ZKIZ Archives


殃及池魚 老千男友再被追債 陳法蓉拖落水

2014-04-17  NM
 
 

 

追過劉嘉玲,又跟陸詩韻拍過拖,○八年和陳法蓉傳婚訊,被指擁有十億資產的富商朱明,金融海嘯後欠下一身債,隨即人間蒸發,再無於娛樂圈蒲頭。日前,朱明又被人在灣仔貼大字報追債,以「港姐陳法蓉前男友朱明再次欠債不還」為題,大數他欠債改名唔還錢種種罪狀,甚至前妻也被拖累入獄。一度公開宣佈要做朱太的陳法蓉,又再慘被拖落水。六千萬債

上週五(四月十一日)中午,於有不少流浪漢聚集的灣仔地鐵站,莊士敦道出口附近,有人不斷將大字標題寫著「港姐陳法蓉前男友朱明再次欠債不還」的A4紙追債大字報周圍貼,由於牽涉陳法蓉,惹來不少途人駐足觀看。○八年,陳法蓉被踢爆跟做食油生意的朱明拍拖,生活愈來愈富貴的她,就算明知男友一腳踏兩船,與年紀細她一截的港姐師妹陸詩韻有景轟,亦忍得就忍,更部署拖埋老豆公佈婚訊,宣示主權,企圖阻截男友在外「搵食」。搶到未必好!未幾,朱明投資失利,被指欠下六千萬巨債並人間蒸發,他旗下的球隊「四海」,亦受影響拖糧唔出。「朱明唔係真名,之前叫陳駿,九七年已經試過欠成千萬數,失蹤過一排又俾佢翻到身,之後又用咗朱明個名做生意;佢背景好複雜,好鍾意識娛樂圈啲女仔,出手又闊綽,郁嚇送Hermes,陳法蓉有年生日,佢開咗廿幾萬紅酒,好肯使錢,所以好多女仔會主動黐埋去。」知情者說。

豪嘆日菜

據瞭解,朱明避債潛水後,陳法蓉一直無法聯絡到未婚夫,之後便單方面宣佈二人已經分手,恢復掛牌,大部分時間在國內開工的她,鮮有在香港蒲頭。「其實朱明呢兩年都有經常喺香港,早排有人見到佢同幾個人喺中環四季酒店稻菊食日本菜,又見過佢同個長髮女仔行太古廣場shopping,佢只係冇再喺以前嘅圈子出現。」知情者說。對於前度欠債被拖落水,陳法蓉只是透過經理人回應。「佢哋分咗手之後就冇聯絡,上年都有人貼過呢啲大字報,我哋本來想報警,不過律師話因為冇涉及人生安全,警方唔會受理,我哋都好無奈。」至於跟朱明拍過拖的陸詩韻,亦以「咩都唔知」回應。

跟錯人

選美標榜美貌與智慧,不過唔少佳麗其實得個殼,有時更為急於嫁入豪門,揀錯人泊錯岸,適得其反。

陸詩韻05年港姐亞軍陸詩韻,經過朱明一役依然未學精,跟大馬商人吳銘偉拍拖三年,原來又係空心老倌,去年初,男方被人貼大字追債。

曹央雲94年亞姐季軍曹央雲,跟商人何永安先後誕下兩女,09年男方搭上公司下屬,並產下一對孖仔,鐵心的何永安最終連兩女的生活費都唔負責。

 
殃及 池魚 老千 男友 再被 追債 陳法蓉 落水
PermaLink: https://articles.zkiz.com/?id=96489

陳法蓉嘆海鮮慶生

1 : GS(14)@2015-10-14 08:03:11

本月28日是陳法蓉(Monica)48歲生日,6年前跟「空心油王」朱明分手後,Monica笑指身邊朋友不斷介紹男仔給她,但她目前享受單身,不心急拍拖。而Monica人緣亦不錯,前晚《蘋果》便發現她與一班好姊妹及友人相約到西貢嘆海鮮,當中包括王馨平、林漪娸、向海嵐、時裝設計師何國鉦及有「少年食神」之稱的Michael(林澄光)。


■單身的陳法蓉獨自赴宴。


前晚約7時半,Monica與向海嵐到埗後,其他人亦陸續抵達,原來大家前晚是為Monica及於本月2日生日的向海嵐一齊慶祝,Monica飯後亦有在微博貼相,多謝老友為她預祝生日。採訪、攝影:畢紹基





