ZKIZ Archives


不道德的boot 人在中環

http://manincentral.blogspot.hk/2012/06/boot.html
響公司茶水間見到IT部既David:「喂,光仔仲未病好牙?仲未返到工?」

光仔係David既下屬,係個二十出頭既年輕人。光仔係公司既開心果,個個同事都鍾意佢。平時佢好少請病假,點知今次一病,就足足病左成個星期。

「係呀仲未好返。」David搖頭嘆息:「可能係心病多d都未定。」

「心病?」我問。

*****

最近Eliza交左個新男朋友。男朋友據說係個有錢仔,有車有樓而且仲係個響長江中心返工既ibanker (又係ibanker?我真係對呢個行業越黎越有偏見…)只係拍左幾個禮拜,Elizacubical裡面,已經貼滿曬佢同呢位男朋友既親密照片。佢仲mark左下個月頭攞Annual Leave,據說係男朋友請佢去歐遊芸芸。

其實同事私生活我冇乜興趣理,不過Eliza實在太過揚(或者真係太過開心掛),響公司週圍同不同既同事講,自己既拍拖生活有幾甜蜜,再夾雜不斷描述佢自己最近既生活有幾咁豐盛。(ok,「豐盛」呢個詞語係我講既,公司同事們既形容詞係「富貴」)辦公室從來都係是非之地,「分享」同「曬命」亦往往只差一線。好明顯,同事對Eliza最近既「分享」,其實係相當唔受落。

至於光仔呢

IT support既光仔,暗戀會計部既Eliza,係好多同事都知既事。Eliza幾靚女架查實,有人暗戀都唔係d乜令人出奇既事。人家暗戀自己,自己冇辦法控制,亦冇義務一定要接受人家既追求。不過我覺得,假如你係對人冇意思既,就乾脆一點去拒絕人,免得人家以為自己有機會,誤了人地「大好前程」。

過去果一年,Eliza對光仔既態度曖昧。據說光仔曾經向Eliza認真表白,但換黎既係Elizad無菱兩可既回應。面對果個無菱兩可既回覆,光仔選擇「繼續等待」,繼續去做Eliza既「觀音兵」,管接管送,幫佢做呢樣又做果樣問題係佢地既「特殊關係」實在太揚,揚到好多同事都睇唔過眼,覺得Eliza係有心咁拖住光仔,而光仔則應該清醒d斬纜放手。

點知「當兵」接近一年,「默默耕耘」既結果係慘敗於果位來自長江中心既使者。佢心入面既鬱結,查實可以理解。

*****

我知道我未必客觀,但我心入面多少有點同情光仔。特別係經過四個月前果一晚。

有睇開小弟呢個爛撲既朋友,有冇覺得,「Eliza」呢個名有d耳熟?唔記得唔緊要,俾條link你地去溫故知新一下。

晚上九點幾,響公司附近同個客食完飯,摸摸自己個褲袋,輕飄飄咁。shit…iphone應該漏左響寫字樓。

上到公司門口,reception area自然係如常地漆黑一片,但從門口望入去,會議室門邊既磨砂玻璃裡面卻滲出一絲微弱既燈光。正當我個心諗:「你地班友仔又冇手尾唔熄燈」,我一推門行入辦公室,就聽到一男一女既淒厲「叫聲」。

「僕你個街」我心裡忍不住暗罵:「邊X個連開房錢都慳,要急到響我地頭度解決呀

大概是我入門口的推門聲,打斷了他們的好事,會議室裡面的燈忽然熄掉了。辦公室裡突然變得靜到有點耳鳴。

我吸了口大氣,緩緩行到會議室既門前停下腳步,心諗:「我應唔應該推門入去?」

裡面既兩條肉蟲,大概也感受到我就站在那間砲房既門口,動也不敢動。果一刻僵持既氣氛,令我忽然覺得自己彷如一個正在執行暗殺任務既特工,而裡面果兩個,則化身為一對電影裡面被人追殺既亡命鴛鴦。

到底佢地兩個果一刻會有幾恐懼呢?

另一方面,我又實在好好奇,究竟係邊兩個同事響入面翻雲覆雨呢?

