ZKIZ Archives


得500萬禮金 霍啟剛刻薄郭晶晶父母

2012-11-15  NM
 
 

 

霍家大事鋪張為第三代長子霍啟剛迎娶國寶郭晶晶,在中港兩地連續舉行三場盛大的婚宴,豪花千萬,成為近年最豪華的世紀婚禮。但原來風光背後,霍家對女家相當刻薄,貴為香港名門望族,俾親家禮金只有五百萬人民幣,邀請晶爸晶媽來港出席婚禮,只安排他們坐經濟位客機,入住千五元一晚富豪酒店,而霍啟剛同郭晶晶自己就住五萬五千元君悅酒店總統套房,甚至拒絕女家要在故鄉保定舉行多一場婚宴的要求。難怪連日來,郭晶晶父母一直面有難色,沒有半點辦喜事的喜悅。

黑面親家

晶媽晶爸受到男家冷待,週日晚飲完喜酒,口黑面黑返回男家為他們安排入住的富豪酒店。

豪門夜宴

拍拖八年,霍啟剛終於迎娶郭晶晶,由於霍家家世顯赫,分別在政界、商界及體育界都有頭有面,加上會有多位城中超級富豪及政界人物出席,所以婚禮一定要辦得風風光光,而身為霍家揸數人的霍震寰,當然要幫阿哥霍震霆計數,批出千萬在香港及南沙舉行連續三場世紀婚禮的 開支。表面睇,這次霍家娶新抱極盡奢華,但原來霍家只是闊佬自己充撐場面,對女家一直諗縮數慳得就慳。據知霍家一口價以五百萬人民幣做禮金,並無加送豪宅作禮物。「嫁女」非「賣女」,錢多錢少晶爸晶媽其實無異議。

逼坐經濟

禮金唔多,就連招待親家來港觀禮,安排亦求求其其,要他們在婚禮前一日(七日)才頻撲由北京到港,但最意想不到是,霍家為慳少少錢,竟安排他們乘坐經濟客位航機,住宿亦只是每晚房租千五元的富豪酒店普通雙人房,至於一對新人在婚禮舉行這一星期,則入住君悅酒店總統套房,每晚房租五萬五千元。「晶晶父母今次嚟香港嘅嘢,全部由男家安排,佢哋都係去到機場先知原來要逼經濟艙,平時佢哋去旅行,晶晶都會買商務位俾佢哋,等佢哋舒服啲,冇諗過個女婿咁唔識做,但晶晶媽最介意係唔可以同個女住埋同一間酒店,結婚前一晚都冇得陪住個女!」郭晶晶身邊人說。

三日使千萬

全城矚目的「剛晶大婚」,擺足四日三夜,由於有不少政要高官,同超級富豪出席,所以不能失禮,埋單超過一千萬。 8/11霍家大宅註冊場地佈置70萬房車接送15萬自助餐連酒水50萬南沙婚宴酒席(60圍)120萬場地佈置80萬賓客住宿接送40萬煙花匯演150萬接待傳媒10萬香港會展婚宴酒席(150圍)300萬場地佈置100萬賓客接送20萬雜項結婚蛋糕(3個)10萬回禮禮物(普洱茶一罐、糖霜曲奇)50萬保安60萬利是60萬兄弟姊妹團服裝、化妝20萬共:1,155萬

親家無偈傾

上週四(十一月八日)行禮當日,霍家只安排了十六座位旅遊巴,接載晶晶父母同一眾姊妹團一齊到霍家大宅,並禁止將車駛入屋內,要他們在門口落車,情況狼狽。據現場所見,兩親家整日甚少交談,晶晶父母經常自己企埋一邊,到新娘子拖住父親行禮,晶晶母親亦未有表現出不捨心情,沒有感觸落淚,場面毫不 感人。之後在南沙及香港會展舉行的晚宴,晶晶父母被安排坐副主家席,正主家席反而留俾高官政要人物,但最令晶晶父親不滿,是他原本預備上台講出嫁女心情,但男家以時間唔夠為由拒絕,最後只有老爺霍震霆可以上台講話,在香港的晚宴,郭爸爸繼續「被收聲」,反而九唔搭八的董建華有份上台致辭。完成婚禮當晚,晶晶父母第一時間返回酒店休息,但記者見他們完全沒有喜悅神色,似乎對婚禮安排極為不滿。

