ZKIZ Archives


電視一代男 - 鮑偉聰 寵物情緣and Sammi 2013年11月14日

1 : GS(14)@2013-11-14 23:52:43

http://www.am730.com.hk/column-181373
某天,收到一通內地長途電話,對方是位操普通話女子,她瀝瀝鶯聲十分客氣邀請我合作,禮貌周周想我寫劇本,當時第一反應是遇上「寶藥黨」,心想怎麼可能好端端有人會找上門?對方一定是先以利誘作餌,然後再設伏叫你身陷其中,最後要全身而退就要用錢解決,於是我立即婉拒,張無忌母親殷素素教落,凡美麗的女人不可相信,我認為,在電話中好聽的說話也不可信,特別是女人的。

請不要以為我誇張,當經歷過跟大陸方面的其他生意項目,加上耳聞目睹,見過鬼怕黑,總是認為送上嘴邊的肥肉統統有問題,重重心理陰影下,就會有這種反應。後來,對方再來電,詳細解釋了許多未解之謎團,事情逐漸清楚,我慢慢放下戒心,開始了研究一些可行性計劃。不過,其實今天我不是談這些工作,而是那位遠方的大陸女子,對我說了一番說話,勾起一些久遠的回憶。
她說,很喜歡我以前寫的《寵物情緣》,我客氣了兩句,說已經是十多年前的電視劇了,她喜孜孜說,是啊,那是在大學時看的劇集,很喜歡古天樂和鄭秀文這對組合,還說那是「偶像劇」的始祖!那一刻,我竟然發現,在遙遠的那一年,曾經擁有過如此這般強勁的卡士作男女主角!當日自己卻不懂珍惜,沒有使盡十成功力去雕琢劇本,匆匆放過了以後十年二十年都沒有的機會,這一頁歷史我原來淡忘了,多得那位小姐提醒,思憶又回到過去。
那時候,剛剛完成了六十集《天地豪情》長劇,筋疲力盡,不想再開一些大項目,於是便構思一些愛情小品,娛人娛己。當時家裡收養了一頭小狗,對狗生情,荷李活又有像《K9》之類的警犬電影,於是就想出以警犬和領犬員之間感情的故事,用輕喜劇的手法,述說一段人狗之情。選角很快就決定了,古仔是公司演員,檔期沒問題就可以;鄭秀文是歌星約,一般情況都願意拍劇,以增加知名度,但程序上都要見面說故事。
那一天,Sammi和經理人李進到來,大家寒暄了一會,李生就去和電視台高層開會,我就跟Sammi說故事,她當時已經貴為樂壇天后,但人很隨和,沒有架子,只是不時在大笑,令我以為自己很幽默,她身邊還有一位女助理,一直默不作聲。這次會面很成功,Sammi問了些角色性格問題,如果用大陸化的語言來講,其實問得很「到位」,反而她對狗好像有點怕,這一點反而是我們擔心的,不過,只要她答應演出,加上古仔和宣萱,就大功告成了。
到正式造型那天,發生了一件事,Sammi的女助手忽然要求我們向她詳述劇情故事,還擺出一個比李進還權威的態度,我們都愣住了!因為按照慣例,劇本審閱不必應酬藝人的助手或保母,而李進從來也沒有過問故事發展的細節,何以小小一位助手擺出如此「官威」?真的莫名其妙。之後這件事上報了公司,不了了之,聽說那助手是新人,不知規矩,自把自為,事後還要勞煩李生向高層解釋,更差點令人誤會Sammi是個表裡不一,愛耍手段,要助手做醜人的藝人。
由這故事,以後我明白到一則創作原理,只要劇本一個小角色寫得差,都會對主角影響很重大,編劇不可不察。
電視 一代 鮑偉 偉聰 寵物 情緣 and Sammi 2013 11 14
PermaLink: https://articles.zkiz.com/?id=284142

Sammi多謝華仔救急

1 : GS(14)@2015-01-04 15:08:07





■Sammi演唱會尾場嘉賓劉德華在台上大解放,自爆晚晚造人。


鄭秀文一連12場《Touch Mi》世界巡迴演唱會香港站完滿結束,尾場的Sammi仍然精力充沛,連坐在VIP位的許志安都不禁豎起手指公大讚,Sammi亦相當識做,在尾場特別獻唱她和許志安的愛歌《唯獨你是不可取替》給安仔聽。之後,Sammi又自爆尾場嘉賓劉德華再一次對她救急扶危,她笑說:「華仔真係救我一命,頭先我飲得太多水,我好想去洗手間,我真係有啲……好在華仔做嘉賓,佢搞氣氛嗰陣,唔得啦!決定9秒9衝去廁所。」華仔在台上自爆晚晚造人,Sammi說:「其實佢好願意sharing,咁咪好囉!佢
Sammi 多謝 華仔 救急
PermaLink: https://articles.zkiz.com/?id=286954

