ZKIZ Archives


老公放水十月剖腹產子黎姿資產大轉移

2012-9-27  NM




今年十月,對大肚黎姿 (Gigi)別具意義,除了是四十一歲生辰,也是她的第二胎,BB出世大日子,一直想為老公追個仔的Gigi,今次得償所願佗到慈姑椗,可以封肚收工。距 離生仔唔夠一個月時間,但肚大如籮,體重升至百六磅谷行奶的Gigi,這段時間依然堅持帶孖女返學同出街玩,還挺住個肚返公司打理美容院生意,難怪老公馬 廷強再加碼注資,支持老婆擴展業務。成功追仔

十月底,黎姿將會入院剖腹生第二胎,雖然老公馬廷強講到明,生仔生女都無所謂,家有孖女家蔚、家鎂已經好滿足,但Gigi深明老公祖籍潮州,傳統家庭觀念 重視男丁,就算去到四十歲,都堅持繼續生,誓為馬家添個慈姑椗。「Gigi好神秘,唔肯透露生仔定生女,每次問親佢係咪仔?佢都笑得好開心,又講到明生埋 呢胎收工唔再生,見佢咁講,我哋成班friend都估佢佗仔。」Gigi友人說。早兩個星期(九月十五日),大肚Gigi同老公帶埋孖女到中環文華酒店 Cafe Causette食晏,由於當日天氣相當熱,Gigi穿上低胸碎花吊帶裙,再用圍巾護頸,肚大如籮的她,腰圍比例拍得住當年佗孖胎,有過佗B經驗,著住平 底涼鞋的Gigi行動尚算敏捷。巨肚出巡加上臨盆在即,本身擁有導彈身材的愛美神,在這段谷奶時期,上圍顯得特別偉大。

五億慰妻

三年抱三,黎姿將為馬家添男丁,老公送遊艇送樓慰妻,禮物票面已超過五億,黎姿肚皮好值錢。

佗得舒服

在酒店大堂會合孖女後,Gigi拖住細孖家鎂行入餐廳,大孖就由工人抱住,十五分鐘後,馬廷強放工趕到餐廳會合三母女,一家人食了個半小時,孖女由工人照 顧先行離開返屋企,Gigi同老公則留低,同其他人傾公事。一傾又個幾鐘,一行人離開餐廳行去酒店大堂,由於車未到,馬廷強擔心老婆佗B怕熱,自己行出門 口等車,讓Gigi繼續留在室內涼冷氣,非常體貼。據知,Gigi今胎佗得好輕鬆,除了頭三個月出現作嘔易暈等大肚婆徵兆,之後身體已好快適應。由於上次 細孖出世唔足磅,Gigi今次更加重視BB營養,由懷孕開始,每日根據營養師餐單進食,加埋老公安排補品,BB媽咪營養十足,Gigi肚圍達五十吋,體重 升至一百六十磅。雖然BB就快出世,但Gigi仍堅持親自湊女返學,每日早上七點鐘起身,陪老公及孖女食早餐,十點陪兩個囡囡返學,湊完放學食埋晏,才會 返美容院打理生意。「其實Patrick(馬廷強)唔想老婆咁辛苦,想佢做少啲,不過間公司始終係佢細佬(黎嬰)嘅心血,Gigi點都唔會放棄,加上佢一 直相信細佬會好番,到時佢就可以親手將間公司交番俾細佬打理。」Gigi身邊人說。

起死回生

全心全意為屋企人的黎姿,05年打本給胞弟黎嬰,在銅鑼灣金朝陽中心開設的cosmax激光美容中心,07年黎嬰車禍重傷,腦細胞受損導致行動說話不便, 昔日美容中心客仔紛紛踩上診所要求退錢,大量熟客流失,導致陣腳大亂,一度要裁員幫公司止血。到08年,黎姿宣佈退出娛樂圈,結婚生仔同時,亦以老闆娘身 份日日返細佬診所主持大局。除聘請多名外援皮膚醫生駐診,她更親力親為打理行政,睇住盤數,再做埋代言人招攬生意,一年之後終穩定軍心,每月營業額達 300萬,即使遇上金融海嘯,Gigi亦咬緊牙關度過。近年進一步推出自家品牌美容產品系列,更將原先只有千呎的診所,擴充到七千多呎,備有十六間治療 室、超過二十多種國際級水準醫學設備,經常邀請外地名醫到港作交流,提供課程教護膚,稍後將會在國內開分店。

老公注資

為了全力支持老婆心願,又方便照顧大肚婆,馬廷強特別在自己位於灣仔新鴻基中心的寫字樓內,開闢一個地方給Gigi做辦公室,又大幅加碼再注資入美容院, 助她開拓大陸及海外業務。「做生意一定係Patrick強項,佢幫Gigi換咗班勁人幫手打理,而家公司開始重組,會成立唔同部門,逐步擴展業務,除咗香 港,仲會喺大陸同其他海外地方發展,甚至推出自家品牌護膚品。」一名美容院職員說。Gigi的美容院Cos Max於今年七月起開始進行大變動,原本是股東的黎母陳婉,七月九日正式辭去董事一職,Gigi於八月將Cos Max Limited全數五百萬股,以及G Max Group Ltd全數股份,轉去一間BVI海外註冊公司Sunny Bright Group Holdings Limited。生意愈搞愈大,Gigi大住個肚,都要返公司睇住盤生意。

