Money Management CUP

Random Tags

贏就金管梵宮晨之多減拿六洲鐵中找賴無難頂而為重現螂一 LPR 眾長獲猷月瀉 Beers 新裝備闖京兩地果迷變燒黨畀巫俊並因亨大帳幕橋彭 RARE 博獲拓售兒聞蛀蟲拉菲網增假面洗頭平媒撞邪狼過掟鹽百店群芳被搣睿康早見露三黑球股跑

http://hk.myblog.yahoo.com/Chui-Cup/article?mid=22717

其實日日都講要認識風險，要明白的人，自然會明白；講了都不明白的人，撞板後自然就會明。咁當然盡快明白撞少幾次板就最好了。

假如什麼都不記得，記住這五件事好了。

一、不明白和不知道的地方就是風險所在。

二、任何市場都是壞的，除非你能從中賺到錢。

三、任何股票都是高風險的，除非它能為你帶來贏利。

四、賬面的虧損，儘管你沒有沽出，那也是你已虧損的。

五、蝕了錢，不是市場的錯，不是俾貼士那個人的錯，永遠都是自己的錯。

至於風險的控制.........一些所謂的措施，實在不能解決問題。例如買藍籌股就＝低風險？長揸死牛優質藍籌就OK？買入估值低的股票就得？安全邊際（呢個最多人講），有幾多人真係識找安全邊際，找到了又會唔會計錯數？

再睇一睇上面那五點。有些東西例如計算估值和安全邊際不是不重要，但我們要更多的安全網，那就是 Money management。很多人忽略 Money management 而遭到嚴重挫敗，即我以前時常講的「傷及元氣」，元氣一傷，是很難復元。

因此，審慎的投機者，首要考慮的東西是如何避免損失，本金保住了，那才考慮贏利，開始有贏利了，才想如何 win big （贏鋪勁）。

再不厭其煩講多一次：

損失5%的本金，賺回5%多一點就能回本。

損失20%的本金，賺回25%能夠回本。

損失33%的本金，賺回50%才能回本。

損失50%的本金，賺回一倍才能回本。

損失90%的回本，要賺十倍才能打和！

不要想其他東西，只要想想買個能賺25%的股票，已開始不易；要買個賺50%-100%的股票難度有幾高？買個十倍股，有幾渺茫？想得清楚後，就不會看輕損失，絕對不會有看著自己持股愈跌愈興奮的情形發生。

今次唔希望長篇大論，只希望盡量簡單的分享一些己見：

新手開了賬戶，不要馬上轟進，先讀好書觀察好市場，先用10%或以下的資金小試牛刀。成功了，以及知道自己為何成功了，才慢慢加大投資額。失敗了，暫時不要再玩，檢討後，知道為何失敗才再試過。

只有功力深厚的資深投機者才適合打借貸投入股票市場。

不要一開始就全力轟進，要慢慢來，第一注有贏利，市場證明自己為對，才在適當時機加馬。當第一注已蟹，虧損是對自己錯誤最好的證明，不要再下注。

第一注的買入要設止損位，不同的情況止損位可能不同，不能太機械化，但盡量不要大於10%，以保持元氣不會受損。為免經常觸及止損位，要嚴格廟算，小心找出關鍵買入點(Pivotal point)買進。

當贏利開始擴大，就可以開始上移止損位（止賺位），以免贏利的部位變成虧損的部位，確保自己有贏利入袋（如何上移的方法，遲些有機會再講）。可能有人認為這是殺雞取卵，但是若然隻雞不停流血，流血不止而瓜柴.....雞都不見了，那就不用談卵了。

下第二注時都要和第一注那麼小心，也是要找關鍵買入點。止賺位的設定也要確保買完頭兩注後一起計算都不會損失。如此類推。

止損位、止賺位都觸及要沽出，並不需要可惜和傷心，因為若然之前的功夫是做足的話，那就肯定是有原因的。例如那股票不是真的好股票、股票真的已見了頂、大市可能真的已轉勢等等。在前面舉例的任何情況下，持有現金一定比繼續持有那股票為好。所以之前有網友問我發現大市轉勢做咩好.....其實當自己的部位不斷觸及止損、止賺而沽出，那就自動做了自己應該做的事了－－保住利潤，減少虧損。

