ZKIZ Archives


【憂鬱星期一】名人無懼返工 教你Monday唔blue的法門

1 : GS(14)@2016-07-12 22:08:49

謝志峰說自己「得閒死唔得閒病」,根本沒一秒鐘blue的餘暇,可是他十分熱愛自己的工作,所以介意笑住忙。



星期一要起身返工,好多打工仔都會無定向憂鬱暴躁。點解謝志峰、鄺俊宇、胡孟青可以無懼星期一,笑着忙,越做越起勁。點解呀?點解呀?點解呀?


「即使咁忙,我同你仲講到咁開心,證明傳媒呢個行業真係好吸引,係妖來的,係魔來的,要你為佢做到死都願。你覺得係老闆出糧畀你做你鍾意嘅事。」前《城市論壇》主持、傳媒人謝志峰認為想無Monday blues最緊要係搵到你肯笑住忙到甩轆o既嗰份工。但星期一朝早真係好呆,魂魄唔齊咁款,點算好呢?「起身跑15分鐘步,15分鐘就可出到成身汗,你整個人當天就很活躍,包括腦筋,成日狀態都唔錯。」只顧叫苦連天?他認為應該令自己世界不只得份工。「運動、見識、交朋、吹水、飲啤酒,乜都得,千萬唔好呆咗响度。」他認為行高壓手段的老闆都有責任。「你要佢做到殘,做到謝,只係殺雞取卵。好多老闆唔醒覺,因為快,一壓就有效果,你壓死咗佢,係可以請另一個,但你請得幾多個?」老闆以為自己精,打工仔都唔呆的。「良禽擇木而棲,佢都識得搵好樹,好樹就係讓佢有好發展機會,有夢想的工。」「想冇Monday blues,首先你要遇上唔會令你blues的老闆,區議員、作家兼註冊社工鄺俊宇認為老闆最緊要當員工係一個「人」。「動之以情好重要,你一定要將心比己、有同理心。換轉你被人留低做晒成team人工作,你都唔想啦!」可惜的是老闆這種生物,唔係我爆佢,佢就會「銀芽」爆炸,打工仔改變到啲乜呢?「你要搵你工作崗位的意義,慢慢將工作成為你滿足感來源。子華神講過『我真係好鍾意返工,係鬼上身先會咁講』。冇人打第一份工就邂逅到你終身職業,每個人都要試下四周圍撞,到某日你總會撞到適合你的方向,路就比較順。」喂呀,但真係忙到咖啡當水飲咁滯喎?「人生應該要忙,忙係一種幸福,因為代表你有價值代表你的崗位需要你。我成日講笑話『舒服係留畀死人的』。」佢認為打工仔要把握好自己每日最高生產力的「黃金兩小時」,做嘢爽手啲,無咁辛苦,自然就無咁blue!資深財經評論員胡孟青(青姐)說:「我還要兼顧湊仔,根本沒時間去諗,唔好話blue,我根本忙到五顏六色,七彩。」她一日做足20小時,幾乎一星期七日都係咁,但係就好識得找平衡點:睇韓星演唱會!「我同成班朋友,鍾意一齊去睇BIGBANG、CNBLUE,我哋好鍾意鄭容和,又鍾意EXO。」青姐講起睇騷眉飛色舞,變身小粉絲。其實專業人士的壓力一樣大,更要發展自己的second career及second llife。世界咁大,份工唔應該係全部。「寧願你向前行一步,看看世界還有啲乜,有冇可以令你發展的空間。」記者:葉青霞攝影:陳永威



鄺俊宇說自己有張永遠消除不了的工作清單,但十分享受把工作剔走的一刻,又認為時間是擠出來的,應把無目的睇片、上網碌面書的垃圾時間好好利用。

鄺俊宇仲即席寫了:「人生得意需勿blue,莫使Monday生蘑菇。」

青姐日日做到無停手,不過佢就話人最緊要有伴侶,唔好做孤獨精,所以她經常約朋友試新餐廳、睇韓星演唱會,自製快樂。



來源: http://hk.apple.nextmedia.com/su ... t/20160712/19690862
憂鬱 星期一 星期 名人 無懼 返工 教你 Monday blue 法門
PermaLink: https://articles.zkiz.com/?id=303454

【網購攻略】鑄鐵鍋三折羽絨半價 Cyber Monday網購限時劈價

1 : GS(14)@2016-12-01 00:02:05

剛剛於錯過了Black Friday(黑色星期五)的美國感恩節網購減價潮?不用揼心,原來還有Cyber Monday,意即美國感恩節後的星期一,是品牌們推出網購優惠的日。不過有見商機無限,索性延長幾日,又名Cyber Monday Week,乘勢多做幾日生意。不過要留意,只提供免美國本地運費服務,要買就要幫襯當地集運服務送港了(如本地集運網站DimBuy)。另外,大部份優惠到香港時間11月30日下午1時為止,要買趁手了。



