ZKIZ Archives


陳慧嫻登台唱正版《儍女》

1 : GS(14)@2015-03-17 08:48:56





陳慧嫻上周六以一身黑色潮look造型,出席澳門站「寶麗金永恆金曲演唱會」,她笑說:「今日終於輪到我演繹《儍女》,我冇特別用其他新嘅演繹方法,歌迷應該想聽我一貫唱法,話晒係寶麗金金曲,都係懷緬過去比較適合,哈哈!」有玉女掌門人之稱的周慧敏亦首次參與演出,觀眾驚喜尖叫,她說:「之前幾場演唱會都冇參與,今次見番咁多老友感覺好親切。」周慧敏還與李克勤合唱《萬千寵愛在一身》,勾起觀眾集體回憶。同場還有湯寶如赤腳演唱,又與陳曉東拖手合唱《相思風雨中》,令觀眾拍爛手掌。撰文:皓騫





來源: http://hk.apple.nextmedia.com/entertainment/art/20150317/19078601
陳慧嫻 陳慧 登臺 臺唱 正版
PermaLink: https://articles.zkiz.com/?id=288608

【我主場】儍女不再嗌歌陳慧嫻50淡然

1 : GS(14)@2015-11-23 14:19:15

唱片難做,新歌新碟銷量冇保證,入行三十二年的陳慧嫻都要向現實低頭,推出HiFi碟配合市場需要,重新演繹自己的經典金曲。眼看唱片業由高山走到低谷,慧嫻明白現在只有兩種人買唱片,一批是死忠粉絲,一批是HiFi發燒友,現年50歲的慧嫻日前接受本報專訪時慨嘆:「去到我呢種年紀歌手,變咗都要顧及市場,面對現實問題!」撰文:余燕儀



繼去年推出翻唱別人的歌之大碟《By Heart》後,陳慧嫻今次就重新演繹自己的十首金曲推出《Evolve》,日前她在中環接受本報專訪時說:「今次呢隻HiFi碟係翻唱自己嘅歌,重新編曲以唔同方法演繹,唱自己嘅歌更加難。上次我同監製葉廣權係第一次做HiFi碟,大家都係新丁摸索,之後佢幫盧冠廷做嘅HiFi碟好成功,我聽過好鍾意呢隻碟,更加有信心。」



慨嘆冇人買唱片

面對唱片步入夕陽工業,HiFi碟比新碟更有市場,慧嫻慨嘆:「而家只有兩批人買唱片,一批係死忠粉絲,去到我哋呢種年紀歌手,同我哋一齊長大聽歌嘅人,佢哋已經唔會買碟,忙於生活忙於湊仔;另一批係HiFi發燒友,變咗都要顧及市場,今時今日唱片公司冇乜錢賺,因為真係冇乜人買唱片,我哋做歌手都要明白,要面對呢個現實問題。」



■陳慧嫻在八、九十年代唱過多首經典金曲,其中《儍女》早前被李逸朗愁唱而翻hit。資料圖片

■陳慧嫻自嘲冇胸,她認為平平坦坦演繹件衫先靚。



雖然向現實低頭,但慧嫻都有個人堅持:「但我哋唔可能吓吓出發燒碟,今次我肯出,編曲同唱法一定要同以前唔同,覺得首歌有變化先做,唱自己歌嘅難度比唱人哋歌難,因為自己歌唱咗咁多年,再去突破自己係難嘅,所以同監製講編曲一定要畀我新感覺,令我重新愛上呢首歌,我先會識得去唱。」問再唱《儍女》有甚麼新感覺?她說:「唔係以前咁好歇斯底里、好慘喺度嗌晒,今次係好淡然去處理呢段逝去感情,配合番而家年紀同心態唱慘情歌,因為而家嘅我就算有乜事,都唔會大喊大叫。」