唔俾鄉下襬酒

「其實晶晶父母最唔滿意,係男家一句都冇問過佢哋意見,後來女家提出想喺鄉下保定搞一場婚禮,但霍家企硬唔肯再俾錢,淨係叫佢哋安排親戚去南沙飲喜酒,但男家睇見個名單又話唔夠位坐,招呼唔到咁多人,搞到晶爸好唔開心,同個女投訴,晶晶夾喺中間,唯有求Kennth(霍啟剛)安撫佢爸爸,最後一人行一步,答應十八號返保定擺番十圍,同晶晶啲親戚食餐飯當交代,但霍老爺同奶奶朱玲玲唔會到,搞到郭家覺得好無面!」郭晶晶身邊人說。只顧霍家面子,對親家愛理不理的霍老爺,更一口否定十八日是女家婚宴,「佢(晶晶)應該嫁咗過嚟(香港),我哋都擺咗幾場,都冇得走回頭路,星期日(十一日)嗰晚已經任務完成咗。」

首飾戴完要還

除了對親家刻薄,霍家對這位國寶級新抱亦未見有特別厚待,像晶晶今次連踩三場婚宴,五套婚紗晚裝不斷循環再著,在紐約購買的婚紗,前後總共著了四次,除了在三場婚宴上著過外,影結婚相都是同一條裙,其餘的晚裝裙起碼著了兩次或以上,與其他豪門新抱徐子淇及李嘉欣相比,可以場場唔同靚衫,果然好「慳」。靚衫都唔多套,晶晶所佩戴的四套鑽飾,亦非過千萬超級名貴珠寶,根據一些專業珠寶鑑證人士表示,新娘子身上大部分的首飾,無論顏色、形狀同體積,只屬中價貨,每件價錢由百幾至幾百萬不等,據知當中有些更是霍家的家產,戴完之後要還,不能據為己有。

環保行頭

霍啟剛與郭晶晶的三場「中港婚禮」,其間晶晶一共換上五套禮服及四套首飾,但大部分在早前影婚紗相時已經出現過,循環再用,非常環保!

著4次

今次大婚,晶晶只購入一套婚紗,早前便穿上在霍家大宅影婚紗相,加埋簽紙註冊、南沙同香港兩日晚宴,一共著咗4次。

著3次

Deep V晚裝是2011年冬季系列過氣款式,晶晶早前著住同霍啟剛在英國影婚紗相。

著2次

在南沙的酒會同會展婚宴的尾聲,晶晶翻炒穿上淺藍色晚裝。

著2次

晶晶在酒店花園欣賞煙花時穿上的白色露肩裙,在北京水立方影的婚紗相中已經出現過,跟葉蒨文在今年7月,為演唱會舉行記招時也著過同款裙。

著1次

晶晶在南沙晚宴中穿的裙褂,是婚禮中唯一一套新衫,只著過一次。

豪門禮金

70年代,朱玲玲下嫁霍震霆,當年男家俾400萬禮金,成為一時佳話,當年這金額,夠買幾幢豪宅,事隔20年,通貨膨脹,李嘉欣、徐子淇等嫁入豪門,禮金全部多兩個零,億億聲起跳。

