📖 ZKIZ Archives

最近要考慮一些關於個人投資的決 定，腦海裡重複出現一個可能永遠沒統一答案的問題：究竟基金經理能否跑贏大市？這問題不易有統一答案，因為牽連甚廣，全球基金業規模龐大，假如可證明基金 經理不能跑贏大市，整個基金行業將陷入困境。遇上這類問題，正反兩方必定搬出一大堆學者分析，視乎希望得到哪一個結論，各式各樣的「獨立」分析任君選擇， 結論是冇結論。

質疑基金經理的論點離不開兩個︰第一、股票價格已反映了所有市場需要知道的資訊，長遠而言，基金經理跑贏大市的原因只可能 是幸運；第二、基金業的規模已膨脹到一個它就等於市場的地步，當你等於市場的時候，你不可能戰勝市場。假如基金經理的表現頂多跟市場同步，這代表客戶注定 跑輸大市，因為不管基金表現如何，基金公司都會向客戶收取管理費用。

質疑基金經理能否跑贏大市最不遺餘力的人，其實也是基金業一員，是近年冒起的指數基金，香港人最熟悉的是盈富和A50。

指數基金最大賣點是，假如基金經理不能跑贏大市，倒不如設計一個跟大市同步的基金，然後把基金管理費用減至最低。

指 數基金是理性的投資工具，能夠參與股票投資之同時，把管理費用降至最低。然而大部分投資者不接受指數基金，因為指數基金猶如一部機器，不加思索，盲目跟隨 指數起跌，對自視甚高的你和我，是「唔好玩」。對指數基金的另一種批評是，即使股票明顯地太昂貴，指數基金也要把百分百的現金投資在股票上，明知有難也不 能逃避。

投資者的心態大都是，粗俗一點是「唔信邪」，優雅一點是「浪漫」，我們選擇相信人勝機器，知識可改變命運，世上有可跑贏大市的基金經理，而且在茫茫人海中，我們一定能夠遇上。

基金經理要證明自己的過人能力，最有力的證明是驕人往績。我們都聽過基金公司的宣傳中，必有往績不代表將來表現的警告，但曾經做出好成績，總好過未做過好成績。投資者能得到關於基金經理的資料有限，因此以往績來衡量基金經理的能力，是很普遍。

談 到往績，問題開始出現，這是金融海嘯的後遺症。查詢基金經理有關08年及09年的基金表現如何，投資者發現能準確預測金融海嘯來臨的基金經理絕無僅有，聽 聞在美國有三兩個，但你和我肯定遇不上。以08年表現計算，恒生指數下跌四成，基金經理全軍覆沒，大部分甚至輸多過四成。參考往績至這裡，基金客戶心裡涼 了一截，基金經理應該是專家，不是專家怎收取不菲費用，但往績是人輸我輸，所謂表現好的，是輸得比大市少，這個成績拿出來耀武揚威，說不通吧。

再 看09年，另一問題出現，09年初大部分基金經理態度悲觀（去年3月滙豐跌至33元），看淡後市，但09年3月之後股市急升，全年恒指升五成，從09年最 低位翻了一番，不少基金經理入市太遲，09年又是跑輸大市。至於今年，至今股市反覆，欠缺方向，恒指由年初至今下跌了約半成，基金經理表現又平平無奇，又 搬出「輸少當贏」的解釋，來證明非戰之罪。

選擇基金的投資者，性格上應該比較保守，起碼他們願意相信專家可以做得比自己好，不惜付出管理費 用。這類投資者的心態是，股市升的時候我未必要賺到盡，股市跌的時候我不想輸錢。金融海嘯不是一夜之間發生，是一步一步的跌，專家應該盡辦法幫客戶減少損 失，但急於收復失地的基金經理，最後被困泥沼，越沉越深。金融海嘯對基金業的打擊其實很大，不論是傳統基金或對沖基金，所謂表現最優異的，是在升市中或者 跑贏大市，但在跌市中始終一籌莫展，這跟基金投資者的意願正好背道而馳。

