鄭中基同老婆耍花槍
1 :
GS(14)@2016-05-21 19:04:23鄭中基和太太余思敏昨日到將軍澳出席《為食起革命日》5周年活動，與150名小學生製作有機菜沙律。鄭中基頸上出現紅疹，他說：「好辛苦，想
鄭中基三代登台 明年攻紅館
1 :
GS(14)@2016-09-13 00:19:18■一頭灰髮的鄭中基前晚在澳門開騷期間盡訴心中情，氣氛感人。
十年沒開過演唱會的暴龍哥鄭中基，前晚於澳門威尼斯人金光綜藝館舉行「鄭中基PLAY IT AGAIN世界巡迴演唱會」，除邀父親鄭東漢為《浪子心聲》一曲彈結他外，更有顏卓靈和梁漢文做嘉賓。鄭中基唱《三生有幸》前特別感激太太余思敏說：「呢個人係我最深愛嘅人，以前冇諗過會有小朋友，因為浪子嚟㗎嘛，以前開工都會同導演講唔好開咁早，但而家就會同啲導演講早啲開工，我想早啲收工陪仔女。我想叫佢哋（子女）認住你哋，因為你哋有份幫補佢哋嘅書簿費。而家我代佢同你哋鞠躬。」說罷真的向觀眾90度鞠躬。
囡囡獻花
豈料鄭中基唱完《三生有幸》後，5歲大女Emma突然上台獻花，令他驚喜不已之餘，還跟囡囡表示台下哥哥姐姐有份資助書簿費，於是再與囡囡一起向觀眾鞠躬致謝。之後鄭中基唱到《八二十八八十八》時，自嘲曾飲醉闖禍說：「我細個已經會飲醉酒，單位數字已經試過，培養咗浪子性格，但任性會出事，初初入行因為任性失去咗好多朋友、工作、錢。」他表示幸無綫高層曾勵珍和谷德昭等雪中送炭，安排他拍劇、做綜藝節目和拍電影，鄭中基連番剖白，氣氛感人。
■鄭東漢（右）與鄭中基父子同台表演《浪子心聲》。
■鄭中基完騷後跟太太余思敏咀嘴（小圖），揚言事前不知囡囡上台獻花。
■鄭中基前晚在澳門演唱會上宣佈明年農曆年在紅館開騷。
安哥時，鄭中基更宣佈明年紅館開演唱會喜訊說：「可能感動到個天，一直以嚟都畀『左麟右李』霸住咗農曆新年檔期，今次我終於得到喇，好似衣錦還鄉嘅藝人咁，要做過澳門先返香港。」完騷後鄭中基接受訪問，透露明年農曆年初一紅館開騷，預計先開兩場。記者指他全晚表現感性，他笑說：「係呀，費事度稿，到時先講。」並感激網友及高登瓊姐力撐他開騷。採訪：王連連攝影：沈健程
來源:
http://hk.apple.nextmedia.com/entertainment/art/20160912/19767709
鄭中基計劃開棟篤笑
1 :
GS(14)@2016-10-16 08:20:07鄭中基和曾國祥昨日在觀塘一車房開工，友情客串Kevin Boy（KB）首次做微電影導演拍攝的ViuTV新節目《碌咭大導》。鄭中基和曾國祥分別飾演耶穌和車房仔，兩人都曾執導，今次到KB落場，鄭中基說：「幾好吖，慢吞吞。」並坦言暫無意再自導自演，因顧慮太多，曾錯亂到將對手對白一氣呵成，現正和林敏驄計劃開棟篤笑。曾國祥說：「條衰仔（KB）成日咁無厘頭，都想睇下佢搞乜。」他執導的《七月與安生》稍後在港上映，原來內地已收1.6億票房，期望香港也有好成績。採訪：卓寶花攝影：陳俊強
來源:
http://hk.apple.nextmedia.com/entertainment/art/20161016/19801996
鄭中基飛債未解決
1 :
GS(14)@2016-11-08 05:46:02鄭中基（Ronald）昨日現身灣仔支持陳少琪女兒陳明憙（Jocelyn）新碟發佈會，24歲的Jocelyn現場大爆Ronald以前跟爸爸同居，Ronald笑說：「當時佢哋喺加拿大，陳少琪一個人喺香港，就嚟咗我屋企，嗰時好似多咗個女朋友咁，佢會問我幾時返、使唔使煮消夜？我仲幫佢伴奏。」
