ZKIZ Archives


電視撈飯:撐《舞室保衛戰》發正能量 鄭敬基盧大偉出山拍劇

1 : GS(14)@2013-07-15 22:00:36

http://hk.apple.nextmedia.com/entertainment/art/20130715/18334465

                  由曾志偉碌晒人情卡做監製嘅無綫新劇《Aerobic Girls舞室保衛戰》今日開鏡拜神,前排已經介紹晒劇中七個女主角李若彤、李麗珍、陳慧珊、江欣燕、葉蘊儀、袁潔瑩同張慧儀,而男主角就有吳啟華同鄭丹瑞(阿旦)。

阿旦做李若彤老公

                                    有咁多個女主角,男主角咁少點夠分。劇集另一監製陳維冠透露鄭敬基同盧大偉都有份演出,而甚少拍劇嘅崔建邦都會客串。回流返香港拍第一套劇嘅鄭敬基,喺劇中飾演一個藝術家,會同李麗珍有感情戲。而做司儀叻嘅崔建邦就會扮年輕版嘅鄭敬基,仲會以80年代look出現。至於阿旦就演李若彤個老公,吳啟華喺劇中就俾幾個女主角鍾意,不過就係煩到佢怕咗女人,結果一個都冇揀到。
計起嚟,除咗班女主角好多個都係退隱咗俾志偉搵番出嚟之外,連班男演員都係,不過勝在有啲知名度,之前《金枝慾孽貳》就俾人話二線角色唔夠份量,相信呢個劇冇呢個問題出現。陳維冠仲話,班男演員都知個劇係以女人戲為主,知自己戲份唔太多,不過,因為套劇講幾位女主角無論喺乜嘢階段都可以重新出發,題材好正面,所以都答應演出。
版主:陳基征
2 : VA(33206)@2013-07-15 22:33:14

其實爆棚哥咁燒$可唔可以帶番起TVB?
3 : GS(14)@2013-07-15 23:10:31

2樓提及
其實爆棚哥咁燒$可唔可以帶番起TVB?


唔得,曾生d野過左氣
電視 撈飯 舞室 保衛戰 保衛 發正 能量 鄭敬 敬基 基盧 大偉 出山 拍劇
PermaLink: https://articles.zkiz.com/?id=283325

鄭敬基5.7再婚 孖實揀大床

1 : GS(14)@2016-02-08 03:24:40

■鄭敬基將於今年5月7日迎娶拍拖半年的女友Angie。


踏入猴年,娛圈第一件婚事便是今年53歲鄭敬基,將迎娶拍拖半年、細他19年的圈外女友Angie,婚禮定於5月7日在北角國際神召會堂區舉行。雖然今次是鄭敬基第二次結婚,不過依然保留接新娘儀式,而新郎哥的一對仔女更會擔任兄弟團,至於圈中老友錢嘉樂亦會出席婚禮。



擔心年齡差距

鄭敬基昨在電話中和記者開心share該喜訊:「最初我對呢段關係有保留,始終我同女友嘅年齡有差距,我又離過婚,供緊一對仔女讀大學,我成日同佢講叫佢考慮清楚,佢唔單止包容同接受,仲反過嚟鼓勵我,呢個係上天畀我人生最大嘅gift。」他坦言對未婚妻感覺一見如故,信仰和價值觀都一致,更欣賞對方爽朗簡單的性格,他說:「我有同佢講話我年紀大,可能過兩年會坐輪椅,佢就叫我唔使擔心,無論點都會一齊去面對!」婚禮在即,早前鄭敬基和未婚妻被拍到孖實到銅鑼灣Sogo揀大床,對於婚後會否立即造人?鄭敬基笑言:「我就順其自然,反而女友問過我介唔介意佢唔生!」採訪:王梓嫚



■鄭敬基未婚妻設計的婚禮請柬。

■早前鄭敬基被拍到與Angie(左圖)買大床。DV圖片



來源: http://hk.apple.nextmedia.com/entertainment/art/20160206/19481695
鄭敬 敬基 5.7 再婚 孖實 實揀 揀大 大床
PermaLink: https://articles.zkiz.com/?id=295482

加國預婚巴打找數鄭敬基:我一毫子冇出過!