Sammi重擊爆料鎮宇

1 : GS(14)@2015-01-05 09:02:51





鄭秀文(Sammi)、張智霖(Chilam)、吳鎮宇和佘詩曼等,昨日在北京為電影《衝上雲霄》造勢,Sammi早前被爆跟許志安秘婚,記者追問票房大賣時會否公開關係,她即指着吳鎮宇用普通話說:「我覺得你問吳先生比較好,因為我沒有講過,是他講的。」
Sammi被追問婚訊時一臉尷尬,只好與鎮宇互打化解,鎮宇還幫拖說:「你是問張智霖和袁詠儀嗎?」Chilam也回答:「我已登記蠻久了,有13年時間。」Chilam即自爆會生第二胎扯開話題。



Sammi在戲中扮一名rock爆女星,與吳鎮宇是情侶,Sammi大讚對手:「他對工作很認真,拍戲的時候當然會有感覺,但現實當中,我到現在還搞不清他這個人是怎麼樣的,挺難搞的。」吳鎮宇聽後搞笑答:「她不希望在現實生活中見到我。」Sammi急急解釋:「不是,我很希望再繼續跟你拍戲,想多了解你。」採訪、攝影:陶然婷



■左起:佘詩曼、古天樂、吳鎮宇、鄭秀文、張智霖和郭采潔昨在北京宣傳電影《衝上雲霄》。

■佘詩曼和古天樂相識多年,終於在這部戲中扮演情侶。

■張智霖即場下跪向戲中女友郭采潔示愛。



來源: http://hk.apple.nextmedia.com/entertainment/art/20150105/18991357
Sammi 重擊 爆料 鎮宇
PermaLink: https://articles.zkiz.com/?id=286961

鬥卡士:千嬅Sammi個唱嘉賓晒冷

1 : GS(14)@2015-01-27 08:53:20





曾是樂壇宿敵的楊千嬅與鄭秀文(Sammi),先後於紅館舉行演唱會,她們也出盡人情牌,各場邀請不同嘉賓,但主題各異,千嬅主要邀請樂壇唱得之人任嘉賓,Sammi則請來過往電影中合作的拍檔。



楊千嬅

第一場:陳奕迅第二場:容祖兒第三場:郭富城第四場:鄭秀文第五場:張學友第六場:周柏豪第七場:陳奕迅、梁漢文





鄭秀文

第一場:古天樂第二場:黃偉文第三場:陳奕迅第四場:黃浩然第五場:卓韻芝第六場:黎明第七場:杜琪峯第八場:張學友第九場:張家輝第十場:谷德昭第十一場:鄭伊健第十二場:劉德華







來源: http://hk.apple.nextmedia.com/entertainment/art/20150127/19017513
鬥卡 卡士 千嬅 Sammi 個唱 嘉賓 曬冷
PermaLink: https://articles.zkiz.com/?id=287469

組超齡Twins千嬅Sammi攬走積怨

1 : GS(14)@2015-01-30 08:19:23





■盛傳交惡十多年的楊千嬅(左)和鄭秀文,今次可謂一抱泯恩仇。


一抱泯恩仇,楊千嬅演唱會是最好的印證。繼日前十年爭獎死敵容祖兒擔任嘉賓後,前晚在紅館舉行第四場個唱,終於,另一位天后鄭秀文(Sammi)現身了。傳言二人積怨從華星年代種下,千嬅出道時被公司塑造為翻版鄭秀文,此舉令Sammi大為不滿,交惡傳足十幾年,所以當Sammi踏足千嬅的紅館舞台一刻,千嬅的確是眼泛淚光。中性打扮的Sammi唱出《終身美麗》,二人手牽手合唱後擁抱,千嬅感動得熱淚盈眶,Sammi率領全場大叫「楊千嬅你最索」,千嬅即叫觀眾大嗌「Sammi你最索」,Sammi笑說:「唔使講啦,我知呀!」千嬅坦言對Sammi答應做嘉賓感到再無遺憾,她說:「大家會覺得好奇點解我會請Sammi,因為我出道時,好多人都將我哋成為話題!」Sammi即與千嬅頭貼頭說:「真係似咩?不如我哋組成Twins啦!長做長有,不過我哋有啲超齡!」隨後她倆不斷互笠高帽,千嬅說:「我好幸福,似到一個咁堅、咁威、咁靚嘅人,仲唔係亮點?」Sammi回敬:「你請我分享你嘅成功,分享你嘅快樂,見證你努力嘅成果,好開心,多謝千嬅咁多年後畀咗呢個機會我。」



■鄭秀文(左)在台上為千嬅打氣,千嬅坦言毛管戙並感激每位朋友的支持。

■(左起)鄭秀文、陳慧琳、梁詠琪和千嬅當年因為頒獎禮而傳出是非。資料圖片


■曾與千嬅合作拍電影的五位小孩,開騷前專登往後台為她提早慶祝生日。

自爆曾被錯認Sammi

千嬅自爆曾在內地工作時被錯認是Sammi,她笑言:「我認咗呀,我怕解釋仲核突,因為我國語唔係咁堅。」Sammi即搞笑地說:「我冇俾人嗌錯做丁太,你當我隔籬嗰個流嘅咩!」Sammi離開舞台前,認真地為千嬅打氣,千嬅在台上感性地說:「我自己都毛管戙,好開心,夢想變成真!我好感激每位嚟嘅朋友,令我好溫暖。」千嬅獻唱期間,高踭鞋的斗零踭攝入舞台機關空隙,她索性除去高踭鞋,赤腳在台上又唱又跳。此外,千嬅新片《五個小孩的校長》戲中五位小演員開騷前,亦拉隊到後台探班,合唱生日歌和送生日卡預祝千嬅下星期生日。撰文:麥萍萍