*****

做人要醒目d,搞d高危既性活動,d衫褲,穩陣起見最好放響身邊,走起佬上黎都易d

會議室既門外,放住一條男裝西褲加一條紅色格仔孖煙通,平放響條西褲上既,係一件女裝上衣,以及一對交叉打橫訓低既女裝貼身長boot

下午既時候我跟會計部開過會,條西褲既size好易認,一望就知係肥仔Nick。對Boot,我認得,係Nick既下屬Eliza

我講左句粗口,嘆了口大氣,然之後離開會讓室既門前,行入自己間房,攞返部iPhone。我響房間裡面靜靜地坐左差唔多兩分鐘,先至行番出去。

出番去既情形係咁既。會議室門口既「衫褲鞋襪」已經被人清理好。女既我見唔到,但卻見到Nick一派正經咁坐響自己個位度,好似好忙好認真咁望實果個仲係停留響「windows開機畫面」既monitor

我心諗:「你條粉皮係醒得滯抑或真係咁低能呀?我都唔黎篤爆你,仲俾夠時間你閃,你夠膽仲棟響我面前扮開OT?有病冇呀你?」

我行埋去佢cubical前面,皺了皺眉:「Nick,仲乜咁夜都唔捨得走?」

errr…Nick既聲音有點氣來氣喘:「我諗住趕埋個report俾你嘛。」

「今朝講果個?」我忍唔住冷笑了兩聲:「今朝咪講左話唔趕囉。」

Nick露出了一個尷尬既苦笑,那時候佢部腦上面既windows畫面叫佢入login password,佢即刻裝作埋首工作。

NickEliza既事,我查實早就知道。事關我響街上面,都試過撞到佢地拖住手行街既情景,只係果次佢冇留意到我就響附近。只不過搞到返黎寫字樓,呢度話曬係我地頭,我心裡面總係覺得好唔舒服。而果一對女裝長boot,橫臥響果條肥大男裝孖煙通上既畫面,直至現在,仍時不時響我腦海裡面閃過,揮之不去。


事發翌日早上,我返工check email,發現Nick響尋晚凌晨四點幾,真係send左果個我一早就話「唔趕,可以慢慢做」既report俾我。見到果個email,我又係忍唔住爆左句粗口:「X,假到你丫…」

今早眼見純品既光仔今日可能係為住呢個「長江使者」既佔略而病到返唔到工,Eliza又繼續興奮地向同事們「分享」佢既「豐盛拍拖生活」,再加上腦裡面又閃過那對「不道德的boot」既畫面,今日既心情,忽然跌到落谷底。

Thank God It's Friday

祝大家有個愉快既週末。

不道德 boot 人在 中環
PermaLink: https://articles.zkiz.com/?id=33941

【美日聯乘】Timberland x SOPHNET 啞黑Boot加拉鍊潮味大增

1 : GS(14)@2017-10-09 02:44:26

或者在不少人心目中Timberland功能性強,潮味相對較少,但其實品牌一向有不少潮人力撐,自身着力與不少流行品牌聯乘,如Supreme、Monkey Time、THE HUNDREDS,就連香港潮流icon余文樂先生都預告其下潮牌MADNESS即將會與Timberland推出聯乘鞋款。



鞋上附有鐳射切割SOPHNET.字樣吊牌,顯出SOPHNET.的簡約美學風格。

鞋款更用上全啞黑色皮革,更完全保留了防水功能。

服裝單品將於11月2日(星期四)開始發售,並只限於Timberland Times Square店、旺角Langham Place店及SOPHNET.中環雲咸街店,作限量發售。短袖Tee$490

不過在MADNESS之前,Timberland就先來個重磅聯乘,就是首次跟日本的SOPHNET.合作,推出「EXPLORE THE UNKNOWN」系列,當中包括服裝、帽、當然還有重點的鞋款。系列以Timberland強項戶外探索為創作主題,其中把經典的6-inch Premium Boot加入內側拉鍊設計,令穿着更容易,同時又保留防水功能。鞋款更用上全啞黑色皮革,配合同是啞黑色的金屬細節,簡約得來滿有潮流感。而除了鞋款,服裝系列亦頗精彩,在傳統戶外服之上,加入當下流行的剪裁及版型設計,再配合90年代風格的字款和圖案,同樣是潮味與功能兼備。更吸引的是價錢唔貴,當買半個SOPHNET.牌頭都絕對抵玩!不過聽講貨量就相當有限,想買者要留意了。



FLANNEL CHECK PANEL SIDE ZIP SHIRT,$1,290。

HALF ZIP SWEAT HOODY,$1,190。

長袖Tee,$550。

而除了聯乘大作外,品牌同期亦有推出以日本武士斬為主題的GIRI Collection秋冬系列,主打採用防水帆布物料製作的全新輕量6" Boot及oversized服裝。跟「EXPLORE THE UNKNOWN」的極簡風格各走極端,GIRI Collection全系列配上讓人耳目一新的色彩設計,愛高調者最啱。記者:韓繼聰



Giri系列以oversized設計作主導,推出Big Tee、Hoodie、Long Shirt等,男仔啱着之餘,女仔亦可用作日系中性打扮。

Oversized Back Logo Tee,$450。

2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20171008/20175768
美日 聯乘 Timberland SOPHNET 啞黑 Boot 加拉 鍊潮 潮味 大增
PermaLink: https://articles.zkiz.com/?id=341864

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019