來源: http://hk.apple.nextmedia.com/entertainment/art/20151014/19331821
陳法蓉 海鮮 慶生
PermaLink: https://articles.zkiz.com/?id=293174

陳法蓉夥謝賢拍賭劇

1 : GS(14)@2016-03-30 14:42:08

■陳法蓉(右)和向海嵐昨日宣揚禁毒。


向海嵐和陳法蓉昨日代表慧妍雅集,接受網上平台直播節目訪問,宣揚禁毒訊息,陳法蓉透露慧妍雅集之前向保安局成功申請禁毒基金,製作了由向海嵐、曹敏莉、劉倩婷等成員擔任主持的特製節目《解毒》,訪問曾吸毒及戒毒人士。向海嵐和陳法蓉皆由無綫選美出身並已離巢,陳法蓉表示5月會返無綫接拍新劇《賭城群英會》,她透露:「有謝賢、佘詩曼、馬國明,我係其中一位,而飾演我另一半暫時唔講得,係德高望重好有卡士男星,聽講大部份內地取景。」向海嵐於2008年離開,仍未考慮回巢,她表示要遇上合適工作才會考慮。陳法蓉亦說:「真係要啱先,酬勞以外仲有角色、古仔、拍檔。」採訪、攝影:卓寶花





來源: http://hk.apple.nextmedia.com/entertainment/art/20160330/19549317
陳法蓉 夥謝 謝賢 賢拍 拍賭 賭劇
PermaLink: https://articles.zkiz.com/?id=298752

陳法蓉西藏拍戲休克入院

1 : GS(14)@2016-09-01 06:12:05

■陳法蓉近日到西藏高原拍戲,日前在微博貼上騎馬相。



朱玲玲、莫可欣、曹敏莉和劉倩婷等昨日在九龍塘出席慈善活動,原定出席的陳法蓉最近在西藏高原拍電影《駐藏大臣》時出現高山反應,上周曾休克了數分鐘,現須停工留院檢查,她的經理人昨日回覆指陳法蓉已回港醫治,情況轉好。其好友莫可欣表示有聯絡對方:「佢話而家好反覆,希望早日康復。」同場的曹敏莉再次懷孕,現四個幾月,她透露今次第三胎是囝囝,預產期在明年1月。早前有報道指因霍家供給郭晶晶的零用錢不足,以至要孖老公霍啟剛接拍內地真人騷幫補,身為奶奶的朱玲玲昨日直指是宣傳伎倆,但就沒有正面回答是否真有其事。至於次子霍啟山的感情狀況,朱玲玲笑說:「佢冇帶女朋友見我,我都經常喺佢啲朋友口中問啟山拍拖未,佢啲朋友都話冇。」採訪:卓寶花攝影:陳志嵐


■陳法蓉昨日透露因高山反應而留院,更全面停工。微博圖片

■莫可欣盼陳法蓉早日康復。

■(左起)懷着第三胎的曹敏莉、劉倩婷、朱玲玲和王愛倫等為慈善出力。



來源: http://hk.apple.nextmedia.com/entertainment/art/20160831/19754672
陳法蓉 西藏 拍戲 休克 入院
PermaLink: https://articles.zkiz.com/?id=306910

黑仔陳法蓉機上狂嘔

1 : GS(14)@2016-09-09 05:09:14

陳法蓉下月28日50歲生日,最近她到了西藏拉薩拍攝電影《駐藏大臣》,初到埗期間,她曾反覆出現高山反應,更試過休克,被迫暫停拍攝工作,經理人公司安排了她回港休息一星期,狀態已好轉的她,日前又飛回西藏開工。今次再去西藏,陳法蓉做足準備,不過運氣欠佳的她又遇上天氣問題,乘坐的飛機一直在天空盤旋,要三更半夜先落機,她昨日凌晨3時在微博留言:「中午1點出發,晚上6:30才能登機,好不容易晚上12:20在拉薩上空盤旋,卻突然廣播:雷雨!轉飛四川……剛下機,迷茫……在飛機還吐了……難度飛機上也高反(高山反應)?」撰文:鍾國仁




來源: http://hk.apple.nextmedia.com/entertainment/art/20160908/19763470
黑仔 陳法蓉 機上 狂嘔
PermaLink: https://articles.zkiz.com/?id=308212

