ZKIZ Archives


Oction玩法猶如網上賭場周焯華大仔創拍賣App恐違法

1 : GS(14)@2017-06-16 01:54:30

■周焯華大仔周柏豪強調網站從來沒打算隱瞞,並對「賭場」這個說法毫不在意。 黃耀興攝



【本報訊】太陽娛樂老闆「洗米華」周焯華大仔周柏豪,參考美國一仙拍賣(Penny Auction)創立拍賣App「Oction」,聲稱希望讓市民以一折的價錢購物,惟Oction整個玩法猶如一個「網上賭場」。有大律師就指,Oction的業務有博彩成份,很可能違反《賭博條例》。記者:梁偉聰 倪敏慧



對此周柏豪受訪時反問記者,「一早都知啦,現時先同我講呢啲?一早都知呢件事係有運氣嘅成份喺裏面,你唔係同我講呢個係一個shopping website吓嘛。」更指「係咪騙局呢,你要玩吓先知!」

■拍賣產品包括iPhone、百佳現金券及Switch等等。


玩家有機會一折購物

所謂「一仙拍賣」,就是由0元底價,每一次叫價(bid)都只會上升0.01元,用戶每落一個bid就要用1個Credit,如果在出價後10秒內沒有人再出價,就可贏得這件產品。Oction每一個Credit價錢為0.8至4元。「你係咪都要買電話㗎啦,係咪都7,000蚊㗎啦,做咩唔試吓可唔可以喺呢度用15蚊買到,再唔係你贏唔到嘅,咪用7,000蚊原價買番,下次再用過嗰啲Credit,再bid其他嘢囉。」周柏豪強調,Oction是提供一個機會讓人以一折,甚至低於一折的價錢買到心頭好。每一個Credit就有如籌碼,用作「下注」落bid,贏家可以低價買到iPhone等貴價產品,輸家將失去其籌碼,玩法猶如網上賭場。大律師霍嘉誌認為,Oction很大機會觸犯現行的《賭博條例》(見另文)。對於這個說法,周柏豪辯稱,「賭場有得輸,呢度冇得輸」。不過,事實上,如果不以原價購買產品就會輸掉Credit,他反指「係,因為你貪心呀嘛!係咪先。」


周柏豪直認做「莊家」

被問到是否做「莊家」,周柏豪直認不諱「可以咁講啦,我唔否認啦」,強調網站從來沒打算隱瞞,玩家由第一日就應該知網站性質,對「賭場」這個說法毫不在意,「我唔道歉啊,係喎你真係有得輸,咁玩遊戲大家都知規矩㗎啦,要冇得輸喎,咁點玩呢個遊戲,咁我輸囉,係咪先。」2015年香港有類似的一仙拍賣網「Bid出彩虹」被揭發涉及層壓式推銷手法造成龐氏騙局,周柏豪聽罷指「你同我比就好似侮辱咗我」,指兩者的模式不同。



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170615/20056549
Oction 玩法 猶如 網上 賭場 周焯 華大 仔創 拍賣 App 違法
PermaLink: https://articles.zkiz.com/?id=335530


ZKIZ Archives @ 2019