一個時期之中不斷失利 (Losing streak)，那就減細倉位，盡量持有多些現金。到一切順利後，有贏利在手才酌量加馬出擊。

適度分散投資，不做一注獨贏。

不時檢討自己的回報，mark to market，賬面虧損都是虧損。盡量令到自己每季的回報都呈正數，負數開始多，例如>5%，那就是警號，>10%那就很難接受了，應檢自己是否在一個對的市況操作。當每季的回報均呈正數，那年度的回報就自然呈正數。每年都有好的回報，那麼才能期望5年甚至10年都有好回報。望一望上面，若其中一年損失33-50%，那就很大問題了，若果希望10年期有10倍回報，到第9年出現虧損50%的狀況......那麼.......因此能達到持續性的贏利才是穩健的致勝之道。如何達到持續性贏利，能夠做得好上面講的東西，那就很有機會做到了。

PermaLink: https://articles.zkiz.com/?id=14665

Crisis Management危機公關 Consilient Lollapalooza

http://consilient-lollapalooza.xanga.com/730183697/crisis-management%E5%8D%B1%E6%A9%9F%E5%85%AC%E9%97%9C/

寫得不錯的文章:

http://www.boraid.com/darticle3/list.asp?id=139548
從危機原理來看，在經歷爆發的高峰期後，危機態勢將逐步趨緩，霸王大可不必驚慌，切莫霸王硬上弓，一定要快速控制並解決危機，只要適當控制好危機的蔓延態勢就好。輿論需要時間恢復平靜，消費者也需要時間去重新接受。當肯德基因為蘇丹紅宣佈停止銷售「染紅」產品的那些日子，當SK-Ⅱ宣佈退出中國市場的那些歲月，當他們重回市場後，與消費者破鏡重圓，愛不釋手的景象比比皆是。

---
其實很多輿論，都可以運用這樣的方法去處理。很多時，影響大的並不是事情的真偽，而是人們抱著懷疑的觀點。百詞莫辯。問題要在什麼時間處理，怎樣處理，跟誰處理．．．這些都是十分關鍵的問題。

PermaLink: https://articles.zkiz.com/?id=16578

管理會計(Management A/C) 系列 (一) - 解說篇自言自語 - WYJimmy

http://wyjimmy.blogspot.hk/2009/02/management-ac.html
緒言

這系列我盡量講比一d 認識較淺的同學/朋友, 溫故知新, 所以都唔會用太技術的字眼, 而且這不是一本書, 唔可能講得太詳盡, 以及包羅萬有, 要旨係想讀者略明白係管理會計『management a/c 』是什麼一回事, 以及我一些工作經驗分享, 如果大家睇唔明, 或者我有咩講錯, 不妨多點提出。如留言或email 我([email protected])。

第一篇『解說篇』會解說一下咩叫management a/c, 同我地日常做的會計有什麼關係?

第二篇『分類篇』會解說一下, 唔同行業的management a/c 的簡單介紹, 我會以建築, 製衣兩大行業的job costing 做例, 講下佢地功用(job profit and loss), 演說一下如何用 financial a/c reconcile (對照) 去 management a/c, 亦會講下咩叫內部轉移定價 (Transfer pricing)。

第三篇『表現比較篇』(performance measurement):會試下解說如何設定部門表現比較方法(divisional performance accounting), 如何將股東的投資 (capital investment) 加入。

第四篇『創價篇』會講下, management a/c 點去幫助公司產品定價, 包括少少市場學及策略管理學的基本知識。

最後一部分(可能要兩篇)『投資定向篇』會講如何做決定(Decision making), 要包括可量化因素(Quantitative factor), 如投資決定(investment appraisal)的簡單概說，亦會介紹所謂『可行性評估』(feasibility studying) ，除左賺蝕以後, 有d 咩其他因素, 如流動資金, 行業內競爭及前景，甚至公司的品牌價值(Band Equity)等不可量化因素(Qualitative factor) 都要考慮。

解說引言

大家雖統稱『會計』，但工種甚多，連審計(audit)已分內審(internal), 外審(external), 甚至廠審, 入面仲有環境與道德審核(Ethical and Enviornmental Auditing), 其他稅務, 財務管理, 上市報表專門等, 五花八門。但最多人做的, 都係full set a/c, 其實在較早前都談及過有咩要做, 不贅。

所謂Full set a/c 定義非常是闊, 可圈可點, 但請人要求得full set a/c , 當然希望你一個人, 一腳踢, 咁一個人可以做得哂, 其實即係公司都唔係話太大間, 亦正是我們佔總勞動人口 70% 的SME (Small-Medium Enterprise)。

何謂『管理會計』Management A/C?

咁究竟成日聽人講, 話我做financial a/c, 或做management a/c, 咁full set 咪要兩份都做哂? financial a/c 大家都知係開下票, 收下數對下數, 出下報表, 最多都係對下auditor, 問banker 拎statement 做bank rec, 咁management a/c 究竟做d 乜? 個名好嚇人下喎!?

