中環在線：花旗海嘯中搞派對 李華華
2008-09-19 AppleDaily
美 國金融機構爆煲潮未完，老家在美國嘅花旗集團似乎唔多擔心，噚晚仲喺四季搞咗個迎新雞尾酒會，為新上任香港區行長章晟曼洗塵。派對請咗300幾個賓客，都 係客戶同業務夥伴等，唔少仲係大孖沙同上市公司高層，包括鷹君集團（041）主席兼董事總經理羅嘉瑞、利豐（494）董事總經理馮國綸、恒隆地產 （101）主席陳啓宗同太古（中國）主席陳南祿，可以話係畀面派對。
大孖沙齊撐場
花旗老家o依家咁亂，章行長第一次蒲頭，都唔敢怠慢，點都要派啲定心丸畀大家。佢喺派對上演講時提到，花旗集團家陣存款約8000億美金，仲係分散喺唔同嘅產品同地區。即係話佢哋水頭充足，仲因為咁，美國聯儲局穩定市場都搵佢哋做支援咁話。