當基金公司職員答非所問的時候，我們應提高警戒。讀者不妨向基金公司查詢，參考基金過去兩年的表現，看看職員怎自圓其說。最近我領教過，對基金公司職員敬業樂業的精神，我心存佩服。

蔡東豪

現任上市公司精電國際行政總裁，他曾任職投資銀行，在《信報》以筆名原復生撰寫財經專欄，對投資及求知有無限渴求，習慣早上四時起床寫作找樂趣。

「衞生巾大王」、恒安國際（1044）行政總裁許連捷，連小學都未畢業，又係出名大男人到爆嘅閩南人，勢估唔到佢會搞衞生巾！佢點靠衞生巾「殺出一條血路」，又點靠衞生巾成為「閩南商業教父」嘅呢?

話 說1984年，有個叫楊榮春嘅技術員，拎住一堆香港衞生巾說明書嚟搵許老闆，許老闆話衞生巾當時響好多發達國家已經用咗幾十年，但大陸嘅「用家」（即係女 人）連呢塊係乜都唔係好知。有一日，一個上海朋友嘅太太同佢講，用咗十包之後就買唔到「很痛苦很難受」，於是佢認為呢個產品係可以為消費者帶嚟改變、舒 適、衞生同埋方便，加埋「價錢不是太貴，一般家庭收入都買得起」，所以應該有得做，於是，佢就拎住好多人夾份嘅20萬美金本錢，開始生產「安樂」牌衞生 巾！

佢同四個男業務員，周街跑推銷衞生巾，但係成個月都冇人問津，第一筆價值成千銀嘅生意仲被人呃埋！就響呢個時候，一部三色台劇集救咗 佢！1986年，大陸播三色台嘅《八仙過海》，許老闆就插播廣告，卒之佢嘅事業好以加咗對翼咁全速起飛，到1998年，佢仲說服到股東將恒安嚟香港掛牌上 市，成為第一隻南下香江掛牌嘅民企！

人人都想網上搵銀，但要做馬雲、馬化騰，談何容易？偏偏有五位年輕人：陳浚豪（Roy）、伍卓翹（Jay）、紹立本（Webster）、陳家豪（Karl）和黃詒倫（Alan），甘願搏一搏。他們辭了工，開設Bookclass（訂班網），獨沽一味，在全港搜羅新奇得意的興趣班，由整臘腸到試乘直升機都有，並提供即時報名服務，更為興趣班製作「動新聞」向客人介紹。五人興致勃勃說：「第一步希望成為Openrice的『興趣班』版本！」開業短短三個月，已有六萬盈利，他們的目標定得更遠：「日後有合適的價錢，就會：賣盤！」

訂班網，顧名思義，就是在網站上，「撮合」搞興趣班的公司以及報名的用家，有點像matching。記者登入他們的網站，發現興趣班種類「幾趣都有」，數目約八十個，靜態如整臘腸、肉桂卷等烹飪班；也有刺激的攀山、射箭及坐直升機等戶外活動。Bookclass幾位老闆身為中間人，自然不用粉墨登場。一旦有用家訂用，交易成功，他們便可向興趣班公司，收取學費兩成費用；可謂在電腦後，印印腳等收錢。近日流行的虛擬眼罩Oculus Rift和F1賽車班，也剛加入了Bookclass。負責搞此班的公司Jet One，老闆Peter坦言有和團購網合作推廣搞班，但認為Bookclass定位較明確突出，故決定和他們合作，「Bookclass同我哋一樣，都係專門吸引喜歡玩樂嘅人！而且Bookclass係第一間包埋拍片宣傳，反而團購網擺咗上去唔會理你死活！」

