📖 ZKIZ Archives

識睇梗係睇原始數據

加息，就說怕影響未來經濟發展。不加息，則解讀為實質經濟前景不佳。過去數星期，市場若有大波動，就被指憂慮經濟前景。議息期間，美股指數大升，便演繹為對不加息的樂觀預期。議息結果「眾望所歸」－不加息，之後就指不確定性未除，市場估計10月或12月可能加息，所以近日成交量低繼續悶市。

市場分分秒秒都存在交易買賣，而且屬環球性規模。集體行為和短期趨勢，當真可以輕易由幾個因素解讀？筆者認同要知道世界大事，這是分析各行各業未來發展的基礎。不過讀新聞看研究報告，需要有意識地辨別噪音(noise)和訊號(signal)，這當然不容易。最理想是收集原始資訊(raw data) 而不是依賴經處理數據(processed data)，例如直接找來公司年報、財務報告和通告，而不是單看新聞報道、專欄評論或大行分析(筆者咁講算是自己倒自己米)。其實筆者亦有每天閱讀報的習慣，很多專業評論都極具內涵和啟發性。可是每篇報道和分析都有其落墨重點，若不找來原始資訊看，容易建立偏頗的印象，甚至漏掉某些重要資訊。只有看過原始數據，再綜合各家評論，才會有較完整的想法和印象。

微觀看公司年報和通告，宏觀行業和市場則要找來產量、銷售用戶數目等原始數據，觀察趨勢。寫了半篇，讀者也許感到「講就容易做就難」，認為筆者在吹水＆順口開河。其實，眼前股市形勢就似暫時跌定。而在交投不活躍、股價未飛升的日子，投資者才有較充裕的時間，對多間公司和行業作較詳盡的分析，並發掘具潛力的投資機會。早前大跌市，很多股票從高位回調幾成，甚至超過一半。現在放眼看去，就似全部股票都抵買。其實，選擇或衡量股票價值之時，不能單單比較股價的高低位。即同一行業的公司，即使股價都回調一半，但業務增幅、邊際利潤和資產價值都不一樣，需要細看財務報告才知道哪一家較便宜和具潛力。

早前的文章曾說在經濟不及以往的時期，可選擇手持較多現金的公司，因為實力雄厚捱得過低潮的機率較高，甚至逆勢低成本擴張，近日就看到例子。合生元(1112) 上周公布收購澳洲的Swisse Wellness 83% 股權，該公司主要銷售維生素和營養補充品，總作價約76.7億港元（73.9億以現金支付，餘款以合生元的股票支付)，而集團將獲澳新銀行和匯豐銀行提供最多4.5億美元的過渡性融資。消息公佈之後，合生元的股價升了超過3成。筆者舉這個例子並不是推介合生元，而是說明持有大量現金的公司，在改善或擴充業務時，會有更多選擇。

《網上加料版》

合生元(1112)截至今年6月30日持有約40億現金，而短期貸款僅約1.3億。Swisse Wellness 上半年的銷售收入較去年同期增加150%，而本年淨利潤更扭虧為盈達港幣4.03億。假若下半年的銷售和利潤率和上半年相約，即合生元以大約9.5倍市盈率收購該公司。但若果Swisse Wellness 能保持銷售和利潤的高增長率，則市盈率會大幅降低。這宗交易孰貴孰便宜，眼下未能判斷，需要看下半年業績才知道。

除了看公司手持的現金水平，營業額和利潤增長亦重要。早前有不少報道，唱好內地的體育服裝品牌，指現價抵買，但筆者對內地實體零售業的短期發展不樂觀，畢竟經濟增長不及以往，連阿里巴巴也調低銷售預期，而且A 股早前令一大批散戶虧本，加上零售業競爭激烈，業者要保持增長和利潤，具一定挑戰性。昨天361度(1361)公告夏季訂貨會成績 － 較去年同期的銷售總值增加15%。鞋履和訂貨量和價格分別上升9% 和14%，而服裝銷售的價值僅錄得輕微增長，以致貨量的增長，被下降的平均價格抵銷。由於361度的主業是服裝，而不是鞋履，筆者估計15% 增幅的銷售總值，未必能帶來雙位數或高單位數的利潤增長。
(此文同見於《信報》的《價值投資》專欄)
Facebook 專頁：www.facebook.com/trendalysis
PermaLink: https://articles.zkiz.com/?id=176942