其實所謂 management a/c, 簡單d 講就係management (管理層, 如你老細), 要睇既accounts, 就係management account囉。即係平時你老細話, 想要d 咩figure (information) 睇, 你prepare 比佢果d 就係, 根本有咩複雜的一回事????

簡單講, 平日你地用software gen 出黎的financial report, 如果你老細睇慣覺得ok, 就算係management a/c report, 而交比auditor 的, 便是financial a/c report, 兩者可能係同一樣野來。

但你老細可能會要求加入多d 數, 如公司明明係自置物業, 可能夾硬叫你當入幾錢租(事實冇租可納), 或者甚至計番investment return 入數, 呢d 大家都明白, 行規叫"出唔到數", 但一般做法都係照入, 到交數比auditor 時(financial a/c 最後用途), 就out 番佢出黎, 或者加個reconcliation statement 扣番走佢.... 以上就係最簡單的 management a/c 做法。

其 management a/c 亦包括其他種類, 常見如salesman, product line performance 比較(在第三篇會有介紹), 以及成本分析(在第二篇介紹), 這亦都係老闆們常要到的數據, 但一般會計同業都係跟番上手點做, 自己照做, 真係management a/c 的奧義, 就係取決大家就地取材的能力, 當中亦包括 presentation。

但management account presentation 做得好與否, 就係你有幾利便你老細所需要的資料, 呢d 根本冇咩準則, 但要訣一定要concise(清晰)及 appropriate(合適), 算你好醒, 做到成份上市公司annual report咁大份, 但你老細入面都搵唔到佢要既野, 或者要搵好耐, 咁你份report再details 都係廢....

所以management a/c 最高境界係 - 一針見血!

即係, 冇關係既野, 唔該唔好出現，常見問題如show off 你識d 乜定理, 或某學者講過乜, 太深奧了! 你老板唔係大學教授, 佢地冇興趣睇呢d。

另外, 好多人做projection 的figure(預估的數值) 去到仙位, 我想問番你, 乜你咁叻連幾多仙都估到? 但估多估少幾仙, 對你老板做決定有咩關係? 唔通你公司賣咸脆花生? 賺多蝕多兩個仙會叫影嚮你公司盤生意決定? (significance)

Salesman Report - Bad example


　     Jan     Feb     Mar     Total amount     Perfectage
陳大文     HK$456,213.37     HK$547,456.04     HK$421,120.03     HK$1,424,789.45     32.971%
李小強     HK$562,484.34     HK$674,981.21     HK$519,216.31     HK$1,756,681.86     40.652%
張中正     HK$364,970.70     HK$437,964.84     HK$336,896.03     HK$1,139,831.56     26.377%
合計:     HK$1,383,668.41     HK$1,660,402.09     HK$1,277,232.37     HK$4,321,302.87
百分比     32.020%     38.424%     29.557%







缺點:     (1). 格式不一致, 不雅觀 (2). 小數位太長, 無意義, (3) 忽中忽英 (4) 欠缺解說

呢d 我地稱之為雜訊 (Noise), 太多雜訊會影嚮到你management a/c 報表的質素, 因為, 你浪費左你老板的時間。後果係, 唔好問點解你咁耐人工都冇咩加, 因為management 覺得你唔helpful!

Salesman Report - good example
(HK'000)     Jan     Feb     Mar     Total     %
T.M. Chan     456     547     421     1,425     33.0%
S.K. Lee     562     675     519     1,757     40.7%
C. C. Cheung     365     438     337     1,140     26.4%
Total     1,384     1,660     1,277     4,321






Note:




1. March is our slack season.

2. C.C. Cheung is our part time sales.

所以呢個又係management a/c 另一難處, 幾時至show 仙位? 幾時show 到千位('000), 甚至百萬位(m), 真係要睇公司本身, 但你唔好傻到, 你公司sales volume 幾多百萬, 單價(unit price) 你唔計到仙位呀? 咁結果就會差好遠勒!

書本與現實的分野

咁之但係, 點解平時我地上堂(AAT/PBE 也好, degree都好), 點解咁多野要讀既?