豪門慈姑椗

入得豪門,為家族繼後香燈責無旁貸,好運如李嘉欣可以一索得男當然安樂,但城中唔少富豪太太、女友,為添男丁,不惜生完再生。

徐子淇

先後為李家誠誕下兩女,至去年第三度懷孕,終於成功追仔。有指徐子淇根據「清宮生男生女圖」,計算行房時間,配合改變飲食習慣,多吃含鹼量高食物,如鹼性礦泉水及寶礦力,終成功佗「慈姑椗」。

王儷橋

原名王富信的王儷橋,93年下嫁李澤鉅後專心為李家開枝散葉,可惜肚皮唔爭氣,分別在96、00及03年誕下三名女兒,至05年,獲高人指點改名王儷橋後,翌年才成功誕下男丁。

甘比

08年已為大劉誕下女兒劉秀樺的甘比,一直深得大劉歡心,今年初,甘比證實成功懷有男丁,與已有一子一女的大劉女友呂麗君打成平手。

 
老公 放水 十月 剖腹 產子 黎姿 資產 轉移
PermaLink: https://articles.zkiz.com/?id=37935

黎姿老公掃California Fitness夜冷貨

2017-02-12  BN

卓珈控股(8358)上週搶晒鏡,焦點都落在由藝人進身為上市公司主席兼CEO的黎姿身上,其實她背後的男人——老公馬廷強默默支持,卓珈七成半的股份由兩公婆齊齊持有之餘,卓珈上市後可能仲有後着。

馬廷強行動不便,有空都喜歡到健身中心做吓拉筋;近日搵埋商界友好向加州健身(California Fitness)的臨時清盤人,購入加州健身嘅資產,包括健身器材,意味去年七月執笠嘅California有機會復活,前老闆P.K.王就話:「我都有聽聞,但細節就唔清楚。」其實所謂有形資產如健身器材折舊唔少,而且加州健身收過千幾宗投訴,個「朵」都麻麻哋,商譽呢個無形資產更難叫價,所以馬廷強都唔係花好多錢,當執「夜冷貨」咁啫,不過執靚佢再唧入上市公司可能又變銀紙喎,所以話兩公婆,一人計短,二人計長。

林鄭兄弟手足情深

林鄭宣布參選特首,特別提到最喜歡做社會福利署署長一職,因為可以體驗關愛共融思想,奶媽味道甚濃,其實林鄭的阿哥同細佬也學得林鄭咁,危難之時有一份守望相助嘅精神。話說○五年,林鄭兄長鄭宏光破產,那時林鄭父母鄭阿毛和林鳳蘭持有的鰂魚涌南豐新邨單位在九九年已賣掉,呢位林兄落難之時,就報住林鄭細佬鄭孝光持有的南豐新邨另一個單位,足見兄弟之間手足情深!

中環寸嘴潮廳自廢武功

祖籍潮州嘅岳少呢幾年又搞China Tang、Kowloon Tang,喺皇九入面以前間食廣東菜Island Tang(港島廳),舊年底裝修小執過,變身做Chiu Tang(潮廳),唔知係潮人嘅潮,定潮州菜嘅廳,即管踩吓場。入到呢間潮廳,原來嘅酒吧位變咗滷水檔,仲吊咗隻大肥鵝喺度,入潮州菜館踩場一定係整碗潮州翅啷啷口,咁就知佢有幾高級,吖,原來呢度碗翅貴上環「尚興」幾廿蚊咋,啲翅針又粗啲,計埋地點裝修,咁都算抵食喎。潮廳個老總叫我唔好寫,話老細怕食翅啲環保人士唔鍾意,唔敢promote,唓,呢啲叫做一時唔偷雞做保長;潮州菜最出名就係凍蟹同埋招牌翅,呢啲正式係又痕又怕痛,顧住做唔夠數交唔到業績上唔到市呀!計我話,咩食家都假,偷食就最滋味嘅!不過呢間潮廳都係自廢武功,本來賺錢風水酒吧位變咗滷水檔,做高級食肆唔promote酒死梗,賣一支酒頂十碗八碗翅啦!嗰日寒寒哋,開番支「滴滴金」d'Yquem配吓點心,驅吓寒氣,令我憶起廿幾三十年前,初初返香港識羅兆輝,我不嬲都係英國style,雪茄送Port Wine,羅兆輝教路叫靚女點着支蘸過白蘭地嘅雪茄,咁就賜「滴滴金」俾啲女飲,唔知岳少識唔識呢?

楊國佳工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

御用建築師分級數

西九故宮有「御用建築師」嚴迅奇,香港發展商亦有,揀建築師通常講夾唔夾,例如長實地產近年多用凌顯文建築師,皆因其妻吳佳慶是長實地產董事,亦是李澤鉅的大學同窗;而新地御用建築師為呂元祥建築師樓,話晒係郭炳江親家,不過講到大孖沙興建自家嘅地標,其「御用建築師」級數又唔同,通常起用洋人建築師樓,與設計大型屋苑講求用盡地積比率有別!如長江中心起用Leo A Daly和Cesar Pelli,國金二期亦找Cesar Pelli及嚴迅奇,胡應湘最親力親為,合和中心正是出自其手筆!

