📖 ZKIZ Archives


黑盤紅盤



新春開市,行過報紙檔,見到某報頭版頭條,火都嚟埋,究竟乜能嘢叫「黑盤」呢? 忍唔能住,摷返順叔舊年新年在REALFORUM龍鳳大茶樓寫過的一段嘢,冷飯翻炒多一次,開年。


......

先講「紅盤」,呢個典故,唔係順叔考證返來,而係一位老前輩講的掌故,加上順叔小小的想像推敲。

股市「紅盤」之說,查實來自戰前的南北行,即係在文咸街一帶、香港最早期的華資轉口貿易商,當年習慣係在農曆年尾,用紅紙封好貨物過年,正月復市,就將紅紙開封,叫做「紅盤」,只係新年開市咁解,冇話升定跌(呢個好易查,去開咸魚欄搵個阿伯問吓,應該講到少少)。

南北行公所亦係香港開埠的第一個華人商會,可以想像當年在以轉口貿易為經濟命脈的香港,文咸街(又叫南北行街)有唔少有銀士,所以亦有「香港華爾街」之稱,於是亦唔難想像,呢班做轉口貿易起家的華商,後來轉去炒金炒股,好自然咁,就將「紅盤」概念,帶入金市股市,例如在四會未合併之前、以華資經紀居多的遠東會。

中國人過年講意頭,新年「紅盤」,華資大戶更樂於托市,唔會有人特登搞搞震,所以新年第一個交易日,多數升市,「紅盤高開」幾成慣例,就算跌,都係「紅盤低收」,可能「紅」同「升」概念上太易引發聯想,久而久之,「紅盤」變咗「升市」,傳媒跟住講「紅盤低收」,容易引起誤會,於是有人發明咗「黑盤」,用吓用吓,竟然變成近年股市術語之一。

耶穌二千年前出世,其後有冇溝女,如果考證得到,DAN BROWN本DA VINCI CODE就唔會咁好賣;中國幾千年歷史,傳統習俗正音正字,更加好難邊個啱邊個錯(如果有人查到邊個第一個用廣東話爆句「屌你老母」,博士都有得做),有時約定俗成,大家順口順氣咪算囉,好似家吓個個生日,都大大聲話食「壽包」(聽講以前死人先食),都已經唔算大吉利是,不過新年流流,既然講意頭,無端端搞個「黑盤」出嚟,呢個「約定俗成」的「潮流」、「新風」,就無厘頭咗少少咁囉,最少順叔呢類老屎忽,認真聽唔入耳咁囉。

仲未講完,「紅盤」呢類新年習俗,講到明係屈機的,升跌都係紅盤,攞個意頭,查實就係尊重傳統的表現,好似年初二去車公求籤, 都係「紅盤」啲FRIEND,攞個意頭,亦係當年英國佬在香港入鄉隨俗的表現。

差唔多三十年前,有條友,叫做曾蔭權,當年只係沙田政務專員(副手應該係鬍鬚曾,識於微時),有年年初二作為港英政府代表去車公求籤,條仆街都係擢咗支下簽出嚟,聽講班鄉下佬即刻執生,話佢唔撚誠心,再求過,最後下籤升呢,唔知中籤定上籤咁。

回歸前後,負責求籤的港府代表,叫做呂孝端,好似話曾經創吓連續五、六年上籤的奇蹟,吊,真係童子手咩,一係做馬,一係條友變咗熟手技工,知道點先唔會擢支下籤出嚟,03年搞乜能嘢部長制,搵咗條肥西何志平,搞咗支「諸事不吉」下籤,近年先換咗劉皇帝親自上陣。

好喇,點解以前當奴求咗下籤,可以再嚟過,今時今日,又唔可以出呢招呢,查實都好易理解,應該因為好多傳媒出現,而且係好能惡的傳媒(以前年初二邊有咁多記者返工),彈弓籤的話,被人屌尻你做馬就無謂,結果今年大吉利是,又係下籤。

其實車公顯靈踢爆,邊個係「內有家鬼」之「鬼」,「小人」之「人」,心中有數啦,作為一個老屎忽,過年最緊要講意頭,禾吊,劉皇帝年初二去求籤,求自己家宅算喇,千奇咪話代表香港代表禾。

講多句,由「紅盤」到「下籤」,原來傳媒威力咁強,可以改變習俗傳統,不過,香港傳媒表現出嚟的紅黑之分,同車公廟的上籤下籤,都唔能知邉個可信一啲,禾只係知道,每日打開報紙或者上網,都覺得嘈亂巴閉好能煩。

講完,祝各位蛇年有蛇腰,日日紅盤高開!