其實 management account 唔一定要讀過好多至識做, 這可以解釋有d 朋友會計學歷唔高, 但可以跟到個老細咁耐, 人工咁好? 因為大家相處耐, 有默契, 會計知老細要d 乜, 老細唔講, 自己醒目搵定d 料比佢(呢個都要同佢對公司有清楚, 即係有幾多熟有關), 因為佢都唔讀得多, 所以都只係表達一d 好事實的數據, 而老細明白自己要分析的東西都係在腦中, 時時唔同, 太多唔同presentation 亦未必岩佢脾胃。

所以在以前, 時有聞LCCI higher 的老會計可以做經理, 幾皮野人工, 但一齊都俱往矣，因為普及教育程度提高，你老板都可能係有學歷，受個系統訓練的人，加上現今社會講求分工化，專門化，太片面的數據已不能令新一代的你，突圍而出。

由於management a/c 實在太空泛，所以書本／學術，是會在常用的方向，如產品定價, 投資決定, 內部表現比較等幾方面, 幫助我們平日應付老板常要既野, 而正如management a/c 並不如 financial a/c 有特定格式去跟從, 所以部分朋友學習上係特別困難。不過, 書本都有唔少參考的表達方法(presentation), 去幫助你去傳達呢d 資訊比老板們睇，但始終每老板要求唔同，所以管理會計最後都要按番老板的習慣, 公司文化, 行業習慣性去設計一d 報表, 下一篇開始我會比一d 例子大家。

PermaLink: https://articles.zkiz.com/?id=35831

管理會計(Management A/C) 系列 (二) – 預算篇自言自語 - WYJimmy

http://wyjimmy.blogspot.hk/2009/06/management-ac.html
前言

在第一篇管理會計出後，相比講升學，或其他 full set a/c 話題，似乎反應都唔算好，追問番好友原因，佢話我講得太深，因我的長期blog 友，多數係在讀AAT或文憑的學生，除應付考試外，一般做野都唔會做到咁複雜，就算部分資深的老友，好多都已是會計師，甚至是教書，咁佢地真係冇必要由 LCCI higher 或AAT paper 3 level 既野再睇一次。

所以我自己都有少少唔想寫落去，同埋，大部分會計朋友都一定比我更熟，自己是有點點『獻醜』倒不如『藏拙』吧！反正都冇人追我稿，即係需求低，不如節省大家看的時間吧。

但個人做事總唔想有頭無尾？咁唯有寫多一個會計界常見的詞語－預算(Budget)便算了，是否再寫下去，就按需要決定吧。

以下講緊係兩堂以上既野，所以會詳細少少，有興趣的可以分段去睇，唔必要一下子睇哂，慢慢睇，慢慢消化，有興趣而唔明可以問，或者指教在下都可以。

何謂『預算』(budget)？

其實每天我們都身處Budget之中，例如你早午餐一般情況會食幾錢度，每日搭車等等，你會budget到每日，每星期，每月的洗費，再對照番你既收入，去決定可以洗多ｄ？抑或洗少ｄ，今個月比幾多錢伯母，或可以買ｄ咩比女朋友（通常係碌咭！因為正常你係買唔起！XD）亦即係我地所謂的『量入為出』，而目的是去達到『收支平衡』。

一個人要預算，同樣，一間公司涉及更多唔同人運作，變數會更加大，例如你收入唔係穩定，你要應付既環境變化（成本）會更多方面，如賠償等，其他可控制的東西，你更加需要有預算去準備，所以budget應該盡量有多Ｄ人參與，唔好個會計同老細兩個坐係度『閉門造車』，咁會失去事實的效用。

預算並不一定指金錢上，你行動上都可以是預算，如你打算去邊，打算做什麼，與什麼人吃飯，往往這亦會與你金錢上的有關，所以預算主力視乎我地打算做些什麼，行動與所需金錢是式式相關。

Source from: Mr. George Brown, Edinburgh Napier University

『預算』的用處

傳統上，budget是給老板們『心中有數』，等佢地預知未來大約要洗ｄ咩錢，做ｄ咩野，檢視手上籌碼，作為未來的資源分配計劃(resource allocation planning)。

預算亦可以搵出管理問題，例如點解會成日out budget，要找出是公司既問題，抑或係人既問題，從此知左問題後，可以容易搵出解決問題的方法。

同樣，透過budget與實際結果比對，可以作為管理層表現(Performance measurement)及獎勵(Remuneration System)之評審標準，鼓勵他們做得更好。

預算(Budget)與預測(Forecast)

好多人都攪唔楚呢兩個字分別，我大致用自己所知解一解。

預算(Budget)係按一個期間，如年度(Annual Budget)，季度(Quarterly Budget)，甚至按月按日等去做，但所設定的budget figure是不會變，因為這只是一抽預計數字，或者是你們（公司）所期望一堆數字，作用是為這一刻規劃未來資源，以及事後參考，常見政府的預算案，政府果年定左洗咁多就咁多，好少會改，就算改都係政治因素 (Political factor)？如曾特首視民望如浮雲後被政治壓力團體炮轟一輪，最後都係改到唔知似乜一樣…..