梁佩瑚爆港姐黑幕陳法蓉違規講大話

1 : GS(14)@2016-09-09 05:36:48

■梁佩瑚擔任有線節目嘉賓,大爆黑幕。



有線節目《娛樂熱辣辣》的「絕密真相」邀請89年港姐季軍梁佩瑚擔任嘉賓,大爆當年選美黑幕,自揭與她同屆冠軍陳法蓉違例拍攝周刊封面,事後還當眾落淚扮委屈!梁佩瑚不諱言當年選美規矩嚴厲,不准佳麗私下接受傳媒訪問,她說:「當時有周刊搵我影封面唔敢應承,對方仲游說我話陳法蓉都拍咗,我話冇可能,點知後來真係見到佢做封面。」梁佩瑚記得當時保母拿着周刊大興問罪之師,陳法蓉自辯說是參選前為模特兒公司拍的舊相,還激動落淚表現委屈。梁佩瑚笑說:「點知畀我哋發現佢崩左嘅手指甲,同佢所謂舊相上嘅指甲一樣咁崩囉,估唔到可以咁複雜!」



■梁佩瑚(左三)揭陳法蓉(右二)參選違規接受周刊訪問。資料圖片

■(左起)楊玉梅與施綺蓮及吳綺莉同屆,她稱當年選美大開眼界。資料圖片


匿廁所打給男友

重提當年舊事,問梁佩瑚可擔心陳法蓉會嬲?她昨日透過短訊說:「只係講曾經感受過嘅故事,唔係乜嘢黑幕。同佢冇心病,而家又唔係細路咯,就快50歲,怕乜佢嬲呀,唔會啦!」節目中,梁佩瑚透露當年保母手上有一本操行簿,記錄佳麗操行供評判查閱,她爆自己經常匿廁所和男友講電話,所以操行麻麻,她解釋:「我唔係壞分子,係百厭箒,所以我成日講笑,如果有黑幕我就攞第一嘞。」對法蓉違規仍得冠軍,可有不甘心?梁佩瑚說:「冇㗎,我都冇諗過攞獎,大家睇番當年啲帶,我300度近視都冇戴隱形眼鏡,上台走錯晒位,攞第三都好開心。」記者曾致電陳法蓉,但未獲回覆。


亞姐倒痕粉打交

此外,亞姐方面原來也有操行簿,而操行最差的是90年楊玉梅那一屆!身在內地的楊玉梅接受電話訪問時透露:「同我同屆參選嘅有吳綺莉、施綺蓮、陳寶蓮等,我哋嗰屆好精采㗎!有佳麗用鉸剪剪爛其他佳麗嘅衫,等佢出唔到場,又有人倒痕粉落人哋件衫度,等佢當眾出醜,仲有人打交,真係大開眼界!」採訪:嵐山




來源: http://hk.apple.nextmedia.com/entertainment/art/20160909/19764818
梁佩 佩瑚 瑚爆 爆港 港姐 黑幕 陳法蓉 違規 大話
PermaLink: https://articles.zkiz.com/?id=308345

陳法蓉反擊梁佩瑚搞事

1 : GS(14)@2016-09-14 05:52:13

資料圖片



89年港姐季軍梁佩瑚日前接受有線訪問爆選美黑幕,指當年同屆冠軍陳法蓉違例為周刊影封面,事後又扮委屈解釋是舊相,她在節目說:「點知畀我哋發現佢崩咗嘅手指甲,同佢所謂舊相上嘅指甲一樣咁崩囉!」陳法蓉昨在微博反擊:「吃不到的葡萄是酸的。天下本無事,奈何多庸人自擾。唉……」而梁佩瑚則以短訊回覆本報:「冇回應!中秋節快樂!」採訪:皓騫




來源: http://hk.apple.nextmedia.com/entertainment/art/20160914/19769895
陳法蓉 反擊 梁佩 佩瑚 瑚搞 搞事
PermaLink: https://articles.zkiz.com/?id=309053

港姐黑幕事件護陳法蓉蔡少芬駁梁佩瑚 不知所謂

1 : GS(14)@2016-09-17 17:33:01

■蔡少芬(右)為老友陳法蓉(左)護航,直言要「錫番同支持佢」。資料圖片



梁佩瑚早前在有線節目爆當年選港姐黑幕,暗指同屆陳法蓉(Monica)疑違規為雜誌影相又扮委屈。事後陳法蓉在微博神回﹕「吃不到的葡萄是酸的。天下本無事,奈何多庸人自擾。唉……」好姊妹蔡少芬(Ada)和洪欣聯手抗梁,Ada在微博寫道:「四個字──不知所謂!」



