📖 ZKIZ Archives

爽爆：父吸毒　母走佬　BB終生無名

1 : GS(14)@2013-03-05 00:32:30

http://hk.apple.nextmedia.com/news/art/20130304/18184225
【獨家訪問】BB由生到死只有短短的三個月，名字未取，連一張出世紙都沒有。父親是個道友，母親在夜總會做公關，BB一出生，媽媽就頭也不回地跑掉。凌亂不堪的家中，除滿佈雜物外，警方也找到不同種類的毒品。 BB的死因，警方懷疑有可能是吸入二手毒霧，也有可能是被雜物壓住窒息。誰知道呢，在這樣的家庭成長，或者死亡才是一種解脫。《爽報》記者找到這個不負責任的爸爸，他仍不斷找理由為自己開脫。　記者：謝志輝　攝影：成笑
BB死亡事件發生在2月24日，地點在黃大仙上邨啟善樓一單位，警方到場調查期間，揭發屋內藏有毒品及吸食工具，分別以涉嫌疏忽照顧兒童及藏毒罪名拘捕男嬰的祖母及父親。二人目前仍保釋候查，記者走訪黃家，12歲大仔清楚記得當日事發情形。
「爸爸突然喺廳叫得好大聲，猛叫『細佬細佬唔好死、唔好死』，我踏出房，只見到爸爸抱住細佬跪喺地下不斷哭叫，細佬塊面灰灰白白，個口張開咗，已經冇晒知覺。我喺慌亂中幫爸爸打電話報警，救護員嚟到將細佬送院嗰一刻，爸爸仲不斷喊住問救護員細佬可唔可以救得番」。
遺憾無法送BB最後一程
大仔說，平時是由嫲嫲和爸爸二人分工照顧細佬，早上則是爸爸及細佬同睡一床，搞不清楚為何出事了。「我真係好掛住細佬，佢平時好鍾意笑，如果唔係自己噚晚玩得太夜，早啲起身望下，就可能救得番細佬」。BB的母親呢？大仔無語，據知黃父是夜總會大班，孩子母親也是在夜總會認識，感情基礎不穩，BB一出世，母親就跑掉了。黃父向記者說自己這幾個月來，都有到油尖旺一帶夜總會，逐家逐戶去找個「衰婆」，但都沒有結果。
大仔則是和前妻所生。「我同前妻已經離咗婚六、七年，因為吸毒問題而分開。戒毒兩年之後，又因為販毒喺赤柱監獄度過四年半，法庭當時將撫養權判畀前妻，但佢見爺爺嫲嫲好錫個孫，就放心交畀佢哋，o依家大仔12歲已經非常懂事，前妻亦另有家庭，久唔久會返嚟探望兩老同個仔」。
對於警方懷疑他吸毒累死BB，他猛說與自己無關。「BB啱啱出世，個女人就離開咗我，我可以做啲乜？人會受打擊，但我知BB一日一日長大，我咁樣係唔得。我真係冇high完嘢害死個仔」。他說話有點語無倫次，但記者大概聽得出，他承認有不良習慣，卻指BB不是被毒品害死。
記者於是質問他，家中被查出有毒品是甚麼一回事，他的解釋則更離奇了。「唔記得啦，警員喺屋企搜出幾多毒品，我都唔記得喇，應該係幾年前遺留落嚟嘅！」
他見記者滿臉疑惑，於是也急了，大聲說：「做父母有邊個想個仔死？個個人都想個仔健康陪住自己啦！最初警員喺醫院拘捕我時，話個仔有番心跳，自己都安樂番啲，但當醫院通知我家人見個仔最後一面嗰時，我想即刻去醫院睇BB，因為人喺死亡邊緣掙扎嘅時候，梗係想屋企人叫返佢返嚟！但警員唔俾我去，我想喺佢身邊叫佢返嚟都做唔到。」
他哽咽說，現在最大心願是給BB一個名字，辦好身後事及還自己一個清白，所以答應接受訪問。「作為一個父親，個仔離開咗我，好難過，我呢一刻唔會理其他人點樣話我衰，我真係問心無愧」。
PermaLink: https://articles.zkiz.com/?id=282388

