ZKIZ Archives


Splash N Dash Aquathon Series Race 4 - The Finale: 自我感覺良好

Race 4 October 10, 2010 (港島淺水灣)


Challenge: 500m swim; 5km run; 500m swim
Sprint: 375m swim; 2.5km run

上星期日,10年10月10日,終於黎到今年整個系列最後一場比賽,地點重回跟第一場比賽路線相同既淺水灣.可以話係巧合又或者十月既氣候應該如此,當日既天氣,由先前幾日風和日麗到當日忽然轉冷及有點微雨,感覺上水溫有點冷,不過就蠻適合跑步.情況跟四月時第一場好類似,只不過自己心情及準備都唔同咗.

上次提到,第三場比賽之後,一直為自己當日發揮唔出應有水平(起碼跟練習時情況大有分別)而耿耿於懷.另外自己都想知道,點解第三場時候臨場點解表現得咁論盡.結果喺第三及第四場之間既兩個週末,特別相約一樣有參加比賽,又比自己有經驗及技巧既朋友安排加操及請教.目標好簡單:我要游好呢場水及做好呢場比賽!

講番比賽情況,做好適當既熱身後,聽過工作人員講解比賽描述,緩緩行到起點區準備起步.或可以講成緊張或策略保守,自己選擇留喺較後位置起步.一來知道自己時間唔算快,避免被其他參加者帶快;二來留喺較後位置起步,游水爭位情況亦應該冇咁緊張,自己可以有更多空間去發揮.

跳進海內之後,之前兩個週末特訓既付出果然有用,今次終於可以用水自己既節奏去游,而且亦應用咗朋友指導既技巧(特別係如何保持向前面目標游).至於爭位情況其實無可避免,特別係轉游泳方向時,會同時間大量參加者向浮泡附近爭線.有過前兩場既經驗,今次當發現身旁有其他參加者爭位時,適當地留意互相速度上既分別,配合划水動作,利用手部把對方推開,令自己原來游泳路線得以保持.結果大部份時間(九成)可以用上自由式完成游泳部份及轉項時既準備,以18'45"完成(9/14 或 34/44),時間上比第一場完成時間快咗差不多三分半鐘.

回顧番整個系列,參加比賽前,一直認定自己泳術不精:最遠都只係海灘游出過浮台;而中學時從未參加過游泳比賽,更甚至水運會報咗名做逃兵唔參賽;就算到今天,都係繼續用唔正確既蛙腳去踢水。我知自己游得唔快,但我會保持練習時既節奏及姿勢,堅持最後游到終點。所以到目前一刻,能夠做到呢個程度及克服呢個心理樽頸,自我感覺實在良好!

今年可以大膽踏出呢一步,參加咗呢三場兩項鐵人比賽又三場比賽共游咗375米加270米加375米,除咗自己貪玩兼心中有團火外,真係要多謝朋友既鼓勵及指導,同埋呢個比賽形式好適合肥龍呢類初哥及氣氛一流。我會更努力練習,下年再參加再做好啲!
Splash Dash Aquathon Series Race The Finale 自我 感覺 良好
PermaLink: https://articles.zkiz.com/?id=176048

Splash N Dash Aquathon Series Race 1 & Race 3: 在水中那位不是我

續上次所提及,講番比賽本身,賽事主要分少年組及成人組,而成人組再分長途(Challenge)及短途(Sprint)

肥龍參加既係短途Sprint組,跑步及游泳部份都比Challenge組短.

Race 1及 Race 3 比賽情況報告如下

Race 1 April 18, 2010 (港島淺水灣)


Challenge:  500m swim; 5km run; 500m swim
Sprint: 375m swim; 2.5km run


四月時第一次參加Race 1,由於同行朋友大家都係兩頂比賽既新手,有關比賽完成時間,並冇太大實際概念.處子比賽既目標定得好簡單,就係吸收經驗及可以安全完成比賽就得啦.所以除咗運動量既準備外(本應綽綽有餘),好多野(特別裝備上)都只係抱著「摸著石頭過河」既心態去處理,並冇因應比賽而去準備,更加對比賽時應有技巧及小秘技好明顯冇認真了解啦.

此站既安排係先游泳,後跑步.對於游泳一般既肥龍,比賽前心裡上既緊張及因不確認而產生既壓力可想而知.自知技巧及情況,基本上最關鍵係游泳部份,直接啲講,只要游畢全程,上到岸就ok.當聽過工作人員講解有關比賽距離、路線後,緩緩步行到淺水灣沙灘既起點區準備起步.

