Tipping Point和爆升股的特質 渾水
來源: http://hkcitizensmedia.com/2014/10/27/tippingpoint/
剛剛上星期六,我應邀出席了一個股票分享會。我甚不喜出席公開場合,一來我只愛寫字,不喜歡露面;二來不想害人,股票要的知識面很廣,我總不能裝托大;三來我自大,確信自己有料,有料就賺街外錢,不必圍內多作分享。不過朋友之義,盛情難卻,人數90多個,不算多,人多我反而不自然。
由於我現在投身研究股票的時間比較多,也喜歡觸類旁通多讀不同類型的書,當時在分享會中我用了Tipping Point的理論去解釋爆升股的其中一種套路。由於我比較擅長殼股、財技股,所以今次的推理就從這類股作入手,不談其他有實業的基金股、指數股。
Tipping Point是一本marketing類的書。我是念社會科學出身,社會科學的推論是建基於Karl Popper的科學否定論,對假說、推論的validity有特定的要求。我是有點看不起marketing這學科對世事的解釋力和預測力,所以我沒有在這學問做太深入的研究。不過這本書是寫得幾深入淺出,過往我也借用了其理論去解釋佔領運動的爆炸性。
這個理論分三部分:The Law of the few, The stickiness factor和The Power of Context。而在The Law of the few入面提到一個大趨勢中,有三類舉足輕重的角色,分別是Connector, Mavens和Salesman。
The Law of the few中的Mavens可以理解為股市的幕後人、莊家團隊,他們是掌握最多資訊,最清楚股票、公司本身的人,所以可以運用不同財技去「做起」一隻股票。Salesman可以理解是財演、分析員、收到風的人、或者在這隻股票贏過錢的人。因為贏過錢,所以才會容易推介比其他人。Connector就是魚,就是街客,是整個局中負責提供流動性的角色,有適量流動性才有機會炒起隻股票。這三個角色不是mutually exclusive,這裡說的只是一個理論雛型。
The stickiness factor就是所講的股票質地,可能係夠乾身、市值相對殼價有拆讓、實力強大的莊家、厲害業務;又或者是一個升得好靚的pattern。股票這東西的經驗觀察是:股價越升,投機性需求越大,也越容易引人入局。
The Power of Context就是我之前《捕捉下一條魚》文中講的理念,一筆超強勁的資金、也可以是一個大牛市或一個宏觀好勁的消息如滬港通等。
當然,這只是一個理論雛型。一個局或一條橋段是比這個雛型更精密、更複雜,但這不失為一個簡單易明的入門方法。因此,我平時的功課就是研究過往一些股票的手法,這才是學習的正確態度。
講座後有朋友問我:就算找出這類股票?如何定止賺?唉!這真是千古最Generic、最直接也最難答的問題。這是講實戰講經驗的技巧也講個別股票的布局,很難一概而論。
不同派別的投資者自有不同的出入trading rule,可能是RSI, MACD等技術指標超過某個數就止賺。按我這派的玩法,這些rules是很大情況不適用的,因為我們玩的股票「人為」因素大,也沒足夠流通量。名家前輩教我的方法是分段走,越升就慢慢退場,這個做法安全但我沒有用過。我是會看盤路走,所以我走貨是可以走一個星期的。當然,也有一些so called的財技因素去定止賺,就好像139的那一份通告,宣布用錢買279某個數量的股份。宏觀來看,139這隻股票當時已經易了手,279是前殼主的其中一隻殼。因此,那一份通告很可能是交收殼價的對數方式,對完數後,那隻股票的故事自然就終結了。如果我當時有持貨,看到這個通告當然走為上著,看透這招就足以賺盡不錯的升幅同時避免之後那個瘋狂跌幅。
渾水:https://www.facebook.com/muddydirtywater
5月至今倍升股市場特徵, 從什麼途徑找倍升?
