ZKIZ Archives


何傲兒擇偶:真誠專一

1 : GS(14)@2016-02-09 03:35:21

何傲兒與袁嘉敏日前接受有線訪問,去年傲兒的緋聞多多,與林建名「爺孫戀」更成為熱門話題,傲兒坦言為此而感到壓力,她說:「其實老闆冇特別錫我,佢個個都錫,我唔知點先可以阻止到啲報道,不過我好佩服老闆,佢係一個好玩得嘅老人家,值得我尊重。」傲兒還說:「其實我自己唔係拍過好多次拖,一齊過都係一個過程,即使係對我唔好嘅人,我覺得都一定有得着。我希望另一半為人真誠同對我專一。」在過去一年被是非纏身的袁嘉敏,她直言希望猴年減少負面新聞:「我喺大掃除嗰陣都忍唔住喊,諗番上一年好感觸,仲需要專業人士輔導,所以希望今年唔好有咁多是非。」撰文:張悅





來源: http://hk.apple.nextmedia.com/entertainment/art/20160208/19483741
PermaLink: https://articles.zkiz.com/?id=295593

周顯﹕玩「專一」也有好處

1 : GS(14)@2016-05-21 12:43:38

http://www.mpfinance.com/htm/fin ... mnist/en30_en30.htm


【明報專訊】同老友R君吹水,這條友早已經賺夠上岸,不炒細價股了,改為做實業,近來還準備用十幾廿億,成立一個對冲基金
PermaLink: https://articles.zkiz.com/?id=300437

【add】紅人主場:周柏豪 專一暖男

1 : GS(14)@2016-11-10 08:02:46

Givenchy絲絨背心、牛仔褸及運動褲Forevermark鑽石耳環、Encordia Eternity鑽戒



男人三十而立,31歲的周柏豪正值黃金時期,音樂、電影和代言廣告工作不絕,愛情如魚得水,30歲後柏豪對人生的計劃大不同,以前想20歲結婚生仔,現在就更珍惜眼前人,擁抱當下一刻,結婚?「要講感覺,想結就會結。」統籌:林妙萍訪問:顏英儀攝影:郭賢興攝錄:周樂恒、李祉澄化妝:Kris Wong髮型:Cliff Chan of Hair Corner周柏豪天生高大靚仔,具備型男條件,自然吸引一班女粉絲追隨,近日一位癡心粉絲岑小姐於他的facebook瘋狂留言,引起不少網民追看及紛紛留言,「對於我嚟講係一件小事,我每日都喺唔同渠道收到(粉絲)對我嘅一啲愛意,我唔係話我係情聖或者好受歡迎,經理人話呢個歌迷已經喺facebook出現咗一年,可能大家想湊吓熱鬧,我就冇特別感覺,我唔可以阻止大家鍾意我,呢件事要靠時間沖淡。」



Tom Ford西裝Forevermark鑽石耳環、Encordia Tennis鑽石手鏈

Gucci白Tee、熊仔冷衫及波鞋 Givenchy運動褲Forevermark鑽石戒指


正面影響

粉絲的瘋狂留言並沒有嚇怕柏豪,反而更想用自己的影響力幫助別人,「試過有人留言話有個朋友好喜歡我,不過就中風昏迷喺醫院,希望我可以去醫院同佢朋友打氣,我去醫院探嗰位粉絲時,佢知道我喺度,就捉住我隻手,我送咗隻CD畀佢仲拎住睇,不過到我走時佢就再瞓番,幸好呢位歌迷而家已經醒番,之前都探過一個患癌症嘅小朋友,希望佢加油,我寧願花時間喺呢啲有意義嘅事,都唔會理網上無謂嘅回應。」


擁抱當下

後日柏豪便踏入32歲,生日願望沒有想要跑車或名牌,而是希望自己和身邊的人都健健康康,人大了對人生的追求也大不同,「20歲時就希望可以即刻結婚,因為20歲生仔,個仔18歲嘅時候,我都係30幾歲,到時可以養我,細個有一啲好低級嘅人生計劃。而家會更加珍惜家人同朋友,細個嫌時間過得太慢,而家覺得有36個鐘都唔夠用,加上今年發生好多事,好多我識得嘅人都走咗,以前覺得同家人、朋友會好快再見面,唔使咁肉緊嘅,但而家瞓醒覺,下一刻唔知會發生乜事,有時見到朋友好想擁抱佢哋,成日都話擁抱這分鐘,只想身邊嘅人都開開心心。」