中女萬歲 - 彭晴 我好愛好愛好愛好愛好愛好愛好愛BB (2013年04月30日)

1 : GS(14)@2013-05-01 16:48:57

http://www.am730.com.hk/article.php?article=152553&d=2031

【am730專欄】「我好愛好愛好愛好愛好愛好愛好愛BB」嘩！林峯的好愛宣言，真的又肉麻又骨痺，難得他在公眾面前毫不保留地表現這種甜蜜，相對以往的神秘南轅北轍，真的感受到他是多麼的愛惜千語BB。愛情真的是有種令人改變的魔力，讓人變成了別人，連自我都沒有了，只變成了BB，豬豬，寶貝。我從未試過成為BB，更未做過豬豬，只因為我的乳名是家寶，所以是媽媽口中的心肝寶貝，但是從沒有男人這樣喊過我，令我誤會的倒試過！多年前的一個大清早，收到個電話的短訊：「 早晨BB，我睡不著……」，我望著電話，心想發這個短訊給我的人，從未在我面前這樣稱呼過我，是我不曾聽到抑或他忽然愛這樣的叫我呢！畢竟他曾對我說有些好感，或許是後者的原因吧！ 然後我再收到他發的短信「很懷念你煮的早餐BB……」 嘩！我未曾對他煮過早餐喎，他怎會……隔了數分鐘再收到：「sorry，send 錯！」原來我真的太看得起自己了，BB果真不是我！不過也讓我看到他的另一面，倒也是個意外收穫呢！
戀人總有自己的暗號和密碼，BB等這樣的暱稱代表著大家親密的關係。這個暱稱只有當時人最心領神會，別人聽到肯定是肉麻的居多，管它是sweetheart、darling、honey、baby。只是用得太濫，像稱呼所有的人是「靚仔」和「靚女」一樣，到底是真心還是習慣呢！ 其實不用任何特別的稱呼，只要叫聲「喂」，「點啊」，「是我啊」，聲音直接穿透心窩，足以叫人心花怒放，教人甜在心頭，恨不得從後緊緊的擁抱著不放！
甚麼暱稱也沒有所謂，只希望當下是唯一就夠了！
周二、四刊登。
PermaLink: https://articles.zkiz.com/?id=282693

爽視彈：嘉欣BB大爆發 朱國亮

1 : GS(14)@2013-05-07 01:40:08

http://www.sharpdaily.hk/article ... 7%E7%88%86%E7%99%BC
上周演技最出色的藝員，不在三線劇，而是周六《玩嘢王》的鍾嘉欣。觀眾本來看着嘉欣被整蠱，玩魔術弄傷李思捷，情急流淚，更被嚇至淚流滿面，正為她不值的時候，峯迴路轉，原來嘉欣全程做戲，被整蠱者原來正是玩人者，嘉欣演技令人拍掌。華姐出身的鍾嘉欣，出道日子不短，算是最快擔正花旦的女藝人，印象中未有做過甚麼閒角就在《皆大歡喜》任要角，一直劇接劇，火速上位成為一線花旦，被封嘉欣BB已知她有觀眾緣。
06年拿了「飛躍進步獎」後行情看好，之後演《溏心風暴》的常在心，喊苦喊忽，備受讚賞。可惜往後停滯了，仍然局限於楚楚可憐的乖女角色，無甚突破，近年較突出只有《點解阿Sir》的Miss Koo。當然，這可能也是幕後選角的問題，但隨着花旦流失，嘉欣若願意放棄唱歌、全力拍戲的話，多試另類角色，拿視后應是遲早事。
PermaLink: https://articles.zkiz.com/?id=282724

