ZKIZ Archives


【終講得掂數】馬勒當拿唔告Konami 出手幫《PES》做宣傳

1 : GS(14)@2017-05-13 01:34:13

Konami Digital President久保隆之(左三)專誠飛到阿根廷同馬勒當拿代表會談,最後見雙方都握晒手,證明銀彈攻勢成功。

馬勒當拿定美斯好波?當然年代唔同無得同場比試過,夾硬比對兩位球王都唔公平,但至少馬勒當拿叻在捧過1986年世界盃,到1990年更憑一人之力踢到入世界盃決賽,呢方面美斯仲未做得到。不過馬勒當拿咁有江湖地位,照計都無乜人敢冒犯佢,但偏偏足球遊戲《PES2017》(亦即《Winning Eleven2017》)在未得到馬勒當拿同事而在遊戲中用上疑似佢嘅肖像,今年3月時馬勒當拿已經出聲話想告開發《PES2017》開發商Konami。Konami當然即刻要補鑊,Konami Digital President久保隆之(Takayuki Kubo)更親身飛到阿根廷同馬勒當拿代表談判,終於都傾得掂數,庭外和解。雖然Konami到底付出馬勒當拿幾多錢就未有對外公佈,但相信出手都有返咁上下,在剛簽下的協議中,馬勒當拿將會為《PES》系列足球遊戲進行推廣,直至2020年為止;而馬勒當拿亦承諾捐出部份酬勞用以改善阿根廷基層足球設施,皆大歡喜。資料來源:Kotaku, El Eco文:布偉倫2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170510/20016122
終講 講得 得掂 掂數 馬勒 當拿 拿唔 唔告 Konami 出手 PES 宣傳
PermaLink: https://articles.zkiz.com/?id=332498

【PES 2018】繼續粵語旁述 Keyman拍伍家謙:更多對話更本土

1 : GS(14)@2017-09-17 17:29:54

今年《PES2018》繼續和巴塞高度合作,魯營球場連球員通道也跟足真實製作。



對於足球迷來說,每年9月除各大聯賽開波,亦是兩大足球遊戲新一集出爐之時。現在統一名字叫作《Pro Evolution Soccer》,香港機迷可能仍是叫慣《Winning》,新一集《PES2018》香港版9月14日推出。有玩過上集的話,都應該知道遊戲找來Keyman(馬啟仁)和伍家謙講波,實現過往只出現在網友自製惡搞版的廣東話評述。這次有了經驗,兩位都表示今集會更多對話,更有本土feel。難得的是今集收錄了亞洲聯賽冠軍盃球隊,港超聯球隊東方龍獅都有份參戰,香港球迷值得支持。



和Keyman及家謙講波經,他們都表示收到意見,指上集比較靜,旁述不夠「密嘴」,Keyman表示最大原因是文化差異:「廣東話講波其實比較多嘢講,日文、歐美評述沒有特別場面真的可以不出聲。而且『評』和『述』是分家的,香港玩家可能會覺得各有各講有點怪。」在宣傳橫額中也可見到,家謙的角色叫「實況」,Keyman則是「評述」,家謙解釋兩者分別:「我主要是講球場正在發生甚麼事,很少會加入個人意見,Keyman則會做分析。」「我的角色有點像馬後炮,通常是發生了一些事,例如射波高出或者越位後就聽到我的聲音。」經兩人解說後回想起來,由細打到大的日文評述又的確是對話不多,兩人表示《PES2018》中會嘗試做得更貼近香港人口味,加入多點對話。



(左)Keyman和伍家謙繼續擔任廣東話評述。

遊戲動作比上集更真實,但操作則更易上手,尤其是控球,玩落爽快。

除廣東話,遊戲還有其他新元素,包括二對二、三對三的網上合作模式和隨機選擇模式,Master League也會有所改良,加入更多事件,例如季前巡迴賽、賽後訪問、更新室事件等等。早前試玩版已經可以下載,不少網民都覺得真實感大增,比上集進步了不少。今集《PES2018》也會趕上電競熱潮,官方二打二大賽「PES League Asia2v2 Tournament」將於9月30日起舉行Prowell Cup中華圈預賽大選。先在online比賽累積積分,再在10月舉行線下決賽,想挑戰要早點入game練波了。



東方龍獅會是今集登場的亞冠球隊之一。

女子電競戰隊PandaCute出任活動嘉賓和兩位評述員較量。

《PES2018 Pro Evolution Soccer》廠商:KONAMI平台:PS4、PS3、Xbox One、PC(Steam)發售日期:9月14日記者:司徒港燊攝影:張志孟2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170913/20150878
PES 2018 繼續 粵語 旁述 Keyman 伍家 更多 對話 本土
PermaLink: https://articles.zkiz.com/?id=341167

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019