Macy's三折買鑄鐵鍋連當地人在聖誕節也會特意去掃貨的美國百貨公司Macy's,其網站也有優惠,不用價惠碼,全部貨品已減至低至三折,掃鑄鐵鍋最抵。最好的能直送香港,運費視乎貨品重量而定,買鑄鐵鍋當然運費會較高,不過三折也抵回運費有賺。
J.Crew Factory六折掃童裝聖誕掃貨除了自己要狂買,當然少不了家中朋友份。J.Crew Factory的網上現正清貨,輸入價惠碼HAPPYSALE就有六折,成人及童裝都有,褸款也不少。不過只提供免美國本地運費服務,要買就要幫襯當地集運服務送港了。
Adidas半價買羽絨運動衫運動裝全年都要買,美國Adidas進行半價減價外,部份正價貨品輸入價惠碼CYBER16,全單買滿約$776再減約$155、買滿$1,357減約$388、買滿約$2,327減約$776。雖然炒鞋如Ultra Boost, Pure Boost2, Stan Smith, NMD未有優惠,但買羽絨和運動衫等配飾等還是很抵。不過只提供免美國本地運費服務,要買就要幫襯當地集運服務送港了。
Kate Spade七折買手袋銀包一到佳節購物慾又起,又要換手袋銀包了。大玩玩味設計的Kate Spade美國網進行減價,輸入價惠碼WIRED,就有七折優惠,買來去派對一流。不過只提供免美國本地運費服務,要買就要幫襯當地集運服務送港了。(文中所有價錢以港元計算)記者:羅祖兒


Macy’s三折買鑄鐵鍋

【Macy’s】(左上起)Staub鑄鐵鍋原價約$3,128特價約$1,084(三折)、Martha Stewart鑄鐵鍋原價約1,501特價約$601(四折)、Martha Stewart蘋果造型碗原價約834特價約$334(四折)、Martha Stewart南瓜造型小碗原價約$834特價約$334(四折)

J.Crew Factory六折掃童裝


【J.Crew Factory】(左上起)成人灰色牛角褸原價約$930特價約$558(六折)、成人桃紅色夾綿褸原價約$388特價約$232(六折)、童裝毛毛褸原價約$388特價約$232(六折)、童裝粉紅色冷衫原價約$423特價約$255(六折)

Adidas半價買羽絨運動衫

【Adidas】(左上起)Climaheat Fleece褸原價約$923特價約$465(五折)、灰綠色羽絨褸原價約$1,008特價約$504(五折)、藍色Ultimate運動衫原價約$171特價約$85(五折)、灰色Climacool運動衫原價約$248特價約$124(五折)


Kate Spade七折買手袋銀包

【Kate Spade】(左上起)魔術兔手袋原價約$2,777特價約$1,943(七折)、閃片手袋原價約$4,250特價約$2,975(七折)、花花銀包原價約$1,768特價約$1,238(七折)、桃紅色銀包原價約$1,458特價約$1,020(七折)



來源: http://hk.apple.nextmedia.com/su ... t/20161130/19849685
網購 攻略 鐵鍋 三折 羽絨 半價 Cyber Monday 限時 劈價
PermaLink: https://articles.zkiz.com/?id=317715

【Green Monday】椰子做乳酪 全素輕食登陸咖啡店

1 : GS(14)@2017-03-22 00:47:47

在眾多連鎖式咖啡店中,一向欣賞Pret A Manger在菜式設計上的誠意,選擇豐富之餘,亦可以照顧到不同需要及食量的人。最近全線咖啡店推出了「Not Just For Veggies」系列,打正旗號推出無論素食或肉食者都喜愛的素食輕食。



非素食者對素食菜式的評語,經常會是淡味、沒變化、少層次等等,但這次咖啡店所推出的10款素菜,就聰明地運用新鮮食材變出層次豐富的美味菜式,當中更有6款是純素。記者一向喜歡其推出的乳酪及甜品杯,這次就將椰子變成乳酪,配上奇亞籽、草莓、燕麥片和烤椰子片,製成健康甜品杯;沙律就大推日式田園沙律杯,豌豆、日式毛豆和芥菜苗配上和風沙律醬及芝麻,食味層次豐富,喜歡日本菜的朋友必會愛上;想更飽肚可以選單片三文治類,用上新鮮高纖裸麥粉麵包作底,再舖上層層蔬菜,簡單又健康。
Pret A Manger地址:銅鑼灣恩平道28號利園二期地下G12號舖記者:黃穎妮


草莓奇亞籽椰子乳酪$42品牌推出多款乳酪菜式,這新款用上香濃的椰子乳酪,不含麩質及奶製品,配奇亞籽、草莓、燕麥片和烤椰子片,滋味無窮。

彩虹千層沙律杯、日式田園沙律杯各$36千層沙律杯用上鷹嘴豆泥,配上清甜的甘筍、車厘茄和芥菜苗;日式沙律杯則配備了特製和風沙律,加上牛油果、豌豆、日式毛豆和芥菜苗等,兩款口味各有所長。

香烤甜椒帕瑪森芝士裸麥麵包$42將香烤什錦甜椒、火箭菜、帕瑪森芝士、烤松子仁和希臘式乳酪,疊在裸麥麵包,高纖更健康。



來源: http://hk.apple.nextmedia.com/su ... t/20170321/19964557
Green Monday 椰子 乳酪 全素 素輕 輕食 登陸 咖啡店 咖啡
PermaLink: https://articles.zkiz.com/?id=328260

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019