■梁佩瑚早前指陳法蓉當年選美時違規為雜誌影相。資料圖片

■明日是蔡少芬的43歲生日,古仔(右)和張智霖為她預祝。

■DaDa前晚輕露性感,以黑色露肩長裙現身首映禮。


再講冇意思

前晚Ada與古天樂、張智霖、陳靜(DaDa)、盧海鵬、蔡潔等在旺角出席電影《S風暴》首映,Ada否認生氣,她說:「唔係好嬲,嗰日我喺北京宣傳,瞓醒一開微博見到阿Mon咁講,覺得好不知所謂,唔使理,知足常樂。」Ada表示有見過梁佩瑚,但不認識,強調是對事不對人,她說:「我嘅心態係開心就得,成件事好無奈,已經係20幾年前嘅嘢,都好奇怪,講出嚟冇意思,最緊要唔好傷害人,我都係想錫番阿Mon同支持佢。」問會否了解真相?Ada坦言:「唔會特別問。」


收壽包慶生

Ada明天43歲牛一,前晚大會送壽包預祝,Ada透露正日會與家人慶祝,她說:「老公唔係浪漫嘅人,但今年生日想要一樣嘢,要訂嘅,唔知得唔得到。」是否想生多個BB?她笑說:「唔會搵自己嚟辛苦。」
DaDa自從奪得金像獎最佳女配角後,成為電影界搶手貨,最近自己有份參演的新戲《S風暴》和《此情此刻》同期上映,前晚她收起性感,穿上露肩黑色長裙現身。而在戲中與盧海鵬有不少對手戲的蔡潔則獲男友王宗堯到場支持,兩人十指緊扣任影,大晒甜蜜。古天樂早前與古巨基合唱《當年情》,古仔直言好感激張國榮當年一手提攜兩人,特別唱此曲悼念對方。問有沒有機會現場演繹?他認真地說:「唔好搞呢啲,錄歌已經好破天荒。」在旁的張智霖則抵死搭訕道:「我都好想同古仔合作,下次演唱會搵佢做嘉賓。」採訪:張俊銘攝影:沈健程




來源: http://hk.apple.nextmedia.com/entertainment/art/20160916/19771923
港姐 黑幕 事件 陳法蓉 蔡少芬 駁梁 梁佩 佩瑚 不知 所謂
PermaLink: https://articles.zkiz.com/?id=309380

選美恩怨告一段落陳法蓉話梁佩瑚道歉

1 : GS(14)@2016-09-30 08:09:04

■陳法蓉早前在西藏拍劇時患上高山症,有死過翻生感覺。



陳法蓉、李姿敏、呂良偉夫婦及多位應屆港姐、港男,前晚在尖沙嘴出席微笑行動慈善籌款活動開幕禮。陳法蓉接受訪問時表示,早前在西藏開工時遇上高山症,情況危急至停工,目前仍未康復,她說:「再去西藏拍劇時心理壓力好大,真係好驚死咗喺上面。劇組安排咗隨團醫生,又專登為我跳拍同刪減戲份。」



■陳法蓉前晚解釋朱潔儀和梁佩瑚的選美「指控」。資料圖片

■李姿敏三心兩意,想在澳洲,又想在峇里舉行沙灘婚宴。

■李姿敏與準夫婿賀賢年齡相差24載,現仍未決定大婚日子。資料圖片


寸朱潔儀冇根據

被問到早前遭同屆港姐季軍梁佩瑚開名指選美時違規,私下影雜誌封面時,陳法蓉說:「新聞報道時我喺西藏已經病發,廿幾年前嘅嘢,我唔敢講每樣嘢我都記得好清楚,但兩個星期前梁佩瑚就透過一位我好尊重嘅前輩轉發訊息畀我,話其實內容裏面都係人哋講佢知,帶畀我好多麻煩,要同我講聲對唔住,仲話個訊息係可以公開嘅。我的確同梁佩瑚係冇來往,佢亦冇我電話,要透過人哋先搵到我聯絡,覺得佢都有誠意道歉,件事已經告一段落。」同時間另一位前港姐朱潔儀亦爆陳法蓉選美時食煙,被保母發現即嫁禍到別人身上,陳法蓉表示有看過報道,但所講的人九成以上都無名無姓沒有根據,所以沒有必要為無中生有的事情作回應,她說:「我唔會係隊支煙畀人哋嗰個,你哋應該問番朱潔儀,唔係人哋講就係真㗎嘛。」


