楊千嬅野孩子勝出 Janice Man緋聞男友做主角
1 :
GS(14)@2014-09-28 16:34:02
女歌星楊千嬅的奶奶黃淑貞名下的「野孩子」上陣，配鄭雨滇操刀角逐頭場四班1000米直路賽，結果該駒5.5倍順利打開勝利之門。黃淑貞賽後表示，兒子丁子高身處法國巴黎，千嬅就要拍戲，都未能入場，由另一位黑超型男主持大局揸香檳拉頭馬，原來係「野孩子」其中一位馬主鄭子邦，著名排舞師Sunny亦有來撐場。鄭子邦乃丁子高的老友，亦是昔日鄭雨滇的同窗，子邦本身是的士行太子爺，是女藝員姚子羚的緋聞男友，亦曾被拍到與女神Janice Man(文詠珊)在飯局調情。今場賽事「野孩子」起步迅速，未幾已守在前列位置，最後進一步加速，趕過一眾對手贏馬。蘇廐「蜜圈」跑第二，苗廐「中國動力」跑第三，吳廐「至尊俊爵」則跑第四。練馬師容天鵬說：「『野孩子』今場對手不算太強，鄭雨滇發揮出色，值得一讚，加上排13檔跑直路賽十分有利，也是贏馬關鍵。此馬長遠來說可以應付更長途程，希望牠繼續進步，為馬主帶來更多頭馬喜悅。」
來源:
http://hk.apple.nextmedia.com/sports/art/20140928/18882552
Janice Man搬屋 新仔梁錦松partner
1 :
GS(14)@2015-06-18 14:33:172015-06-18 NM
去年，文詠珊（JM）的人生作出大反轉，事業上，收三千萬轉會費投太陽娛樂，感情方面則同梁錦松partner吳啟楠（Carl）撻着。和男友發展愈來愈穩定，愈搵愈有的JM最近將搬去元朗住大屋，二人早前為安樂窩添置傢俬，Carl全程陪住女友，有商有量，sweet爆！穩定發展
轉投太陽娛樂後，自組公司做老闆的文詠珊，剛與在內地爆紅的陳偉霆拍完古裝劇《蜀山戰紀之劍俠傳奇》，事業有新發展，愛情更得意，跟梁錦松partner、金融才俊Carl拍拖數月，感情穩定。上週日（六月七日），JM和男友孖咇出動，約了一班朋友，包括趙雅芝兒子黃凱傑的女友，到灣仔食法國菜。化了個淡妝的JM當日穿上露腰小背心，索！落車行去餐廳期間，與男友邊行邊講，雖然沒有親蜜動作，亦默契十足。
有商有量
食完飯，JM逐一跟Carl的朋友道別，非常得體。離隊後，二人在附近行傢俬店，將搬屋的JM主力試梳化，Carl就不斷在旁俾意見，大家有商有量，但無論男友說什麼，JM都報以甜笑，冧爆！「JM本來住屯門，但業主收樓，佢喺元朗搵咗間獨立屋。Carl本身住粉嶺，大家都方便。JM唔鍾意同居，覺得保持各自空間好啲。雖然成日要出trip，之前喺大陸拍《蜀山》又走咗幾個月，但Carl一有時間就飛上去探JM，感情發展得好穩定。」知情者說。
iBANK筍盤
JM的男友吳啟楠現年31歲，自小在外國讀書，由於成績優異，中學時跳班，16歲已經中學畢業的他，以拔尖直入LSE（The London School of Economics and Political Science）主修經濟，並獲甲級榮譽畢業。大學畢業後，獲投資銀行UBS招手任分析員，07年加入黑石（Blackstone），得前財爺梁錦松賞識，現於黑石私募股權擔任執行董事。此外，在粉嶺和半山都有豪宅的Carl亦有投資月租儲物箱公司Boxful，梁錦松、康師傅以及鷹君等都是主要股東。
結婚對象
現年二十六歲的JM曾表示希望在三十五歲前結婚生仔，她亦視Carl為結婚對象，只是想在婚前搏殺多幾年，做出成績。「JM覺得男人最緊要有目標、有方向、有自己諗法，Carl完全符合佢要求。佢哋亦有晒共識，現階段都要努力工作，Carl除咗做金融，自己仲有月租儲物箱公司，而JM套《蜀山》明年初會喺湖南衞視播，電視台方面好有信心，所以JM好大機會喺大陸爆紅。」知情者說。《蜀山》是重頭劇，劇中與爆紅的陳偉霆做一對，絕對有助剛在內地起步的JM，加上外界對她在電影《赤道》中的表現一致好評，甚至有機會爭取到提名，出道十年的JM，將進入收成期。
寧缺勿濫
出道十年，JM的感情生活不算多姿多采，寧缺勿濫的她，雖然多人追，但只要發覺身邊人不是Mr. Right，即閃，不愛騎牛搵馬。
七年初戀
跟初戀情人李冠峰離合多次，二人拍拖七年，直至11年底才正式分手。
見光死
13年3月，經歷一年真空期的JM被拍到跟美國留學回港，打理家族製衣生意的衞以德食飯撐枱腳，不過戀情見光死。
霧水情
13年12月，有指JM跟謝霆鋒在朋友刻意安排下認識，不過兩人未有進一步發展，當時仍單身的霆鋒亦公開稱讚對方是「好女仔」。
台灣甜蜜旅
