fb寸盡何君堯楊偉雄網民like到爆鄭中基
1 :
GS(14)@2016-12-24 10:42:40鄭中基（Ronald）近年活躍facebook，不時喺fb發言，仲發揮佢抽水本色，上至政畀人物，下至大陸節目都俾佢抽到盡。「不懂X叫」話說去年初陳潔儀參加《我是歌手3》，不過得嗰兩集就比人out咗，有網民就話因為佢唱歌技巧唔符合「國情」而俾人out，而鄭中基就喺fb留言：「為何小弟多次拒絕參加這類型的節目？皆因小弟自問五音不全，亦不懂X叫。」明寸大陸嘅唱歌比賽只要識＿叫就羸到！「我愛麒麟」又係去年，當時仲係立法會議員嘅葉劉淑儀喺年初二同新界鄉議局主席劉皇發一齊去車公廟為香港運程求籤，點知入廟嗰陣，門前嘅麒麟突然舞動，將行緊嘅葉劉淑儀撞飛，史稱「麒麟事件」。而當時鄭中基就好有心咁為大家介紹「麒麟」呢種傳說中嘅神獸：「麒麟是中國古代神話傳說中的神獸，常與龍馬混淆。公獸為麒，母獸為麟，據說能活兩千年。性情溫和，身上雖有可攻擊敵人的武器，但不傷人畜，不踐踏昆蟲花草，故稱為仁獸。」而鄭中基仲係最後咗句「我愛麒麟。」「超級市場做嘢嘅人=超人？」去年5月，「新界關注大聯盟」發言人何君堯喺《城市論壇》自稱係社會工作者，佢自辯「社會工作者」係指「社會上工作的人士」，而唔係話自己係註冊社工。鄭中基就喺fb話：「何律師話喎，社會工作者=社會上工作，咁超級市場做嘢嘅人咪=超人？」仲引起唔少網民討論！「冇人聽得明嘅創科局局長」今年初，創科局局長楊偉雄同特首梁振英一齊出席一個創新科技論壇，與多名年輕科技企業家見面，其中局長爆咗句：「有邊個見過Steve Jobs？未呀？我見過！我真係見過﹗」之後仲成為熱話o添！而鄭中基又點知放過呢個機會呢，佢係fb post相，而張相上面寫住：「你哋有冇見過一個人講嘢唔經大腦，因為佢冇腦、onX無極限、X到漏汁，又話講緊廣東話，但冇人聽得明嘅創科局局長?我見過。我真係見過。」絕對係抽到盡呀！
來源:
http://hk.apple.nextmedia.com/entertainment/art/20161223/19874391
不分忠奸教育子女鄭中基容許囡囡爆粗
1 :
GS(14)@2016-12-24 10:42:40「暴龍哥」鄭中基同有線前主播余思敏之間育有一女一子，分別係已經5歲嘅Emma同下年2月就兩歲嘅Evan。據知，鄭中將培育子女嘅重任交畀太太余思敏負責，喺12年，鄭中基接受傳媒訪問時曾透露，自己希望囡囡可以喺3歲先返學，但礙於社會競爭大，所以幫囡囡報讀學前班，而佢同余思敏幫囡囡揀嘅幼稚園，主要係透過遊戲來畀小朋友學習語言、認知同社交能力，加上學校有外籍老師駐校，並以兩文三語教授，所以啲學生畢業後多數都可以入讀國際學校。而鄭中基同余思敏對教育子女嗰一套亦有同樣睇法，鄭中基曾表示佢哋兩公婆唔會分飾忠奸角教育小孩：「囡囡如果同我玩，咁啱曳曳，我會同佢講唔可以咁做，否則媽咪會嬲；相反囡囡同媽咪玩，遇到相同情況，我就要出場，呢招囡囡好肯聽。」喺教育子女方面，鄭中基亦有啲另類，佢包容到囡囡講粗口，事源有一次Emma喺佢講電話時學咗一句粗口，之後某日突然間記得而爆粗，搞到全車人望住爸爸鄭中基，但鄭中基冇嬲不特止，仲覺得囡囡冇講錯：「佢講得啱喎，佢冇用錯呀，我冇教過，其實佢大咗都會識，問題係喺父母面前講唔講，就算講都唔係乜嘢大件事。」鄭中基又話：「如果真係見到媽媽對小朋友講，我就會話：『呢個auntie曳曳嘞，唔應該講啲咁嘅嘢嘅……係都大個啲先啦！』」