沙膽虹手記：嫌三嫌四 害人害己
1 :
GS(14)@2012-01-04 23:35:20http://m.sharpdaily.hk/detail.ph ... 4104&category=daily
李怡先生好認同《蝗蟲天下》呢首歌，覺得內地暴發戶湧入香港搶奪資源，並將壞習氣帶埋嚟香港，而且香港正從國際城市變身內地大款在此炒賣的城市。其實，香港不是從來都係咁嘅咩？沙膽虹認為，香港要做真正國際城市，就唔好理佢乜資物資，總之來港投資就是好資！
過去二、三十年來，香港一直都有來自五湖四海嘅資金來炒樓炒股，東南亞幫、澳洲幫、印尼幫……真係見怪不怪，只不過現在變成溫州幫、福州幫等大陸資金而已！幾十年來，難道香港嘅資源被他們搶奪了？
日本在八十年代中經濟最繁榮時，四出投資，幾乎要把所有梵高名畫和整個紐約買下來！如今呢？日本經濟沉咗二十年，還在養傷，企業要不斷賣嘢減債，仲邊有能力買嘢？所以，我哋使乜咁驚呢？一旦大陸經濟進入下跌週期，你去求大陸人來「搶奪」你嘅資源，佢哋都唔嚟啦！
現在歐美都陷入嚴重經濟衰退，日本又在經濟低谷，全世界都望住中國這個大有錢佬，千方百計吸引大陸人自由行和到當地投資，香港自己唔搏命同人搶，分分鐘俾人搶走好多旅客和投資，o依家仲反而嫌三嫌四，要求限制呢樣禁制嗰樣，簡直害人害己。
沙膽虹