朱玲玲 400萬禮金

霍英東長子霍震霆迎娶港姐冠軍朱玲玲,當年,霍家在尖沙咀美麗華酒店筵開360席,擺足三日,禮金更高達400萬,當年足夠買起一幢樓。

林青霞 780萬禮金

林青霞下嫁富商邢李『火原』,在美國舉行豪華婚宴,男家出手闊綽,有傳當時女家收到100萬美金禮金(即約780萬港元),並有豪宅 揸手。

徐子淇 1億禮金

恆基二少李家誠迎娶徐子淇,二人在澳洲舉行世紀婚禮,花費近七億,有傳徐子淇除了收取1億禮金,四叔更送上價值五千萬的富匯豪庭俾新抱仔。

李嘉欣 1億禮金

李嘉欣下嫁中建企業集團主席許世勳兒子許晉亨,婚禮在許家的石澳大宅舉行,當時有傳許、李兩家曾為禮金鬧不和,最終許家肯妥協俾出1億禮金。

政商拱照

霍家影響力無遠弗屆,去飲喜酒何止香港三代特首,還有操縱香港經濟命脈的地產商及老牌家族,有如影響力龍虎榜,邊位自認富豪又無被邀請,威極有限。

恆基李家

四叔李兆基再次跟細仔李家誠及新抱徐子淇三人行,但逗留半小時先行鬆人,佢解釋話:「沙聲呀,感冒。」著住Stella McCartney裙的徐子淇見人恩愛,亦不忘曬幸福,「睇到報紙話啟剛愛晶晶一生一世,我問老公會唔會愛我一生一世。」丈夫李家誠即搶答:「當然會啦。」點知徐子淇繼續自爆:「佢話愛我十世,係我逼佢答。」

賭王何家

長實李家

甚少見到長實集團主席李嘉誠出席婚宴飲足全程,今次佢同長子李澤鉅六點十分到達,逗留唔夠十分鐘就閃人,佢邊行邊同記者揮手話:「我趕住第二場,所以要走。」有錢人認真事忙。

新世界鄭家

當年一齊做賭場的彤叔出院無期,幸有跟新郎同屬菁英會的彤叔孫女鄭志雯做代表。她佗住七個月肚,著條香蕉黃的大肚婆晚裝配平底涼鞋,跟鋼鐵大王龐鼎元孫仔老公龐建貽去飲。

 

500 禮金 霍啟 啟剛 刻薄 郭晶晶 父母
PermaLink: https://articles.zkiz.com/?id=39805

霍啟人酒後危駕獲輕判

1 : GS(14)@2010-11-05 00:05:50

http://hk.apple.nextmedia.com/te ... 104&art_id=14624756
【本報訊】已故全國政協副主席霍英東孫兒、立法會議員霍震霆與前妻朱玲玲第三子霍啟人,酒後在西半山失控撞欄,早前在東區裁判法院承認危險駕駛及酒後駕駛罪。裁判官考慮他有真誠悔意,昨判處社會服務令 160小時及停牌 1年,並須參與駕駛改進課程。對於兒子不用受牢獄之苦,朱玲玲在庭外說:「家完咗就好喇。」
霍啟人由母親朱玲玲陪同到庭,判刑前兩人在旁聽席喁喁細語,表現輕鬆,而判刑後霍啟人依舊與母親朱玲玲手牽手離開法院,登上房車離去。
霍啟人父親霍震霆在立法會會議後回應稱,之前已察覺兒子有壓力,「佢比較後生,我諗今次係對佢一個好好嘅教訓,我亦呼籲年輕人唔好酒後駕車」。問到有否對事件感到失望時,霍震霆說:「大家都係父親,大家都希望年輕人經過呢個階段,我諗都係一個成長的階段」。
官指被告悔意真誠

署任主任裁判官胡雅文宣判時說,香港地方不大,飲酒後並無藉口不去乘坐的士,考慮被告顯出真誠悔意,承諾不會再犯,其背景、教育及治療對被告的幫助,適合判處社會服務令,足以反映控罪嚴重性。
資深大律師駱應淦求情指,被告獲英國學校老師高度評價,其精神科醫生亦證明他的抑鬱症病情明顯改善,感化官報告顯示他有悔意,加上其生活規律,獲家庭充份支持,以後會遵守法律,建議判處社會服務令。
案情指被告今年 7月 17日清晨近 7時駕駛寶馬房車沿般咸道西行,左轉急彎時錯踏油門撞向對面圍欄。他下車到便利店買飲品,向店員借用手提電話,其間有途人報警。警方到場,替被告進行呼氣測試,證實有 95微克酒精,將他拘捕。警方在跑馬地警署再測試時,發現其酒精含量 71微克,超標逾兩倍。
案件編號: ESCC3653/10
霍啟 啟人 酒後 危駕 駕獲 輕判
PermaLink: https://articles.zkiz.com/?id=271425