嚟教番囡囡乜嘢先係正確。為咗一對子女，鄭中基唔單只小心講嘢，戒粗口之餘，更開始戒煙，佢今年9月喺澳門舉行演唱會時透露過：「「有小朋友之後係食少咗煙，因為我去到邊度食，個女都會飆到出嚟問：『乜咁臭呀？』唉！得嘞得嘞，然後整熄支煙。就算我喺屋企樓下車房，佢都會衝落嚟問：『乜咁臭呀？』我就會唔食。」連余思敏都要靠老公個「前世情人」嚟治佢。其實除咗呢啲實際行動，婚前係浪子嘅鄭中基，喺結婚生女後，變成一個顧家男人，佢會要求開早更，希望趕得切夜晚7點半返屋企同仔女食飯，把握兩個鐘嘅黃金相處時間，或者寧願9點半後再出門口做嘢。
來源:
http://hk.apple.nextmedia.com/entertainment/art/20161223/19874387
【廿四孝爹哋】鄭中基戒蒲陪囡囡
1 :
GS(14)@2017-01-26 18:08:24陳冠希快將榮升父親，可能從此修心養性。圈中不少藝人做父親後，變成溫馴的奶爸。
鄭中基【變住家男】
未做父親之前每有酒局夜蒲，逢請必到、逢走必最後，不過自從女兒Emma出世後，差不多已謝絕夜蒲，變成住家男人。
劉德華【漏夜返港】
華仔試過在外地拍戲時，為應女兒向蕙睡醒就要見到父親的要求，特意搭凌晨機返港，回家發現向蕙睡在自己房門等候，此後盡量帶囡囡出埠開工。
方中信【冇晒脾氣】
當年奉女跟莫可欣成婚，囡囡迦晴出世後事事以女兒行先，謝絕一切外出應酬，火爆的脾氣在囡囡面前，亦化解得無影無蹤。
任達華【直踩湊女】
因經常出埠拍戲，見囡囡晴佳時間不多，所以他有時拍戲至天光，稍為梳洗後即湊女返學。
來源:
http://hk.apple.nextmedia.com/entertainment/art/20170125/19907633
相隔十年返紅館 囡囡玩獨唱鄭中基怕阿Sa千嬅「上嚟打我兩巴點算」
1 :
GS(14)@2017-01-29 10:31:34■暴龍哥鄭中基前晚再踏足紅館舉行個唱，答謝歌迷二十年來支持。
鄭中基前晚年三十晚於紅館開跨年騷，獲全家力撐，除太太余思敏及一對子女撐場，又有父親鄭東漢上台彈結他伴奏，甚至連囡囡Emma也開金口唱賀年歌，溫馨指數爆燈。鄭中基自爆拒絕送飛給舊愛捧場，因怕對方上台打他一巴，未知所指是否前度楊千嬅或前妻蔡卓妍（阿Sa），及後他更唱出一曲《無賴》。
有「暴龍哥」之稱的鄭中基，相隔十年再踏足紅館舉行一連四場「Play It Again世界巡迴演唱會」，前晚年三十晚頭場，特別安排於晚上9時半開始。
林敏驄有女陪
鄭中基太太余思敏帶同一對子女到紅館，田蕊妮及蘇志威也去到撐場，大抵子女在場暴龍哥不敢爆粗，當現場播出其錄音聲帶提醒觀眾不要拍片時，僅以「嘟」字代替：「唔嘟好拍片，否則用牛歡喜塞嘟你哋把口，再掟嘟你哋出去！」林敏驄亦帶女伴捧場，令人懷疑該女子是否其新歡，但阿驄昨日卻無厘頭回應：「唔係，喺街撞到嘅。」
■余思敏帶同一對子女在台下為老公打氣。
■鄭中基走落台遞咪給囡囡Emma唱賀年歌，贏得全場掌聲。
■鄭中基感激愛過他的人，相信是指前度楊千嬅和前妻蔡卓妍。資料圖片
■演唱會上鄭中基大唱《我代你哭》等金曲。