Ronald表示明年演唱會加開後，飛債仍未還清，會考慮舉行part2，囡囡也會上台唱歌：「佢派我出去先，跟住佢先出場。」而Jocelyn作歌都要爹哋審批。採訪：羅慧敏攝影：陳慧安
來源:
http://hk.apple.nextmedia.com/entertainment/art/20161108/19825881
鄭中基為女兒戒煙
1 :
GS(14)@2016-11-11 08:10:38鄭中基做老竇後，由浪子變慈父被兩子女馴服，日前他接受網上爸爸平台訪問，粗口專家的他坦言：「喺屋企講嘢要好慢，因為要省略粗口，對住細路仔真係唔應該講。如果真係見到媽媽對小朋友講，我就會話：『呢個auntie曳曳嘞，唔應該講啲咁嘅嘢嘅……係都大個啲先啦！』」為了做好爸爸，鄭中基在家中戒粗口戒煙，他說：「有小朋友之後係食少咗煙，因為我去到邊度食，個女都會飆到出嚟問：『乜咁臭呀？』唉！得嘞得嘞，然後整熄支煙。就算我喺屋企樓下車房，佢都會衝落嚟問：『乜咁臭呀？』我就會唔食，所以連老婆都話以後有乜嘢壞習慣想我改，就會同個女講。」撰文：皓騫
來源:
http://hk.apple.nextmedia.com/entertainment/art/20161111/19829814
鄭中基紅館騷加歌
1 :
GS(14)@2016-11-16 05:47:59鄭中基昨日假尖沙嘴舉行「鄭中基PLAY IT AGAIN世界巡迴演唱會」記者會，宣佈明年1月底舉行三場紅館演唱會，飛債纏身的他笑指近日突然多了親友要求訂飛，他本身不介意加開日場，但要視乎團隊能否配合。鄭中基過去十年先後入紙紅館七次，直至在澳門開騷時才突然收到獲批消息，他自言是衣錦還鄉命，從台灣出道返港，先奪金馬獎再獲金像獎最佳男配角，他說：「上次澳門站只係做咗六成，因為技巧未配合到，今次會多番啲歌。」他笑指父親鄭東漢今次要求多添快歌讓他一展結他實力，問到女兒會否上台？他說：「佢鍾意即場創作，唔會同我合唱，其實屋企人仲雀躍過我。」採訪、攝影：馬建華
來源:
http://hk.apple.nextmedia.com/entertainment/art/20161116/19834791
【蘋果動搞作】暴龍哥做侍應鄭中基斟茶騰雞
1 :
GS(14)@2016-11-21 00:05:04■Ronald認為做侍應最困難之處，是要捧飲品。
鄭中基（Ronald）闊別紅館十年，申請到明年農曆新年檔期舉行個唱，本來只開1月28、29日兩場，因群情太洶湧，最後加開1月27日、年三十晚一場還「飛債」。Ronald趁未忙於演唱會綵排，日前變身「猛龍特種侍仔」跟《蘋果》到銅鑼灣一間餐廳踩場做侍應。
■Ronald開工前，向職員請教怎樣落單。
■Ronald有推介食物，但不被接納。DV圖片
■不少食客認出Ronald，即被要求合照。
諗過開火鍋店
一本正經拿着餐牌的Ronald，諗住招呼餐廳第一枱兩女一男的客人，豈料一眼就被認出，上完餐還被食客要求影合照。Ronald應付第二枱客時，又被食客認出，男食客還大叫問：「咦！暴龍哥？」雖然Ronald想死撐，但食客還擊：「唔係咁都認唔到呀！」事後Ronald笑言：「我有進步㗎，仲快咗俾人揭穿。」他又自讚好叻，有推介客人食意粉：「穩陣就食肉醬意粉，或者野菌意粉，但佢哋兩樣都冇叫，叫西蘭花長通粉同西瓜汁，真係好西喎！」