祝各位馬年行大運,日日笑口常開!

關連市章
1. 歐債百家樂


同場加映:

內有家鬼

PermaLink: https://articles.zkiz.com/?id=176100

特朗普軍師炮轟德國 歐元急漲 強硬姿態不利港股 分析料雞年開黑盤

1 : GS(14)@2017-02-02 00:59:55

【明報專訊】市場緊盯美國總統特朗普的一言一行,昨晚其顧問突然針對歐元發炮,指德國受惠於估值偏低的歐元,消息令歐元急升0.8%,同時美匯指數再次跌穿100(見圖)。分析認為,特朗普將正逐步兌現競選承諾,下一個矛頭將是中國。事實上稍早前,他在農曆新年假期間簽署限制移民的行政命令,已令外圍市場震盪,港股或受拖累,在雞年首個交易日開出黑盤。

明報記者 廖毅然、陳子凌

英國《金融時報》引述白宮全國貿易委員會主席Peter Navarro指,歐元現時的估值非常偏低,就像過往的馬克一樣,令德國可以「剝削」美國及其他歐盟伙伴。他更明言德國是美國與歐盟貿易協議的主要重大障礙。報道刊登後,歐元昨晚一度急升逾0.7%至1.078水平,美匯指數則一度跌穿100水平。

白宮全國貿易委員會主席 對華強硬見稱

白宮全國貿易委員會是特朗普上任後新設的組織,而他委任的Peter Navarro則是著名的對華鷹派人物,長期研究對華貿易,而特朗普對中國的關注,部分是因為Peter Navarro的著作,包括著名的《致命中國》,主張對中國採取強硬的態度。

盧楚仁:特朗普效應開始變負面

天王國際期貨首席策略師盧楚仁表示,市場對特朗普效應,由正面反應開始變為負面。他相信,特朗普下一步就會向中國「開戰」,有機會展開三大戰線,包括加徵關稅、把中國納入匯率操縱國名單及不承認一中政策。他表示,近日市場已因潛在的貿易戰感到不安,若觸及一中問題,對市場的影響將更震撼。

亞股偏軟 日經昨挫327點

歐美股市在過去兩個交易日表現不佳,道指昨晚11時跌123點,報19848點。部分港股在美國預託證券(ADR)較上周五收市有所下跌(見表)。亞洲股市昨日則普遍下跌,日經大跌327點。盧楚仁認為,雖然過往農曆新年後首個交易日,都有投資者傾向托市,讓恒指以紅盤收市。但今年外圍市况較混亂,港股將受壓,紅盤的機會不高。

周雯玲:港股市底不弱 料調整有限

瑞士寶盛私人銀行高級證券分析師周雯玲亦表示,近日投資者正從「特朗普效應」中的升市獲利離場,估計今日仍會延續。「特朗普在競選時說過許多針對中國的言論,而現在正是他交功課的時候。」但周雯玲表示,市場對美國通脹升溫以致加息步伐加快的憧憬並沒有減弱,一旦特朗普在短期內下令推動基建項目,或落實減稅,市場又有機會轉向。

外圍市况未明朗,令港股在1月份交投淡靜,全月日均成交額僅568億元。周雯玲認為,外資並沒有大量流入港股,然而港股市底不弱,即使調整,跌幅亦有限。


來源: http://www.mpfinance.com/fin/dai ... 0613&issue=20170201
PermaLink: https://articles.zkiz.com/?id=324863

Next Page

ZKIZ Archives @ 2019