📖 ZKIZ Archives

梁振英同路人 左丁山

2011-11-22  AD

晚上九時自赤柱廣場坐車返中環，一條雙向兩行車線好繁忙，一架接住一架，如果前面有一架大巴士就會行到蟻躝咁，如果因天雨路滑而有交通意外，後面一定塞 死，呢啲地段只適宜唔駛趕時間嘅富豪紳士居住，打工仔好難搞，早上出門遲啲都會遲到。左丁山搞咗成個鐘頭先至返到屋企，以後難有第二次咯。
次早又 趕去開會，開完大家閒談，總係要講到雙英決鬥，避都避唔開，想來由依家到明年三月底，城中大話題只有一個，就係特首競選，兩位「阿英」講乜都有人報道，有 人分析，有人拆解，譬如振英哥一講咗有時做嘢，未必需要共識，即刻引來不少評論，唔講共識喎，環保團體、保育團體、 80後團體點會肯過你呀？大抵梁營評估今日社會人士開始討厭弱勢政府，追求強人領導，而振英哥就係強人，故此用呢啲說話嚟試吓水溫，不過香港人好奇，一啲 嘢可以做，不可以說，振英哥話唔需要樣樣尋求共識，反而引起新詮釋：梁先生可能比較獨裁。
開會之後，睇完報紙，便去吃午飯，一位飲食業行家在座， 佢話好奇怪失業率會上升到 3.3%，佢個集團請員工不知幾艱難，全職空缺有，兼職空缺大把，所以佢私人覺得失業率點會上升呀？呢啲經濟數據有時幾難解釋，經濟學有所謂「磨擦性失 業」 frictional unemployment，指失業人士與職位錯配，淺白啲就係有工冇人做，有人冇工做，住天水圍嘅唔想去灣仔返工。失業問題好快扯咗去最低工資調整，在座 各位係商界人士，人人反對調高至每小時三十三元，三十五元更加免談，波士Ｎ問左丁山意見，左丁山話：「你地唔好彩咯，工會不分左中右，一齊於特首競選期間 發難，會對特首候選人構成巨大壓力，梁振英素來贊成最低工資，相信會一口贊成，以求工聯會民建聯嘅選委投票俾佢，唐英年好可能回應話考慮考慮，要睇數據， 尋求共識。你地估，邊種答案會提高候選人在基層市民中嘅民望呢？」大家聽完為之默然一陣。有報紙講及梁振英與工聯會民建聯「談婚論嫁」，漸有跡象顯示佢地 係同路人，氣味相投，民主派選委如何投票，煞費思量。

PermaLink: https://articles.zkiz.com/?id=29548

陳婉嫻暗批同路人出術

1 : GS(14)@2016-09-06 04:35:32

【本報訊】昨九龍東的建制派對選情大為緊張，其中工聯會陳婉嫻為黨友黃國健拉票時，更暗指或有建制派盟友散佈黃已夠票的消息。同是建制派的民建聯柯創盛，獲得知名詠春大師葉準現身撐場，謝偉俊則沒有向記者透露具體行程，全日近乎失蹤。


高達斌自認黑馬


黃國健昨早在黃大仙上邨拉票，獲陳婉嫻現身撐場嗌咪。陳受訪時表示，社區上許多人說黃夠票，包括大規模印刷單張指工聯會夠票，「用紙張喺全港咁樣張貼……以前從來冇試過會咁」，認為是「對家」想拆票。被問到「對家」是否包括建制派陣營時，陳稱不能排除這個可能，「我唔能夠否定任何嘢」，但指自己無意去深入調查假消息。柯創盛也獲民建聯主席李慧琼及現任九東議員陳鑑林站台支持，被問到其聲稱入讀諾丁漢特倫特大學的工商管理碩士，校方稱入讀學生沒有其名字，柯稱已向校方了解，正待學校回覆，「選舉係睇政績，會去唔同地方爭取支持，集中拉票工作同推介政綱」。民調一直落後的愛港之聲高達斌昨形容，當選信心是「一半一半」，不過他指多名現任議員選情亦勢危，形容自己可能爆冷，「有冇聽過冷門，黑馬呀？」被問到與各建制黨派立場相近，會否令爭奪九東末席的謝偉俊選情添亂，高指他爭奪沉默大多數選票，「同佢哋（謝）唔同，無overlap（重叠）」，他續說：「就算影響又點，社會唔俾人爭票？係咪咁惡咁霸道先？」謝偉俊則沒有向本報提供具體行程，記者全日都沒有在九東見過其蹤影，但他有在facebook上載拉票短片。■記者陳建平




來源: http://hk.apple.nextmedia.com/news/art/20160905/19760628
PermaLink: https://articles.zkiz.com/?id=307559

【動畫】少女戒毒前後兩個樣鼓勵同路人要堅強

1 : GS(14)@2016-09-17 17:32:43

有人會因為一時失意而誤入歧途，但一位曾經沉淪毒海的少女，用她兩幅相片告訴大家，凡事總有轉機。24歲美國網民DisregardThisOrDont在網上論壇Reddit分享自己兩年前的警方犯人照和最近所拍的照片，寫道：「這是我戒毒826日後的轉變，左邊是2014年6月11日的我，右邊是今天的我。」她兩年前因為與同居男友問題多多，連女兒的監護權也失去，男友竟給她海洛英作安慰劑。八個月來每天吸毒的她，最終向法官認為自己需要幫助。她因藐視法庭而坐監36日，之後再入戒毒所，最後戒毒成功，現時生活愉快，從她容光煥發的照片看得出。這位「過來人」說，她看到兩年前萎靡不振的自己時，也為她感到可憐，想擁抱她安慰她。她知道自己已不再是當年那位少女，但想到仍有許多人在毒海浮沉，故分享自己的照片和經歷，鼓勵他們及早回頭。英國《每日郵報》
TAG:吸毒,毒品,戒毒,海洛英




來源: http://hk.apple.nextmedia.com/international/art/20160916/19772558
PermaLink: https://articles.zkiz.com/?id=309364
Next Page
ZKIZ Archives @ 2019