14年8月，被拍到跟iBank筍盤Carl和友人到台灣旅行，當時男方正力追JM，現在感情 穩定。
【add】紅人主場：Janice Man拼命愛
1 :
GS(14)@2016-02-18 23:33:17Gucci繡花西裝、恤衫、領呔
「30歲前我好希望演藝事業會獲得肯定同認同！」文詠珊（Janice Man）去年中接受《add》訪問時，鬥心旺盛地向自己許諾。今年27歲的JM已貼近目標，憑《赤道》入圍第35屆香港電影金像獎最佳女配角，挑戰影后級人馬與老戲骨，就算未知獎項誰屬，也是一個肯定。事業得意，愛情亦如是，她再三確認富男友吳啟楠（Carl Wu）的重要地位，由工作狂思維模式，至結婚計劃都一致，「呢個人係我生命中好重要嘅一個人。」統籌：林妙萍 撰文：林嘉慈造型：顏英儀 攝影：周樂恒化妝：Vinci Tsang of VW makeup髮型：Matt Chiu of Xenter場地：NeighborFarm CoWorking Business Centre自前年自組工作室，Janice Man演藝事業瞬即起飛，接連拍攝電影《赤道》、《寒戰2》、《凶手還未睡》及三套內地劇，日前與家人去台灣旅行回氣後，在港稍待數天，都爭取時間連環受訪，再返內地繼續為魔幻劇《九州海上牧雲記》開工。劇集4月才煞科，現已落實隨即接拍港產片與中港合拍片，單看時間表，已經讓人喘不過氣。
Dior格仔背心、短褲
Jimmy Choo尖頭高踭鞋
Gucci絲絨耳環
Shiatzy Chen刺繡皮裙
Miu Miu恤衫、膠片耳環
Giuseppe Zannotti高踭鞋
打出新天地
JM的毅力驚人，為演活《赤道》冷艷打女角色，事前花半年打拳、操體能、學揸槍，即使金像女配賽果未揭盅，已為她注下強心針，「我覺得呢個好難，亦係緣份，因為能夠遇上咁好嘅團隊、劇本，係好難嘅事，亦都遇到一個導演咁用心拍我。」
JM抱平常心迎接4月的金像獎，另一邊廂，以鬥心抗衡拍內地劇的壓力，「用國語講對白，又要兼顧戲、情緒，語言局限影響信心。」水土不服、極端天氣，亦考起體能，「係意志，頂硬上，之前都有被嚇怕，但唔可以話一次挫折，兩次好辛苦，第三次就放棄，唔係我本性。」外柔內剛，闖內地釋放她的硬朗潛能，「每個演員都冇啖好食，唔適應就每日自己煮菜、米粉，用自己嘅方法去適應。」
■Janice在《赤道》打得出色，入圍金像獎爭女配。
■Janice今年再拍古裝魔幻劇，去年就夥陳偉霆拍《蜀山戰紀之劍俠傳奇》。
男友好重要
日前與男友吳啟楠共度的第二個情人節，JM都要在內地工作中度過，「同佢一齊，幾時都係情人節啦！節日唔係big deal，兩個人spend quality time已經好好。」認真肉麻骨痹！打破低調處理感情事的慣例，這次JM將男友掛在嘴邊，全因「呢個人感動到我」。男友明白演員需要很大尺度，從不過問其工作，只鼓勵她想做就做，給予無條件支持，「覺得呢個人係我生命中好重要嘅一個人，我覺得要尊重，呢個人對我嚟講好緊要，喺一個唔同嘅階段，佔咗好大（部份），支持我，亦教咗我好多嘢，啟發咗我好多。」為了男友，未來會否多留港發展？JM說：「唔係太大問題，佢都周圍飛，一個禮拜飛得密過我，反而佢嘅工作令我哋遷就到時間。」她續說：「佢付出咗好多，我可能喺較偏遠嘅地方，佢都過嚟。佢曾經make過一個promise，話每兩個禮拜，點都會嚟見我一次，so far都兌現咗承諾，幾感動。」
婚事有打算
「另一半對於我嘅包容係好緊要，唔係每一個人都咁了解呢行嘅運作，咁容易去溝通，包容到咁唔穩定嘅時間，我係工作狂，佢原來比我更加工作狂，呢個態度好好，大家互相影響。」在黃金時間打拼的目標一致，達到二人所想的相處模式，更勝公開互認是the one，「結婚就太遙遠，其實好穩定，但大家事業心好重，非常之工作狂，要享受多一陣工作。以工作為先，當然會plan之後，唔係話我哋冇講過，但唔係呢一、兩年發生嘅事。」
■Janice與男友去年蜜遊台灣十份，找來好友同行做煙幕。
吳啟楠
三個猴年願望
1.事業「當然事業更上一層樓，喺演藝生涯上更加好，更受人肯定。」2.生意「除咗演藝事業，想有自己生意，希望差唔多30歲start business，雖然未知係乜。」3.置業「今年內買樓，已經講咗好耐，買畀屋企人，快啲了咗我個心願，半投資，半自住，預算係800至1,000萬。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20160218/19494966
Next Page