■感情低調的柏豪與女友Stephanie拍拖8年,感情穩定。

感情穩定

好多人都會覺得靚仔花心,不過柏豪就好長情,只知道他有一個拍拖8年的圈外女友Stephanie,相當低調又專一,問到幾時結婚?他說:「結婚好講突然間嘅感覺,兩個人click着咗想結就會結,結婚冇得特別去計劃。」雖然同女友拍拖多年,但柏豪還未送過鑽石給女友,「暫時仲未送過,但啱啱出嚟做嘢就喺母親節送過畀媽咪,當時買嗰粒鑽石可能已經係我嘅所有,鑽石不論大細,最緊要係心意。」最近柏豪首次拍電視劇《使徒行者2》,「今次試吓挑戰電視劇,頗有新鮮感,同宣萱、陳豪唔少前輩合作。」2017年是柏豪入行十周年,明年4月將於紅館開個唱慶祝,「上年已經排期,而家開會傾主題、製作,呢個唔單止係一個演唱會咁簡單,亦係我人生或者工作上新嘅一頁,對於支持咗我十年嘅歌迷來講都係一件大事。」


一生中最愛

專一的柏豪最近為鑽石品牌Forevermark廣告聲演,問到他甚麼是永恒,他說:「我覺得回憶係永恒,一直喺我心裏面係婆婆,佢已離開呢個世界做咗天使,因為由細到大一齊相處,陪住我長大、湊大我,對於我來講佢係我嘅愛人,無人可以代替佢,我阿媽都成日會呷醋,由BB到5歲,我都係攬住婆婆嘅大髀瞓覺,感覺好舒服,而家我都要攬住個枕頭先瞓得首着,記得以前放咗工,會約婆婆吃飯,清茶淡飯,已經好開心!」



■柏豪的外婆雖已離開人間,在他心目中卻是永恒的愛。

■柏豪最近為Forevermark廣告聲演。

更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20161110/19828206
PermaLink: https://articles.zkiz.com/?id=314923

王菲專一愛Celine孭新款袋現身愛牌總部

1 : GS(14)@2016-12-11 14:12:51

即將在年底舉行《幻樂一場》演唱會的天后王菲,衣著一向有型有格,無論什麼造型衣服,只要放在阿菲身上,都會變成潮流與時尚,不過阿菲出名愛Celine,無論開記者會、現身機場,又或者行街,都會揀穿Celine。早前阿菲飛了去巴黎,並且現身品牌的headquarters,當時阿菲亦愛牌上身,孭了品牌的Trotteur手袋,所用的拼色設計屬於新季款式,設計簡約實用,線條俐落,備有大、中、小三個呎碼,而阿菲就用了最大的size。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20161211/19861927
PermaLink: https://articles.zkiz.com/?id=319211

CoCo讚猷君專一

1 : GS(14)@2017-01-27 07:40:41

賭王何鴻燊四房孻仔何猷君(Mario)一年換三個女朋友,新任女友、少女標本成員袁紫僑(CoCo)極速獲安排見家長。CoCo昨受訪時承認最初擔心公開戀情後有壓力,更大讚男友專一:「以我認識嘅佢,唔係之前報道嗰啲人(多緋聞),佢會喺生活中畀到驚喜對方,係幾開心嘅。」問到CoCo用「我的狗」稱呼猷君,她解釋:「我男友屬狗,佢身邊好多friend都係咁叫佢暱稱,好似屬豬叫豬豬、小豬咁,但我平時唔會叫,只係覺得emoji好得意。」問到猷君是否結婚對象?她說:「?家拍拖幾開心,但我屋企人未見過佢,父母喺江蘇。」採訪:嵐山攝影:林德雄化妝:King Yip@Kings MAKEUP髮型:Daniel Cheng




來源: http://hk.apple.nextmedia.com/entertainment/art/20170127/19909905
PermaLink: https://articles.zkiz.com/?id=324439

【馮仁昭四圍超】岑杏賢搵男友要專一

1 : GS(14)@2017-03-24 17:08:10

岑杏賢(右)同名模Danielle噚日喺觀塘apm出席復活節活動,大談下廚心得,雖然佢哋都情場失意,但都有勇氣振作起來,岑杏賢話暫時冇人追:「感情事放埋一邊,得閒先諗。最好溫柔體貼,錫我同專一。」佢仲話對識煮嘢食男人加分。問Danielle離婚後有冇追求者?佢話:「我不會說謊說沒有,希望在適當時間遇到對的人,但現時還未準備迎接新戀情。」撰文:馮仁昭




來源: http://hk.apple.nextmedia.com/entertainment/art/20170324/19967853
PermaLink: https://articles.zkiz.com/?id=328675

Next Page

ZKIZ Archives @ 2019