預測(Forecast)就不然，如七天天氣報告，尋日話星期六會好天，天文台會按實際情況改變預測，如有颱風改方向迫近，咁星期六天氣可能變壞，咁係會改既。

在會計來講，Forecast 又有人稱 Rolling Budget，即係隨時按情況會郁，以應付變化特多的環境及因素，常用有如Sales forecast，舉個例，在上年九月雷曼爆鑊前，很多公司的Sales forecast相信跟年頭所做的已相當不同了，這是forecast的好處。而唔好處當然係成日改，亦好難做比較，因為已經變哂。

預算與預測實用情況

由此可見，對於變數大的figure如sales，我們一般是不會做period budget，budgeted sales 只會在考試上見到，因為經濟氣候變化太快，很多美帝國大公司與你簽了約，都可以在經濟不景時，不停地找你碴子，企圖退貨，甚至不找數，你budget一段期間的數有什麼用? 難道有張新的大單，有利可圖而你不接嗎？

一般來說，sales 與 cash flow 這些每期不同的東東，所以需要定時去改變，以使更貼近現實，我們是會做forecast 多，在後面我們介紹如何去做一個sales 或 cash forecast，談不上正統（什麼是正統？），但我趨向簡單實用，你們可以按情況而變成合適你的設定，而budget 來說，一般我們會做一些Fixed nature一點的, 如G & A Budget (General administration expenses budget)

『增長』與『按需要』的預算

以上兩者有點似你地讀書既Incremental budgeting 或Zero-based budgeting　(ZBB)，但強調並非完全一樣，只係類似的東東，大家只需要用正常通識，即係common sense去理解就得，唔必要睇番書。

由於只係預算是估估下的東西，在中小企層面我唔認為需要太費周章，因為我們需要講成本與時間效益，但所有budget 都要有一個assumption出來，換句話講：你點估個數出來，咁『增長式預算』就係最原始，最簡單做法，例如人工，因為這世界我地有通脹 (inflation)，今年公司合共人工要１０萬，老板話平均預算會加１０％，變左你要預算下年同事人工變成１１萬。

以上就係assumption了，係有根有據，你係根據以往既人工支出，再加上一個可靠既變數，如老板話加１０％，其實你已經做左出年人工既預算。

『按需要預算』係再進化少少，同Zero budget果樣係類似，我想你地考慮個G&A budget，究竟仲有冇果類野存在，簡單講，公司有１０個人，上年人工１０萬（假設人人一樣１萬，方便解說），老細話下年加人工１０％，但裁兩個人走，咁下年個預算就唔係１１萬，而係８ｘ１萬ｘ１．１＝８．８萬。

點解會話類似ＺＢＢ？其實你地要諗多D 野，上面提過，做budget 唔只係會計同老板既事，其實運作部分都要比一ｄ意見，所謂叫『交budget』，佢地提出有咩洗費，大家在制定時諗下係咪真係必需，由於某ｄ洗費，係方便某ｄ同事做少少野，但對於公司係一個大負擔，咁作為會計同老板，應該諗一諗有冇更好的替代品？而唔應該同事話要洗，我地只係做paper work，搬番落個budget度就算。

制budget 的技巧

而做budget亦無謂攪得太複雜，分得太細，試過有北京同事交G&A budget比我，廁紙用幾多又一行，清潔費又一行，這正是我第一篇講既資訊雜訊(noise)，因為管理會計係比老板做決策decision making，你放太多細項目入面，只會加長佢地審閱既時間及精神，減弱左你報表既效用，所以盡可能將一ｄ大類既費用項歸類，你可以在後面的附註講下你 base on 些什麼去計出來。

第二點在第一篇都提過，但有需要再重覆，真是無必要估到小數後兩位，我亦唔信你估到咁準，更唔相信一個分類總數的幾蚊幾毫幾仙會影嚮到一個管理的決定(unit price就不同，因為會乘大條數，咁會好顯著下)。

格式我覺得用番平時P&L，大家會方便比對及好睇一Ｄ，始終你會拎番個actual 出來做比較，當然最好都係先簡化平時你們的管理報表較好。

最後是要提醒一下，所有budget的數字都要有根有據，每一個數字你都要解到出來，唔係亂咁估，但世事無絕對，最可靠方法梗係同有關人仕一齊去估（因應佢地具備在某方面，比你有更好既資訊及認識），但現實社會往往事與願違，當同事冇咁得閒entertain你，而你老板多數都係不負責任，只要你交數，但乜都係你諗掂佢時，咁你真係只有降低個quality架勒，由同大家一齊去估，變左你去部門同事度拎一ｄ資料，try your best estimation去估個數出來，可能既話，再拎去同有關同事傾，佢地通常都唔知咩黎，咁你地就睇情況，去執個老板想睇到既budget出來，再比建議佢。