■去年陳慧嫻在紅館開了紀念出道三十周年的個唱。資料圖片

讚欣宜唱得跳得

十首歌哪首給她最大感覺?慧嫻說:「《歸來吧》,呢隻同原裝最唔同,用山歌方法嗌到我儍,有啲妖有啲神秘。」不是鄧紫棋(G.E.M.)式的嗌法?她說:「唔係嗰啲,係薩頂頂嗰啲,我覺得G.E.M.嘅唱法冇嘢吖,佢啲歌係咁唱,老實講,歌唱比賽點表現唱功先,一定要大肺好嗌得,人哋先覺得你有功力,淡然唱法喺歌唱比賽可能好蝕底。」問到認為後輩歌手誰唱得好?慧嫻說:「鄭欣宜,我幾鍾意佢,覺得佢好努力,好有音樂細胞,跳舞又跳得好,佢咁嘅size,每個動作都好出,所以我覺得佢真係得。」慧嫻羨慕現在的欣宜不減肥,但她自己仍要為瘦身努力:「冇辦法,我呢個年紀,如果我肥真係會變咗師奶,細路女仲係肥可以接受,得意嘛,我而家肥,人哋唔會講我得意,我屬於要瘦先至靚,睇起上嚟個樣young啲。」減肥是否很辛苦?慧嫻說:「如果辛苦,呢個世界好多嘢辛苦,藝人企上台要好睇,我惟有一定要瘦,希望最好97磅,我好恨手臂瘦可以着冇袖衫,好在肥極有胸骨,着deep V有着數,有鎖骨睇落會瘦,因為我冇胸,事業線好多人有,胸骨睇到唔係人人有,有胸着衫唔係咁好睇,平平坦坦演繹件衫先靚,我唔鍾意大胸大籮。」化妝:Marsha Ma of Kong Chung Ping Makeup School髮型:Tim Lee of Hair Culture服裝:Margarin Fingers of D-mop





來源: http://hk.apple.nextmedia.com/entertainment/art/20151121/19381514
主場 不再 嗌歌 陳慧嫻 陳慧 50 淡然
PermaLink: https://articles.zkiz.com/?id=293876

陳慧嫻加場唔使食

1 : GS(14)@2016-01-18 19:01:33

陳慧嫻原定於3月5及6日於紅館舉行演唱會,現宣佈加開多一場3月4日,慧嫻表示對加場消息感到振奮,要努力答謝大家的支持。她笑說:「我一投入工作就唔使食飯,可以順便keep fit,今次演唱會有好多唔同形象,為咗駕馭到啲骨感嘅衫,而家好努力跟健身教練操fit,加埋控制飲食,只食蛋白同菜,好有成績,不過距離目標仲差3磅,所以農曆新年要戒口,唔可以大吃大喝。」慧嫻透露現正忙於背歌詞,因為會唱一些自己很久沒唱的side track歌曲,為了照顧不同粉絲,又會唱其他歌手的經典歌曲。因為開騷時仍然是正月,慧嫻笑言想仿效譚詠麟去年開演唱會落台開開心心
陳慧嫻 陳慧 加場 場唔 唔使 使食
PermaLink: https://articles.zkiz.com/?id=294495

陳慧嫻過年閉關練舞

1 : GS(14)@2016-02-04 17:24:33

陳慧嫻昨日於尖沙嘴為下月3至7日的四場紅館演唱會排舞,由於歌單不停更改,所以最近才正式排練,她指今次舞步速度比以往快一倍,所以每日排練三小時後,要再回家練習,將勤補拙。服裝方面會比以往性感,慧嫻指磅數跌至103磅後便沒有再跌,她說:「其實每日排完舞同做完gym返去都冇胃口食嘢,最緊要過年時屋企冇我最鍾意食嘅芋頭糕同紅豆糕就得,而家屋企食飯全部都係zero,清菜蛋白。」農曆新年雖然舞蹈員要出埠工作,但慧嫻表示也不敢放假偷懶,會閉關在家排練,至於服裝已經安排好,她笑指暫時鎖骨位置未能放下勞工皂,但已經可以放番皂,會再繼續努力。採訪、攝影:馬建華





來源: http://hk.apple.nextmedia.com/entertainment/art/20160204/19477960
陳慧嫻 陳慧 過年 閉關 練舞
PermaLink: https://articles.zkiz.com/?id=295277