1 : GS(14)@2016-04-15 04:29:39

2016-04-14 NM

53歲,又離過婚的鄭敬基,下月再做老襯,娶細19年的地產女友Angie。自嘲「又老又冇錢」的他,難得老婆仔唔mind,更為老公慳一蚊得一蚊親手製作囍帖。老婆抵錫,鄭敬基傾盡友情力量,上週同準新娘及雙方親友,在加拿大舉行一個百分百韓式pre-wedding trip,讓女友化身韓劇女角。有個以他為重的老婆,仲有班戥他開心,包起成個pre-wedding使費的好兄弟,鄭敬基在party內對另一半情深表白:「你知我包袱有幾大,但你都可以接受。」兩口子感動到攬到實,半百鄭敬基難得有情人。嘉樂仔做伴郎

鄭敬基半生吊兒郎當,廿年前更因偷食導致離婚。由多倫多回流香港後,亦不停換畫,女友名單不乏圈中人,包括鄧萃雯、鄺文珣。人生下半場,與三十四歲做地產的女友Angie拍拖半年決定拉埋,女友條件好又體貼,但令鄭敬基決定再娶,是對方冇嫌棄年紀大又冇錢。「本來打算唔擺酒,未婚妻仲話:『我喺教會派餅宣布消息就得。』我更加要逼自己唔可以返轉頭,要對佢一條心,就要公告天下。」鄭敬基說。好日子是下月七日,一對新人上午先在北角國際神召會堂區行禮簽字,晚上設宴十圍招待至親摯友,伴郎「南山三虎」錢嘉樂走唔甩,他一對廿多歲仔女亦會做戥 穿石。冇錢唔緊要,鄭敬基肯花心思,一樣氹到另一半冧爆。上個禮拜,鄭敬基偕未婚妻飛加拿大,出席佈道會同教友分享,實情是搞pre-wedding party氹老婆。

抄足《浪漫滿屋》

Party於香港時間四月八日晚在多倫多一酒店舉行,出席者包括雙方親友,及鄭敬基當地的「巴打」。鄭敬基吹雞搞party,但他竟然一毫子冇俾過,一班朋友負責全部使費兼安排行程,更刻意安排準新娘一嘗做韓劇女角滋味,令也是韓迷的Angie冧晒。從party場內的片段可見,現場氣氛有如韓劇《浪漫滿屋》一樣浪漫;雖然只是預婚派對,但一對新人進場、上台合巹交杯、互餵蛋糕、祝酒等等,過程跟正式婚宴 無異。

讚老婆完美

席上,準鄭太公開多謝出錢出力的賓客。「多謝你哋經常咁幫佢,尤其喺佢孤單時候陪佢飲咖啡,飲到佢咁醒(全場爆笑)。」讚醒目未夠,Angie更當眾表白:「你唔需要成功,唔需要完美,你已經對我好重要,因為你係神為我預備嘅 伴侶。」之後鄭敬基攬住老婆跳舞唱《酒杯敲鋼琴》,又一邊對住老婆唱《為你鍾情》,一邊講:「佢對我真係好包容,佢知我包袱有幾大,但佢全數接受,想話俾大家知,你(老婆)真係接近完美。」二人隨即攬住喊晒。

一毫子冇俾

鄭敬基接受本刊長途電話訪問時說:「我哋喺呢邊仲影多咗輯新嘅結婚相,影相嗰日得零下六度落緊雪,好凍但好靚。攝影師想有韓劇feel,就算漫天風雪,都有我撐起另一半,要佢幸福,感覺真係好正。呢個trip我哋仲坐直升機環島、去睇NBA同影呢輯相,仲有成個pre-wedding晚宴啲費用,我真係一分一毫冇出過,全部係朋友嘅心意。」鄭敬基自認「冇樓冇車」,下月的婚禮亦慳得就慳,但因為朋友多,禮服、婚紗、首飾通通有贊助,而囍帖則是未婚妻親手製作,自己黐黐貼貼,賢內助。

專食花旦

鄭敬基唔高大亦唔靚仔,但識氹人,更是「花旦殺手」。

撰文、攝影、攝錄:娛樂組
加國 預婚 婚巴 巴打 打找 找數 數鄭 鄭敬 敬基 我一 一毫 毫子 子冇 出過
PermaLink: https://articles.zkiz.com/?id=299264