Sales forecast

其實Sales forecast (銷售預測)是很難一概而論去解怎做，最準確做法是本身公司有良好銷售訂單系統（Sales ordering system），可以在早一點預知下期走貨的詳細資料，再預估出未來月份銷售的金額。

當然有些中小企對sales們是行銷售目標制，即係所謂要sales meet quota 或target，咁會計做forecast就要諗下在過往老細諗既數(佢地expect sales 可以做幾多出黎)，同實則佢地跑到出黎既數差幾遠，例如七到八成咁計，咁你咪將下個月QUOTA數估做75% 囉？但會計人一般都係比較保守，revenue 我覺得可以估細DD，expenses 估大少少係冇問題，但過份保守會影嚮你報表既準確性及可觀性，所以呢ｄ要你地自己去衡量點做係最fit。

如果真係又冇order system, 又冇quota 制，甚至你係零售業，咁最多你只能按淡旺季(seasonal effect)去估個sales，舉個例，上年一至六月的sales分別係 100k, 120k, 200k, 280k, 140k, 80k，今年頭三個月係70k, 85k, 145k, 你可以睇到今年大約係跌３０％，而你公司好顯都係有一個淡旺季的效應，咁跟住四至六月，你唯有將上月同期既sales打番７０％便算，反正係估架者。

但要玩再準確ｄ，你就要睇番行業既銷售系數，甚至拎番一ｄ經濟指數預測去做assumption，難度就唔係高，睇你有冇必要，同你要做到幾準囉？當然，越準既數，成本同時間都越高，只要你公司負擔得起吧！

Cash forecast

其實在我地做野黎講，cash forecast 反而係最重要，因為呢個係做我地會計或corp fin 做decision making，例如我地黎緊係咪要拖人數？同banker傾facility借錢，簡單d如攪下factoring (即係所謂同銀行賣單, 其實唔係真正的賣, 只係將張客單押比銀行，銀行再借筆錢出黎比你用，當客找數銀行會收左佢，扣番你手續費及利息)，甚至我地要同客傾下早d還錢，或同供應商傾下遲少少找數，如唔肯，我地又要諗下可否做　invoice financing，甚至要同銀行傾medium term loan(如政府最近D SME loan)周轉，cash 對於公司來說係非常緊要。

要做一個好的cash forecast 係唔容易，準唔準主要睇你手上d 資料既質素，如是否update? 同埋你要預計埋客找數既pattern 以及之後你要比d 咩錢。

首先，你要有sales forecast，再要簡單分析，有幾多客會有幾時會找數，幾時你又要找數比邊個邊個，因為每間公司個情況都幾唔同，所以我用番textbook既例子比你睇一睇便算，有問題你地可以再問。

你地睇到，第二個月尾bank balance 係負數，即係唔夠錢找數，咁你一早知左，就要及早諗辦法比老細決定點攪勒！

總結

以上知識唔可能拎住出去，就可以解決哂所有中小企公司問題，因為大多數中小企管理系統較差，人力及各方資源都不足，所以真係冇乜邊個會計或文件系統係做得好。

管理層高估自己／公司能力，對同事作出過高要求，而忽視本身需要有關，要明白你老細想你地做好盤數之餘，當然更想你買埋早餐奶茶咖啡，總務人事船務秘書一腳踢，亦唔可能出太多人工請專材，仲要係穩定既人材返來，個個會計做三個月半年就走，你接手返黎既野唔係蘇州屎已經係執身彩，仲想攪好以上呢ｄ野？好像有點痴人說夢吧！

我覺得，以上既野，你地有個概念就夠，有時我明白唔係你地唔識做，係公司情況唔容許你地去做，不過點都好，你自己識做就夠，萬一遇到個老細好，你做落ｄ鑊氣野又攪掂哂，不妨真係幫老板諗諗佢，為自己同為公司增值，其實世界上僱主同員工唔係冇雙贏，只係比較上，天下烏鴉一樣黑，與其外面d老板古靈精怪，你遇到個好ｄ，你留低係度做好ｄ，老板楂既資訊好一ｄ，管理改善一ｄ，公司競爭能力又大一ｄ，最後你同老板都可以搵多ｄ，呢個係事實，所以書與各位共勉之。

預算做得好與否，或者有冇效用，真係要睇管理層的支持度有幾多，預算這工作亦關連到全公司的資訊數據（文件）系統，唔一定話要setup 一個貴貴ＥＲＰ至做得到，最主要係睇你老細與同事有幾合作吧！所以做得唔好不用強求，盡能力便算，夾硬去推樣野出黎，得罪全世界，最後你老細都係要炒你！歷史告訴過我們：戊戌維新中的康有為及梁啟超，光緒便是一個活生生例子！