演唱會自揭追仔50歲陳慧嫻想拗直攣男

1 : GS(14)@2016-03-06 16:12:11

■陳慧嫻在演唱會分享媾仔經歷,找到目標卻撞板遇上攣男。


陳慧嫻一連4場的演唱會前晚在紅館開鑼,她將場館打造成紅磨坊佈局,更罕有地性感出場。少有談及愛情的陳慧嫻談到最近打算主動出擊追男仔,可惜卻遇上不可能的任務,原來對方是一名男同志。以百變形象示人的陳慧嫻,先後有阿拉伯造型、天使造型及百老匯舞台服亮相,更在台上表演極速換衫。唱到中段時表演嘉賓李克勤出場,兩人對唱克勤的名曲《月半小夜曲》,之後在台上擁抱。接着陳慧嫻再唱出陳奕迅的《重口味》及欣宜的《你瘦夠了嗎?》,但當唱到自己的首本名曲《儍女》時,台上放出煙花,受到煙霧所嗆,令到她少有地甩嘴。在台上跟fans的讀白中,陳慧嫻提到合作已久的監製病重時,一度感觸落淚,要由工作人員遞上紙巾。



■克勤成為首場嘉賓,與陳慧嫻合唱《月半小夜曲》。

■陳慧嫻形象百變,換了多套舞衣。

■提到病重的監製,陳慧嫻一時感觸落淚。


■(左起)李克勤、盧淑儀及陳奕迅等到場支持,起身拍掌場面熱鬧。

主動出擊撞板

不過陳慧嫻亦有輕鬆一面,她提到近日有「新對象」,她說:「對上一次分手已經係10年前嘅事,呢10年冇搵到過鍾意嘅人。近幾個月卒之見到個有感覺嘅靚仔,佢嘅類型就係我12歲時鍾意嗰種,陽光男孩好貴氣,好似陳百強嘅公子哥兒,又有才華。」自言已經50歲的陳慧嫻表示要主動出擊,在一次約會中大膽問到對方有沒有女朋友,她說:「佢話冇女朋友,不過有男朋友。估唔到10年冇開齋,一開齋就遇到個mission impossible。」表現豁達的陳慧嫻笑言今年51歲生日,不會再像往年般避忌只點一支生日蠟燭。採訪:張俊銘 攝影:沈健程





來源: http://hk.apple.nextmedia.com/entertainment/art/20160306/19518162
演唱會 演唱 自揭 揭追 追仔 50 陳慧嫻 陳慧 想拗 拗直 直攣 攣男
PermaLink: https://articles.zkiz.com/?id=297023

陳慧嫻古董歌媾仔

1 : GS(14)@2016-03-08 00:08:38

陳慧嫻前晚在紅館舉行第二場演唱會,捧場嘉賓有陳志雲、周汶錡、藍奕邦及黎芷珊等。鍾鎮濤(阿B)則擔任表演嘉賓,二人合唱《不可以不想你》,抱抱又錫面。慧嫻笑謂念中學時聽此曲:「我聽呢首歌時應該係中四,好多B哥哥嘅歌我都鍾意。」阿B說:「唔緊要,總有人墊底。」慧嫻聞言即說:「仲有校長(譚詠麟)呢!」B哥哥搞笑謂:「我細細個就聽佢。」慧嫻自爆以前會用《不》曲追求異性:「當時追男仔,喺電台點過呢首歌畀佢聽。」此外,慧嫻唱《儍女》一曲時,原本有配合煙花,但頭場因被煙花嗆到,所以沒再放煙花。採訪:盧妹攝影:仇志德





來源: http://hk.apple.nextmedia.com/entertainment/art/20160307/19519053
陳慧嫻 陳慧 古董 歌媾 媾仔
PermaLink: https://articles.zkiz.com/?id=297165