李姿敏嫁練馬師

另外,前港姐亞軍、28歲的李姿敏日前公佈明年下嫁52歲澳洲籍練馬師賀賢,她昨晚戴着訂婚鑽戒到場,透露是在日本旅行時求婚。李姿敏說:「未定日子,自己三心兩意,又想澳洲又想峇里搞沙灘婚宴,最想係搞個露天婚宴,然後返香港擺酒。」她又透露跟未婚夫曾分手兩年後復合,婚後有計劃生育小朋友。採訪:卓寶花攝影:沈健程




來源: http://hk.apple.nextmedia.com/entertainment/art/20160930/19785838
選美 恩怨 告一 段落 陳法蓉 話梁 梁佩 佩瑚 道歉
PermaLink: https://articles.zkiz.com/?id=310732

陳法蓉 梁佩瑚 爆27年恩怨 朱潔儀再揭港姐情仇

1 : GS(14)@2016-10-05 05:32:09

2016-09-21 EW
近日港姐新聞仲好睇過無綫的連續劇!

繼今屆冠軍馮盈盈於網上爆粗,上屆冠軍麥明詩與男友林作鬧分手後,連幾位二十多年前的港姐亦忽然被翻舊帳!

話說89年港姐季軍梁佩瑚,早前大爆同屆冠軍陳法蓉係大話精,引發陳法蓉與好姊妹蔡少芬及洪欣接連「開火」反擊。

日前一位前港姐再向本刊爆料,指當年陳、梁還發生爭衫事件,又指亞軍朱潔儀和「最上鏡小姐」翁慧德亦「唔妥」陳法蓉。本刊致電朱潔儀查詢,她直指當年佳麗間常明爭暗鬥,還大爆曾遭佳麗陷害。

一班女人齊齊爆seed,恩怨情仇真人騷,真係成地都係花生殼呀!

與梁佩瑚玩撞衫

梁佩瑚早前接受有線電視訪問,大爆27年前同屆港姐冠軍陳法蓉,在參選港姐期間,曾私下替雜誌影相,被揭犯下港姐規條後,先講大話掩飾,繼而扮委屈落淚。

訪問播出後,引起軒然大波,被指是大話精的陳法蓉先在微博還擊,指有人「吃不到的葡萄是酸的。天下本無事,奈何多庸人自擾。唉‥‥‥」其好姊妹洪欣亦po文力撐:「這種人,是活得太無聊,想借別人來宣傳自己吧。」陳的另一位好姊妹蔡少芬也po文說:「四個字,不知所謂!」幾位平時謹言慎行的女人,在網上你一言、我一語,隔空開火。

本刊獲一位前港姐爆料,指陳法蓉與梁佩瑚多年來一直有心病,當年一次「撞衫」事件,更令二人積怨加深。「佢哋當年已經唔係咁啱key㗎啦,阿Bel﹙梁佩瑚暱稱﹚心直口快,有嗰句講嗰句,阿Mon﹙陳法蓉暱稱﹚就好勝,乜都鍾意鬥。有次阿Bel着咗條紅色裙出嚟,阿Mon見到猛讚靚,點知阿Mon之後去日本買咗條一色一樣嘅裙,仲要着住出席公開活動,阿Bel知道後咪嬲爆囉!」

與翁慧德面左左

這位前港姐繼續爆料,指除了梁佩瑚公開「唔妥」陳法蓉,同屆的最上鏡小姐翁慧德和亞軍朱潔儀亦與陳法蓉不咬弦。「阿Mon係冠軍,好自然有種氣焰,Wanda﹙翁慧德洋名﹚都頂佢唔順,兩人喺鏡頭前可以笑晒口,好似好friend咁,但鏡頭後就馬上黑面。阿Mon同Donna(朱潔儀洋名)嘅關係亦唔好得去邊,佢哋兩個當選後,被分派到劇組,90年Donna同萬梓良、周海媚等拍攝台慶劇《笑傲在明天》,據知阿Mon知道後,曾經打電話畀Donna,話係自己冇時間接拍,個角色先『彈』咗畀Donna,Donna只係執佢二攤演出,激到Donna紮紮跳。