宣傳拍片做埋動新聞

在Bookclass負責市場推廣的Roy說，開業時要不斷打電話sell客，「當時就算免佣，都無人願意參加訂班網。」他總結死因：「客人話擔心要公開晒興趣班嘅價錢同內容，行家會抄，或者自己嘅客去咗人哋嘅興趣班。」他們針對客人的顧慮，向他們確保在網站上，不會有其他與客人同類型的課程。為增加客人幫襯的誘因，亦決定免費替興趣班宣傳，外判請攝影隊拍攝開班過程，更以freelance形式請來年輕貌美的女學生做主持，在網站上及Youtube介紹和分享試玩感受，似模似樣，如製作「動新聞」。Roy說：「有靚女做主持就梗係多人睇啦！女主持每兩個月就會換一次，哈哈，係人都鍾意新鮮感啦。」Roy指，事實上拍片的成本不高，每次選擇較有特色的興趣班，為他們拍宣傳片，成本只需一千元（包剪片和人工），回本話咁快。近日，他們更開發app的Android版，令更多人方便收看他們的介紹。Roy數年前創立網上雜誌「Android資訊」，認識不少bloggers，他亦碌人情卡請他們試玩興趣班、並撰寫文章在他們的網誌分享：「佢哋本身已經有好多粉絲，早前blogger宣傳完整臘腸班，兩天內就已經有三十幾人報名，需要即時再加班。」網上生意講的是hit rate，由當初一宗生意都無，到現時平均每日都有五個興趣班表示想參加，而每日亦平均有千八人登入他們的網站，Roy說：「以前我哋收咩班無乜底線，而家開始可以揀客添。

價格抽佣少過Groupon

市面上，雖然暫時未有同類的競爭者，但不少團購如Groupon及Twangoo等亦會推出平價班，即間接與他們競爭。負責網站設計的Webster蠱蠱惑惑笑言：「好多之前有幫襯Groupon嘅客人都嚟咗我哋度﹗」原來他們知道Groupon等團購網食水深，故減價搶客，「人哋抽四成佣，我哋只抽兩成，而且會長期放網上，唔似Groupon有時限。」加上，Groupon以平價團購見稱，會向興趣班老闆壓價，對於興趣班老闆來說，雖有宣傳效用，卻無實質金錢利益，Webster說：「我哋無要求老闆減價，好多老闆自然轉而幫襯我哋。」記者所見，一個正價二百九十八元的臘腸製作班，在Groupon只需一百八十八元，Groupon就抽四成佣金，每有一個人報名賺約七十多元，興趣班老闆賺百一蚊。而Bookclass用正價收生，一個學生賺六十元，但興趣班老闆可賺二百三十多元。開臘腸製作班的Molly說：「自己偏向Bookclass多啲，畢竟抽佣少啲，所以現在Groupon上已無放。而且呢度吸引嘅客大多都係願意俾錢玩新嘢，之後都會嚟玩嘛！」而另一間位於觀塘的Pretzels烹飪班，在Bookclass剛成立時，已經開始合作，老闆Cyan表示現有三至四成的生意額是來自Bookclass，「團購網將價錢壓得太低，我唔想俾人感覺好cheap，而且用原價買嘅學生亦會覺得好唔抵。」即使打低團購網，對於日後也可能會有同類競爭者加入，Webster自信地說：「我哋已經做咗行頭第一，其他人要加入都唔容易啦。」

內容最緊要過癮

在篩選興趣班上，他們曾想過將補習班放在訂班網上，但最後決定擱置。負責做程式的Jay說：「補習質素好難保證，而且周圍都有補習班。」他們認為參加訂班網的興趣班要內容特別之餘，「最好用家睇到後，有『哇』一聲的驚喜感覺。」如飛索歷奇、醒獅打鼓班及班尼迪蛋教室等，「你不會無故想到玩這些東西，要上我哋個網先見到。」他們不會在網站中公開搞這些興趣班的公司名稱及聯絡方法，「用家自己Google到，我哋咪無佣金？」在篩選興趣班上，最重要還是「一次性」的課堂：「因為操作上容易啲，無咁多爭拗，而且用家上完呢個興趣班，再可以選擇另一個興趣班。」當初開業，他們寫報告書，成功向科技創業培育計劃申請創業贊助，這一年半時間，當局會贊助他們的一半營運支出，並免租提供現時於科學園的辦公桌。他們希望未來可以把辦公室一半地方，借出予一些沒有地方搞班的導師，「雖然我哋喺自己家中工作亦無問題，但要租俾人，所以嚟緊都要搵新office。」