家族基金限住俾霍啟剛拋頭露面郭晶晶3千萬接show養外家

1 : GS(14)@2016-08-03 02:46:52

2016-07-28 NM  

貴為霍家長房長孫的霍啟剛,孭住「霍英東集團」總裁身份,平日唔使點做,頂多偶然出席一些有關體育的活動,但最近竟然要拋頭露面,同老婆郭晶晶夫妻檔接拍大陸真人騷《極速前進》第三季,從未做過幕前的霍家大少爺,同晶晶公然晒恩愛外,仲要扮鬼扮馬和賣命做出多項高難度挑戰。據了解,霍英東的遺產一直由一個遺產基金管理,每個霍家成員,都會按月獲分發一定數量的零用,不過,亦只夠霍啟剛一家三口基本使費,一直是娘家經濟支柱的晶晶,惟有拖埋老公,拋頭露面接真人騷,快賺3千萬養外家。晶晶踎功了得

長駐內地的郭晶晶媽咪,早前由家鄉保定來香港探望外孫仔霍中曦(Lawrence),霍啟剛兩公婆帶埋囝囝,一家三口陪外婆到數碼港草地野餐,但現場所見,當日晶媽心情似乎非常麻麻,冇厘笑容燶口燶面,亦冇同孫仔玩,與女婿啟剛更加零交流,只間中同晶晶講幾句。趁啟剛帶住囝囝去商場買飲品,晶媽又伺機同晶晶講悄悄話,但晶晶卻表現得有些不耐煩,之後更索性攞出電話同人通微信,懶理阿媽。見老公同中曦折返,晶晶隨即走到囝囝身旁,一二三!以國內大媽最強姿勢,擘大雙腿踎低在囝囝面前飲嘢食嘢。晶晶踎功相當了得,足足五分鐘冇換姿勢,亦唔腳痺。

與晶母無交流

晶晶顧住湊仔,晶媽就有如陌生人搭枱一樣,望都唔望,只持續黑住面,猶如無聲抗議。一行人留多半個小時,就執拾離開。據了解,郭晶晶嫁入霍家做孫新抱,禮金只有五百萬,除了拍拖時傳聞霍家所贈的物業,再沒有任何資產增持。每月開銷,只靠霍家遺產基金所分配的十幾萬元「零用錢」,雖然住屋同車都是用「阿公」,其他雜項支出亦可以開公數,但六萬蚊連埋囝囝使費,晶晶可以用的錢根本唔多。事實上,未嫁入霍家前,晶晶因為比賽,獎金可觀,加上接拍大量廣告,當其時確實搵落不少,就算買車買樓,提供一家人優質生活,照樣綽綽有餘。「晶媽以為個女嫁入300億豪門,以後就生活無憂,點知晶晶婚後要湊仔,已經好少接嘢做,收入大減;而霍家嗰邊又冇俾錢養埋晶晶外家,所以晶媽有時都會有怨言。」知情者說。

收入大減

做了霍家新抱後,晶晶以做慈善為主,賺錢的代言工作,目前計只剩得一個廚櫃品牌,收入有數得計。有外家經濟壓力,加上兒子中曦已經三歲,不用時時刻刻要全天候照顧,所以晶晶決定重新「上市」,撞正有大陸真人騷抬錢拍門,晶晶幾經考慮,復出幕前。「其實自從晶晶放聲氣會復工後,好多不同嘅大陸真人騷,都吼住想爭到晶晶嘅第一次(真人騷),不過佢覺得有部分節目主題唔係好啱,所以一直推,直到呢個《極速前進》第三季,標榜以奧運做主題,又去齊十個曾經舉辦奧運嘅地方拍外景,晶晶先覺得適合自己。本來電視台想搵佢嘅跳水拍檔同佢一齊拍,點知晶晶竟然反建議,話搵佢老公霍啟剛做拍檔,更加有新鮮感。「電視台方面聽到呢個組合,當然
家族 基金 限住 住俾 俾霍 霍啟 啟剛 剛拋 拋頭 露面 郭晶晶 千萬 萬接 show 養外 外家
PermaLink: https://articles.zkiz.com/?id=304197

