ZKIZ Archives


魏綺珊獻計宣傳少糖飲品走甜減5毫

1 : GS(14)@2015-05-20 08:23:26

■魏綺珊稱若飲品走甜減5毫,可增加市民減糖誘因。馮就康攝


【今日少甜】【本報訊】走甜減5毫?有「美女主播」之稱的魏綺珊獲政府邀請加入降低食物中鹽和糖委員會,憑着豐富的傳媒、公關與戲劇工作經驗,相信可為委員會注入新的宣傳思維,「膠袋一個要5毫,飲熱檸茶唔落糖可以減5毫,要一包糖就收番5毫」,她相信可成為推動市民減糖的誘因。記者:陳沛冰魏綺珊認為要市民減少攝取糖份,應從食物製造商及食肆做起,因經常發現不少食物或飲品真是甜得過份,「唔明點解汽水要咁甜?點解整蛋糕一定要落咁多糖?」她指,曾到酒店用午膳,最後一道甜品全個是忌廉,「唔知用咩打(忌廉),食一啖好似食10匙砂糖落口」。




自製甜品盡量少糖

學做甜品之後,她才發現原來一小件蛋糕要用大量糖及牛油做成,自此減少吃坊間的蛋糕。她認為甜品不一定要落很多糖,「甜品嘅精髓係材料獨有嘅味道,唔係完全靠糖。好似生果、朱古力本身已經有味道,加咗好多糖,係糖水蓋過其他材料嘅味道」。若食肆甜品太甜,她會懷疑可能是其他材料不夠新鮮或烹調技術問題。她自製甜品會盡量少糖,「心太軟想重朱古力味,可用黑朱古力,糖份少,唔使好甜但好香朱古力味」。不少人曾建議大型連鎖食肆可減少糖包的份量,或不在餐桌上放糖包,減少市民攝取糖份。記者問魏綺珊對食肆減糖有甚麼建議時,她想了想,說曾有食肆為環保或減少浪費,推出少飯減1元,「如果唔落糖可唔可以減5毫子?散裝糖難做啲,如果(食肆)係用一包包糖,要一包糖收5毫子,包裝糖係計到數」。對於食肆實際執行會否有困難,她說:「唔需要做好多嘢,寫單時寫價錢喺旁邊,等如飲凍飲加2蚊,要糖加5毫子」。她相信對消費者有減糖誘因,「落一包試過都得,就唔會再落兩包糖,甚至慢慢唔需要糖,健康又慳到錢」。但她擔心對食肆誘因不大,「食肆未必覺得着數,因為糖唔貴」。降低食物中鹽和糖委員會暫未提出減糖目標,魏建議飲熱咖啡、奶茶由落2包糖,慢慢減至1包,「一個月落少30包,一年落少365包已經好好」。





來源: http://hk.apple.nextmedia.com/news/art/20150520/19153956
魏綺 綺珊 獻計 宣傳 少糖 飲品 走甜 甜減
PermaLink: https://articles.zkiz.com/?id=290490

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019