黎姿 老公 California Fitness 冷貨
PermaLink: https://articles.zkiz.com/?id=235063

全家Sevva嘆茶大陣仗黎姿可愛孖女引祖兒跪低

1 : GS(14)@2015-03-22 22:36:42





【中環Sevva 昨日3:30pm】■黎姿(右)一早到達餐廳,並安排女兒與外籍友人親面打招呼。讀者提供圖片



【爆相爆片】幸福靚太黎姿婚後為富豪馬廷強生下三名女兒,一家五口昨日齊齊出動到中環high tea,更出動三名家傭各湊一位千金,這幕溫馨天倫樂被讀者任小姐撞到正,並透過本報「爆相爆片」上載短片。與友人嘆茶的容祖兒特別跟黎姿走過枱,跪下逗玩黎姿的可愛孖女,母愛氾濫。


黎姿(GiGi)自二○○八年嫁給富豪馬廷強後,隨即息影相夫教女,肚皮密密開工,二人世界變五口之家,黎姿的一對孖女馬家蔚(Pricia)和馬家鎂(Gianna)轉眼已四歲多,幼女Pegella都兩歲了,三名囡囡為馬家帶來不少歡笑。昨日周六家庭日,本報讀者任小姐透過「爆相爆片」全程直擊黎姿出動在中環太子大廈的Sevva嘆下午茶,同場還撞見容祖兒。



■馬廷強撐着枴杖獨自前來,餐廳經理親自迎接。DV圖片

【紅白雙煞】■祖兒與黎姿一紅一白現身,引起哄動。

【引見友人】■黎姿帶祖兒過枱與朋友見面。



一紅一白相輝映

黎姿和老公馬廷強不時被拍到在Sevva開餐,昨午全家又出動,據讀者任小姐報料,她昨午三時許看到祖兒跟女友人來嘆茶,大約半小時後就見到黎姿和工人湊着一對孖女到來,眼利的黎姿步入時先跟祖兒打招呼,其後黎姿和孖女等走到另一枱會合一對外籍男女友人,黎姿先安頓工人照顧孖女,家蔚和家鎂穿着同款的花裙,活潑可愛,兩姊妹又黐着外籍友人傾偈,關係熟絡,大約半小時後,撐着枴杖的馬廷強獨自前來,緊接另一名工人也抱着幼女Pegella出現。黎姿一家分批到齊,她便獨自走到祖兒那邊閒聊,穿上最新的NikeLab X Sacai桃紅運動裝的祖兒與白色外套襯牛仔褲的黎姿頓成餐廳焦點,祖兒還跟了黎姿過枱打招呼。祖兒逐一與馬廷強和外籍朋友握手寒暄,其後更放下天后身份,半踎半跪撩孖女玩。紮着馬尾的孖女,十分可愛,連祖兒都主動逗玩,孖女跟祖兒有傾有講,並不害羞,祖兒陪小朋友玩了一輪才返回座位。孖女五官精緻,跟媽咪黎姿長得餅印一樣,孖女雖然邊吃邊玩,但舉止嬌俏又斯文,由於妹妹Pegella年紀較細,所以全程由工人抱着,貼身照顧。




全家 Sevva 嘆茶 茶大 大陣 陣仗 仗黎 黎姿 可愛 孖女 女引 引祖 祖兒 兒跪 跪低
PermaLink: https://articles.zkiz.com/?id=288778

徐子淇孖黎姿玩假槍

1 : GS(14)@2016-03-18 23:56:26

■徐子淇(左)用假槍指向黎姿擺甫士。互聯網圖片


千億新抱徐子淇與夫婿李家誠前晚出席邱德根孫女邱詠賢(Wendy)的生日會,同場還有Wendy細佬邱華瑋、周國豐及黎姿等。


■子淇去開P都要攬住老公晒恩愛。互聯網圖片


子淇昨貼了三幅相上Instagram,當中她恩愛攬實老公,另一張則是子淇與黎姿合照,兩位幸福人妻齊以黑衣紅唇打扮,子淇拿玩具手槍指着黎姿,相當搞笑。其實44歲的黎姿甚少去party,就算她大子淇足有11年,依然搶眼,真係凍齡有方,不少網友都留言讚她靚。撰文:唐如





來源: http://hk.apple.nextmedia.com/entertainment/art/20160318/19534151
徐子 子淇 淇孖 孖黎 黎姿 姿玩 玩假 假槍
PermaLink: https://articles.zkiz.com/?id=298385

黎姿呻老公倒米

1 : GS(14)@2016-05-21 18:29:45

■黎姿昨日一身白色pure現身領獎,美魔女感覺依然。


黎姿昨日現身灣仔會展出席「ERB人才企業嘉許計劃頒授典禮」,她打理的醫學美容業務CosMax獲選為嘉許機構。黎姿昨日一身白色pure現身,美魔女感覺依然,她毫無架子地在台下排隊等領獎。黎姿透露工作佔三分一時間,其餘時間都放在家庭,從商轉型對她而言極大挑戰,更視公司為另一baby。黎姿身為公司行政總裁,老公支持她工作,但拒試美容,黎姿笑言:「佢倒我米㗎,我有捉老公去公司,佢話唔搽cream,唔鍾意做機,黑晒面,我身邊有太太朋友問我有關美容,佢會話我唔搽cream。」黎姿今次得獎有和胞弟黎嬰分享,但對方要接受治療訓練,所以未有同行領獎。採訪:卓寶花 攝影:仇志德





來源: http://hk.apple.nextmedia.com/entertainment/art/20160520/19619262
黎姿 姿呻 老公 倒米
PermaLink: https://articles.zkiz.com/?id=300850