53歲再婚 子女陪行禮鄭敬基走音娶老婆

1 : GS(14)@2016-05-08 14:53:58

【老婆錫錫】■53歲鄭敬基昨日迎娶年輕19歲女友Angie,見新娘當眾錫老公面頰,便知她對鄭敬基冧到爆。



鄭敬基(Joe)年屆53仍一副童顏,就算跟年輕19歲的圈外女友Angie拍拖,也不覺二人有年齡差距。昨日,Joe跟拍拖未夠一年的Angie在香港舉行婚禮,他與前妻所生一對子女均有前來賀爹哋再婚。雖然鄭敬基是歌手出身,但昨日接新娘唱情歌時竟失手走音,要重唱一次始順利過關,再做老襯的他更喜孜孜地說:「今次好似中咗金多寶咁!」


八十年代與黃寶欣合唱hit爆K歌《酒杯敲鋼琴》的鄭敬基,去年6月在教會做分享,因而認識了年輕19歲的圈外女友Angie Mack,鄭敬基雖年屆53歲兼又曾結過婚,與前妻生下一子一女,但依然深得Angie歡心,二人拍拖僅半年,Angie便決定跟鄭敬基閃婚。昨日是鄭敬基大喜日子,好友錢嘉樂不但擔任伴郎,更充當花車司機,於昨日一早隨新郎和戥穿石浩浩蕩蕩前往大潭陽明山莊接新娘,並全程在facebook直播。鄭敬基先以1,825港元給姊妹團作開門利是,繼而再過三關,包括騎膊馬食提子、跳勁舞和獻唱一首由《多啦A夢》改編的情歌;不過,未知是否過於緊張,歌手出身的鄭敬基竟唱到走音,新娘不收貨要他重唱,結果鄭敬基重新演繹一次始成功接到新娘。



【挽父進場】■婚禮開始時,新娘子挽住父親臂彎進場。

【交換戒指】■一對新人講完「我願意」後,隨即交換戒指。

【晚上 敬茶】鄭敬基昨晚在fb上載在陽明山莊的敬茶相,新娘子明艷照人。



「好似中金多寶」

接新娘儀式後,Angie換上性感婚紗,與鄭敬基在北角基督教國際神召會舉行婚禮,並以基督教儀式進行,鄭敬基與前妻所生的26歲囝囝家揚和22歲囡囡依揚陪實爹哋再婚,囡囡長得亭亭玉立,成索爆星二代,童顏的鄭敬基似他們的兄長多於老竇。而麥長青、崔建邦、湯盈盈與囡囡、梁靖琪、伍允龍、李健達及梁健平等均有出席婚禮。新娘Angie由父親拖住進場,當新娘父親將新娘手交予鄭敬基後,不忘拍一拍女婿膊頭,然後說:「恭喜你,佢(女兒)真係好好彩。」一對新人宣讀誓詞後交換戒指,然後再簽紙結成夫婦。儀式後,新郎為新娘揭起頭紗,然後親吻太太,一對新人全程表現輕鬆淡定,未見有感觸落淚場面。鄭敬基在台上向賓客解開拍拖一年未夠閃婚之謎,他說:「從未諗過自己可以搵到個伴侶願意同自己走埋一齊,多謝上天賜呢個太太畀我,一直過往自己有個包袱,冇諗過中間可以得到呢個大獎,好似中金多寶!好擔心自己配唔起對方之際,收到太太send嚟一張卡,寫住『鄭敬基你不需要成功,不需要完美,你還是最重要。』結果我同呢個女仔一齊。多謝太太令我成為一個配得起佢嘅男人。」