「仲有單㗎,話說阿Mon同Donna都有髮型贊助,有次Donna 搵髮型師Mark Kim剪頭髮,點知阿Mon收到風又打畀Donna,話:『你(朱潔儀)呢啲乖乖女唔啱佢(Mark Kim)』,Donna一頭霧水,最後發現原來阿Mon鍾意Mark Kim,驚Donna同佢爭。」

朱潔儀被勸退選

本刊致電朱潔儀求證,她只淡淡的說:「嘩!都過咗咁多年,邊記得咁清楚,況且我都唔係記仇嘅人。」但她就自爆參選期間曾遭其他佳麗欺負。

「參加選美活動,預咗佳麗之間會互相競爭,同埋有是非。不過有啲佳麗嘅行為好過份,記得入咗決賽,有幾個佳麗打畀我,話三甲一早內定晒,勸我退選,無謂嘥時間,我梗係唔信啦!又有次喺綵排期間嘅休息時間,有個佳麗食食吓煙,突然叫我幫佢揸住支煙喎,好彩我冇接咋,轉個頭啲評判就出現喺我哋面前,如果我幫佢揸住支煙,真係水洗都唔清呀!不過,所有嘢已成過去,大家既然有緣相識,與其嗌交,不如得閒坐低飲吓茶好過啦!」

本刊亦曾就以上傳聞聯絡陳法蓉和梁佩瑚,陳法蓉助手表示不會再就事件回應,而梁佩瑚則至截稿前仍未回覆。

各自各精采

89年港姐在27年後,人氣突然回升,其實多年來各人都不時有現身社交圈派對,各自都有自己的小天地。

冠軍 陳法蓉49歲

曾與倪震、許晉亨及商人朱明拍拖的她,感情依然未有着落,今年七月卸任慧妍雅集會長一職,到西藏拉薩拍攝電影《駐藏大臣》。

亞軍 朱潔儀49歲

仍是單身的她,水墨油畫樣樣皆精,又不時應邀到各地參與畫展,多年來積極參與慈善活動和社交圈派對,生活悠閒。

季軍 梁佩瑚46歲

當年星路平平,直到2001年轉型做才女,推出超過50本著作。今年四月突然在三亞閃電下嫁蒙古商人郭雲飛,成為人妻。

撰文☆名人組 設計☆蔡宛真
陳法蓉 梁佩 佩瑚 27 恩怨 朱潔 潔儀 儀再 再揭 揭港 港姐 情仇
PermaLink: https://articles.zkiz.com/?id=311028

朱潔儀否認唱衰陳法蓉

1 : GS(14)@2016-10-10 04:28:34

朱潔儀(圖)、鄺美雲、關之琳、甘比、張玉珊和何超瓊等,昨晚在尖沙嘴出席慈善晚宴。朱潔儀否認有爆料指當年陳法蓉(Monica)選美時食煙:「大家太敏感,我從來冇指名道姓話邊個,Monica都唔食煙。」鄺美雲全身鑽飾搶鏡,她表示自己很惜食:「我返屋企食飯,食幾多叫工人姐姐煮幾多,姐姐慣煮得多,佢哋要食晒,佢哋食到肥晒,呢排8點後唔食嘢減肥。」




來源: http://hk.apple.nextmedia.com/entertainment/art/20161009/19795189
朱潔 潔儀 否認 唱衰 陳法蓉
PermaLink: https://articles.zkiz.com/?id=311304

又嚟角度的重要性陳法蓉自拍變梁思浩

1 : GS(14)@2016-10-14 06:52:20

今年六月,陳法蓉就喺微博上載咗一張相,當時驟眼望落去,已經覺得張相好似梁思浩。前晚,陳法蓉再喺微博上載咗四張相,除咗佢同好姊妹Ada同朱茵攬住米老鼠嘅合照外,其中一張佢攞住米老鼠嘅甜品相,呢個角度又係好似梁思浩。




來源: http://hk.apple.nextmedia.com/entertainment/art/20161014/19799841
又嚟 角度 重要性 重要 陳法蓉 自拍 變梁 梁思 思浩
PermaLink: https://articles.zkiz.com/?id=312017