一如所料,落水游咗差不多四五十米左右,都唔知係技巧、氣力定外在環境關係,感覺上開始停滯不前,而且更覺距離完成位置遙遙無期.同時遇著新手所犯既困難,所處情況跟游泳池練習完全唔一樣,加上兩旁都係一同起步既參加者,因各自動作而激起既浪花及波浪,非常唔習慣.最後,只可以看著同一起步既參加者愈游愈遠,雖然心理上覺得唔好受,不過當時心中只好不斷安慰自己及保持本應有既節奏,慢慢一步一步向岸邊邁進.

結果,以最後名次完成游泳部份.游得上氣唔接下氣,五臟六腑彷彿倒轉,更帶著軟弱既步伐,向轉項區方向走.穿上上衣及跑鞋,立即走到賽道,繼續完成跑步部份.雖然依然上氣唔接下氣,始終跑步及比賽距離難度唔大,最後以22'19"完成(尾二,10/11 或 25/26).雖然辛苦,但總算完成首個兩項比賽.

Race 3 Sept 19, 2010 (港島南灣)
Challenge: 4km run; 540m swim; 4km run
Sprint: 2km run; 270m swim; 2km run

今次肥龍參加既都係短途Sprint組,即先跑2km,然後游泳270m,最後再跑2km完成.

準備上面,特別由七月開始,針對游泳方面既弱點,已經安排每星期一課游泳練習,目標係要比上一次游得好.在於自己,運動精神除咗堅定不移及發揮所能外,還有克服困難.既然要參賽,當自知有所不足時,更應努力去預備.情況就如五年前首次參加半馬拉松到今天已經二次完成全馬拉松一樣,只要堅持,始終可以達到.

或者因為係第二次比賽,對各方面已有一定概念,心情比第一場輕鬆.今次跟第一場唔同,係先跑,後游,到最後再跑步.當中會有兩次轉項.作簡單既熱身及聽過工作人員講解比賽細節後,就到起點區準備起步.

比賽情況跟第一場差不多.不過游泳方面,今次因為先跑,而因此參加者因為完成時間唔同所以落水時間亦唔同,其實已經冇第一場幾十人爭先起步既情景出現,游泳起步相對比較容易.今次初段終於可以用自己賽前定下既節奏去游,亦游得算不錯.不過游到五十米左右時,遇上前面既人群,結果又犯上上一場同樣既錯誤,最後節奏亂了,更無奈係爭線途中被前面既參加者蹬咗一腳腹部(唔好奇怪呢個情況喺比賽時好平常及經常發生),慶幸尚可繼續比賽,一步一步繼續向岸邊游.最後一轉2km,除咗上水後跑沙灘一段,雖然已經爆爆地,不過都可以堅持跑哂返終點.

最後以31'07"完成(名次12/16 或 34/40).

********************************************

肥龍會再努力,要喺下一場,亦即今季最後一場前,游泳方面再落苦功,己經相約朋友今個星期日早上到淺水灣加操,到時一定要發揮原來既自己!

********************************************

Race 3兩項比賽好特別,包括自己在內,共有十位朋友參加同一組別(Sprint Distance)(當然唔同年齡組別啦)同場較量,好好玩!更開心係有兩位中學同學首次參與及可以安全完成!讚!又有三位朋友獲得兩亞一季既成績,讚讚!

呢個比賽氣氛一流,作為一個星期日活動,好好~
Splash Dash Aquathon Series Race 水中 那位 不是
PermaLink: https://articles.zkiz.com/?id=176051

Race@2R老公係新加坡大亨養子馬拉起屋心臟病離世

1 : GS(14)@2016-11-27 14:27:43

David全名叫Loh Kim Kang David,擁有俄勒岡大學(University of Oregon)理學學士學位,在Centurion有限公司擔任非執行董事。該公司主要提供宿舍給工人及學生居住,08年起David一直擔任該公司控股股東Centurion Global Ltd董事,有數十年投資及股票買賣的經驗。這位企業大亨David曾育有一名養子Darren,但Darren早年在幫貧民村建屋時突然心臟病發離世,年僅17歲,事件令他好傷心,David本身已知道囝囝心臟有問題,認為自己都有責任,因此並沒有怪責校方。




來源: http://hk.apple.nextmedia.com/entertainment/art/20161127/19847077
Race 2R 老公 新加坡 大亨 養子 馬拉 拉起 起屋 心臟病 心臟 離世
PermaLink: https://articles.zkiz.com/?id=317218