【獻唱情歌】■歌手出身的鄭敬基昨日接新娘唱情歌時竟然走音,被新娘要求重唱。互聯網圖片

【跪地送花】■鄭敬基過三關後終成功接到新娘,向老婆大人下跪。互聯網圖片

■鄭敬基與前妻所生兒子家揚和女兒依揚也有出席父親婚禮。



講明唔生小朋友

之後一對新人接受訪問,問鄭敬基是否一直擔心自己難以找到另一半時,他坦言:「係呀,好耐冇諗,直至上年遇到太太為止,就開始發展呢段感情,令自己唔再驚。」究竟擔心甚麼?鄭敬基說:「擔心自己以往、年紀同埋過往婚姻,但問太太時,太太好欣然同我講:『我會接受你,你唔使再問。』所以好值得高興。」Angie表示不打算生小朋友,因自己很喜歡小動物,繼早前領養了小狗後,稍後可能會再領養。婚禮上可有感觸落淚?Angie笑說:「今朝喊咗好多啦。」採訪:卓寶花攝影:陳慧安





來源: http://hk.apple.nextmedia.com/entertainment/art/20160508/19602351
53 再婚 子女 行禮 鄭敬 敬基 基走 走音 音娶 老婆
PermaLink: https://articles.zkiz.com/?id=300069

鄭敬基同隊友鬥快死

1 : GS(14)@2017-01-08 19:02:52

鄭敬基日前接受主播鍾煒喬的有線訪問,談到早年與陳少偉(Ringo)組成風雲樂隊,可惜後來二人鬧翻解散,他為當年不和的傳聞解畫:「我哋準備出第二隻碟時有啲拗氣,佢覺得點解我永遠企前面,佢就成日喺後面,結果大家有個唔好嘅心態,就係分開睇吓邊個死先,跟住冇再聯絡。」他謂曾用多個途徑欲找回對方不果,現公開呼籲:「我希望Ringo透過各媒體知道,我好想搵番你一齊再合作。」提到他去年和圈外女友結婚,被外界睇死閃婚亦會閃離,鄭敬基說:「一定唔會,我哋好開心。」他又稱一對子女豐富了其音樂世界,開始聽pop和rock。撰文:葉綠悠




來源: http://hk.apple.nextmedia.com/entertainment/art/20170108/19889760
鄭敬 敬基 基同 隊友 鬥快 快死
PermaLink: https://articles.zkiz.com/?id=321894

錢嘉樂鄭敬基吹水阻街

1 : GS(14)@2017-02-26 13:24:09

錢嘉樂、王喜和鄭敬基當年拍攝無綫劇集《烈火雄心》飾演「南山三虎」,錢嘉樂和鄭敬基昨日在銅鑼灣被野生捕獲。「南山二虎」以便服打扮出現,吸引途人眼望望,兩人邊行邊傾,當遇到有途人打招呼時,鄭敬基都禮貌點頭。其後,錢嘉樂和鄭敬基再撞到同性朋友,三男又停步繼續吹水,可能傾得太投入兼長氣,沒為意阻擋途人,錢嘉樂後來發現阻街,即醒目叫鄭敬基和友人站在一旁,之後「南山二虎」才結伴離開。兩人與友人分道揚鑣後上了伊利莎伯大廈,未知是否相約去做gym?採訪、攝影:趙永傑




來源: http://hk.apple.nextmedia.com/entertainment/art/20170226/19940323
嘉樂 鄭敬 敬基 基吹 吹水 水阻 阻街
PermaLink: https://articles.zkiz.com/?id=327147

黃寶欣、鄭敬基密斟開騷

1 : GS(14)@2017-08-04 06:35:54

鄭敬基、黃寶欣和黃翊前晚在中環大會堂出席一個回歸慶祝晚會,黃翊早年曾跟黃寶欣拍拖,兩人前晚大方合照。黃寶欣復出後,前晚與鄭敬基公開表演,她說:「今次同管弦樂合作,我哋拍敲擊樂,有叮叮聲,入歌幾難,唔知幾時入。」兩人曾傾合作開騷,黃寶欣說:「大家都好忙,冇乜時間坐定定傾好耐,佢又唔喺香港,我餐廳又開分店,如果唔影響工作,又滿足到自己興趣都想做吓。」退出樂壇二十多年的黃翊前晚演出不緊張,他說:「最近一次表演有呂珊等資深歌手,我反而有啲震。」採訪:王連連攝影:葉君海




來源: http://hk.apple.nextmedia.com/entertainment/art/20170804/20110748
黃寶 寶欣 欣、 、鄭 鄭敬 敬基 基密 密斟 斟開 開騷
PermaLink: https://articles.zkiz.com/?id=339618

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019