冇着制服外套出慧妍活動小冰淚控陳法蓉「好似慈禧咁喝人」

1 : GS(14)@2016-11-26 13:51:10

■梁小冰昨日被陳法蓉訓斥沒穿外套,面燶燶離場。DV圖片



梁小冰昨日在大角嘴出席「東華三院慧妍雅集善膳軒命名典禮」,同場的一班前港姐都都穿上一式一樣的上衣連外套,惟獨小冰沒穿外套,更拒絕跟陳法蓉合照。小冰受訪時破口大罵陳法蓉見到她沒穿外套後,當面訓斥她,小冰強烈要求對方道歉。


要求道歉

小冰說:「我係直腸直肚,佢(陳法蓉)問我做乜唔着制服,咁我覺得熱,所以除咗件外套喺車,但佢就兜口兜面咁、不識大體訓斥我,一嚟到就話我,其實有乜事可以側面講,唔應該咁講。」她續說:「其實冇人話畀我聽要一set咁着,但佢都應該要好有禮貌咁講囉,就算幾熟嘅朋友都要保持禮貌,所以我就拒絕(合照),亦唔需要合照。」之後小冰要求陳法蓉道歉:「當然要啦,私底下我會打番電話畀佢溝通,任何一個會員都要以禮相待,唔應該大庭廣眾咁去講。」她越講越勞氣:「你睇我㷫到,我係直腸直肚囉,好易俾撻着,亦都好易氹番,我唔可以硬㗎,要軟囉,錫我嘅朋友都清楚,其實唔可以咁倔咁直㗎嘛,冇可能做到朋友!」



■陳法蓉(左)自言無權去訓斥任何人。

【唔肯合照】■梁小冰(右一)被陳法蓉(左一)當眾訓斥後,拒絕走近合照。


退出慧妍

前任慧妍會長陳法蓉聽到小冰不滿被訓斥,只是哈哈兩聲:「喂,呢個係佢個人感受,我唔會否定嘅……我冇去訓斥任何人,亦冇咁嘅權去訓斥任何人。」對於被小冰指冇禮貌,她聞言一呆並苦笑:「嗱,OK,不如叫埋佢入嚟吖。」事後小冰接受本報電話訪問時,聲淚俱下:「佢可以拉埋我一邊講,而唔係當眾鬧我。佢唔尊重我,又鬧我。我冇諗過佢好似慈禧太后咁喝人!佢之後仲話我,做乜搞到件事咁大!如果佢唔向我道歉、唔反省,我係唔會原諒佢!」梁小冰昨晚再在微博表示:「如果你毫無悔意,以後我唔會再出席慧妍雅集所有活動,亦退出唔做會員,因為我唔會俾任何無修養的人再一次傷害自己!」採訪:羅慧敏攝影:陳慧安




來源: http://hk.apple.nextmedia.com/entertainment/art/20161126/19845674
冇著 制服 外套 出慧 慧妍 活動 小冰 冰淚 淚控 陳法蓉 好似 慈禧 咁喝 喝人
PermaLink: https://articles.zkiz.com/?id=317098

向海嵐撐陳法蓉唔係惡

1 : GS(14)@2016-11-27 14:27:43

■向海嵐與林嘉華昨到電台宣傳舞台劇。



梁小冰前日出席慧妍雅集活動時,指被陳法蓉破口大罵她沒穿外套制服。前晚陳法蓉於微博否認指控,並回應:「莫名其妙。」氣得小冰力斥她擘大眼講大話。向海嵐昨與林嘉華到新城宣傳舞台劇《嬉春酒店》,對於前日慧妍雅集風波,向海嵐力撐陳法蓉說:「佢(陳法蓉)一向好爽朗,腍善如羔羊,可能純粹係一句說話,慧妍出活動都想整齊,大家着制服,見到一個冇着就咦……點解冇着啫,唔會係惡意,陳法蓉份人好溫馴,俾人恰就有份。」對於小冰激動爆喊,向海嵐說:「可能聽到句說話有唔舒服,唔好諗太多……佢講嘢大聲,但唔係惡嘅。」採訪、攝影:卓寶花




來源: http://hk.apple.nextmedia.com/entertainment/art/20161127/19846685
向海 嵐撐 陳法蓉 唔係 係惡
PermaLink: https://articles.zkiz.com/?id=317221