豪花千萬搞夢幻婚禮Race再婚嫁富商

1 : GS(14)@2016-11-27 14:27:43

■轉做女強人的黃婉佩,前晚在新加坡嫁給富商David Loh。互聯網圖片



前女子組合2R成員黃婉佩(Race)逃離娛樂圈五年後,最近在新加坡轉做女強人,曾被爆是人妻,與新加坡商人陳靖諧離婚後又與向佐分手,但原來現年34歲的Race已秘戀新加坡人,早前在訪問中透露生活幸福,希望工作和愛情都順利。
Race前晚在新加坡低調結婚,據悉Race老公是新加坡商人David Loh,二人豪花千萬港元在Grand Hyatt筵開25席,邀請約300位賓客,現場除有外國歌手表演,還有燕窩、鮑魚等美食。Race並找來新加坡著名造型師Alvin Goh做婚禮統籌及設計婚紗外,就連髮型師和攝影師都分別由日本和紐約專程到新加坡幫手,為Race打造公主式夢幻婚禮。



■Race嫁新加坡生意人David Loh,豪搞千萬婚禮。

■Race在台上唱英文情歌冧老公,婚禮既浪漫又甜蜜。互聯網圖片

■Rosanne在Ig貼上媽媽在婚宴上的相片,而Race的婚紗則由Alvin Goh(小圖)設計。

■Rosanne(左)和Race於02年被星探發掘來港發展,雖然樣靚身材正,可惜發展未如理想。資料圖片

唱歌冧老公

Alvin昨日在WeChat貼上與新娘子合照,見Race穿上大Deep V透視婚紗,戴上皇冠頭紗,Alvin昨在電話說:「係呀,我幫佢設計公主look,佢本身已經好sweet好lovely,佢哋講誓詞冇喊,但成個婚禮好開心,Race仲唱咗首英文歌冧老公。」而Race姐姐黃婉君(Rosanne)當然會陪住妹妹出嫁,昨日在Instagram上載媽媽赴宴相,並以短訊回覆謂:「今日我哋會搞婚後party,所以想enjoy吓,明天返香港再講啦!」新娘子Race至截稿前仍未回覆。採訪:嵐山




來源: http://hk.apple.nextmedia.com/entertainment/art/20161127/19846676
豪花 花千 千萬 萬搞 夢幻 婚禮 Race 婚嫁 富商
PermaLink: https://articles.zkiz.com/?id=317219

Race晒孕味婚照

1 : GS(14)@2016-11-29 00:14:36

■Race昨日公開和新加坡富商的婚紗相,可見小腹微隆。



前女子組合2R成員黃婉佩(Race)前日被本報率先踢爆與新加坡富商David Loh結婚,並豪花千萬港元舉行婚宴。昨日Race在Instagram公開與老公的結婚相,一對新人以鋼琴做背景,Race穿上傳統白色露肩曳地婚紗,甜絲絲留言:「We live happily ever after(我們從此以後快樂地生活着)。」不過細心一看,Race的小腹微微隆起,孕味濃。據知Race今次是雙喜臨門,而這輯婚紗相亦影得相當匆忙,在結婚前一日才拍攝,足足影了半天,共換了六、七個不同造型。對於傳出Race有喜,其姊黃婉君(Rosanne)昨日未有回覆,只貼上兩個囝囝做花仔的相。採訪:嵐山




來源: http://hk.apple.nextmedia.com/entertainment/art/20161128/19847528
Race 曬孕 孕味 婚照
PermaLink: https://articles.zkiz.com/?id=317386

Race開心辦夢想婚禮

1 : GS(14)@2016-11-29 07:55:25

■Race與老公因工作忙碌,令婚事拖到今年。



前組合2R成員黃婉佩(Race)於上周五在新加坡嫁富商David Loh,據知榮升人妻的她,懷有身孕雙喜臨門,Race昨在電話開心表示:「我同老公多謝大家祝福,婚禮唔係太大型,每個女仔都想做公主,老公非常之好,話我鍾意點搞就點搞,我就做咗自己嘅dream wedding。」
Race還甜絲絲說:「我同老公係通過朋友介紹識,幾個月之後開始拍拖,拍咗差唔多三年,兩年前喺美國求婚,本來上年結婚,但我哋工作都忙,所以延咗一年。」Race在婚禮上唱歌冧老公,問到有否流下幸福淚水?她笑說:「我都好淡定嘅,喺婚禮完全冇喊。」採訪:皓騫




來源: http://hk.apple.nextmedia.com/entertainment/art/20161129/19848442
Race 開心 夢想 婚禮
PermaLink: https://articles.zkiz.com/?id=317511

Race雪山遮肚現巨躉

1 : GS(14)@2017-02-05 10:55:21

■Rosanne(右)及胞妹Race與家人到奧地利滑雪過年。



前組合2R成員黃婉佩(Race)嫁富商David Loh做人妻,去年11月在新加坡舉行豪華婚禮,當時盛傳Race奉子成婚,惟她一直不否認不承認,剛巧胞姊黃婉君(Rosanne)上月亦被指三度懷孕,傳出兩姊妹齊做雞年媽咪。