演唱會前晚以《時間人物地點》揭開序幕，接着他父親鄭東漢出場彈奏《浪子心聲》。鄭中基在台上特別感激太太余思敏為她生了一對子女：「我向來係浪子，冇諗過會生小朋友，但?家覺得有小朋友先有型。」說罷叫囡囡Emma起身向在場哥哥姐姐鞠躬，並笑謂：「佢哋幫補你書簿費。」鄭中基曾大讚囡囡有音樂天份，前晚個唱上他遞咪給囡囡開金口，Emma不但未有怯場，而且更唱完全首賀年歌《恭喜恭喜》，獲全場拍爛手掌。之後鄭中基獻唱《三生有幸》送給太太余思敏，又感慨謂：「因為呢個騷，有好多好耐冇見嘅朋友，都打畀我問有冇飛。好多舊同事、反咗面嘅兄弟，同埋前度女友，當然，我冇畀飛啦，一陣上嚟打我兩巴點算。多謝所有愛我，同愛過我呢個無賴嘅人。」接着他唱出《無賴》，未有提到所指前度是楊千嬅還是前妻蔡卓妍。鄭中基與千嬅於99年分手，06年與阿Sa結婚，可惜婚姻只維持4年。翌年極速與余思敏結婚，誕下一子一女湊成好字。
■林敏驄前晚帶疑似新歡捧場。
■杜汶澤（右）自爆近年回內地有點困難。
杜汶澤笑收皮
跟鄭中基在電影《低俗喜劇》中有爆笑演出的杜汶澤，前晚擔任壓軸嘉賓。阿澤出場自爆：「呢幾年上內地有啲麻煩！」說罷又笑說：「鄭中基演唱會正式收皮，嚟緊雞年，暴龍哥返咗廣西。」其時台下有觀眾叫阿澤唱《眼睛想旅行》，阿澤卻自嘲：「我唱親呢首歌都俾人X，你哋太膚淺，我都好耐冇做演唱會嘉賓，領嘢啦，對上一次係容祖兒。你哋真係絕情，冇人叫鄭中基出嚟，好啦，鄭中基真係就咁就收咗皮。」當雞年將至一刻，鄭中基跟全場觀眾倒數，然後邊唱《喜氣洋洋》邊派利是，最後以一曲《天意》完場。採訪：曹家誠攝影：陳俊強
來源:
http://hk.apple.nextmedia.com/entertainment/art/20170129/19911985
阿驄君如做嘉賓 鄭中基唔唱《烈女》收噓聲
1 :
GS(14)@2017-01-31 03:13:28■吳君如笑言以金雞2.0版造型出現，跟鄭中基唱《財神到》。
鄭中基（Ronald）前晚大年初一於紅館舉行第二場「Play It Again世界巡迴演唱會」，除太太余思敏與一對子女繼續撐場外，周秀娜、林家棟和黃百鳴等亦有前往欣賞。有別第一場演出，前晚鄭中基先請來20位穿波點裙的小朋友打頭陣，扮徐小鳳伴他唱《喜氣洋洋》，之後其父親鄭東漢登場為兒子彈結他伴奏，並謂：「今晚有位對我同Ronald（鄭中基）都係重量級人物嚟睇我哋表演，佢喺鄭家非常重要，湊大我同Ronald兩代都係靠佢，唔知點報答，佢係台下奶媽謙姐，已經102歲，無言感激。」
林敏驄搞作品展
在點歌環節，有觀眾要求鄭中基唱舊愛楊千嬅《烈女》，但他卻謂：「我真係唔識喎！」現場即報以噓聲，後來歌迷點唱傳聞中鄭中基為追千嬅而作、成功打動千嬅芳心的《二月三日》（千嬅生日日期），雖然這首歌是他自己作品，但鄭中基只哼了幾個音，完全忘記歌詞，莫非怕台下太太呷醋而「扮失憶」？
■20位迷你「小鳳姐」伴着鄭中基唱《喜氣洋洋》。
■湊大鄭東漢和鄭中基兩父子的102歲奶媽謙姐（箭嘴示），前晚到場睇騷。
前晚林敏驄和吳君如擔任嘉賓，林敏驄跟鄭中基合唱《最愛的你》後，阿驄笑謂：「我除咗佩服你把聲音之外，仲有父蔭，查過你族譜，老竇係鄭東漢，阿叔係咪鄭經翰，你祖宗最成功（鄭成功）。」之後鄭中基表示將舞台交給阿驄時，阿驄竟說：「落去要保重，下面啲唔係人，有機會寫信返嚟。」阿驄透露6月會在紅館開作品展，繼而唱出兩首譚詠麟歌曲。鄭中基在介紹吳君如出場時說：「雞年點可以冇雞，佢唔止係雞，仲係金雞，有請大波金。」二人合唱《財神到》和《肥婆隻雞甩晒毛》，又走到台下?利是，氣氛熱鬧。採訪：卓寶花攝影：陳俊強
來源:
http://hk.apple.nextmedia.com/entertainment/art/20170130/19912545