來源: http://hk.apple.nextmedia.com/entertainment/art/20150129/19020091
超齡 Twins 千嬅 Sammi 攬走 積怨
PermaLink: https://articles.zkiz.com/?id=287552

Sammi:鍾意大家庭

1 : GS(14)@2015-02-22 12:56:43





鄭秀文(Sammi)與吳鎮宇日前在西九龍宣傳新片《衝上雲霄》,Sammi被問到今年是否正式派雙封利是,她笑說:「傷風就乞嚏,年三十晚睇feel啦!」雖然對結婚話題總是避而不談,但Sammi承認已相約安仔家人團年,Sammi說:「佢屋企都傳統,佢有九兄弟姊妹,每次出嚟都幾十人好開心,我好鍾意啲家庭聚會。」此外,陪家人返新加坡過年的鎮宇透露,最希望兒子Feynman別為功課有太大壓力,他說:「希望幫佢減壓,成績越唔好,個人越快樂,成績好就想更好,得閒攞一次滿分就夠,我今年會多留港拍戲,感受吓送仔返學嘅感覺。」採訪:張俊銘攝影:仇志德





來源: http://hk.apple.nextmedia.com/entertainment/art/20150222/19050191
Sammi 鍾意 大家庭 大家
PermaLink: https://articles.zkiz.com/?id=287921

Sammi:可以叫我許太了

1 : GS(14)@2015-04-05 23:42:28





■許愿昨在微博貼相並留言指Sammi自爆是許太。


娛樂圈喜事重重,繼周董快為人父母,鄭秀文(Sammi)與許志安終於承認結婚了,二人於2011年復合後,更於前年在峇里秘婚,返港後共築愛巢,不過二人依然否認夫妻關係。Sammi終於正式親口證實二人已婚,她與安仔前晚與音樂人許愿飯敍,之後許愿上載了三人合照在微博,他留言:「鄭秀文告訴我說:『你可以叫我許太了。』願你們執子之手,與子偕老。」其實安仔於前年在Sammi生日求婚成功,本報同年12月底獨家爆出二人在11月30日在峇里註冊結婚。之後安仔多次公開例牌否認已婚,但安仔七哥去年6月過身時,安仔Sammi在葬禮上便以「胞弟許志安弟媳鄭秀文」花圈,及安仔在去年12月送上「岳父大人」花籃賀Sammi父親開書法展。撰文:唐如





來源: http://hk.apple.nextmedia.com/entertainment/art/20150404/19100859
Sammi 可以 叫我 我許 許太 太了
PermaLink: https://articles.zkiz.com/?id=289253

【壹週刊】安仔開騷狂操許太Sammi素顏跟到實

1 : GS(14)@2015-04-24 08:51:14

【壹週刊】除咗陪許志安排舞,自認係『減肥達人』嘅Sammi,更日日陪老公跑步、健身,再加埋Sammi私人減肥餐單,幫安仔減咗12磅。想知更多?記住Download壹週Plus手機app,免費架!
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁:http://nextplus.nextmedia.com/





來源: http://hk.apple.nextmedia.com/entertainment/art/20150424/19123029
週刊 安仔 仔開 開騷 騷狂 狂操 操許 許太 Sammi 素顏 顏跟 跟到 到實
PermaLink: https://articles.zkiz.com/?id=289880

後台默默做背後女人安仔攬Sammi完騷晒恩愛

1 : GS(14)@2015-05-05 22:56:19

■前晚安仔完騷後,在後台攬着為他打點一切的Sammi,大晒幸福。微博圖片


一連四場「Come On許志安演唱會」前晚完滿結束,縱使觀眾千呼萬喚鄭秀文(Sammi)的名字,Sammi仍安份守己做安仔背後的女人,在後台為愛郎打點一切。安仔在台上識趣地兩度感謝Sammi,還將嘉賓林憶蓮(Sandy)叫Sammi,十分搞笑。雖然Sammi未有在台前現身,但戴上黑框眼鏡及束髮的她,大方在後台與安仔拖手攬腰恩愛合照,賀安仔完成個唱。二人的合照被好友放在微博公諸同好,BoNe12321留言:「COME ON恩愛後台照(徇眾要求)手拖手,黐到實!」