林峯千語BB世紀拖手

1 : GS(14)@2013-05-22 14:26:45

http://www.sharpdaily.hk/article ... %E6%8B%96%E6%89%8B/

黑白貴袋襯到絕

昨早5時45分，阿峯和千語BB孖公仔返抵香港機場，同行還有阿峯堂妹林夏薇和男親友。峯語齊戴黑超又齊拎Hermes Kelly Bag，阿峯提着價值逾10萬元的黑色袋，千語BB則拿8萬元的白色袋，黑白配襯到爆。出閘後阿峯阿四上身體貼地幫女友推行李，兩人邊行邊笑心情勁靚。記者恭喜他們並問是否已註冊？手上沒婚戒的阿峯否認：「作嘢。」再問是否帶女友見家長？他說：「唔答呢啲。」今年會否派利是？他耍太極說：「我年年開工都會派利是。」
一路上阿峯不時與千語BB喁喁細語，又輕搭女友膊頭及攬腰，幫女友將行李搬上車兼打點好一切後，阿峯突然當着現場十多名記者面前，首度拖着千語BB的手，然後送她上車，兩人隔着車窗依依不捨道別後，阿峯折返機場辦登機，原來他要轉飛橫店開工，為多見女友幾面才特地送她出閘，認真癡纏。後來阿峯笑着說：「行程好開心。」弟弟喜歡阿嫂？阿峯說：「多謝關心。」
千語BB回家休息幾小時後，便到西九出席內衣活動，被問是否見家長？她撒嬌說：「純粹畢業禮。佢哋好nice，冇催婚。」千語否認閃婚卻直言想嫁阿峯：「閃完又分，拍拖梗係視佢為結婚對象。」她又否認阿峯贈送300萬元法拉利跑車給她。
PermaLink: https://articles.zkiz.com/?id=282923

是我小時候：千語BB禁男歲月

1 : GS(14)@2013-06-08 15:17:58

http://hk.apple.nextmedia.com/entertainment/art/20130608/18288915

                現年19歲的吳千語是家中掌上明珠，天生一副美人胚子，父母當然份外緊張，她說：「細個媽咪嚴啲，爸爸就開放啲，不過比起同年嘅同學，佢哋可以自己搭車、搭地鐵，我就差唔多14歲父母先放心，對我都好保護。」自小在香港受教育的千語，因有親戚在澳洲居住，所以間中會赴澳洲探望親友及報讀暑期課程。

頑皮傷腿留疤

                像個鄰家女孩的千語，小時候也像男孩般頑皮活潑，試過一次游水導致大腿留下又深又長的疤痕，她說：「嗰次喺海度玩，點知撞到塊礁石，大髀就好似割開咗咁，連骨都見到，嗰時我得8、9歲，自己都好驚。」經此一役，千語的父母對她管得更嚴，之後兩年都要她聽取醫生意見不准游水，慎防海水有細菌。

                千語出道不久即被林峯私有化，問其父母有否不准她太早拍拖？她說：「而家嘅小朋友好早熟，可能12、13歲就拍拖，我嗰時就16、17歲先多啲接觸男仔，因為我係獨生女，爹哋、媽咪驚我俾人呃，希望我帶個男朋友仔返去見佢哋，畀佢哋認識咗會放心啲，我知道而家好多家長都係咁。」

                                                                                               
          
                                                                                                                                                   此外，千語與林峯拍拖後，負面新聞不絕又被指拜金，昨日千語在商台接受訪問，表示認識她的人會知道她不是貪慕虛榮，生活方式沒有因拍拖而改變，自己惟有用時間和工作去證明。
千語坦言都驚新聞影響工作，自己睇得多亦覺得煩厭。問她最欣賞男友做甚麼？千語說：「由細到大都鍾意男友有心思，例如親手做啲小禮物咁。」
PermaLink: https://articles.zkiz.com/?id=283001

電視撈飯：《飛虎II》BB也瘋狂 鍾嘉欣：我躁鬱暴力

1 : GS(14)@2013-06-29 16:58:16

http://hk.apple.nextmedia.com/entertainment/art/20130628/18314673


今次真係嘉欣BB也瘋狂啦！鍾嘉欣BB噚日喺將軍澳電視廣播城為無綫劇《飛虎II》試造型，套劇仲有回巢嘅馬德鐘，同埋一班冧莊做飛虎嘅梁烈唯、羅仲謙同袁偉豪等，佢哋着晒成副武裝上陣，上集女主角宣萱因為同無綫關係麻麻而推咗唔拍，結果由嘉欣BB做女主角。
做CIB嘅嘉欣BB好開心今次有新轉變，佢話：「我相信呢套係入行以嚟精神上辛苦嘅一套，我喺戲裏面會有啲躁鬱，成日好多嘢講，仲好暴力兼好重使命感，我自己都覺得好大壓力。」佢好搞笑話睇怕拍完套劇之後，大家唔會再叫佢做嘉欣BB。