大劉為廚師轉場黎姿係「半島常客」

1 : GS(14)@2016-09-06 22:50:59

大劉同甘比一直當灣仔福臨門係「飯堂」,之不過近排佢哋唔去福臨門,轉場去置地廣場嘅唐人館同尖沙嘴半島酒店嘉麟樓食飯,咁啱大劉舊愛李嘉欣身穿熱褲,前日一家三口及家人喺半島現身,似乎同大劉口味都幾近似!大劉甘比忽然轉飯堂大劉(劉鑾雄)同甘比由福臨門轉場去半島,原來有段古,據知喺福臨門嘅一位廚師煮嘢畀大劉食十幾年,早前去咗半島嘉麟樓揸fit,因為個廚師知大劉嘅口味,亦由於大劉患糖尿病,基本上啲餐係度身訂製,所以大劉同甘比先忽然轉場,漸漸成為半島常客。啟山超蓮浪漫撐枱腳賭王三房最索千金超蓮回復單身後,與霍震霆二公子霍啟山行得最密切,今年1月先被爆喺半島Chesa嘆瑞士菜撐枱腳,不過當時餐廳冇VIP房關係,所以佢哋就同其他客人一樣坐大廳;之後又喺廣州及台北見二人蜜遊,未知佢哋仲有冇發展空間。黎姿孖女愛high tea黎姿2008年宣佈退出娛圈,同年即嫁畀商人馬廷強做少奶奶,婚後生咗孖女家蔚同家鎂,黎姿都幾鍾意去半島,唔止當年喺半島連擺兩晚喜酒、家人生日P亦喺嗰度開,就連閒時黎姿都會同孖女去high tea!




來源: http://hk.apple.nextmedia.com/entertainment/art/20160906/19761511
大劉 廚師 轉場 黎姿 姿係 半島 常客
PermaLink: https://articles.zkiz.com/?id=307829

黎姿為弟創立美容公司 申創板上市

1 : GS(14)@2016-09-17 15:26:38

【明報專訊】新股市場近日再度熱鬧起來,當中,由黎珈而(前名黎姿)及其丈夫馬廷強全權揸fit的美容品牌「CosMax」,最新亦向港交所(0388)創業板遞交上市申請。

據其申請書披露,是次申請於創版上市的卓珈控股,100%由馬廷強夫婦持有,創辦人為黎珈而。事實上,招股書中亦說明,公司乃其弟黎嬰意外受傷後,啟發黎珈而接手營運對方之醫學皮膚護理業務,並於2009年開設集團首間醫學美容中心。書中亦指出,黎珈而乃公司業務的著名標誌,公司的品牌知名度亦部分建基其公眾形象;而黎亦身兼執董、董事會主席及行政總裁三職於一身。此外,其小叔馬庭偉則擔任執董兼資訊科技及業務發展總監;而馬廷強則未有擔任管理層職務。

卓珈控股以「CosMax」品牌在銅鑼灣及中環的黃金地段經營兩間醫學美容中心,為客戶提供能量儀器及注射療程等非手術醫學美容服務及護膚產品,以改善皮膚問題及提升外貌。截至今年3月底止年度,公司共錄得8335萬收入,按年升12.7%;而純利則錄得逾1850萬元,較去年同期升37%,純利率為22.2%。

興業太陽能擬分拆新材料

此外,興業太陽能(0750)昨發公告稱,建議將其持有逾九成權益的興業新材料分拆上市。該公司主要從事生產及銷售銦錫氧化物(ITO)導電膜,以及研發、生產及銷售智能薄膜等新材料業務。集團表示,建議分拆上市,可吸引尋求投資新材料產品行業的新投資者,以達致集資需求;並期望成功上市後,集團可集中從事環保及可再生能源應用業務,並專注於太陽能設計、採購及施工(EPC)市場。

郵儲行認購反應一般

至於另一矚目新股中國郵儲銀行(1658),第二日招股反應依舊平平。綜合耀才(1428)、輝立及信誠3家券商統計,僅錄得1.2億元孖展額度;另據市場消息稱,海通及銀河國際分別借出5.8億及1.7億元孖展。信誠證券聯席董事張智威表示,認購反應冷淡主要由於中秋假期前投資者採觀望態度 ,或於假期後再作打算。


來源: http://www.mpfinance.com/fin/dai ... 7107&issue=20160916
黎姿 姿為 為弟 創立 美容 公司 申創 創板 上市
PermaLink: https://articles.zkiz.com/?id=309155

黎姿陀巨肚出街5人服侍趙文卓全裸攬老婆影寫真

1 : GS(14)@2016-11-11 08:10:29

自演唱會之後,Kay休息咗差唔多大半年,個月肚一日大過一日,《蘋果》日前見到佢,個肚仲大到成座山咁,好彩身邊有老公張繼聰照顧咋。陀B係辛苦嘅,尤其係巨肚,好似黎姿咁,10年有喜時就要5個人喺身邊侍候,無耐就生咗一對孖女,大女重約6磅,細女都有3磅幾。10月懷胎呢個過程係辛苦嘅,但都好值得紀念,好似安排太太喺香港生仔嘅趙文卓,今年8月就同太太影咗全裸寫真,個焦點梗係影個巨肚啦。另外,黃伊汶(Emme)今年初都有約埋老公陳國坤影巨肚寫真,Emme除咗用巨肚頂老公,仲有一張係「低炒」,顯得個肚特別勁。除咗影相,巨肚都仲可以用嚟畫畫,鄭希怡(Yumiko)上年陀B嘅時候,就試過喺肚皮上畫咗個小女孩嘅樣,結果佢嘅B女梁浸浸出世,真係同幅畫一樣,精靈可愛。