Ronald指以前暑期工做過執貨倉務員，在外國讀書時也試過跟同學去婚宴唱歌助興，反而侍應未試過。問Ronald替客人斟茶遞水有何感受？他笑說：「好大壓力㗎，最怕淋晒啲嘢去客人度，因為要單手托住個盤，所以見到有四個人嚟就好驚，因為會有四杯嘢飲。」問到可有興趣做飲食生意時，Ronald承認之前有計劃開火鍋店，他說：「初初諗住全部嘢都係生，準備個湯底就得，後來再諗吓做其他生意，諗吓諗吓到而家都未做！」
■早前Ronald在澳門開騷，獲囡囡Emma上台送花。資料圖片
個唱近三小時
談到即將舉行的香港個唱，正所謂十年人事幾番新，問如今開演唱會，心態跟以前有何分別時，Ronald直言感覺很不同：「以前當玩多啲，最緊要自己開心，而家想做好啲，想唱多啲人哋鍾意嘅歌，所以今次嘅演唱會rundown都有2小時45分鐘。」他又事先張揚五歲囡囡梓喬會上台唱歌，又爆囡囡有「飲歌」：「佢係唱英國女歌手Adele嘅歌，但我估佢唔知自己唱乜，只係背晒歌詞。」採訪：小米攝影：馮峰、卓振輝、葉君海場地提供：HMV銅鑼灣旗艦店髮型：Horace Tse of hair play化妝：Mon Chun服裝提供：McQ
來源:
http://hk.apple.nextmedia.com/entertainment/art/20161120/19839364
【有請暴龍哥2】啲客叫牛歡喜 鄭中基：你好多個西
1 :
GS(14)@2016-11-21 00:05:04Ronald身邊位女食客都幾大膽咁話：我想試鄭中基口味。
鄭中基（Ronald）上一集秒速俾食客認出，匿埋備戰後佢再出動應付第二枱客，估唔到仲快俾客人認到，男食客仲即刻大叫問「咦！暴龍哥？」雖然Ronald仲想死撐話：「有冇搞錯呀！」點知食客仲要話：「唔係咁都認唔到呀！」一眼就被認出，客人仲問Ronald做到幾時，佢就好抵死咁話，自己冇戲拍，演唱會又未開，屋企化骨龍又要食飯。事後Ronald笑言：「我有進步架，仲快咗俾人揭穿。」佢又話自己好叻，有推介佢哋食意粉，叫佢哋穩陣就食肉醬意粉，或者野菌意粉，但佢哋兩樣都冇叫，叫西蘭花長通粉同西瓜汁，真係好西喎！」
食客一眼認出鄭中基，仲問佢有冇牛歡喜食。
上集提到動用咗9部機拍攝，Top Shot先拍得清楚整個環境。
玩得咁開心嗱！《蘋果》預先準備咗一枱麻煩客人「招呼」Ronald，睇下佢會唔會一秒變身暴龍哥發爛先！預先準備嘅兩男兩女客人，坐底後連頭都冇抬起望Ronald一眼就攞住餐牌係咁揭，又叫Ronald推介食啲乜好，點知Ronald叫佢飲嘢，佢就話未食嘢，叫佢食和牛漢堡飽又話怕飽又話唔食牛，叫佢食雞翼配辣醬又話唔食牛，炸魷魚又話熱氣喎！搞咗一輪要一碟炸魚薯條。
合照、集郵係食客見到鄭中基嘅指定動作。
片段去到尾，有班「媒」嚟到考吓Ronald，唔知會係Ronald黑面先定班客仔黑面先呢？
雖然Ronald之前話要試下用黑臉功落單，但係佢全程冇發脾氣噃！同時，佢亦都完全察覺唔到俾大家反整蠱，仲以為大家知佢拍嘢，唔想被偷拍先趕佢走添！不過你咁有耐性，比你合格啦！採訪：小米拍攝：峰、Neo編導：Kaman、Roy剪接：Roy
Hair：HORACE TSE@ hair play
Make Up：Mon Chun
Venue：hmv銅鑼灣旗艦店
Wardrobe: McQ
來源:
http://hk.apple.nextmedia.com/entertainment/art/20161120/19839755
Next Page