ZKIZ Archives


港航搵成龍代言吸外國客急Hide唔俾港人睇到鬧?

1 : GS(14)@2017-06-11 16:09:16

成龍代言,猜一字。答案係…燈。點樣燈法?自己Google一下。但係仍然有公司唔係咁迷信,照用。佢嘅最新客仔,係香港航空。香港航空,唔係香港㗎,佢係中國海南航空集團旗下嘅航空公司,個名叫「香港」。唔覺有成龍呢個廣告?係咪未拍?唔是啦。拍咗,擺埋上fb喇,睇唔到的話同閣下時運高低無關﹐而係可能俾人巧妙咁收起咗。今次成龍係為香港航空宣傳月底開通嘅每日往返溫哥華及香港之直飛航線,成龍獲邀任香港航空形象大使,乘搭首航客機前來溫哥華。本月30日,成龍會坐首航航班,由香港去溫哥華參加慶祝活動。但係上Twitter都唔見,香港航空fb又唔見宣傳喎…有㗎其實,只係應該係俾人hide咗。有網民於「香港航空討論區」嘅fb pg share咗香港航空fb成龍呢條長逾1分鐘嘅片。條片開到睇到,係前日早上11點貼嘅。嘩,成龍俾大班靚空姐包圍﹐又喺經濟艙打中國功夫。成條片成龍都係講英文,大讚呢間航空公司有得供應港式奶茶同雞蛋仔…由香港食到溫哥華?雞蛋仔拎上飛機好唔好食㗎?宣傳片嗰pat雞蛋仔,同謝霆鋒整嗰底一樣,好似毛巾…條片前日早上在香港航空個fb page上載未幾,似乎已經神秘消失…有人留言:「坐過你地公司幾次都覺得唔錯,但睇完呢條片,見到呢個人,大打折扣!」、「公關災難」、「原來都plan緊年尾幫襯你地,睇來要撘返因航,服務差總好過人無恥」、「Jacky Chan啲抽水功夫了得!讚」、「用佢擺明趕客」、「世上咁多人唔搵,點解偏要搵佢做代言!你地絕對係揀錯人!公司形象即刻變得好討厭!」也有人稱:「外國對香港不是Jackie Chan就是Bruce Lee,咁,唔通搵Bruce Lee咩。」、「其實外國人都係咁,一見你香港人就即刻講Jackie Chan」、「洗乜Target香港,香港人只要有平機票就會去搶。」




來源: http://hk.apple.nextmedia.com/entertainment/art/20170611/20052158
港航 成龍 代言 外國 客急 Hide 唔俾 港人 睇到 到鬧
PermaLink: https://articles.zkiz.com/?id=335331

稱股權架構已公開海航:nothing to hide

1 : GS(14)@2017-09-17 14:49:52

【本報訊】海航集團投資總裁兼海航國際首席執行官王爽,昨出席美國商會中國會議時重提早前公佈的股權架構,指所有資料已經公開,「nothing to hide」。他又指,未來如果再有股權變動會樂意公佈,但相信公司很穩定,不會有改變。王爽被主持多番問到海航未來的最大擔憂時,他都未有正面回應,只表示相信未來是正面(positive),又強調自己只是生意人。他又認為,近期中央推出的海外投資指引是好消息,令企業清楚知道甚麼可以做及不可以做。提到債務問題,王爽指公司的CEO及CFO正為此努力,目前的槓桿水平是公司歷史上最低。




來源: http://hk.apple.nextmedia.com/financeestate/art/20170909/20147130
股權 架構 公開 海航 nothing to hide
PermaLink: https://articles.zkiz.com/?id=341040

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019