來源: http://hk.apple.nextmedia.com/entertainment/art/20161111/19829810
黎姿 姿陀 陀巨 巨肚 肚出 出街 服侍 趙文 卓全 全裸 裸攬 老婆 寫真
PermaLink: https://articles.zkiz.com/?id=315067

【爆相爆片】黎姿湊三女影燈飾

1 : GS(14)@2016-12-01 08:06:42

■細女(左二)要黎姿氹才埋位與兩位家姐合照。讀者提供圖片



黎姿08年嫁商人馬廷強,婚後育有三女,孖女馬家蔚(Pricia)與馬家鎂(Gianna)已經6歲,今年就讀小學一年級,4歲細女Pegella剛上幼稚園。聖誕節快到,黎姿趁着各大商場擺放了不同的聖誕燈飾擺設,上周六讀者冼小姐透過本報「爆相爆片」,分享見到黎姿帶着三位千金在尖沙嘴海港城看聖誕燈飾的相片。當日薄施脂粉的黎姿,像普通家庭的母親一樣帶着女兒行街,冼小姐表示黎姿三位千金穿上同款黑色皮褸加legging,扮相統一,既有型又可愛。黎姿拿着手提電話,叫孖女Pricia和Gianna在聖誕燈飾前影相,孖女乖乖坐定擺甫士,但細女就要媽咪氹才願意埋位,其間不少遊人認得黎姿並要求合照,而她並無架子一口答應。撰文:非非


■黎姿上周六在海港城用手提電話為女兒影相。讀者提供圖片

■黎姿三個女兒均穿上同款黑色皮褸,擺甫影相,十分可愛。讀者提供圖片



來源: http://hk.apple.nextmedia.com/entertainment/art/20161201/19850785
爆相 相爆 爆片 黎姿 姿湊 湊三 三女 女影 燈飾
PermaLink: https://articles.zkiz.com/?id=317831

黎姿做闊太《珠光寶氣》班姊妹有咩搞

1 : GS(14)@2016-12-01 08:06:44

黎姿喺拍完大台套《珠光寶氣》後,息影退出娛樂圈,嫁畀馬廷強專心做豪門少奶,咁佢班「姊妹」又有咩發展呢?邵美琪喺《珠》劇中演黎姿家姐嘅邵美琪(Maggie),已年屆51,但感情仍未有着落,舊年初狠撇拍拖6年的花心男施祖男後,未見再有伴。全程投入工作嘅Maggie,早前有份喺杜國威20周年經典舞台劇《我和春天有個約會》演蓮茜一角,不過主辦宣佈明年3月舉行巡演,但就因為易角而冇佢份。蔡少芬講完家姐到個妹,喺《珠》劇中演黎姿細妹嘅蔡少芬(Ada),自從此劇後,減少大台劇集演出,主力攻內地巿場,拍咗多套劇集,其中憑《後宮甄嬛傳》演皇后一角再度人氣急升。Ada同老公張晉更不時喺公開場合晒恩愛,又一齊參與內地綜藝節目《為她而戰》,佢為咗工作四圍飛,但都不忘照顧一對囡囡。鍾嘉欣喺《珠》劇中被安排要針對黎姿嘅鍾嘉欣,舊年12月秘嫁無綫前主席梁乃鵬的脊醫姪仔Jeremy,並於今年2月喺溫哥華舉行婚禮補喜酒,佢更喺6月尾生咗個千金Kelly,近排逐步復出,最近仲帶埋囡囡返港開工,不過佢話打算餵人奶到B女一歲大,所以暫時唔會拍劇住。




來源: http://hk.apple.nextmedia.com/entertainment/art/20161201/19850763
黎姿 姿做 做闊 闊太 珠光 寶氣 姊妹 有咩 咩搞
PermaLink: https://articles.zkiz.com/?id=317833

Rock味貴婦!肚凸凸黎姿爛牛襯長靴 自製母女裝

1 : GS(14)@2016-12-03 05:12:35

生活低調的黎姿上周六就趁假期同三位千金去了尖沙嘴海港城睇聖誕燈飾,當日她薄施脂粉,依然靚爆冇走樣,她拿著電話為三位囡囡於聖誕裝飾前影相,孖女就穿Stella McCartney Kids的星星legging襯皮褸仔和biker style的短靴,相當可愛,而黎姿就穿上類似Chanel的黑色格子tweed jacket襯黑色窄身ripped jeans,襯Acne Studios黑長靴,打扮甚有rock味,同囡囡的biker style襯到絕。




來源: http://hk.apple.nextmedia.com/entertainment/art/20161202/19852752
Rock 貴婦 凸凸 黎姿 姿爛 爛牛 牛襯 襯長 長靴 自製 母女
PermaLink: https://articles.zkiz.com/?id=318105