■安仔吊高半空獻唱情歌。

■安仔與Sammi在後台大方與眾人合照。

■演唱會落幕,安仔(右二)與一班高層及工作人員等開心慶功。


■安仔邀得Sandy做嘉賓,不過叫錯對方做Sammi。

叫錯憶蓮做Sammi

安仔與Sandy拖手合唱《至少還有你》,反應熱烈,安仔說:「好耐冇聽過Sandy唱歌,係一個福氣,不過,我唔應該拖咁耐。十幾年前好鍾意呢首歌,我去過好多地方唱,可以一齊唱係夢想成真,我覺得Sammi嚟咗……係Sandy嚟咗,冇理由唱一首歌。」對着Sandy叫Sammi真是超尷尬,之後憶蓮和安仔再合唱兩首快歌《灰色》和《傾斜》,勁歌熱舞令場館升溫。


■安仔(左)與杜德偉扮咀嘴影相。微博圖片

約老婆旅行度假

演唱會完畢,安仔接受訪問,被指在台上感謝太太Sammi時說話好似「鬼食泥」,他解釋說:「唉!要留力嘛!呢啲唔通大聲講咩,梗係溫柔啲講。」安仔表示稍後會放假,等Sammi完成手頭上的工作後,會一起去旅行度假。另外,有報道指一班華星新秀會組織華星同學會,安仔說:「係呀!華星朋友有個group chat,以文佩玲為首,等大家可以多啲機會聚吓,多啲人加入嘅時候,可以做嘢回饋吓社會。」採訪:馬建華攝影:陳俊強


■安仔前晚自彈自唱《不要驚動愛情》。

唱《不要驚動愛情》甩嘴

2011年「牛脷文」和「豬髀安」太平館約會被撞破,同期鄭秀文推出《不要驚動愛情》,一語道破世紀復合,《不要驚動愛情》是繼《唯獨你是不可取替》許志安和Sammi的愛情故事後,另一首值得紀念的經典歌。為了細味愛情,安仔特別前晚的演唱會尾場自彈自唱《不要驚動愛情》憑歌寄意送給後台的愛妻Sammi,怎料安仔竟然不記得歌詞,彈吓唱吓甩吓,幸好台下歌迷萬人大合唱力撐他完成表演。安仔被指忘詞時,他說:「事前未練過,只是以前曾經彈過,彈到咁大家先鍾意睇。」





來源: http://hk.apple.nextmedia.com/entertainment/art/20150505/19135742
後臺 默默 背後 女人 安仔 仔攬 Sammi 完騷 騷曬 恩愛
PermaLink: https://articles.zkiz.com/?id=290172

許太冇計劃做媽媽 Sammi:上帝要我生就生

1 : GS(14)@2015-05-25 23:48:40

■許太Sammi的黑色透視裝大為搶鏡,成全場焦點。


李嘉欣、周汶錡、鄭秀文(Sammi),前新聞之花周嘉儀、高芳婷和韓星安宰賢等,昨晚在銅鑼灣出席時裝品牌Max Mara旗艦店開幕,當中安宰賢更吸引過百粉絲駐足。穿上透視裝的Sammi最搶鏡,她表示不擔心春光乍洩:「裏邊我有堅挺胸罩,而家啲衫,有時以為危險卻安全,以為安全但卻會走光,我着得好小心。」Sammi表示稍後會跟台灣型男張孝全拍戲,講述兩人有姊弟戀,她還向男方借種生B。



周汶錡生日零酒精

問到升呢許太的Sammi會計劃為老公許志安生兒育女嗎?她堅決說:「唔想,而家世界風氣同資源唔係適合生育時機,但我支持人哋生,只係自己唔生,上帝要我生就生,我會做足安全措施,生小朋友責任太大。」



■周汶錡陀着8個月B仔,繼續貪靚着4吋高踭鞋出活動。

■已有4歲囝囝的李嘉欣改變主意,無意追女。



Sammi不想生,同場已有一子的李嘉欣表示也無意追女,大肚婆周汶錡卻期待個半月後生B,腹大便便的她昨日仍貪靚穿上4吋高跟鞋撐場。周汶錡前日41歲牛一,與友人共度,壽星女說:「今年生日零酒精,好多朋友關心我個BB,送咗好多補品同嬰兒用品做禮物,我玩到凌晨12點,BB仲喺肚裏邊碌嚟碌去。」周汶錡表示夫婦捐款給尼泊爾賑災行善作為生日禮物。此外,前主播高芳婷離職後首度出席商業活動,她透露正在港大修讀中文系碩士,書展會出新書《七年滋養》:「內容係講我做主播趣事,當中都會講番當日聯署事件感受。」記者問到韓星安宰賢可有看金秀賢的新劇《製作人》,他的經理人即擋駕說:「佢唔想答。」採訪:譚倩宜攝影:陳志嵐



■安宰賢型爆現身,現場有逾百粉絲打氣。

■剛離職大台、結束主播生涯的高芳婷(右)與周嘉儀結伴出活動。



來源: http://hk.apple.nextmedia.com/entertainment/art/20150522/19155756
許太 太冇 計劃 媽媽 Sammi 上帝 要我 生就
PermaLink: https://articles.zkiz.com/?id=290544

我Q你答問會:Sammi日日見豬髀 想翻唱安仔《爛泥》

1 : GS(14)@2015-06-10 08:39:56

■鄭秀文指keep fit靠恒心同自律。攝影:郭賢興


為慶祝《蘋果日報》創刊20周年,將連續一星期刊登《我Q你答問會》,首日邀請到榮升人妻的鄭秀文(Sammi)作客!她接受記者於銅鑼灣找來的13名市民的提問,鬼馬的她暗笑屋企已有兩條豬髀,所以自己鍾意食牛脷多些。採訪:皓騫、魏嘉琳



■Sammi透露去太平館,除了食牛脷,還愛梳乎厘,明言會再去,未知安仔會否同行。

■Sammi愛短髮,但長髮可以有更多形象上的變化。




1.林小姐:你點解keep得咁fit,可以share餐單嗎?