霍啟剛話囝囝等住做大佬郭晶晶月內再做媽咪

1 : GS(14)@2017-04-13 22:40:31

■霍啟剛與郭晶晶於13年誕下大仔,為霍英東家族增添第四代成員。資料圖片



霍英東長孫霍啟剛與「跳水國寶」郭晶晶育有3歲多兒子霍中曦(Lawrence),去年已傳出郭晶晶再度懷孕,二人於11月出席樂施毅行者活動時否認,不過已漏口風。而晶晶上月出席推廣母乳活動時身穿T恤,並刻意以活動宣傳牌遮肚。



■去年12月一家三口在超市購物時,霍啟剛全力照顧囝囝。資料圖片

■霍震霆被問到抱孫一事,全程笑笑口。資料圖片

■3歲多的中曦已期待做哥哥,錫錫媽咪肚子。微博圖片

五人陪月團

晶晶日前被影到和霍啟剛帶囝囝去數碼港艾美酒店參加生日派對,當時晶晶穿黑色鬆身衣服,腳踏平底鞋,腹大如籮。她全程小心翼翼,大部份時間都坐在一旁休息,其間更未有戒口,西瓜、凍飲統統放入口。據知,晶晶預產期在今個月,霍家上下嚴陣以待,已請定五人陪月團,並跟生第一胎時一樣,鎖定在養和醫院自然分娩。內地傳媒更有消息指晶晶今胎陀女,連同大仔湊成一個「好」字。本報昨致電霍啟剛,問晶晶即將生B一事,他匆匆說:「多謝。」之後以短訊回覆:「其實好多朋友都唔知!不管是囝囝或囡囡都一樣咁開心,但係冇第一次做爸爸咁緊張,始終我哋兩個都有經驗嘛。最開心就係Lawrence,每日都等住做哥哥!」他更在微博貼了一幅囝囝錫晶晶肚子的照片,指他每日攬媽媽,一點嫉妒心都沒有。


歡迎生三個

身在外地公幹的準爺爺霍震霆,聽到記者賀他抱孫,他即笑笑口。問到內地傳媒指晶晶今胎生女,他未有否認繼續笑,問是否抱男孫、女孫都沒所謂?他說:「梗係啦。」並透露已開始為BB想中文名,有指霍家傳統要生夠三個,他說:「歡迎,不過要等佢哋決定。」此外,台灣組合S.H.E成員陳嘉樺(Ella)和丈夫賴斯翔結婚4年多,昨日誕下男嬰「勁寶」,Ella經理人說:「謝謝大家的關心,Ella已順利生產,母子均安。」採訪:唐如




來源: http://hk.apple.nextmedia.com/entertainment/art/20170413/19988399
霍啟 啟剛 剛話 話囝 囝囝 囝等 等住 住做 大佬 郭晶晶 月內 內再 再做 媽咪
PermaLink: https://articles.zkiz.com/?id=330416

霍震寰孻仔唔介意姊弟戀霍啟文認戀Mango 「佢係好女仔」

1 : GS(14)@2017-05-13 05:34:06

■Mango昨承認與霍啟文剛開始拍拖,希望大家給予空間。資料圖片



現年36歲的王秀琳(Mango)淡出娛圈,但感情生活多姿多采,對象更非富則貴,由天王級郭富城、太陽娛樂文化老闆周焯華、黃曉明、莊家彬、唐堂及李彩華前男友潘啟翀等。近日,Mango被影到與霍英東孫兒、即霍震寰與陳琪琪所生的29歲孻仔霍啟文在尖沙嘴夜蒲,之後齊齊去九龍塘豪宅區短聚兩小時,離開時,啟文更拖實Mango送她返回灣仔寓所。