藝人誕孖B高齡黎姿誕餅印女 梁洛施生小小小超

1 : GS(14)@2016-12-10 03:45:24

生兒育女,其實好睇個天,有人做足安全措施,但都意外懷孕,有人不設防等足多年,仍未成事,咁…要打孖嚟,命中率當然更加難!生孖B除咗睇彩數,家族遺傳外,亦因為o依家人工受孕越嚟越普遍,造就圈中出現唔少藝人名人成為孖B爸同孖B媽。黎姿10年,黎姿以39歲之齡,為老公馬廷強誕下孖女家蔚同家鎂,孖女現時就讀小一,黎姿喺兩年後再添一女。無意復出嘅黎姿,嫁人後即專心照顧家庭同3個囡囡。梁洛施10年替小小超李澤楷誕下孖仔,加埋09年大仔長治,共有3子。同李澤楷分手後,梁洛施同3個囝囝定居加拿大,到近年先回流返港拍戲拍舞台劇。林志穎林志穎同老婆陳若儀喺09年生咗大仔Kimi,舊年再成功造人,誕下孖仔Jenson同Kyson,前兩日孖B剛過1歲,爸B林志穎仲為佢哋舉行「歲抓周派對」。李心潔今年7月,40歲李心潔喺吉隆坡為老公彭順誕下孖仔,孖仔o依家5個月,人母李心潔最近亦火速修身,前排出席台灣金馬像時,身形已經回復到未生嗰陣。




來源: http://hk.apple.nextmedia.com/entertainment/art/20161209/19859871
藝人 誕孖 高齡 黎姿 姿誕 誕餅 餅印 印女 梁洛 洛施 施生 小小 小超
PermaLink: https://articles.zkiz.com/?id=318911

嘉欣發燒不忘黎姿

1 : GS(14)@2017-01-05 08:01:11

■李嘉欣元旦日上載新相祝新年快樂,但原來她病了一周仍未康復。微博圖片



李嘉欣上月與老公許晉亨、兒子Jayden及友人到北海道度假,因遇上大風雪而在當地滯留4日,到聖誕節當晚才能上機返港,到港時已是凌晨3時多,嘉欣一臉疲態兼面青青跟記者說:「我冇乜胃口冇食嘢,加上有好多菌,所以我病咗。」原來嘉欣返港後一直身體不適,要病住過新年。前日嘉欣在微博上載自拍照祝大家新年事事順利,但至晚上她上載一張拿着溫度計照片,留言謂:「38.6度對成年人,是發燒嗎?」以成人計算,若口探或耳探溫度超過37.5度便為發燒。雖然嘉欣只是輕微發燒,但深信北海道一役,已令她身心極度疲累。另外,嘉欣跟黎姿份屬好友,二人日前均有在微博互相祝賀新年快樂。撰文:魯吉



■黎姿在微博表示興奮過新年。





來源: http://hk.apple.nextmedia.com/entertainment/art/20170103/19884445
嘉欣 發燒 不忘 忘黎 黎姿
PermaLink: https://articles.zkiz.com/?id=321254

趣BLOGBLOG:黎姿年賺千八萬的business model

1 : GS(14)@2017-01-12 08:01:26

黎姿(黎珈而)旗下醫學美容公司卓珈(8358)今日於創業板掛牌,全日收報3.95元,較配售價0.8元高出近四倍,黎姿持有卓珈1.5億股,身家6億元只是賬面數。股票市值15.8億元,以上年度公司賺逾1,800萬元,往績市盈率(PE)是85倍,無論前景講得如何秀麗,現階段根本沒有投資價值,但見到黎姿在上市儀式一番肺腑之言,以及招股書上的數字,這隻股票會放入觀察名單。2015及2016年度(3月底年結),卓珈分別賺1,350萬元及1,849萬元,同期生意分別有7,400萬元及8,335萬元,純利率分別是18.2%及22.2%。100蚊生意賺22蚊,孰多孰少?比較同業現代美容(919),最新年度生意7.75億元,但僅賺1,302萬元,純利率不足2%,100蚊生意換來唔夠2蚊利潤。卓珈生意主要靠四部份:療程服務佔88.9%、諮詢服務(佔0.7%)、醫療產品處方及配藥(3.4%)及銷售護膚產品(4.6%),尚餘2.4%就是來自到期預付療程/現金券沒收收益。對美容業操作不熟悉,但如果只有2%是「未用而沒收收益」,我會如此解讀:買家對服務滿意,亦能順利預約做療程服務,因此買了預付及現金券,大部分都能在限期前用盡。這點,可能是公司響朵的關鍵。卓珈招股書披露,曾接受至少一次療程的客戶,2015年度是4,003人、2016年度是4,082人,平均每客貢獻是15,958元及18,148元。一年平均有4,000人,肯用萬八蚊做美容療程,連同極低沒收比例,這種business model如能一直延續下去,是有「錢途」的。45歲的黎姿今早講到,「(黎嬰)一路都好想我代表佢,令佢對醫學美容嗰種專業、執着同埋堅持,繼續秉承落去、發揚光大」。見過很多公司上市後變質,希望黎姿那份「真」及「堅持」,能在業務上秉承落去。股榮
http://www.facebook.com/stockwing1




來源: http://hk.apple.nextmedia.com/financeestate/art/20170111/19892858
BLOGBLOG 黎姿 姿年 年賺 賺千 千八 八萬 萬的 business model
PermaLink: https://articles.zkiz.com/?id=322138

升呢上市公司主席 哽咽多謝細佬黎姿身家一日暴升近6億

1 : GS(14)@2017-01-12 08:03:21

■黎姿昨日打響銅鑼,開心宣佈自己的美容公司正式在創業板上市。



黎姿在07年棄影從商,接手弟弟黎嬰創立的醫學美容公司,經過10年打拼,她昨日成功以卓珈(8358)在港交所創業板上市。身兼集團主席及行政總裁的黎姿跟弟弟出席上市儀式時,表示上市是要「延續細佬嘅精神」,同時宣佈改名做馬黎珈而。有「黎姿股」之稱的卓珈,昨日股價搶高近4倍,令黎姿身家一日暴升至5.93億元。