打風天,無咩野做,寫下周升跌,同埋5月至今升幅
打風少左日交易,全星期大市升0.61%,升既有1千1百幾,跌既8百隻左右
星期四尾市都有幾隻股大幅異動,好似味千,天喔呢D
今周油服股天下,油價2月見底反彈後至今持續7個多月,近期企係50美元以上,
我諗返起年初寫架一篇回顧~
油價升左7個月,油服股9月底先開始郁,商品周期開始同資金肯炒相關股,相差7個月
呢批野岩岩開始升,一升就好急,唔係易玩,真係好熟油先好玩,只能說有D錢我係賺唔到
今日睇返5月1出完全年業績之後,有咩股升幅1倍以上,
都有47隻,但有好多應該同業績關係唔大(唔能夠由業績估到升幅)
同業績有關既只有6隻左右...但全年業績靚既只有1548,175兩隻~
其他都要上半年業績先見到大改變....要搵到爆升力勁既公司真係好難~
我反反復復睇返呢幾間公司,到底我睇漏左咩而錯過左呢幾隻倍升股~
我都唔肯定......
1478丘鈦,上年收入增2.1%,今年上半年增98.6%...營業利潤上年跌4X%,上半年增46.8%...
本來一直以黎市盈率都係8-9倍,最近已經32倍(歷史),20倍(16年預測)
由無人炒到突然有人炒,5月日均成交額24萬HKD,8月中日均80萬HKD,到今日2800萬HKD
過程中轉折點係8月19日出左中期業績之後,所以5月就睇得中賺1倍以上真係無咩可能
出完業績買到而家都可以賺到60%既....倍升股好難買得中就係咁...
1043光宇國際,2015年收入增16.1%,營業利潤增135%,但淨利潤跌83.7%
上半年收入增46.1%,淨利潤增525%....業績前3.68,出完中期業績第2日升28.8%$4.97....
3日內無入到既話,已經去到$5.93....同現價6.13,基本上無水位俾你賺~
5月果陣$2.68左右,日均成交額200萬HKD左右,而家8百幾萬左右
1548金斯瑞,5月日均成交額100萬HKD,而家有2千幾萬HKD
收入及利潤呢隻一直都高增長無變過,但一直無人炒?
8月28出業績前已經有人炒,轉折點係7月15日....
PE由5月14-15倍到而家24.X倍........
175吉利 ,1888積層板都係5月開始一直升到而家既股票
1888,5月日均成交額只有5百幾萬HKD,而家係7千幾萬HKD
175就係唯一一隻,成交量變化不大既公司,只係升左20%左右,少過股價升幅
小結
1.倍升股,除左價格變化,量變化通常比價格變化仲要高~
1478成交額升左100倍,1043升4倍,1548升20倍,1888升14倍以上
因為通常隻股票唔郁就無人留意,無人留意就無成交,一直升總會吸引D炒家或者散戶~
見佢一直升就會買/賣.或者多左傳媒叫人買賣,成交量自然多左....亦都支持到股價係咁升
2.市場有效假說都係一個假說,1548呢類公司竟然無人炒,突然個個爭住買...市場真係有效?
係,有效,或者只限於175吉行呢類市值較大,成交額較多既公司...
所以如果想買平貨,只能係無咩成交既公司身上去搵.....
3.心理因素,如果你一早睇1548,1043,1478呢類股,
你買左但見佢無咩成交又唔郁,仲要維持幾個月...但你見其他股係咁升~
會唔會等等下心郁郁走左去買其他而又錯過左倍升機會?要問問自己
4.有咩因素可以令你有足夠信心渣實一隻倍升股而又唔走?
要坐到一程倍升,有強大因素支持你死守,係好重要
5.最後,有D股,升得急,好似1043咁,如果你唔坐得耐, 中途走左,3日時間俾你賺返D~
已經賺少好多,但有D股,好似175咁,慢慢升幾時都買得,邊類股先係散戶/投資者既真正朋友?
急升/慢升? 心中有數吧, 係咪升得多就一定好? 定係升得靚仔先係好? 自己識揀啦