儲「Big Data」等收購

今年初，五人曾以另一盤於Messenger的手機程式生意，參加由台灣一個機構Appwork舉辦的創業比賽，打敗逾二百對組合，成為唯一一對進入十三強的香港隊伍，可參加該公司在台灣舉辦的創業課程，現時另外有兩名老闆Alan和Karl仍在當地學師，Roy說：「參加這個活動需要他們留在台灣半年，在沒有收入又要支出下，Karl於是賣咗自己和老婆供緊嘅樓。」他們指這次學習機會，對他們現時的生意大有幫助，「最重要係教咗我哋點樣有效地運用facebook廣告。」Jay補充說：「我哋差唔多每隔幾個鐘，就會睇一次facebook send嚟嘅report，知道有咩人同幾時click過，睇過咩班之類。所以我哋會知大約咩年紀嘅人會喜歡咩嘢，咁就會target番相對嘅人！」這些「big data」將令他們這盤生意更值錢。除了愈賺愈多，他們亦希望日後有人會出價收購，他們笑住回答：「如果有機會，梗係想有人買起我哋。現階段要加強自己嘅實力，實力愈強，到時人哋開一千幾百萬，我都要考慮吓先！」

開業資料 （7/14）租金$0租用伺服器$6,000宣傳$7,200雜費$1,600總共$14,800營業資料 （10/14）營業額$120,000租金$0人工^$34,000租用伺服器$600宣傳$25,000盈利$60,400^五名老闆人工及動新聞主播

一點意見

林東（Felix Lam）Felix活躍於香港科網創業和天使投資，投資不同apps如教練工具的Coachbase、女性化虛擬遊戲Frenzoo和手機T-shirt設計公司Snaptee等。1.除了facebook統計，也可透過不同渠道了解客戶的喜好，如問卷和在網上收取數據等，例如各類興趣班的demographics，可以更有效率地target所需要的客戶。2. 不一定要局限於興趣班，可以發展其他的市場，便有機會走進其他城市，多方面發展才可以更吸引投資者注資。3. Bookclass現在只有Android apps 程式，未來要開發iPhone程式，將增加負擔，要增加人手。

近年全球經濟開始放緩，香港市道更每況愈下，零售業可說是重災區，本地商家受到很大的影響。專門推出精密遙控坦克兼出口至全世界的東方玩具，因近年國際消費力下滑，遙控坦克銷售數字大不如前，差點面臨結業危機，為了營救公司，掌舵人Steve決定打入近年愈吹愈行的本土熱，以My Tiny新品牌推出香港特色車仔以及場景模型，希望殺出另一條血路。

My Tiny發展2年，現時產品包括場景及車仔，比例大至1:18，細至火柴盒size都有，售價由$49至$850不等。問老闆Steve邊款搶手？他表示能令女士都肯花錢購買便是成功，「場景同車仔，當然車仔好賣好多，至於出咩款，其實都係我嘅idea，當然我唔會亂嚟，要照顧本地唔同人嘅口味，講到最多人like，就係比較中性嘅雪糕車、天星小輪，一個月試過賣1萬架，你諗吓多咗女仔鍾意，即係多1倍銷量啦！」今年38歲的Steve是車迷一名，自小喜愛儲Tomica車仔，18年前大學畢業後便開始創業，先在ebay做網上Tomica買賣，後來更成立了自己的模型王國。Steve說：「啱啱開始生意都唔錯，喺ebay做咗幾年，我哋已經係全球最大嘅Tomica網店，差唔多有1/3嘅listing係我哋公司嘅貨。創業4年後，機緣巧合下做埋遙控坦克買賣，最後發展到有自己嘅遙控坦克出品，最高峰每年有7位數字嘅收入o架，都冇諗過而家會轉型。」11年，Steve表示網購愈來愈方便，車仔買賣開始失手，「我哋一架車仔純利$4，之後ebay收購paypal後又加行政費，仲有倉租、人工都加咗，再加上競爭大，以前都係得幾個對手，到而家有成五、六十個，盤生意已經冇得做。」Steve之後放棄了投資百萬的ebay拍賣系統、賤賣2萬架車仔、辭去近一半同事，「一心唔做B to C嘅生意，主攻B to B嘅遙控坦克業務，點知呢3年外圍經濟差，歐債危機爆出嚟之後無論歐元、澳元同盧布都乏晒值，好似我哋主要大客俄羅斯，每年都有400萬單，最近就一下子冇晒，整體生意少咗4/5，所以我要尋求新出路，如果唔係好快就要執笠。」