講膠所手記：睇嘢，唔係睇一日咁膚淺！

1 : GS(14)@2012-04-19 22:20:57

http://www.sharpdaily.hk/article/fin/20120419/80355
昨日見報，《爽報》財經版嘅頭條，我哋揀咗「歐文龍案翻舊賬 濠賭股危危乎」呢隻故仔，而昨日，濠賭股係靚升嘅，隨即，有條「神級茂莉」話：「唓，啲賭股唔跌喎……」作為有份扑鎚頭條故仔嘅一員，YY都係時候講吓我哋「度」頭條嘅理念！
每一日嘅頭條，我哋都會以mark to market為大前題，希望做到話畀大家知嚟緊應該避開啲乜嘢股、有咩可以炒、有咩股要留意，而我哋考慮嘅時間性，唔係「聽日」，而係「呢一排」，因為，無論係案件、國策，都唔會係「一日」就算，正如前日嘅頭條「薄熙來拖跨重慶板塊 恐秋後算賬 重農行首當其衝」，都係話呢一排。
或者，你會話YY，你死雞撐飯蓋啫！即係咁，昨日新鮮出爐嘅《壹周刊》，都做隻《歐文龍貪污案 香港富豪大鑊》嘅故仔！
YY絕對唔夠膽認叻，只係想講一句，每日諗頭條嗰陣，YY同拍檔都過到人過到自己，因為，我哋真係有帶埋個腦返工！

YY
PermaLink: https://articles.zkiz.com/?id=278850

樂香園：嘉里真係睇中雨潤？

1 : GS(14)@2012-08-07 17:27:44

http://hk.apple.nextmedia.com/financeestate/art/20120807/16581244
近日殘股大翻身，海迪認為大部份係技術反彈居多， short咗咁耐有啲平倉盤實屬平常，絕唔代表公司前景有轉好咗。豬肉股雨潤（1068）近日獲嘉里集團增持至5.01%，表面上睇，好似係有人睇好雨潤而吸貨。但真係咁簡單？
首先雨潤搵錢嘅模式好複雜，聞說佢哋先向地方政府攞地發展，開工後地方政府又會用「回贈」方式畀番部份錢你，長期高於市場嘅補貼，到底包括咩嘢項目？唯一可以肯定嘅是，一、呢種唔透明嘅模式，可以畀人搵油水嘅漏洞好多；二、雨潤呢間公司要 run落去，人事關係必不可少。如果有投資者想策略性入股，買起雨潤，點樣去衡量佢嘅合理價值？唔會天真到單睇本 book就睇得明囉！唔同祝義材傾，自己喺街掃？點諗都唔合理。
嘉里3次增持雨潤，每次都巧合是32萬股左右，唔多唔少，亦被標示為「行使某項權利或期權」，仲有3500萬股持倉係屬於衍生工具。似係有人有投機性的合約居多。野村仲搞笑，佢哋分析嘉里持有雨潤股價的子公司名稱，叫「 macro」、「 alpha」，聽落都唔似係搞策略性入股喎！
海迪
PermaLink: https://articles.zkiz.com/?id=280777

大鬧馮敬恩：我係睇唔起佢

1 : GS(14)@2016-12-17 23:49:36

【本報訊】活到71歲的李國章對粗口、「可恥」等帶侮辱性字眼非常敏感，不下10次提及當日遭示威者以粗口指罵，批評學生是暴民，而馮敬恩則是主謀，煽動他人攻擊他。李稱留意到馮會上向同學「打text」，但「佢打錯報告畀啲同學」，並大翻馮舊賬，指馮曾衝入校委會大叫「李國章可恥」，又洩密講大話，反問「呢啲咁嘅人你信得佢幾多？」他揚言「我係睇唔起佢，因為佢人格有問題！」


稱闖校委會是壞蛋行為

聆訊中不難發現李對馮深感不滿，李強調馮案發時一定曾用「可恥」攻擊他，並謂「可恥」並非首次出現，重翻舊賬指「佢舊年7月尾第一次衝入校委會，大叫李國章可恥」，形容當時的情況猶如「鎖你、困你、唔畀你走、唔畀你去廁所、唔畀嘢你食」，根本不是學生應有所為，「係壞蛋嘅行為！」辯方重提校委會去年9月決議不委任陳文敏任副校一事，問及李國章批評陳沒博士學位等的說法是否屬實。李國章大方承認曾提及陳沒有博士學位，但繼續對馮窮追猛打，斥他大話精，「話咗唔講，轉頭攤晒出嚟」，違反保密協議。惟辯方指既然馮所言屬實則不算大話，李國章聞言略激動，「講啲唔講啲，即係搞事囉」，強調講大話是指馮洩密，他滔滔不絕說：「你係講大話就講大話，正人君子就正人君子，冇道德就冇道德！」■記者楊思雅、勞東來




來源: http://hk.apple.nextmedia.com/news/art/20161217/19868350
PermaLink: https://articles.zkiz.com/?id=319287
Next Page
ZKIZ Archives @ 2019