現年45歲的黎姿(GiGi),昨日早上9時前跟父母及弟弟黎嬰到達中環港交所,等待旗下的醫學美容公司卓珈(8358)首日上市。美容公司當年由擁有皮膚科醫生資格的黎嬰一手創立,他在07年遇上嚴重車禍後,黎姿接手公司,為此她放棄演藝事業全情投入美容院生意。即使09年嫁給富商馬廷強,婚後育有3名女兒,她仍然堅持打理生意,經10年打拼終於成功令公司在創業板上市。



■公司首日上市一刻,GiGi比弟弟黎嬰更激動。

■事業有成的黎姿,昨日獲父母及弟弟齊齊現身撐場。


丈夫默默支持

黎姿以集團主席兼行政總裁身份,一身行政人員裝扮亮相上巿儀式,同時宣佈已改名為馬黎珈而。完成上市儀式,GiGi笑容滿面接受訪問,她透露之前緊張到睡不好,因為今次是人生記憶中一件大事,心情興奮得難以形容,對於未見其丈夫馬廷強現身,她說:「佢不嬲都喺我背後默默支持我,今日忙於工作嚟唔到。」
GiGi為了延續當年弟弟的業務而放棄自己的演藝事業,終於堅持到上巿,GiGi講到終於完成弟弟的心願時,哽咽地說:「細佬好開心,睇到我成個過程眼濕濕,佢好想我行到呢一步,佢自己唔能夠營運,我秉承佢嘅專業精神、對醫學美容執着概念營運落去,我亦多謝細佬啟發我,因為佢畀咗另一面我,原來我可以做生意。」



■黎姿哽咽表示上市是想延續弟弟的精神。

■黎姿09年嫁給商人馬廷強,婚後育有3名女兒。資料圖片


望九龍開分店

對於公司的業務發展,GiGi希望可以在九龍區開分店,提到公司股價由招股價的0.8元,最高升過5元,身家隨之水漲船高,GiGi笑言沒有留意升幅,因為自己都控制不到,唯一可以做的是做好生意,希望繼續進步。黎姿做CEO年薪有360萬元,而被戲稱為「黎姿股」的卓珈昨日收報3.95元,公司市值增至15.8億元。而持有1.5億股的GiGi,一日之內身家就暴升至5.93億元。採訪:卓寶花、江靖然攝影:仇志德、李潤芳




來源: http://hk.apple.nextmedia.com/entertainment/art/20170111/19892725
升呢 上市 公司 主席 哽咽 多謝 細佬 佬黎 黎姿 身家 一日 暴升 升近
PermaLink: https://articles.zkiz.com/?id=322177

【馮仁昭四圍超】全家半島睇煙花黎姿陪細佬開年

1 : GS(14)@2017-01-31 16:01:53

■黎姿(中)前晚同細佬黎嬰,仲有父母喺半島酒店睇煙花開年。微博圖片





黎姿(GiGi)08年嫁商人馬廷強,跟住生咗三個囡囡,孖女馬家蔚(Pricia)同馬家鎂(Gianna)轉眼已6歲,細女Pegella就4歲。GiGi婚後好低調,甚少帶囡囡出席公開場合,向來好重視家庭嘅佢,即使忙於照顧家庭,但都好關心因車禍受重傷嘅細佬黎嬰,仲特登喺07年棄影從商,接手黎嬰創立嘅醫學美容公司,喺十年努力下,早前成功上市,GiGi一日之內身家更暴升近6億元。啱啱榮升做上市公司主席兼行政總裁嘅GiGi,前晚大年初二約父母同細佬黎嬰去尖沙嘴半島酒店睇煙花開年。GiGi噚日凌晨喺微博貼咗兩張相,除咗有佢着住紅色連身裙,以煙花做背景嘅單人相,仲有同爹哋、媽咪、黎嬰嘅合照,全家福好溫馨,但相中未見GiGi老公同三個囡囡。



■着住紅裙嘅黎姿,笑面迎人,好有節日氣氛。

願家人健康

GiGi仲留言送祝福,她說::「可與我最愛的家人平安健康一起過年,就是每一年的願望,在這裏我衷心祝福我愛的親人、好友、粉絲們,新的一年萬事如意,身體健康,幸福美滿!」GiGi仲笑到四萬咁口。撰文:馮仁昭




來源: http://hk.apple.nextmedia.com/entertainment/art/20170131/19913240
馮仁 仁昭 四圍 全家 半島 煙花 黎姿 姿陪 陪細 細佬 開年
PermaLink: https://articles.zkiz.com/?id=324808