陳慧嫻向安仔求婚失敗

1 : GS(14)@2016-03-09 16:26:02

陳慧嫻前晚舉行紅館騷尾場,邀許志安及草蜢擔任嘉賓,陳慧嫻自爆曾向安仔求婚:「我哋喺同一間髮型屋整頭,嗰時唔太熟,有次我叫佢娶我,安仔望住我擰頭。黐線㗎以為我講真。」隨後她和草蜢合唱,蔡一傑上前扶她,陳慧嫻笑問:「你哋係咪古時太監?」尾聲時,陳慧嫻介紹擔任音樂總監的何韻詩胞兄何秉舜時主動示愛:「兩個字『傾心』,靚仔、有才華,你落嚟錫我!」但遭對方拒絕。陳慧嫻多次重提遇上一位傾心攣男,問此人是否何秉舜?她說:「唔係,唔好講邊個,係一個秘密,得我知。」採訪:馬建華攝影:陳俊強





來源: http://hk.apple.nextmedia.com/entertainment/art/20160309/19521370
陳慧嫻 陳慧 向安 安仔 求婚 失敗
PermaLink: https://articles.zkiz.com/?id=297371

【馮仁昭四圍超】陳慧嫻進駐比華利山

1 : GS(14)@2017-03-23 06:27:23

現年51歲嘅童顏盛女陳慧嫻近年主力喺內地做騷賺人仔,據知佢最近睇中大埔比華利山別墅嘅租盤,準備同陳豪陳茵媺夫婦、羅仲謙楊怡夫婦做鄰居。消息指慧嫻嘅新屋面積近2,000呎,月租4萬7千蚊,係透過中國康樂園地產搵屋,慧嫻先派助手視察環境,之後自己再去睇樓,日前佢正式搬屋,只見屋入面有好多紙皮箱,但就唔見慧嫻蹤影。撰文:馮仁昭




來源: http://hk.apple.nextmedia.com/entertainment/art/20170322/19965543
馮仁 仁昭 四圍 陳慧嫻 陳慧 進駐 比華 華利 利山
PermaLink: https://articles.zkiz.com/?id=328386

陳慧嫻拎完大獎告別樂壇赴美攻讀心理學

1 : GS(14)@2017-03-23 06:27:23

曾經紅極一時嘅陳慧嫻,喺84年同陳樂敏、黎芷珊組成「少女雜誌」出道,有一隻同名大碟,但組合極速解散,淨番陳慧嫻一個喺樂壇拼搏。努力係有回報嘅,陳慧嫻喺80、90年代嘅金曲,數都數唔晒,《跳舞街》、《儍女》、《紅茶館》、《夜機》等等嘅歌,到o依家仲朗朗上口,成為咗寶麗金一姐。代表作中嘅代表,就肯定係89年嘅《千千闕歌》,呢首歌令佢獲得當屆叱吒我最喜愛歌曲大獎等樂壇大獎。最傳奇一刻喺翌年發生,陳慧嫻好似歌詞咁講「臨行臨別 才頓感哀傷的漂亮」,決定喺事業高峯期退出樂壇,到美國攻讀心理學。直至95年畢業返香港再戰樂壇,推出大碟《Welcome Back》造出四白金(20萬張)的卓越成績。




來源: http://hk.apple.nextmedia.com/entertainment/art/20170322/19966339
陳慧嫻 陳慧 拎完 大獎 告別 樂壇 赴美 攻讀 心理學 心理
PermaLink: https://articles.zkiz.com/?id=328388

【馮仁昭四圍超】陳慧嫻帶病開騷

1 : GS(14)@2017-07-05 03:49:46

陳慧嫻前晚帶病喺澳門開騷,唱咗《逝去的諾言》、《儍女》、《千千闕歌》、《夜機》等金曲,令觀眾如癡如醉。騷後慧嫻同工作人員食消夜慶功,高舉V字勝利手勢,佢喺微博留言:「在氣管炎還沒完全康復之下順利完成!多謝各位朋友知音歌迷的熱烈支持。」並約定歌迷下站東莞見,網友紛留言打氣:「身體不舒服還可以唱的這麼棒!」撰文:馮仁昭




來源: http://hk.apple.nextmedia.com/entertainment/art/20170703/20076651
馮仁 仁昭 四圍 陳慧嫻 陳慧 帶病 開騷
PermaLink: https://articles.zkiz.com/?id=338041

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019