陳法蓉斥梁小冰作料

1 : GS(14)@2016-11-29 00:14:36

■陳法蓉昨再開火,講外套事件。資料圖片



兩位前港姐梁小冰和陳法蓉日前出席慈善活動,為了「一件外套」嗌交,小冰不滿被陳法蓉當眾訓斥。陳法蓉昨日微博反擊:「咁大隻死貓我真係啃唔落!」當日同場的王殷廷撐陳法蓉:「或者小冰一時間敏感咗啲。」洪欣及朱茵亦讚陳法蓉是個無私的人。小冰昨撰文「一件外套的價值」,她心痛說:「要求一個驕傲自大的人向自己道歉,簡直是癡心妄想!」小冰大爆3個月前陳法蓉半夜曾致電求助,但未有透露詳情,小冰說:「道歉不是要求別人低三下四認錯,而是希望珍惜彼此關係。」對陳法蓉獲友力撐,她說:「想救火就不要再火上加油。」採訪:魯吉




來源: http://hk.apple.nextmedia.com/entertainment/art/20161128/19847441
陳法蓉 梁小冰 作料
PermaLink: https://articles.zkiz.com/?id=317385

同屬港姐冠軍 26年來零交流袁詠儀陳法蓉「最後一吻」

1 : GS(14)@2016-12-04 17:34:15

90年港姐冠軍袁詠儀前日出活動,力撐同屆季軍梁小冰,就外套事件反擊89年港姐冠軍陳法蓉。袁、梁出名牙尖嘴利性格剛烈,亦有嗰句講嗰句,走埋一齊,火花四射,已經唔係濺咁簡單。袁詠儀為咗撐小冰,當眾示意要老公張智霖收聲唔好阻佢發言,加一句「可能有記者喺度佢(陳法蓉)會好啲!」畫公仔畫到出腸。而小冰日前宣佈退出慧妍時曾話:「如果我見到佢(陳法蓉),我驚會好似見到曱甴咁走開!」前日得悉袁詠儀力撐佢之後,更話:「對付呢隻曱甴,太浪費呢張『王牌』,我仲諗住九十歲先用!」連心肝脾肺腎都畫晒。但其實,26年前,8月18日,香港文化中心,袁詠儀同陳法蓉有世紀碰頭一刻,仲有錫錫添!因為當晚係1990年香港小姐選舉,陳法蓉為袁詠儀加冕。之後?之後真係完全搵唔到兩女合照,反而袁詠儀同亞軍翁杏蘭、季軍梁小冰多年一嚟一直都咁friend。物以類聚,人以群分,就係咁簡單。




來源: http://hk.apple.nextmedia.com/entertainment/art/20161204/19854432
同屬 港姐 冠軍 26 年來 交流 袁詠儀 陳法蓉 最後 一吻
PermaLink: https://articles.zkiz.com/?id=318219

【馮仁昭四圍超】陳法蓉對小冰問心無愧

1 : GS(14)@2016-12-06 03:56:22

陳法蓉前晚代表慧妍雅集到將軍澳出席《歡樂滿東華》,之前佢同梁小冰嘅制服風波,陳法蓉有蔡少芬、朱茵等一班老友力撐,而小冰有同屆港姐靚靚袁詠儀幫拖,不過小冰就話唔使出動靚靚張王牌去對付曱甴。被形容為「曱甴」嘅陳法蓉回應話:「我行得正、企得正,問心無愧。」之後佢仲多謝大家關心,咁小事令自己畀人誤會,都有唔開心。撰文:馮仁昭




來源: http://hk.apple.nextmedia.com/entertainment/art/20161205/19855084
馮仁 仁昭 四圍 陳法蓉 對小 小冰 問心 無愧
PermaLink: https://articles.zkiz.com/?id=318358

【馮仁昭四圍超】陳法蓉:冇人肯娶我

1 : GS(14)@2017-01-02 11:51:20

陳法蓉噚日喺尖沙嘴文化中心出席攝影展,仍然單身嘅佢,笑言今年仲未結婚,有兩大個可能性,佢話:「第一係冇人肯娶我,第二係我未遇到一個值得我去結婚嘅人,啲人覺得我好失敗,但我唔覺得,我係一個開心嘅單身女人。」雖然未有追求者出現,陳法蓉話如果遇到,佢唔會主動出擊,除咗因為性格內向,佢仲好享受被人追嘅過程。撰文:馮仁昭




來源: http://hk.apple.nextmedia.com/entertainment/art/20170102/19883772
馮仁 仁昭 四圍 陳法蓉 冇人 人肯 肯娶 娶我
PermaLink: https://articles.zkiz.com/?id=321079

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019