鄭中基自爆累事GiGi險做唔成西班牙人妻
1 :
GS(14)@2017-01-31 16:01:52■GiGi被鄭中基踢爆當年被求婚時竟暈倒入醫院。
鄭中基前晚的紅館演唱會，除了請來舊愛楊千嬅做嘉賓，還有LMF和梁詠琪（GiGi），鄭中基在台上跟GiGi合唱外，還指着GiGi說：「呢個人因為我差啲嫁唔出，當年同佢拍《嫁個100分男人》，佢未食過北京街邊串燒，我係咁隊佢食，食到佢扁桃腺發炎要返香港，返屋企打開門有人向佢求婚，之後佢暈低入醫院。」GiGi笑說：「應該唔關你事，我係俾佢嚇親入醫院，自己當時冇應承佢嘅。」鄭中基鬼馬問：「吓，冇應承佢？唔係嗰個人咩？」GiGi笑罵：「啋，係嗰個，最後我有應承。」採訪：王連連攝影：仇志德
來源:
http://hk.apple.nextmedia.com/entertainment/art/20170131/19913580
鄭中基畀華仔睇祝福片
1 :
GS(14)@2017-02-05 10:48:31劉德華上月在泰國拍廣告墮馬令盆骨骨折，在養和留醫，昨日鄭中基及太太余思敏，還有黃日華及太太梁潔華、余錦遠以及陳家碧夫婦到養和探華仔。鄭中基在演唱會尾場，呼籲全場歌迷開手機燈祝福華仔，他表示已給對方睇片，又指華仔好靚仔！而黃日華報告華仔近況說：「叫我同大家講辛苦晒，早啲返屋企休息。」黃日華覺得華仔胖了一點，精神好好。他說：「可以坐到起身，但未落得床，唔使食止痛藥，醫生話佢康復進度快過預期！」黃日華透露華仔囡囡向蕙陪着爸爸：「新年應該要一家團聚，華仔囡囡好醒目，見我喺走廊除口罩，就話病房唔可以除。」採訪：黃曉妍攝影：仇志德
來源:
http://hk.apple.nextmedia.com/entertainment/art/20170204/19917152
有線索主播做幸福人妻余思敏甘做鄭中基背後女人
1 :
GS(14)@2017-02-08 22:31:34講起劉明軒，就會聯想到一班有番咁上下質素嘅有線女主播，雖然當中有唔少人已經過檔，甚至轉行，但亦有好多人嫁咗人，生活得幾幸福咁㗎！余思敏啱啱喺上個月，喺老公鄭中基個唱中當眾咀嘴晒恩愛嘅余思敏，喺2011年同鄭中基奉子成婚，同年佢辭職並誕下囡囡Emma，佢再喺前年生埋囝囝Evan湊成「好」字，余思敏當日喺紅館台上發表有「愛的宣言」效果嘅說話：「我可以做到嘅嘢好少少，我只能夠喺佢後面畀佢最強大嘅後盾同支持，等佢可以冇任何後顧之憂可以做佢鍾意做、想做，同埋需要做嘅嘢。」陳貝兒貴為有線娛樂新聞台嘅開台主播，於03至09年期間活動於有線，其後離職及一度轉行，兜兜轉轉都係返番去娛樂圈，現為無綫主持及主攻司儀工作。佢喺2011年宣佈與拍拖兩年嘅圈外男友黃國棟結婚。婚後佢繼續幕前工作，亦有擔任綠色非牟利團體Green Monday嘅執行總監，致力推動綠色環保生活態度。鄭文同樣係有線娛樂台主播嘅鄭文，早於07年已跟男友李英傑喺丹麥註冊結婚，到2010年先喺香港補擺喜酒，其後鄭文分別於2010年及2015年先後誕下囡囡Sabrine及囝囝Sansone，而鄭文更為咗多啲時間照顧囡囡，於2011年毅然離開有線，跳槽到now，現時幫老公手，做賢妻良母。
來源:
http://hk.apple.nextmedia.com/entertainment/art/20170208/19921681
Next Page