■霍啟文是霍英東家族第三代,去年他在內地創業搞跨境商城。微博圖片

不怕被標籤

本報昨日先後聯絡了兩位當事人,一向低調的啟文在電話中起初迴避,再經追問才大方承認二人發展中,他說:「冇幾耐,係朋友介紹識,佢係好女仔,我唔慣應對傳媒。」對於女友年紀大他7年,啟文表示不會驚被人標籤姊弟戀。男友認愛後,記者就找Mango祝賀她有新戀情,她表示:「都係啱啱開始,希望大家畀啲空間。」問到二人感情穩定,她表示:「好開心,其他要講佢都講咗,唔講咁多喇!」提到男友讚她是好女仔,Mango好受落:「佢都係好男仔!」再問到喜歡男友哪一方面,她就不願多講。



■Mango感情生活多姿多采,13年與李彩華的金融才俊前男友潘啟翀拍拖。資料圖片

■10年Mango與富二代唐堂在跑馬地撐枱腳。資料圖片

■霍啟文是霍震寰與陳琪琪(右)的孻子,陳琪琪表示未知兒子有新戀情。資料圖片

陳琪琪唔識

不過,啟文的媽媽陳琪琪就似乎未知兒子與Mango拍拖,她說:「我唔識Mango,亦未見過,唔知係唔係,可能係普通朋友。」據知Mango戀上啟文後,已為嫁入豪門修心養性,即使夜蒲都與男友一齊去。啟文是城中的低調筍盤,家族坐擁300億資產,他畢業於英國杜倫大學金融及會計雙學位,被內地傳媒以「高富帥、低調、穩重」形容,去年他在南沙創業搞跨境商城「自郵行」。戀情方面,他低調處理,曾與賭王三房千金何超雲撐枱腳而傳緋聞。採訪:唐如、小米




來源: http://hk.apple.nextmedia.com/entertainment/art/20170513/20019498
霍震寰 孻仔 仔唔 介意 姊弟 弟戀 戀霍 霍啟 啟文 文認 認戀 Mango 佢係 係好 好女 女仔
PermaLink: https://articles.zkiz.com/?id=332847

城中單身筍盤 霍啟山家族坐擁300億

1 : GS(14)@2017-05-21 00:59:13

賭王三房孻仔何猷啟昨日喺宣佈同拍拖一年嘅外籍女模Angelika分手,回復單身生活,城中又放番個富二代筍盤。講到筍盤,點都要睇成個package……何猷亨賭王四房公子何猷亨喺英國留學返嚟,就幫媽咪梁安琪打理生意,猷亨喺上年同陳瀅分手,雖然被影過與長髮女一齊,不過佢當時話自己係單身,即係仲未揀定啦。霍啟山霍震霆同朱玲玲嘅二公子霍啟山,畢業於英國倫敦大學,家族資產估計逾300億。如果只計個人職務都唔少,包括霍英東集團副總裁、香港菁英會兩岸四地研究會副主席、廣東省政協委員等,上年傳過啟山力追超蓮,不過傳聞曇花一現。楊政龍英皇集團主席楊受成次子楊政龍,除咗係英皇集團企業行政主任,仲係深圳市政協委員,只係英皇集團市值都過150億,條件咁吸引,自然多女埋身,除咗同港姐楊秀惠、女模黎紀君傳緋聞,當時有指楊政龍同超蓮都有感情發展。林作林作自從同麥明詩變番「朋友」,佢嘅感情生活都好似冇乜點發展。要講筍盤都唔可以唔提佢,中學喺英國哈羅公學讀書,之後又喺英國牛津大學畢業,雖然放棄咗大律師專業資格,但就變身咗做補習天王,最緊要係上年林母斥資6,500萬買入3,400呎單位娶老婆。




來源: http://hk.apple.nextmedia.com/entertainment/art/20170520/20027402
城中 單身 筍盤 霍啟 啟山 家族 坐擁 300
PermaLink: https://articles.zkiz.com/?id=333781

