楊紫瓊約旦6軍人護航
1 :
GS(14)@2017-03-04 00:34:44楊紫瓊、樂基兒（Gaile）、文詠珊（JM）、鄧鉅明夫婦、任達華夫婦等昨晚現身中環出席LV旗艦店活動，久未在香港露面的楊紫瓊，皆因忙拍美劇《星空奇遇記》，之後更要去約旦取景。提到當地安全問題，她表示：「一落機就會有軍人保護，一個人會有6個軍人，當地好和平冇事，唔可以因為驚唔去，佢哋想嚇我哋唔敢去，匿喺屋企，我哋支持每個人都行出嚟，之前聖誕喺巴黎過，氣氛都好好，大家都好堅強。」她又透露曾去過約旦旅遊，未婚夫Jean Todt與當地國王弟弟稔熟，問到二人婚禮今年會否成事？她即笑言：「難！有兩、三套戲，唔敢諗。」
■蜜運中的樂基兒展現幸福肥。
■JM一身型格打扮現身LV旗艦店活動。
Gaile早前被網民惡搞，指她與男友Ian在新加坡秘婚，她昨再澄清已有十年沒有去當地：「我同佢都結過婚，佢7年前離過婚，都唔係好大件事，未有結婚打算，太早啦。」另外，鄧鉅明對於甘比躋身香港十大富豪表示：「我係男人都羨慕佢，佢咁幸福，老公畀晒錢佢。」採訪：羅慧敏攝影：陳俊強
■任達華攜太太琦琦現身。
■鄧鉅明表示好羨慕甘比躋身香港十大富豪。
來源:
http://hk.apple.nextmedia.com/entertainment/art/20170303/19945479