PermaLink: https://articles.zkiz.com/?id=35832

金錢管理(Money Management) Consilient_Lollapalooza

http://blog.frankyfan.com/2012/09/money-management.html

買賣什麼重要，但怎樣買賣可能更重要。

1 Capital at risk 風險管理：
步驟1：決定你的CAR(如上圖, 1.5%)
步驟2：看看你現在的Stoploss是多少(如上圖, 10%)
步驟3：根據這Stoploss，看你每次可以買多少(如上圖, 15%)
步驟4：如果你想買更多，決定你買入的策略

2 Kely Criterion
怎樣決定買多少?
可以用 Kelly Criterion:
買多少 = 勝算－敗算／（勝負回報比）
例子1：升幅1倍, 跌幅20%, 勝負各半
Position % = 50% - 50%/(100%/20%) = 50% - 10% =40%
例子2：升幅20%, 跌幅10%, 勝負60:40
Position % = 60% - 40%/(20%/10%) = 60% - 20% = 40%
也可以用計數機

CAR在重點在於限制風險，而沒有對是否落注及最大化回報作出建議。
Kelly 的問題係太過進步, 跟佢落注, 會有好大的Drawdown，但這是最大化回報的方法。
CAR + Kelly，前者是保本至上，後者是最大化利潤至上，加起來就是王道了。

PermaLink: https://articles.zkiz.com/?id=37558

Interactive Broker Account Management Beta 版介面

平日有用開 Interactive Broker（IBKR.NASD，下稱 IB）做股票交易的讀者，相信一定發現 IB 網頁版登入時多咗一個叫 Account Management - Beta 的選項：

Templeton Asset Management Ltd違反《收購守則》遭證監會制裁

1 : GS(14)@2010-12-17 12:07:50

http://www.sfc.hk/sfcPressReleas ... rvlet?docno=10PR147
Templeton Asset Management Ltd違反《收購守則》遭證監會制裁證券及期貨事務監察委員會（證監會）公開譴責Templeton Asset Management Ltd （Templeton），指該公司違反《公司收購及合併守則》（《收購守則》），沒有披露其進行的駿威汽車有限公司（駿威）股份交易。

2010年1月26日至2010年4月15日期間，Templeton執行了6,439項駿威股份的交易，使其於駿威的持股量由13.96% 增至15.47%。Templeton沒有按照《收購守則》規定就這些交易作出公開披露。

Templeton承認違反《收購守則》，並同意接受對其採取的紀律處分。Templeton 自發現上述違規事項後採取了多項措施，以確保日後遵從《收購守則》。

收購及合併執行人員的聲明及《收購守則》的有關條文可於證監會網站（www.sfc.hk）〈收購及合併執行人員的聲明〉一欄取覽。

完

備註：
1. Templeton 根據《證券及期貨條例》（第571章）獲發牌在香港進行第9類（提供資產管理）受規管活動。
最後更新日期: 2010年 12月 14日

2 : SYSTEM(-101)@2012-06-26 15:37:32

nironimelind(zid:23853)所發的貼子已被鱷不群(管理組:1) 刪除了。(原因:)

3 : SYSTEM(-101)@2012-06-26 20:50:43

youthyouth(zid:23361)所發的貼子已被鱷不群(管理組:1) 刪除了。(原因:)

4 : SYSTEM(-101)@2012-06-26 21:54:04

ncobernroxan(zid:23431)所發的貼子已被鱷不群(管理組:1) 刪除了。(原因:)

5 : SYSTEM(-101)@2012-06-26 23:41:38

fortiffany(zid:21235)所發的貼子已被鱷不群(管理組:1) 刪除了。(原因:)

6 : SYSTEM(-101)@2012-06-27 00:09:04

fortiffany(zid:21235)所發的貼子已被鱷不群(管理組:1) 刪除了。(原因:)

7 : SYSTEM(-101)@2012-06-27 03:12:56

gianikaslore(zid:22962)所發的貼子已被greatsoup(管理組:8) 刪除了。(原因:廣告)