Sammi:要就得㗎啦,keep fit首要條件係你要夠想fit,咁你就會搵到方法去做,我嘅方法其實好簡單,食要自律,做運動要自律,好似每日set半個鐘做運動,風雨不改完成,事業、愛情、幸福都唔係公式,但減肥真係純粹公式,用多過食一定會瘦,一個字恒心。




2.馬先生:假如你唔係artist,仲會唔會keep fit?

Sammi:其實我唔係因為做artist keep fit,最初嘅原動力真係純為減肥,而家唔係好多減肥需要,但我鍾意自己健康同體能好,因為工作需要大量體能;如果唔係做呢行都會㗎,去到而家40幾歲更加會做運動,因為呢個係唯一可以令自己身體好嘅方式。




3.金小姐:仲多唔多去太平館食嘢?有乜其他特別推介?

Sammi:最近要keep fit冇去太平館食嘢,但去親就好鬼鍾意佢嘅牛脷,因為整得好腍,除咗牛脷仲有好多嘢好食,好似焗到頭咁大嘅梳乎厘,每次捧埋嚟都好開心,食極都唔完,遲啲會再去,因為老闆好好人,會畀折頭我食嘢。




4.王先生:你會考慮同邊個開crossover演唱會?

Sammi:其實過去一年有諗過一啲人選,上年做Touch Mi演唱會時衍生過呢種諗法,但好似有啲人選但唔係好啱,諗到再話你聽,不過絕對有可能做。




5.盧小姐:你通常禮拜六定禮拜日去教會?安仔有冇陪你?

Sammi:我係星期日嘅,不過有啲教會星期六嘅6點幾都有,最近一次返教會就係星期六,仲聽埋一堂好好嘅道㖭。




6.廖小姐:你最重時幾多磅?最輕時幾多磅?

Sammi:最重讀書時候138磅,最輕時候拍緊《高海拔之戀II》,大概95、6磅,每個人上到咁高海拔自然會瘦,當然我會繼續keep fit,我係瘦得比較厲害嗰個,以我差唔多5呎6,嗰時係好瘦,凍到着8層底衫、6條褲都唔覺大隻,就知自己瘦到太離奇,有少少病態瘦。




7.林小姐:你鍾意長頭髮定短頭髮嘅自己?

Sammi:長頭髮嘅自己摟休啲,短頭髮就輕鬆啲,如果論個性絕對覺得自己係短頭髮,但有時做嘢嘅變化就長頭髮多啲嘢玩,見我而家摟摟休休,就知道我留緊長頭髮啦,其實我內心好鍾意短頭髮,唔知點解留長頭髮。




8.鄧先生:平時跑步跑開邊一頭?好想捕獲你!

Sammi:啊!平時我就跑開……長洲啦、離島啦,哈哈哈!油麻地啦、深水埗啦,你咪得閒去撞吓我囉,你好彩嘅話,睇你信唔信啦,嘻嘻嘻!




9.廖先生:你鍾意食牛脷定豬髀呀?

Sammi:我鍾意食你呀,問埋啲咁嘢,嚴格嚟講我鍾意牛脷多啲,因為豬髀肥得滯冇本事食,同埋成日喺屋企都對住兩條豬髀,哈哈哈。




10.余先生:如果你一定要翻唱許志安嘅歌,你揀邊一首?

Sammi:其實好多隻試唱都幾好聽,《爛泥》囉,女仔唱感覺幾得意。





來源: http://hk.apple.nextmedia.com/entertainment/art/20150609/19177034
答問 Sammi 日日 見豬 豬髀 翻唱 安仔 爛泥
PermaLink: https://articles.zkiz.com/?id=290742

我Q你答問會:人人問Sammi 點分安仔與Alex

1 : GS(14)@2015-06-10 08:40:17

■網友認錯杜德偉(左)是安仔,Sammi笑言:「如果我分唔到就枉為人。」


為慶祝《蘋果日報》創刊20周年,將連續一星期刊登《我Q你答問會》,首日邀請到榮升人妻的鄭秀文(Sammi)作客!對於曾有網友認錯杜德偉是許志安,Sammi抵死地說:「夜晚返嚟嗰個係邊位,我都分唔出,就真係枉為人囉!」採訪:皓騫、魏嘉琳




11.李小姐:你覺得許志安同杜德偉似唔似樣?

Sammi:嘩!如果我連佢哋都認唔到,就真係枉為人囉,夜晚返嚟嗰個係邊位,我都分唔出就好大件事,所以對我嚟講係冇困難。




12.王小姐:如果你可以隱形,最想做乜?