5億CEO黎姿過新年Valentino女神紅裙紅噹噹

1 : GS(14)@2017-02-02 02:34:13

45歲的靚媽黎姿(GiGi,現改名為黎珈而)上月榮升上市公司主席,她和弟弟黎嬰經營的醫學美容公司卓珈(8358)在創業板掛牌,上市當日,身家就升到5.7億,雖然新年前股價回落,但估計身家仍超過4億!升值億萬CEO女神的GiGi,心底願望其實很平凡,就是「可與我最愛的家人平安健康一起過年,就是每一年的願望」,她前日在網上post了和父母、弟弟的合照,一家人按傳統在半島酒店睇煙花,和大家分享快樂。「在這裡我衷心祝福我愛的親人、好友、粉絲們,新的一年萬事如意,身體健康,幸福美滿!」
GiGi每逢好日子都會穿紅或粉紅,她的新年look當然不例外,著了一件愛牌Valentino的皺摺cape dress,這件去年2016春夏的束腰小披肩深紅裙,設計優雅又顯曲線,甚有女神風。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170201/19914380
CEO 黎姿 姿過 新年 Valentino 女神 紅裙 裙紅 紅噹 噹噹
PermaLink: https://articles.zkiz.com/?id=324971

子淇嘉欣閨蜜雲集 黎姿融入靚太夜宴

1 : GS(14)@2017-03-22 00:31:31

■黎姿(右一)身穿靚靚露肩裙,揸機同壽星女邱詠賢(右二)selfie。互聯網圖片



黎姿於08年嫁予富豪馬廷強,專心相夫教子外,更接替弟弟黎嬰搞美容生意,事業有成,今年1月成為上市公司主席,45歲的她身家跳升五至六億,又將中文名字改為「馬黎珈而」。黎姿婚後甚少出席公開場合,深居簡出,但其實都有好多閨蜜朋友,如李嘉欣、設計師Bonita Cheung等,融入到富二代的生活圈子。


邱詠賢生日

日前黎姿就出席了邱德根孫女邱詠賢(Wendy)在灣仔帝盛酒店舉行的生日派對,當晚雲集富二代及靚太,當中有鄭裕彤孫仔鄭志剛、趙式明、林建岳與謝玲玲所生的五個仔女如林恬兒和林心兒、千億新抱徐子淇、九巴新抱雷林靜怡及李嘉欣等。眾靚太中,黎姿雖是三女之母,她以一身露肩黑白千鳥格圖案裙,襯有型皮褸,華麗隨意,實為靚爆美魔女,她更玩得相當盡興,負責揸機與壽星女selfie。



■林建岳與邱德根一家份屬世交,林心兒與林愛兒分別扮rock女及rapper現身。

■三位嫁入豪門的靚太黎姿、徐子淇及李嘉欣與成班富二代阿太影大合照。

■壽星女邱詠賢(中)性感谷胸,與徐子淇(左)合照。


子淇玩性感

另外,徐子淇穿黑色露腰上衣,有點玩味性感,嘉欣就黑白入膊上衣襯裙玩高貴,三位嫁入豪門的靚太各有各靚,而與邱家份屬世交的林建岳子女,林心兒黑皮褸襯黑絲凸顯rock女品味,林愛兒就NBA球衣及長假髮扮rapper現身。撰文:唐如




來源: http://hk.apple.nextmedia.com/entertainment/art/20170320/19963549
子淇 淇嘉 嘉欣 欣閨 閨蜜 雲集 黎姿 融入 靚太 夜宴
PermaLink: https://articles.zkiz.com/?id=328095

5億黎姿性感露肩玩selfie去靚太飯局

1 : GS(14)@2017-03-22 00:31:33

45歲的黎姿今年一月成為上市公司主席,身家跳升至5、6億,上上落落,更連名字都改為「馬黎珈而」。黎姿嫁予富豪馬廷強後,相夫教子又事業有成,完全幸福人辦。成為靚太的她,雖然深居簡出,但其實都好多閨蜜朋友,如:李嘉欣、設計師Bonita Cheung等。邱德根孫女邱詠賢(Wendy)日前post了富太們的生日派對相,靚太雲集,徐子淇、李嘉欣、林建岳女兒林恬兒等,更見到黎姿和Wendy一齊玩Selfie!黎姿着了一件露肩黑白狗牙裙,甜笑負責拎相機自拍。黑白狗牙圖案(houndstooth check)其實向來非常蝦人著,圖案有放大效果,容易顯老及令人著得肥。黎姿露肩裙外披了有型皮褸,髮型亦清爽,華麗隨意中滲出清新甜美。裙子以tweed料為主,相信來自Chanel或Valentino,而Moschino亦有閃片版本。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170320/19963820
億黎 黎姿 性感 露肩 肩玩 selfie 去靚 靚太 飯局
PermaLink: https://articles.zkiz.com/?id=328100

黎姿接手生意曾沮喪

1 : GS(14)@2017-04-12 22:42:37

■黎姿接受財經節目訪問,大談管理哲學。電視圖片



改名馬黎珈而的黎姿(GiGi),現為卓珈控股(8358)行政總裁,昨日接受無綫新聞部財經節目專訪,大談管理哲學。GiGi指胞弟黎嬰發生意外後,自己要接手弟弟的美容生意,當時很多客人要求退款,令她十分沮喪。
GiGi除講到由藝人轉做CEO難處外,更大談她如何在九個月內令公司起死回生,就是「企業化」和「人才」。GiGi說:「我唔想公司滅亡,所以一定要行企業化路線,以前公司係一間十人公司,返工放工時間可以自己調節,講兩句又可以請假。如果以企業經營架構嚟講,咁樣唔得。」她又指「人才」是公司最重要資本,所以人工支出十分重要,是集團收入三成。撰文:魯吉




來源: http://hk.apple.nextmedia.com/entertainment/art/20170411/19986257
黎姿 接手 生意 沮喪
PermaLink: https://articles.zkiz.com/?id=330139

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019