【馮仁昭四圍超】玩驚喜頒獎 洗米華出招箍Heidi
1 :
GS(14)@2016-08-10 07:54:50■洗米華前晚以神秘嘉賓身份頒獎俾老婆,好努力想修補夫妻關係。
太陽娛樂老闆周焯華(洗米華)因為搭上Mandy Lieu,連仔女都生埋,激到正印陳慧玲(Heidi)舊年年底話要同佢離婚,但洗米華似乎就唔想家庭破碎,近幾個月嚟好努力箍煲,繼早排喺朋友生日宴攬住老婆大唱《愛我別走》兼宣佈「我只得一個周太」後,前晚佢又喺澳門福建婦女會晚宴突然現身做頒獎嘉賓,畀洗米嫂一個意外驚喜。洗米嫂係呢個婦女會嘅會長,前晚佢着住一件白色禮服配埋頂魚網帽,獲大會頒發最佳服裝獎,當佢上台領獎時先知係老公洗米華係頒獎嘉賓,佢都好意外,洗米華好細心咁幫佢掛上彩帶,兩個人面上都流露笑容,台下又起哄嗌:「復合!復合!」搞到佢兩個都鬼死咁唔好意思!
■前晚洗米嫂得獎,洗米爸帶領家人一起去撐場。
Mandy不斷有動作
據洗米嫂啲閨密講,洗米華係好想挽回呢段婚姻,所以夾埋好多人做啲嘢,希望氹番老婆唔好再搞離婚,但最關鍵問題係Mandy Lieu嘅介入,而且不斷有動作,洗米嫂覺得精神上受到好大騷擾,所以如果佢老公唔肯放棄嗰邊,佢係一定會堅持離婚,唔會有轉圜餘地。撰文:馮仁昭
來源:
http://hk.apple.nextmedia.com/entertainment/art/20160810/19729618
無懼新加坡「寨卡蚊疫」Heidi帶細女暢遊環球影城
1 :
GS(14)@2016-09-01 06:24:25新加坡寨卡病毒嚴重,目前本土感染個案增至82宗。美國疾病控制及預防中心(CDC)周二對新加坡發出臨時旅遊指引,建議旅客做好防蚊叮措施。然而澳門賭業猛人周焯華(洗米華)正印陳慧玲(Heidi)就無懼寨卡病毒,同細女Damiana、洗米華嘅大仔周柏豪去咗新加坡旅行,昨日佢就喺instagram上載咗一張去環球影城玩,見到柏豪抱住Damiana,Heidi就挨埋過去一齊影相,咁有網民見到就好搞笑咁留言:「我說一句真心話:我怎麼覺得你跟你兒子的外形像男女朋友。」
來源:
http://hk.apple.nextmedia.com/entertainment/art/20160901/19756407
Heidi黑Bra誘惑
1 :
GS(14)@2017-01-14 12:25:42Super Girls成員李靜儀(Heidi)昨日到海港城出席化妝品牌NYX活動,她以性感的透視黑色bra top現身,相當吸睛。Heidi透露最近病倒了,可能因缺乏休息,抵抗力弱,所以被幽門螺旋菌入侵,情況都可大可小,她說:「?家要食抗生素,不過都擔心,因為醫生話食完都未必冇事,最嚴重可以引致癌症。」她表示幸好工作未有受其病影響,但是農曆新年應該會放假休息,她說:「Aka叫我去佢鄉下澳門,有間廟好靈,希望求吓旺事業。」另外,Heidi表示將與古天樂及佘詩曼在電影《常在你左右》合作,首次拍鬼片的她,感到十分期待。採訪、攝影:盧妹
來源:
http://hk.apple.nextmedia.com/entertainment/art/20170114/19896089
撐完枱腳Heidi落閘王宗堯又被飛
1 :
GS(14)@2017-03-23 06:27:25■王宗堯同Super Girls成員Heidi日前俾人影到煙韌撐枱腳。讀者提供圖片
【爆相爆片】男神王宗堯舊年俾?模女友黎紀君狠撇之後,今年年頭又俾蔡潔飛。不過佢冇因為咁而被打沉,日前佢就被發現同個女仔撐枱腳。讀者梁先生透過本報「爆相爆片」報料,話日前喺荃灣一間cafe見到王宗堯同個女仔撐枱腳,佢話:「王宗堯比較避忌,反而個女仔好主動,不停將個頭挨近男仔。過馬路個女仔有捉住王宗堯嘅手臂,跟住王宗堯反手搭住個女仔條腰,之後個女仔好嬌嗲咁問王宗堯:『我哋係咪返屋企?』王宗堯就話:『係呀,我車你返去。』」
■Heidi(右二)噚日同隊友去商台做訪問嗰陣,話同王宗堯冇發展機會。
「順便畀手信」
馮仁昭噚日問王宗堯係咪有新戀情,佢笑住話:「梗係唔係喇!嗰日只不過係做完嘢,咁啱大家都得閒,所以咪一齊食嘢,順便拎啲手信畀佢。食完嘢,我有揸車咪順便車佢返屋企。」原來嗰個女仔係Super Girls成員李靜儀(Heidi)。Heidi噚日同隊友喺商台宣傳新歌,佢回應話:「我哋識咗好耐,要追一早追咗啦!食完飯,我咪問係咪返屋企囉,其實王宗堯都係送我返屋企。」Heidi話雖然王宗堯係單身,但都唔會有機會發展,仲祝福佢快啲搵到新女友。撰文:馮仁昭
來源:
http://hk.apple.nextmedia.com/entertainment/art/20170322/19965541
IG洩密同遊日本Heidi舊愛轉嗒SG另一成員
1 :
GS(14)@2017-05-13 02:04:14Super Girls被指內訌,當年同Heidi(李靜儀)傳緋聞嘅有米音樂人陳考威(Gareth)同Super Girls另一位成員Yanny(陳穎欣)撻着。不過佢哋嘅戀情真係有迹可尋,喺兩個星期前Yanny上載咗幾張喺東京影嘅相到社交網站,而其中一張就係影住池袋站嘅相。無獨有偶,Gareth就喺差唔多時間上載張佢喺機場去日本東京嘅相:「生日做咩好?緊係去旅行啦!」而佢哋喺相中着住坐嘅鞋,無論係牌子定顏色都係一模一樣,十足情侶鞋一樣,睇嚟佢哋嘅關係非常可疑。其實喺更早之前,即係大約一個月前佢哋仲各自上載咗唔少喺加拿大嘅相,其中Gareth係名言順正打卡話係溫哥華,而Yanny就只係上載相,不過其中有一段片就影住溫哥華嘅獅門橋。有佢哋嘅身邊人爆料,其實Yanny係做跟得女友,跟陳考威去加拿大參加男友親人婚禮。而喺上周日佢哋仲去咗睇陳綺貞嘅演唱會,仲各自上載同陳綺貞嘅合照。
來源:
http://hk.apple.nextmedia.com/entertainment/art/20170511/20017382
Next Page