馬德鐘慶牛一

                                    套劇係馬德鐘轉咗部頭合約嘅第一個工作，佢嘅地位真係今非昔比，唔單止壓軸出場，無綫仲安排咗個蛋糕慶祝佢正日生日，馬德鐘笑笑口話：「多謝，多謝！所以真係返得好開心，我哋簽咗兩年部頭，唔知下一套會唔會係《飛虎III》呢？最緊要係觀眾鍾意！」
梁烈唯同苟芸慧今次由情侶變做夫婦，唯唯笑話：「之前話佢電我，而家話我哋結咗婚，發生埋關係㖭！」聽講到而家都唔知有冇床戲，唯唯聽到大家話要睇咀戲同床戲，佢話會主動要求：「係咪要我露啲胸肌，跟住苟姑娘挨喺胸肌上面睇電視，我諗都幾好睇。我嗰點好靚，苟姑娘嘅閃亮眼睛同我嗰一點有互相呼應嘅效果。」
版主：陳基征
PermaLink: https://articles.zkiz.com/?id=283175

電視撈飯： 翠如BB招風雨　踎街等開工

1 : GS(14)@2013-08-06 23:31:25

http://hk.apple.nextmedia.com/entertainment/art/20130806/18365194


喺有線過咗嚟無綫嘅黃翠如，呢期熱到爆，雖然《師父˙明白了》收視唔算太理想，但得到巨星發哥周潤發點名話翠如BB幾好，即刻人氣再升啦！
呢排翠如BB忙緊為新劇《愛我請留言》開工，上星期五（2日）下晝四點幾，翠如BB同好拍檔黃浩然，仲有個約六歲嘅小妹妹一齊喺灣仔星街拍外景，場戲好簡單，只係講浩然抱住小妹妹喺街度行，搭緊的士嘅翠如BB經過見到。
不過由於當日天氣唔穩定，間中會落雨，所以佢哋趁冇雨時好快拍咗一次，拍完翠如BB、浩然等一齊睇帶，咁啱又開始落雨，原本佢哋想停雨再拍，點知越落越勁，最後被迫收工，翠如BB就坐公司車走，浩然則自己揸車走，浩然見記者都友善揮手。
PermaLink: https://articles.zkiz.com/?id=283621

電視撈飯：無綫節目巡禮出爐 嘉欣BB孭重飛視后大熱

1 : GS(14)@2013-10-01 17:19:37

http://hk.apple.nextmedia.com/entertainment/art/20131001/18444805

                無綫一年一度出動全台小生花旦吸廣告嘅節目巡禮，將會喺下個月7號舉行。今年巡禮推介嘅十幾部重頭劇中，鍾嘉欣起碼有兩部，除咗前日佢同馬德鐘啱啱煞科嘅《飛虎II》之外，仲有一部由嘉欣BB孭晒重飛、以佢做核心嘅民初劇《大藥坊》。

《大藥坊》由徐正康監製，嘉欣BB同陳展鵬、唐詩詠、黃浩然會有四角戀，劇情講嘉欣BB本來係民初一間大藥廠嘅千金小姐，點知間廠有問題令佢家道中落，加上發生好多疫症，嘉欣BB幫手拆解。以前女性嘅社會地位好低，嘉欣都好堅強面對，有多少韓劇《大長今》feel！無綫為力捧嘉欣BB，呢部完全搵佢擔正，好明顯係畀多個機會佢做視后啦！另外，嘉欣BB前日拍《飛虎II》時，因為馬德鐘失手而將佢摔落地受傷，不過佢前晚睇完醫生後，噚日即刻包住紗布去福州做嘢，好搏囉！