PermaLink: https://articles.zkiz.com/?id=272075

證監會與HSBC Trinkaus Investment Management Limited就紀律行動達成和解

1 : GS(14)@2011-05-07 20:49:26

http://www.sfc.hk/sfcPressReleas ... ervlet?docno=11PR45
證券及期貨事務監察委員會（證監會）與HSBC Trinkaus Investment
Management Limited（HSBC Trinkaus）（註1）就涉及HSBC
Trinkaus分銷股票掛鉤票據（ELN）的紀律行動達成和解。根據和解協議，證監會譴責HSBC Trinkaus、罰款300萬元，並就HSBC
Trinkaus獲發牌進行的部分活動暫時吊銷其牌照兩年，由2011年4月30日至2013年4月29日止（註2）。
[size="4"]證監會的調查發現，HSBC Trinkaus並無設立足夠的程序，從而：
確保向客戶就有關ELN作出的建議或招攬行為，在所有情況下對每名
有關客戶都是合適及合理的；確保就
ELN向有關客戶作出建議或招攬行為，以便他們投資這些ELN前，均已對有關產品進行足夠的盡職審查；及充分紀錄向客戶所給予的投資意見，特別是有關ELN的意見，以及這些
意見的依據，並向客戶提供有關的書面意見。
證監會
法規執行部執行董事施衛民先生（Mr Mark
Steward）表示："確保其投資意見適合客戶、對產品進行盡職審查以及備存紀錄，是中介人就證券投資向客戶作出建議或提供意見時必須履行的三項主要責
任。證監會若發現任何中介人未能全面符合這些責任規定，必定會同樣採取行動加以處理。"
證監會決定上述紀律處分時，已考慮到HSBC
Trinkaus以往並無遭受任何處分的紀錄，並且在今次就紀律行動達成和解的過程中表現合作。
[size="4"]完
[size="4"]備註：
1. HSBC Trinkaus
根據《證券及期貨條例》獲發牌經營第1類（證券交易）及第4類（就證券提供意見）受規管活動的業務。
2. HSBC Trinkaus
從事部分第1及4類受規管活動的牌照遭暫時吊銷，即在場外交易或並非在交易所買賣的結構性票據屬《證券及期貨條例》所界定的"證券"的範圍內，HSBC
Trinkaus 不准進行這些產品的交易或就這些產品提供意見。

2 : GS(14)@2011-05-07 20:51:06

證券及期貨事務監察委員會（證監會）與HSBC Trinkaus Investment Management Limited（HSBC Trinkaus）（註1）就涉及HSBC Trinkaus分銷股票掛鉤票據（ELN）的紀律行動達成和解。根據和解協議，證監會譴責HSBC Trinkaus、罰款300萬元，並就HSBC Trinkaus獲發牌進行的部分活動暫時吊銷其牌照兩年...(但不包括其他可以推介客戶這類資產之匯豐附屬)

...and bans it for 2 years from dealing or advising on OTC structured notes (but presumably this ban does not apply to other subsidiaries of HSBC to which clients could be referred).

PermaLink: https://articles.zkiz.com/?id=274251

七級偽術：Crisis management舒娃style

1 : GS(14)@2016-03-15 14:48:18

上周體壇最轟動的消息非舒拉寶娃那禁藥新聞莫屬，熟悉網球的朋友都知道舒娃是個fighter，不輕易認輸，往往憑鬥志可以反敗為勝。面對這個危機，舒娃也沒有坐以待斃，她周一在洛杉磯主動開記招，說將有重要消息宣佈，大家那時還揣測，莫非舒娃宣佈退役？那會想到單人匹馬穿一身黑的美女前一姐，會在數以百計的記者面前，主動出擊，坦白承認在澳網期間過不了藥檢，被驗出服用了或有助表現的藥物Meldonium，舒娃的自白固有為自己的錯誤開脫的企圖（藥物今年起才被列禁藥、自己又冇開有關email），但可喜的是那句「我會承擔責任」，以及「不想球員生涯這樣子告終」。外間反應好壞參半。有專業公關刊物對舒娃開誠布公的勇氣深表讚賞，認為她第一時間自我引爆──開記招，而非單單以新聞稿交代；記者會上一女當關，甚至不須教練、經理人陪伴；更不用借名嘴訪問訴衷情……一一都顯示舒娃面對重大危機能表現無比的勇氣和承擔，比起岩士唐那種死不悔改，不知強多少。刊物還稱舒娃這次狠快、絕不拖泥帶水的危機回應，足可視為現代經典，被冠以「舒娃回應」也不為過。嗯，儘管如此，Nike、TAG Heuer和Porsche都九秒九宣佈暫停舒娃的代言人合約，這也無可厚非，人家也有自己的brand image要保障，但確也有例外，球拍贊助商Head就站出來力撐舒娃。除了美女藝高人膽大的危機處理，或者Head的計算也包括這個吧：直至2月底的Repucom調查，舒娃是最有巿場價值的女運動員，知道她的英國人達八成、全球觀眾也達七成半。Repucom建議品牌唔使咁快劃清界線，睇定啲有着數喎。彭瑪莉
mailto:[email protected]

來源: http://hk.apple.nextmedia.com/financeestate/art/20160315/19529671

PermaLink: https://articles.zkiz.com/?id=297895