Sammi:我會潛入人哋屋企,睇吓人哋喺廁所做乜,係咪每個人嘅步驟都一樣,尤其啲大人物,因為我越大越覺得每個人都係平等,無論幾高幾有錢幾靚,入到廁所做嘅都係一樣,可能好雍容嘅女士,去到廁所有鮮為人知嘅一面,棟高隻腳唔知點,好想睇吓人哋呢啲私密狀態,係咪好八卦呢!




13.暨小姐和陳小姐:許志安做過令你最感動嘅事係乜?你做過令許志安最感動嘅事係乜?

Sammi:冇喎,如果你識得欣賞一個人,其實佢做少少嘢都好感動,可能煮杯奶茶或學識整一樣嘢,對方就覺得好開心。





來源: http://hk.apple.nextmedia.com/entertainment/art/20150609/19177663
答問 人人 Sammi 點分 分安 安仔 仔與 Alex
PermaLink: https://articles.zkiz.com/?id=290743

我們的20年:陪《蘋果》齊突破Sammi讚安仔易教

1 : GS(14)@2015-06-18 08:37:08

■Sammi接受本報專訪時自爆鍾意洗碗,而且現在已懂得煮好多菜式。 攝影:郭賢興


天后鄭秀文(Sammi)過去20年來登上《蘋果日報》娛樂頭版不計其數,但讀者最開心始終是她與許志安復合嘆豬髀的新聞,更為她帶來牛脷文的新花名。突破從來是《蘋果》的宗旨,近年很少做專訪的Sammi為慶祝《蘋果》20周年,也來一次突破自己框框,試試面對不一樣的問題,拋出不一樣的答案。結果她在BIG FOUR四子中選最佳老公,竟然沒有許志安份!還認為大男人杜琪峯可挑戰同志角色,跟古天樂玩斷背山。撰文:余燕儀



記者:記 鄭秀文:Sammi記:有人出錢搵你做導演,杜琪峯係男主角,你會搵佢做乜角色?
Sammi:我想佢飾演同志,因為杜琪峯喺我認知世界裏面,大男人得好緊要,電影應該完全搣甩佢呢樣嘢,飾演好深情、對愛情好忠貞嘅男同志,最好佢身邊伴侶由古天樂去做,古仔簡直係後生版杜Sir,無論處事、背影,去到片場講嘢方式,咦!點解成個杜Sir咁!所以飾演一對同志伴侶都幾有趣,唔需要加《春光乍洩》親熱戲,呢啲點到即止啦,希望呢部戲帶出對愛嘅一種意味,唔需要太過激情。



■2011年Sammi與安仔復合嘆豬髀的新聞,是讀者最開心見到的,更為她帶來牛脷文的新花名。

■Sammi指BIG FOUR中張衞健最愛家庭,最適合做老公。



重選老公揀健仔

記:BIG FOUR邊個最適合做情人、老公、朋友、囝囝?
Sammi:嘩!好難講喎,真心話又唔講得,講啲假話啦!老公揀Dicky(張衞健),因為佢好鍾意家庭,放工就一支箭飆返屋企,佢唔鍾意玩,有時去卡拉OK都唔願意,佢好愛佢嘅家庭同媽媽,呢樣嘢好難得,相信如果同佢結婚,都會好愛我嘅爸爸同媽媽。情人我覺得Edmond(梁漢文)幾好呀,因為佢好鍾意玩嘛,喺朋友裏面佢好帶到歡樂畀大家,我覺得情人某程度上要有一種funny,好識得搞情趣好幽默,我覺得Edmond幾做到情人,同埋佢body shape好,做情人body shape要講究。朋友會揀康仔(蘇永康),因為康仔人緣好好,雖然講嘢好率直,但感覺完全冇機心,頂到佢率直就冇事,佢個人好善良,好鍾意佢善良呢part。囝囝揀許志安,因為佢個人好簡單,食飽飯就好開心,仔都係整飽佢就搞掂啦,我觀察佢唔係有反叛個性,都幾尊師重道同念舊,個性又比較平衡,唔會活潑好動到不得了,又唔會好靜到不得了,作為一個細路仔會易教。記:最後一餐想食乜,自己煮定出街食?
Sammi:最後一餐即係臨死前,仲煮,出街食啦,同鍾意食嘅人一齊食日本嘢,臨死都要瘦嘛,食啲唔好咁油嘅嘢。係咪同安仔食?全部我愛嘅人,同知道佢錫我嘅人,越多人越好。記:想同20年前嘅自己講乜?
Sammi:一早叫你減肥囉,唔使食到自己138磅出咗事先減肥。記:想同20年後自己講乜?
Sammi:一早叫你唔好減肥啦,20年後咪又係肥到咁,減嚟做乜呢,哈哈哈。



