胡孟青：中國遇強越強的關鍵
1 :
GS(14)@2012-07-18 22:29:04http://www.sharpdaily.hk/article ... 4%E9%97%9C%E9%8D%B5
過去幾星期，歐洲、新興市場及最重要的中國都先後出手，並再三強調要保增長，可能予人雨過天就青，調整過後就會反彈的錯覺。政策憧憬進一步升溫，新興市場減息潮又製造相當流動性，股市豈非又有造好理由？但調整市期間，往往有理由做技術反彈，甚至假反彈，而因為基本因素及前景困擾而造成的低迷市況局面，是可以越拖越耐。
內地經濟數據已經公佈，美國弱勢突圍，卻越戰越勇，令很多人KO。究其原因，選票之外，根本大美國主義從未有過變化。更陰謀論的話，美國聯儲局第一次量寬，是要救本國經濟，第二次量寬就是殺他人經濟，輸出通脹及推高資產價格，製造金融亂象，遊戲贏家從來就是遊戲發起人。兩星期前，市場短線恒指目標為二萬二，兩星期後市場沒有目標了，類似目前的陰乾式跌市，技術分析已經失效，任何水平入市都是博運氣。
最近，連經濟學人雜誌亦讚，花旗經濟幾年來沒有退步反有進步，美國現在鼓勵製造業回流，的而且確美洲近期定單多了，中國隔鄰的越南、柬埔寨、緬甸又有成本優勢，那中國如何是好？如果相信歷史，中國從來是遇強越強，被圍堵只會令內地更團結，目標更一致。中國近年向外宣揚孔教儒家，仁、義、禮、智、信、忠、恕，但現在又有幾多人真正了解，這才是關鍵。
胡孟青
獨立股評人
鼓勵單親婦女遇強越強羅霖獨立媽咪的一天
1 :
GS(14)@2016-05-08 14:53:59■羅霖昨日出席活動，收到Jonathan的自製相架做母親節禮物。
【母親節專題】為人母親是一門莫問回報的終生事業，不論易行難行都要行，羅霖與楊思琦同樣踏上單親媽媽的崎嶇路，以柔弱的身軀獨力照顧子女，絕對是擔起成片天的堅毅的女超人。「Mark嫂」梁家玉則為了患有阿氏保加症的囝囝有更好的溝通方法，學懂由兒子角色出發，令家庭更加團結。撰文：梁錦雯年屆50歲的美魔女羅霖憑着「都應該要獨立」一句成為亞視遺言，更被網民封為「獨立女神」，現實生活中她絕對是獨立的單親媽媽。今日母親節，本報早前跟羅霖過了緊湊一天，由裝身出活動、撐好友鄭明明、為投資生意開會、接囝囝放學、買餸及跟功課，體驗鐵人般的生活。
10:00am【執正靚樣】■單親媽媽羅霖化身女超人，一大早就忙開工，將下晝騰空全心照顧囝囝。
12:30pm【祝賀好友】
2:00pm【齊人開會】
六點起身湊仔
羅霖EQ高，總是面帶笑容，可能出於空姐出身的本能反應，對着囝囝時流露的笑容，最為真切投入，亦最為享受。與富商之子劉坤銘結婚16年，生了三名兒子才離婚收場，肩負照顧他們的生活重擔，去年更以高齡出寫真搏到盡，絕不能輕視單身媽媽的爆炸力。拍攝當日，羅霖盡顯母愛，她指平日朝早6點就要起床，與10歲細仔Jonathan準備返學；工作再忙也會準時到學校接放學，兩母子之後齊齊去買餸，二人有商有量拖到實，怕羞的Jonathan更會提點母親動作大驚她走光，極為細心，大讚媽媽是100分的tough woman。三子之中，羅霖與細仔Jonathan關係最密切，會一齊煲韓劇《夜行書生》，齊齊打TsumTsum手機遊戲，回想離婚後細仔的一席話，羅霖不禁流淚：「當時離婚，我同細仔搬返媽咪度住，我哋要瞓埋同一張床，頭半年晚晚佢瞓咗，我就背住佢喊，覺得好對佢唔住，佢會問『點解兩個哥哥可以住大屋？點解我同你住咁細地方？』我同佢講唔好擔心，我會努力做嘢，三年後買唔到屋，都會租屋一齊住，我真係做到。」
3:33pm【最冧時間】■羅霖盡顯母愛偉大，再忙碌都強調接仔放學不能遲到，有如此滿分媽媽，細仔Jonathan當然錫錫。攝影：陳志嵐
4:10pm【買餸煮飯】■兩母子連買餸煮晚飯都有傾有講。
■羅霖在亞視熄機前的「獨立宣言」，猶如她的人生寫照。電視圖片
安全感自己搵
回想離婚陰霾，羅霖表示因信仰及家人才能克服：「差啲要睇心理醫生，我堅持唔睇，唔想長期食藥，想畀三個仔睇到我呢個年紀都會撐落去，要做佢哋榜樣，我自己會睇呢個係人生挫折，人生冇一帆風順，人生條路好長，最重要盡快企番起身，我唔單止鼓勵單身女性、單身媽媽，希望身邊所有人都盡快起身。」環境所迫令羅霖發憤做女強人，她坦言私下亦想小鳥依人，近年亦有追求者：「實在太忙，同埋而家唔係要一個伴侶，依靠人唔可以令到我有安全感，一個人安全感同自信唔係人哋畀你，係自己畀自己，所以更加要經濟獨立，好多人一世人願望嫁個有錢人，嫁個好老公，唔係包你一世，愛情亦都唔係永恆，但我仍然相信愛情，愛情個個都需要，而家未有就親情先。」
來源:
http://hk.apple.nextmedia.com/entertainment/art/20160508/19602305