股票投資短評 - 2013年05月01日 Kyle
http://blog.yahoo.com/_PDW7RFPPPKJ6IWUA42B5OWHPCM/articles/1145070/index因為五一勞動節而突破間多左一日假期, 令到我有時間上黎回覆各位既問題........時間多D我亦回答得仔細D, 如果大家仲有問題的話可以繼續發問
由我睇到見底果日, 到昨天已經彈左足足一千點有多........相信有入市既人收獲都應該唔錯.........而上一個短評提到美國股市既強勢, 大家唔應該俾指數而迷惑, 結果美國亦如我所料而再一次創出新高..........不過, 香港既去向, 始終都要視乎阿爺既走勢..........可能有人會問, 而家已經由低位彈左成千點, 個市會唔會冇力再上而回落............其實反問番大家, 之前由23000 跌到21600 左右, 當時既市況同現家既市況, 到底有冇大既分別呢? 中間既升升跌跌, 只不過係投資者從各種消息 (藉口) 進進出出而造成既股市波幅罷了............佢地推到去21600 左右, 停左兩三日去平埋手上剩番既沽盤 (當時我都係覺得佢地平得差唔多先會認為個市見底, 不過我唔知當日一講即彈) 就自然會掃番上去.......
而家, 可以講係再一次去番22800 左右既中心點, 本身個市並冇特別大向上再向下既空間..........以美國既強勢, 似乎大幅向下既空間唔大, 不過如果缺乏利好既因素支持, 要再大幅上升既難度亦唔低........所以美國對香港既影響未必會太大 (有波幅但冇實際既影響)..........至於阿爺點走.........個人睇法就比較正面, 不過都係需要大陸復市再睇一睇先知
唔計投機性既8168, 最近我有推薦過兩隻股票, 539 (當時市價為 1.08) 同 57 (當時市價為2.70).........今日就順手解釋下我有興趣既原因......
1) 539 - 如果大家有KEEP 住睇我寫既野, 應該會留意到我曾經講過紡織股已經見底.........冠華如果以本身基本因素計, 佢應該係一隻相對落股既紡織股........
因為佢係今年年初開始一項新既業務 (大理石) 同紡織業無關, 實際對公司既基本因素影響有幾多仲未睇到 (管理層既言論就好似好有信心).......但如果睇番佢過往紡織業既表現, 即使佢既業績倒退, 只要唔係太明顯的話, 佢既PE 應該都係10倍之下, 而息率應該保持到4-5%.........以一隻穩定既公司計信值唔算高..............不過最吸引我既, 係因為佢有幾個基金入股買佢既認股証 (當時仍係我第一次推介539, 市值0.9左右).....佢地既成本都係0.89......而後來又有另一間基金入股, 佢地最後申報既價位為1.06..........睇番過去左幾個月既走勢, 佢係5%樓下既入市價都應該係0.9-1.06 之間, 假設以中間位1.00 計算, 比起當時我推介既位置1.08 都只係差少於10%...........同第一批入既基金都只係差20%左右.............一般機構性既投資者係唔會以10-20% 咁少回報去睇一間公司.........既然有機構投資者睇中, 當日又有大成交支持去炒上...........跟下順風車都唔錯..........現家去到1.2X........都已經比1.08 升左10%有多......而且佢仲係非常貼迎一年高位.........隨時好似85 咁一破再破頂都唔奇................隻311 都係紡織股, 一個月左右已經由$1.8左右升到而家$3.46.................只要有資金推動, 539 要有同樣表現唔難........
2) 57 - 呢間公司係好老牌既工業股........除左David Webb 入股果下有多D成交外, 一直既成交都係好少..........我睇中既既原因同539 唔同, 佢係冇特別既基金炒起...........不過佢既基本因素幾吸引我, 1) 佢每股有大約$1.4 係現金成份, 而每股資產淨值約係$4.5...........雖然今年度盈利都預期出現倒退, 不過預期既PE 值都應該係10倍樓下, 而息率應該可以保持到5%左右.........以工業股算係唔錯.........2) 佢既業務, 係從事製造及銷售注塑機及有關產品. 之前提到, 油價下跌, 係會對某部份既公司有正面既影響, 而塑料相關行業, 因為油價係直接影響到佢地既成本, 油價下跌就可以減低佢地既成本而推高盈利........當行業既利潤高左, 即使生意未完全上軌道, 佢地對於固定資產既需求亦都會提升.........所以相信57 既業績應該會比中期有明顯既進展........3) 歐美方面既經濟2012年下半年比起上半年有明顯既好轉, 以歐美生意為主既57, 應該亦都有正面既作用.......4) 間公司市值1.6B 左右, 但係如果睇番主要股東持有量, 幾個人加埋最大股東已經持有超過80% 既股份, 即係話市場流通量其實只有20% 左右 (即 (320M)..........本身持有超過5% 既基金又係好穩定既公司, 唔會成日出出入入 (其中一間基金上一次增持已經係2011年既事, David Webb 亦係以長線為主既股東, 大股東亦只有回購冇賣出)
呢類公司因為市場上既沽盤唔多........只要一日有資金流入的話, 升幅可以係非常驚人.........配合佢本身基本因素不俗而風險唔高..........所以只要有耐性一定可以有理想既回報...........有David Webb 既入市價做參考, 而家個位應該唔會太差 (因為佢都係基本分析為主, 而且有機會接觸管理層, 以真金白銀幾千萬入一間公司, 應該信得過......最起碼一定好過果D 淨吹水推介, 輸左唔駛上身既分析員)
最後, 就順便講埋點解我對8168 有興趣..............
近排, 唔知大家有冇留意一隻8260 既股票............佢就正正好係配股上市既公司, 股價一兩個星期可以由0.6 去到1.5...........唔係因為佢地基本因素有咩特別.....而係因為佢係一隻有資金睇到左既配股公司...........
咁點解配股既公司會升得咁誇張呢..........其實, 一般既公司都係會公開發售, 俾公開投資者同機構性投資者.........佢地既市值較大, 而接貨既投資者比較分散......因為每個人買入既原因都唔有, 有長線客亦有短炒者, 所以即使間公司幾好 (好似友邦咁), 佢地都冇可能會短期內出現超異常既升幅......因為每當有買盤推上, 都會有另一部份投資者持負面既意見, 或者係因為個人既原因而沽出, 所以幾好既股票都只會出現穩步上升既情況)
不過配股上版既公司就唔同, 佢地市值細好多, 一般都唔會超過10億, 因為資金既需求唔大, 所以只要搵到幾個機構投資者已經可以全部食晒.........正因為貨源歸邊, 所以股價既上落可以變得好大..........而且, 果D投資者同我地D散戶唔同, 佢地唔會睇果十零個% 既回報就收手..........既然沽盤少, 要推上既成本亦低, 所以好多時候配股上版既公司一開始都會升唔少.........通上市道好既時候隨時第一日上已經有過100%既升幅...........我睇中8168 既原因, 係因為佢一直都冇被大幅炒起過.........果班上版時接貨既人都要搵食.........之前係0.25 左右壓左咁耐, 又配埋股, 要收既都收得七七八八.......而家上番佢初上升時0.35 左右既位置.........等既就係適當既機會爆上................
不過因為機構性投資者同我地唔同, 佢地錢多而且有耐性, 要幾時爆上隨左當時人之外係冇人估到............所以一定要同佢地一樣咁有耐力先會有肉食..............不過一食的話就一定會食餐勁...............P.S. 我係對間公司既基本因素完全冇研究, 因為玩既方法唔同, 唔可以混為一談