保險廣告老積樣楊凱博變萬能key
1 :
GS(14)@2016-08-09 07:10:48大台新劇《城寨英雄》之前先被指同本地作家余兒喺08年推出嘅作品《九龍城寨》好相似，有唔少拳來腳往嘅場口。而飾演陳展鵬嘅嗰位小童星楊凱博，唔只靚仔，功夫都好耍家。呢套劇只係播咗幾集，就有人發現原來楊凱博曾經拍過電視廣告！而且仲好出名，冇錯喇，佢就係曾經俾人cap圖嘅保險小朋友。楊凱博幾年前參與過一次保險廣告拍攝，個廣告搵嚟一班小朋友，問佢哋知唔知乜嘢叫保險，當時楊凱博都有一句對白！之但係佢當時個樣太老積，俾網民cap圖做咗「萬能key」，仲加入咗唔少粗口字幕，經典嘅crossover就有張學友同秦沛。而呢個保險廣告，原來仲有個海外版本！楊凱博喺海外版就對鏡頭講：「做警察唔使打功夫。」同時就揮拳似模似樣。網民都冇錯過呢次機會，將連串動作改成連環圖，打走「送禮勤」留低嘅禮物，非常有趣。
來源:
http://hk.apple.nextmedia.com/entertainment/art/20160808/19727390