■Sammi認為極大男人的杜琪峯可挑戰同志角色,同古天樂玩斷背。

■拍電影《長恨歌》的經歷,令Sammi體會到快樂及身體健康的重要。



拍《長恨歌》啟發人生

記:覺得自己婚前婚後有乜唔同?
Sammi:而家識煮嘢食好多,因為有咁嘅需要,對方要食惟有自己識煮,因為識煮嘅工人好少,一係你就有錢到請大廚,而且廚房嘢我會爭住做,我特別鍾意洗碗,我哋有分工,燈油火蠟嘅嘢就佢管,好似單據。記:你認為一對夫婦生兒育女係咪好重要?
Sammi:睇吓呢個係咪佢哋人生目標?係咪透過做爸爸媽媽角色畀到自己價值?所以人人唔同,生育係好重要,但我唔係嗰批人。記:睇番以前嘅作品,有冇邊部想轉台?
Sammi:咁樣講會得罪導演喎……冇!部部睇完都百看不厭。記:睇番自己部電影《長恨歌》,而家有乜嘢感覺?
Sammi:好好,都係一個人生歷程,冇《長恨歌》都可能冇而家嘅自己,如果冇嗰段經歷,睇唔到快樂嘅重要性,身體健康嘅重要性。記:揀一首自己嘅歌曲,希望全世界都記得,會揀邊首歌?
Sammi:《上帝早已預備》,因為我覺得呢個係我而家唱歌或者工作嘅使命,就係將我認識上帝一樣咁好嘅嘢同人分享。服裝提供:Flea Madonna絲質上衣
Black Orchid褲、Jimmy Choo靴造型:Tang Lai化妝:Ricky Lau from Aing Makeup School髮型:Joey from Hair Culture



蘋果20年 企硬我敢言
http://20.appledaily.com





來源: http://hk.apple.nextmedia.com/entertainment/art/20150618/19188007
我們 20 蘋果 突破 Sammi 讚安 安仔 仔易 易教
PermaLink: https://articles.zkiz.com/?id=291062

Sammi巡迴騷唔敢加場

1 : GS(14)@2015-07-01 09:45:27

■鄭秀文見有幾日空檔,即要求昨日開簽名會。


鄭秀文(Sammi)昨日在荃灣為演唱會DVD舉行簽名會,簽名會派了500個籌,現場有近200人圍觀,逼爆商場地下一樓。身穿連身裙、背部透視上陣的Sammi,與現場fans玩遊戲兼答問題,最後即場與fans玩自拍。司儀在台上爆今次簽名會是Sammi主動要求,事後Sammi說:「係呀,我啱啱喺廣州拍完戲,有幾日空檔,所以咪決定舉行簽名會。」


■現場逼爆Sammi的粉絲,難得更可上台見偶像。

怕粉絲撲飛

Sammi坦言有意在香港舉行巡迴尾站,但具體時間暫不透露以免令fans要去撲飛。問會否破紀錄?她笑說:「上次開12場,反應好好,其實都可以開多啲,不過近呢幾年重質素多過場數,希望每場都可以唱到最好,相信咁樣大家會睇得開心。」之後Sammi又說:「其實感覺好矛盾,佢哋用成萬蚊買飛,但另一方面我又好開心,見到佢哋咁錫自己,所以都希望自己喺每一方面都可以做到最好畀大家。」採訪:馬建華





來源: http://hk.apple.nextmedia.com/entertainment/art/20150701/19203858
Sammi 巡迴 騷唔 唔敢 敢加 加場
PermaLink: https://articles.zkiz.com/?id=291212

Sammi狂收名牌袋幫老公荷包慳唔少

1 : GS(14)@2015-10-22 07:48:16

女人最愛買鞋袋,好天又買,落雨又買,總之就鍾意買,沒有最多,只有更多!鄭秀文(Sammi)也是愛鞋袋之人,不最大的分別是Sammi就是小數的幸運兒,名牌紛紛送上門,手袋同鞋都有不少,Chloe、Bvlgari、Moschino和Loewe新包每日送上,而且是最hit最新的手袋,堪稱手袋女王。而Sammi就好識做,不時在微博po相多謝品牌公關的禮物,更為老公仔許志安荷包慳返唔少,昨日她又po了Balenciaga送上的帆布拼皮tote bag,手袋容量特大,行街shopping做運動最啱。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20151022/19342868
Sammi 狂收 名牌 袋幫 老公 荷包 慳唔 唔少
PermaLink: https://articles.zkiz.com/?id=293434

Sammi喊住寫減肥書

1 : GS(14)@2015-11-02 08:22:01

■Sammi昨晚換上deep V綠色裙做演唱嘉賓。


鄭秀文(Sammi)、鄭希怡、范姜、周汶錡及何超儀等昨晚現身H& M銅鑼灣旗艦店開幕,Sammi先以一身黑色jumpsuits密實示人,其後換上另一件deep V綠色歌衫在台上獻唱時,險被男舞蹈員撞落台。問Sammi會否幫老公許志安買貼身衣物如T-back,她表示:「仲未爛。」Sammi透露正籌備出減肥書及烹飪書:「減肥書想寫好多年,我出減肥書有說服力,日日唔食嘢冇用,要適量飲食加適量運動,寫嗰時心路歷程似血淚史,邊寫邊流淚。安仔唔會寫序,佢為咗有啖好食,一定會讚,自己拿手煮台式滷肉,紅燒炆牛腩。」