許晉亨家族坐擁百億資產霍啟剛長子嫡孫多公職

1 : GS(14)@2017-08-19 19:08:00

香港城中有唔少富豪家族,而佢哋嘅子女雖然被視為豪門少爺同千金,不過其實好多都好能幹,唔止繼承家業,有唔少仲有公職在身。霍啟剛38歲嘅霍啟剛係霍英東嘅長子嫡孫,佢除咗係霍英東集團副總裁之外,佢喺社會有唔少公職,當中就包括香港青年聯會主席、天津市政協委員等,而佢更喺去年嘅巴西奧運做擔任香港奧運代表團團長。許晉亨今年55歲嘅許晉亨係已故船王許愛周幼子許世勳嘅細仔,08年同李嘉欣結婚之後育有囝囝Jayden。而許晉亨現時喺家族嘅中建企業入面擔任董事之一,而家許氏家族資產喺2006年估值達200億港元。莊家彬莊士集團主席莊紹綏嘅長子莊家彬05年加入莊士集團,現於莊士集團擔任聯席董事總經理,而其家族資產估計逾80億元。邱詠筠已故遠東集團創辦人邱德根的孫女邱詠筠,12歲去英國留學,02年喺倫敦大學國王學院畢業後回港,現時擔任遠東發展及帝盛酒店主席,去年仲獲得首屆世界傑出華人青年大獎。




來源: http://hk.apple.nextmedia.com/entertainment/art/20170819/20125848
許晉 晉亨 家族 坐擁 擁百 百億 資產 霍啟 啟剛 長子 嫡孫 公職
PermaLink: https://articles.zkiz.com/?id=340275

「唔會大搞百日宴」霍啟剛湊細女 快辦回鄉證

1 : GS(14)@2017-08-19 19:10:46

■霍啟剛帶同B女辦理回鄉證,之後先送囡囡上車,留下與同行中年婦人在中旅社門外傾談。讀者提供圖片



【爆相爆片】霍震霆大仔霍啟剛與內地跳水皇后郭晶晶結婚將近5年,生了長子中曦,而細女中妍於4月出世,現在接近4個月大了,一家四口湊成一個「好」字。啟剛夫婦一向低調,甚少被影到帶同子女外出,本報讀者黃小姐日前就透過「爆相爆片」撞到啟剛帶了B女中妍去上環中旅社申請回鄉證,當時有工人及一名打扮樸素的中年婦人同行。



■作為哥哥的中曦親吻妹妹中妍,相當溫馨有愛。微博圖片

■霍啟剛與郭晶晶結婚5年,育有一對子女。霍震霆更是有孫萬事足。資料圖片

霍震霆 資料圖片


中年婦協助

根據黃小姐提供的相片,當時啟剛與中年婦人在中旅社門口傾談,黃小姐表示:「佢帶個女去申請回鄉證。霍啟剛去交表,工人就抱住BB喺櫃位影相,佢哋搞咗5分鐘就走,見到霍啟剛負責推BB車,中間見佢仲有同BB玩嘟嘴?BB笑,見佢推嗰架BB車有用到紗巾,但係就有啲殘舊。」之後,啟剛先推BB車離開,中年婦人繼續留下辦理申請,兩人5分鐘後會合,當時BB與工人已不見了,估計已由司機接送走先,而啟剛與中年婦再傾多一陣,就獨自向中環方向急行。


「都攞咗先啦」

本報致電啟剛,問他幫囡囡搞回鄉證是否計劃返內地旅行探親,他表示:「暫時冇計劃去但係都攞咗先啦!肯定有機會去!」再問到霍家有否幫囡囡大搞百日宴慶祝,他表示:「唔會大搞住啦,都係屋企自己食飯,仲係好細呀嘛!」啟剛雖忙搞體育公務,日前就有傳媒影到他與晶晶帶同一對子女去溫哥華度假,同行還有保母及工人,之後兩公婆返港即帶大仔轉機去北京探晶晶娘家,而囡囡就未有同行。採訪:唐如




來源: http://hk.apple.nextmedia.com/entertainment/art/20170819/20125717
唔會 會大 大搞 百日 霍啟 啟剛 剛湊 湊細 細女 快辦 回鄉
PermaLink: https://articles.zkiz.com/?id=340314

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019