祥仔戀蓋鳴暉

                巡禮介紹嘅重頭劇，黎耀祥都有超過兩部，包括《大太監》原班人馬開拍嘅《太監五虎》，以及佢同蓋鳴暉嘅《水髮胭脂》，劇中祥仔同蓋鳴暉談情說愛，聽落幾重口味囉！另外，李添勝亦會有一部清裝喜劇，馬國明會剃頭同楊怡孭飛。其他重頭劇包括吳啟華主演嘅時裝劇、《老表，你好嘢！》續集、胡杏兒同吳卓羲嘅《醋娘子》、《M Club》、《忠奸人》、《My盛Lady》、《貓屎媽媽》同《守業者》等。

                                                                                                                                 至於梁家輝幫無綫拍劇個期會押後，而之前傳話黃秋生、洪金寶拍劇，以及重拍《流氓皇帝》、《無雙譜》同《獅子山下》都未有聲氣。苗僑偉（三哥）噚日喺中環出席活動，佢本來出年1月同梁家輝拍無綫一部警察內部鬥爭嘅新劇，但三哥話家輝個期有問題，所以拍唔到。失望？佢話：「可惜，冇計啦！」
版主：陳基征
PermaLink: https://articles.zkiz.com/?id=283794

「一億BB」黃美棋人肉攪珠

1 : GS(14)@2014-09-09 12:49:31

■黃美棋日前為六合彩做人肉攪珠，瞓身揀號碼。



黃美棋和謝安琪未必是明燈，卻同是高登女神，二人各揀出心水號碼給讀者參考。美棋BB日前進行人肉攪珠，在49個寫上1至49的氣球中，抽出六個心水號碼，她又攬實22號氣球，笑指是自己的年齡，自稱「一億BB」的她說：「平時冇買開六合彩，不過見今次獎金太吸引，所以都會買。細個爹哋成日叫我幫手揀號碼，我懷疑曾經中過獎，不過就冇分過錢畀我。如果中咗頭獎，都唔買樓住，等樓價回落少少先，之後再請父母去旅行，地點任揀，要買車揸吓，之後開花店同火鍋店。」至於謝安琪則笑說：「我揀嘅號碼，大部份係屋企人生日，自己同老公都冇買過，所以喺六合彩方面，我哋有『不敗紀錄』。」採訪：譚倩宜、藍文浩攝影：林德雄協力：毛宇軒服裝：MZJJ鞋履：Mel



■黃美棋自稱「一億BB」，中獎就請父母去旅行！

黃美棋心水號碼

1、14、21、22、34、38


謝安琪心水號碼

3、6、11、13、16、47




來源: http://hk.apple.nextmedia.com/entertainment/art/20140909/18859963
PermaLink: https://articles.zkiz.com/?id=285488

bb出世有門牙　嚇鬼死阿媽

1 : GS(14)@2014-09-21 23:05:17



英國一名女嬰甫出生便已經有兩隻牙齒，母親一度擔心哺乳時會被女兒的牙齒弄傷，幸好只是過慮了。英國威爾斯25歲媽媽克洛艾（Chloe Pullen）剖腹產女，當她醒來時，丈夫告訴她女兒羅絲有兩隻牙齒，而且已經完全成型，僅比普通牙齒細小一點。醫生指這種牙齒稱為胎生牙（natal teeth），每2,000至3,000名嬰兒中，便有一個會長出。胎生牙齒都較小，故容易鬆脫。克洛艾坦言曾擔心餵哺母乳時，會被女兒的牙齒弄傷，但事實證明全無「殺傷力」，甚至根本感覺不到牙齒的存在。原來羅絲並不是家族中第一個長胎生牙的嬰兒，她的祖母出生時也有一隻。羅絲的牙齒3天後便脫掉，兩夫婦將之存放在一個玻璃瓶內留作紀念。英國《每日郵報》




來源: http://hk.apple.nextmedia.com/international/art/20140921/18873734
PermaLink: https://articles.zkiz.com/?id=285653
Next Page
ZKIZ Archives @ 2019