只看到失業率偏低,就認為毋需迫切改善就業結構,便等同製造明天的問題。

前文後理來看,今次在內地發表、有一個好處係向中央表明心跡,情況與去年十一月,南方都市報專訪,效果同出一徹。

仔細看當中內容,確實焦點根本不是向香港人表達甚麼「民綷主義之路」、或「身分認同痛苦」。

關鍵是「情緒政策化」一詞!

市民大眾有情緒化,但作為領導當然萬萬不能,今次超人評語對「門常開」,絕對是深水炸彈,破壞力絕對大於上次「無能之人」!

其他評語,例如政府要識得抱著「輸了就是贏」的心態、又形容政府政策太慢,令自己在港投資步伐被迫放慢,其實均是向中央投訴。
PermaLink: https://articles.zkiz.com/?id=92692

撐鳴煒「去少啲旅行儲首期」言論大劉轟廢青 被寵壞唔識慳錢

1 : GS(14)@2017-04-06 07:41:36

■大劉說自己好心軟,所以無論做生意或男女感情,都容易受傷。



【劉鑾雄講大劉】【連載系列之八 致富心得】富豪劉鑾雄(大劉)接受本報獨家訪問,今回他講到擁有律師牌照,又考獲飛機師執照的長子劉鳴煒,評價相當高,同時他鬧爆廢青只愛去旅行和追求物質,不會慳錢。



■愛子心切的大劉,不想兒子劉鳴煒遭不合理批評,曾勸兒子少說話。資料圖片

■去台灣貼地搭捷運的劉鳴煒(中),曾發表「去少啲旅行儲首期」買樓言論,被外界批離地。資料圖片


青年呻窮唔兼職

對於兒子劉鳴煒曾說過買樓論「去少啲旅行儲首期」,言論一出即被批離地,大劉撐兒子沒有講錯:「佢嘅出發點係好嘅,啲人點會受落啫?啲人最鍾意聽你使咗幾多錢呀,爭人周身債然後申請破產咪啱聽囉!我諗今日香港最有錢嘅頭一、二十人,如果係自己創業嘅,個個都係慳番嚟自己捱番嚟,唔係話有錢就去旅行,冇錢就去碌卡。但?家啲人,你叫佢唔好去旅行?仲慘過殺佢老竇老母。」大劉肉痛兒子受批評,曾勸喻他:「我上次已經叫佢唔好多多聲氣,其實佢講得好啱㗎,但啲人點會啱聽啫?」他又指時下年輕人被寵壞了:「你可以話?家啲年輕人俾人寵壞咗未捱過苦,亦可以話佢哋唔係掂地,而係離地。」他說看到電視新聞很有感觸:「有一次我喺電視見到,一個青年,25、26歲左右,接受訪問話住劏房,地方好細。接受訪問嗰陣,佢拎住本漫畫,咁我心諗,如果你講到你間劏房咁細,你係咪應該去兼職?揸番一更的士又好,巴士又好,或者搵番份工。但佢唔係,佢匿喺房裏面睇漫畫,你有乜嘢可以怪人?」大劉指年輕人有劏房住算是不錯:「我哋以前嘅居住環境曳到,老鼠通屋走。睇番以前初初,我記得我同我前妻(寶詠琴)個理想,層樓千五呎,有一百萬定期存款,我已經好滿意。」


勤力信用加膽量

問到大劉的致富心得,他稱:「一定要勤力啦,信用亦好緊要,呢個係我由我媽媽嗰度學番嚟。」問他做生意是不是要夠狠?豈料他說:「狠,我唔承認囉!好有膽量我認嘅,其實我好心軟,好多嘢人哋對我唔住嘅,我都好易算。」採訪:陳月媚攝影:陳俊強【Timeline】手機用戶請按此,瀏覽「傳奇狙擊手劉鑾雄」: http://bit.ly/LAU-timeline【話你知】同大劉有關係嘅名人、美女有幾多?即睇「大劉人物關係圖」: http://bit.ly/JosephLau




來源: http://hk.apple.nextmedia.com/entertainment/art/20170406/19980999
PermaLink: https://articles.zkiz.com/?id=329423

Next Page

ZKIZ Archives @ 2019