■靚媽周汶錡一身閃爆螢光粉紅裙現身。


同場的范姜承認溫拿有意想解散:「佢哋想陪多啲屋企人,不過我梗唔想,The Rolling Stones都唱到70幾歲,阿B喺溫拿最細,冇話事權。」採訪:馬建華攝影:陳志嵐





來源: http://hk.apple.nextmedia.com/entertainment/art/20151030/19352807
Sammi 喊住 住寫 減肥
PermaLink: https://articles.zkiz.com/?id=293712

Sammi戲院度過初戀

1 : GS(14)@2016-01-22 01:49:41

鄭秀文(Sammi)、任賢齊、杜琪峯及林建岳,昨日於中環出席「影院.娛樂全方位爆發新動力」記者會,席上大會宣佈MCL院線將有多項革新,包括在戲院內轉播演唱會及歌劇等。Sammi自爆當年初戀是於戲院內萌芽:「喺碧麗宮,但已經拆咗,嗰陣同男同學偷偷摸摸入去睇戲。」她又爆曾有男同事於戲院內被另一男生非禮摸大髀,如自己遇到類似情況必會出聲逮捕加以嚴懲。


■林建岳獲六嬸方逸華現身撐場。


小齊有份主演的電影《樹大招風》入圍柏林影展,小齊開心謂:「導演話因為套戲題材敏感,好多打劫同黑社會,所以內地上唔到,當然想去柏林影展,希望唔好再撞演唱會期,因為之前幾次有機會去外地影展都撞期。」採訪:譚倩宜攝影:陳順禎





來源: http://hk.apple.nextmedia.com/entertainment/art/20160121/19459781
Sammi 戲院 度過 初戀
PermaLink: https://articles.zkiz.com/?id=294740

安仔請Sammi去旅行

1 : GS(14)@2016-02-24 07:28:22

許志安昨日在W酒店出席樂視體育項目記者會,前晚有份在澳門出席太陽娛樂春茗的安仔,提到老闆洗米華與洗米嫂陳慧玲婚變後,首度公開合體兼同枱合照,問安仔有否見到老闆及老闆娘同坐,安仔說:「好似見唔到喎,呢啲嘢問番老闆喇,我唔識答。佢咁大紅人,紅過晒我哋所有藝人,自己簽自己搞掂。」問到會否覺得老闆生活多姿多采?安仔亦只說:「我唔識答呀,不如你哋問番老闆。」安仔又坦言忘記了前日的元宵節,但稍後會和太太鄭秀文(Sammi)補祝:「我會請Sammi食嘢同去旅行,今次唔會去熱帶地方,改去天氣凍嘅地方。」採訪、攝影:卓寶花





來源: http://hk.apple.nextmedia.com/entertainment/art/20160224/19502868
安仔 仔請 Sammi 旅行
PermaLink: https://articles.zkiz.com/?id=296264

16春夏興透視Sammi祖兒齊着Blumarine

1 : GS(14)@2016-03-11 13:31:19

透視裝是每個春夏的hot pick,容祖兒日前在內地與李克勤宣傳二人合作的演唱會,都揀了透視裙上陣,上半身貼身騷S形曲線,裙襬就繡花透視,齋透腳的性感點到即止,女人味極濃。這條裙出自Blumarine2016春夏,鄭秀文(Sammi)及Angelababy一早已經穿過同系列的透視裝,以Sammi穿得最性感,上身透黑bra非常吸睛,搭配方面更落足心思,mix& match韓牌JKOO闊腳牛仔褲,不怕太花碌,拎埋Roger Vivier花花圖案手袋,以紮染襪子撞粉紅高踭鞋,一個字型!更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20160311/19524580
16 春夏 透視 Sammi 祖兒 兒齊 齊著 Blumarine
PermaLink: https://articles.zkiz.com/?id=297608

Sammi愛碌卡掃家品

1 : GS(14)@2016-03-16 14:28:11

鄭秀文(Sammi)昨日以代言人身份現身麗嘉酒店舉行信用卡記招,並成為首位市民獲得此卡。以往最瘋狂時,每季曾花過百萬添新裝,亦試過忘記換取飛行里數,結果儲了足夠換取一家人機票的里數。講到信用卡,問她有沒有擁有老公許志安附屬卡?她說:「附屬卡唔怕有,女性有經濟能力,有時買自己嘢都用自己張卡,開心時或買家居用品咪用吓附屬卡,作為男性見到另一半用附屬卡都有滿足感。」Sammi又指會接納大家提議,將來以銀碼來決定何時簽附屬卡。提到安仔腳傷,Sammi有為他搽按摩膏兼陪睇醫生,又笑指養傷期間要控制安仔飲食,每日飲兩杯清水便可。採訪:馬建華攝影:沈健程





來源: http://hk.apple.nextmedia.com/entertainment/art/20160316/19530741
Sammi 愛碌 碌卡 卡掃 掃家 家品
PermaLink: https://articles.zkiz.com/?id=298156

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019