■盛傳大肚的Race(右)刻意彎身遮肚,卻掩不住粗腰及巨躉,孕味甚濃。

兩位疑似大肚婆跟家人身在奧地利過年,連日在社交網貼於雪山玩的相片,Race微微彎身用手撐着大髀刻意遮肚,但巨躉和變圓潤的面龐就似足大肚婆,又着雪褸又着外套護肚,反而Rosanne身形不似有BB,Race留言:「跟家人、老公一起到這兒度過農曆新年好開心,逃避熱熱的新加坡。」記者聯絡Race問雪山是否好凍?大肚婆要小心些,她只回覆一個笑臉,繼續迴避懷孕問題,Rosanne則在電話說:「好玩呀,因為我哋上年冇去,今年去玩得好開心,天氣又好好,一家人去玩,小朋友學滑雪。」採訪:皓騫




來源: http://hk.apple.nextmedia.com/entertainment/art/20170205/19918112
Race 雪山 遮肚 肚現 現巨 巨躉
PermaLink: https://articles.zkiz.com/?id=325531

Race@2R七個月巨肚曝光

1 : GS(14)@2017-02-06 07:28:04

終於見肚喇!前組合2R成員黃婉佩(Race)於去年11月嫁新加坡富商David Loh,有傳Race今次係雙喜臨門,但佢一直避答係咪有BB。近日Race同家姐黃婉君(Rosanne)一家人去奧地利睇雪山,Race即使有post相刻意彎身遮肚。昨日Rosanne再喺ig post咗一段一家人去睇酒窖嘅片段,意外令Race巨肚曝光。片中見到穿上灰色冷衫嘅Race拎住一本書行入酒窖,個肚籮咁大,相信已經懷孕6至7個月,BB應該好快就出世。見Race後面全程有一位男士貼身伴隨,相信係Race老公David,好貼心咁護住老婆。《蘋果》昨日恭喜Race,佢以短訊畀咗個笑臉公仔,回覆﹕「等我找個漂亮的照片post啦!」負責拍片嘅Rosanne當然冇提妹妹半句,留言﹕我從來沒有去過這樣的酒窖!它曾經是一個炸彈庇護所,356天都不需要冷氣或抽濕機。」




來源: http://hk.apple.nextmedia.com/entertainment/art/20170206/19919509
Race 2R 七個 個月 月巨 巨肚 曝光
PermaLink: https://articles.zkiz.com/?id=325668

【馮仁昭四圍超】半身麻醉嘔足全日 Race誕小公主

1 : GS(14)@2017-05-27 00:06:51

■Race為新加坡富商老公David(小圖)誕下囡囡,心情緊張又興奮。





前女子組合2R成員黃婉斯(前名黃婉佩、Race)上年11月升呢做人妻,日前為新加坡富商老公David Loh誕下女兒Cara,小公主眼仔長長嘴仔圓圓好可愛。Race嘅胞姊黃婉君(Rosanne)喺電話表示:「我專程返新加坡陪妹妹,女人生BB都係辛苦㗎啦,佢要半身麻醉,之後都嘔咗全日冇食嘢,可能係藥力過後嘅敏感,第二日先食到嘢,?家妹妹都好有胃口,多謝關心。」


請專人影相

Rosanne大讚BB好可愛:「我哋全家都非常開心,因為我生兩個仔,最細嘅妹Rhonda又係生仔,Race今次生女,將會係我哋屋企嘅小公主!」噚日下午,Rosanne出外幫妹妹買嘢,之後又趕返醫院陪伴,佢話:「妹妹好信任我,將所有嘢交託畀我打理,佢要食嘅餐單,飲嘅糙米水,全部都係我幫佢準備。」



■Race(中)日前榮升人母,胞姊Rosanne(右)專程返新加坡照顧。

■Rosanne同Rhonda(右)急不及待跑入房睇BB。

首次做媽咪嘅Race好緊張又興奮,唔止喺產前影大肚寫真,就連囡囡出生都請專人影靚相,包括入產房時老公用手摸肚、生完後Rosanne同Rhonda興奮跑入房睇BB,Rosanne話:「當BB終於由產房推到BB房,我哋好緊張跑去睇囉。」撰文:馮仁昭




來源: http://hk.apple.nextmedia.com/entertainment/art/20170526/20033687
馮仁 仁昭 四圍 半身 麻醉 嘔足 全日 Race 誕小 公主
PermaLink: https://articles.zkiz.com/?id=334059


ZKIZ Archives @ 2019