冷門市場先有出路

創業18年以來，Steve認識不少廠家，亦學會如何設計及製造一架模型車，經過反覆思量，最後想到以車仔重新起步，打入冷門的本地市場。「日本車仔起碼出現咗30年，點解啲細路仲要拎住人哋出嘅消防車、警車嚟玩呢？我就向住本土方向去做，希望家長除咗買畀小朋友玩外，亦買一個回憶畀自己，My Tiny個名就係呢個意思。」由出口至世界的遙控坦克，變為只有香港市場的本地特色車仔，沒有出口，好多朋友都不看好My Tiny，相反Steve認為這個未有競爭的空間很有潛力，「美國消防車、法拉利，好多人已經造緊，至於香港本土嘅車仔，雖然市場只係得700萬人，不過真係唔多人做，最大競爭都係80M嘅巴士，咁我咪做其他囉，仲有警車、消防車，所有公共交通工具都有諗過。」

賣街即放催淚彈

Steve表示，一架車仔由設計到零售，起碼要1年時間，製作場景需時更久，「我一開始投入咗70萬去造場景嘅模具同包裝，點知有好多嘢都要細改，最終年半都未有第一件產品推出，都差啲頂唔住，直到My Tiny第一架車仔推出市面，呢架1:43嘅Hiace警車，一推出就撞正雨傘運動警察放催淚彈嗰日，好彩我哋第一批貨仲有GoGo Van登場，客人就算唔like警察，都有其他選擇。」即使遇到催淚彈，頭500架警車同GoGo Van最終於一個月內售罄；之後推出的香港場景反應也不俗，Steve說：「開始時每款貨每次約推出500件，大部分產品喺一個月內都會清倉。之後得到唔少分銷商嘅支持，應承一年內唔會落架，我哋就開始做埋好似Tomica size嘅火柴盒車仔，你諗吓一架車仔要投資8萬開模，每架批發賣淨賺$8，同一款車都要賣1萬架先回到本，不過好彩呢啲車仔售價平，反而更好賣，好快就回本。」

拎license最重要

製造一架火柴盒車仔成本只需8萬，Steve坦言呢個數字唔係好高，人人都做到，所以My Tiny的車款無論廠牌或拉花，印得上去都已經有license，這樣才有競爭力。「拎license最難，有時唔係有錢就拎到，又或者嗰個係一個百萬嘅天價，都係托賴以往識落嘅模型廠方朋友，呢啲問題先搞得掂，同埋多得第一個傾得成嘅GoGo Van，呢個成功例子，方便我之後去同人傾合作。」對於未來發展方向，Steve希望車仔可包含全港的交通公具；街景方面，以港人的集體回憶為主線。「我哋已經做咗天星小輪、電車，佢哋全部都拎晒license，我哋而家已經搞緊山頂纜車，希望可以整埋港鐵就差唔多啦。場境方面，好似皇后碼頭、拆咗嘅屋邨呢啲消失咗嘅地方，我都好想令佢重現眼前，好似牛頭角下邨場景就將會喺下個月嘅玩具展展出，希望反應ok啦！」

客人 Johnson：我最鍾意就係1:43車仔，因為比火柴盒車仔更精緻；另外摺得嘅場景款都吸引，啱晒香港嘅窩居，如果有埋彌敦道、地鐵出口嘅場景就仲正！

facebook@My Tiny

〈開業成本〉模型開發及器材：$700,000模型製作：$550,000包裝費用：$160,000總投資：$1,410,000

〈每月收支〉營業額：$1,000,000倉租：$30,000人工：$220,000運輸：$20,000上架費用：$15,000行政費用及雜費：$50,000盈利：$665,000

撰文：黃德禹攝影：劉宇軒