ZKIZ Archives


劉國勳:梁應換走吳克儉

1 : GS(14)@2016-08-13 14:31:48

【新丁巡禮】【本報訊】新一屆12位自動當選議員中,包括民建聯北區區議員劉國勳。2007年當選區議員,不足10年便「升呢」,35歲的劉今年透過黨內遴選奪傳統區議會功能組別出線權,鐵票護身下直接入局;「梁粉」新丁明言教育局局長吳克儉若有任何錯失,「我一定支持(促吳下台),甚至主動提出叫佢落台」。2003年首戰區選敗北,2007年在粉嶺欣盛當選,2011年爭取連任並成全港票王,2015年無對手下連任,事隔一年便在僅400多個區議員選民的傳統區議會組別,以零票直入立法會。


拒表明撐梁連任


劉國勳稱十多年政壇起步已有目標,「要爭取更高嘅平台或階梯,令自己嘅理念更全面講畀社會聽」。上屆立會選舉他已對透過地區直選「升呢」心郁郁,「但時間上未配合到」,今年民建聯首創黨內遴選供區議員一人一票選出接替葉國謙的出戰代表,劉力壓3名黨友奪出線權。劉指,「其實當年個黨有副發言人制度,我都第一時間參與;今次有遴選,我都第一時間把握機會」,「(升呢)當然涉及際遇,而機會永遠留畀有準備嘅人,否則有制度都未必輪到你參與」。勝出遴選後卻有餘波,黨內有聲音指遴選未必公平,因為新界區議員數目多於港島及九龍,劉強調機制一視同仁,但仍有優化之處,下屆可檢討。他指任內會推動下放權力予區議員,包括加強撥款職能等。2012年曾為梁振英助選的他拒表明撐梁連任,指要比較所有參選人政綱,強調當年是「扒冷」挺梁,證明非在等待「阿爺」落令。至於被外界視為梁班子負資產的吳克儉,連「梁粉」亦嫌棄。劉國勳強調梁若爭連任應換走吳克儉。問及若有議員在新一屆議會提出吳克儉下台動議,會否支持?劉指:「如果(吳)當時係有啲嘢做得唔好,我一定會支持、甚至自己提出;如果係不獲民心,我甚至會游說黨友支持,換個更適合嘅人選。」■記者許偉賢




來源: http://hk.apple.nextmedia.com/news/art/20160812/19733319
國勳 梁應 應換 換走 走吳 克儉
PermaLink: https://articles.zkiz.com/?id=305484

剝光豬通屋走吳耀漢整蠱節目鼻祖

1 : GS(14)@2017-06-10 12:23:00

吳耀漢演喜劇一流,好快成為香港一代笑匠。佢喺83年同洪金寶、馮淬帆、秦祥林、岑建勳合作《奇謀妙計五福星》,其一幕話佢學識咗「隱形」,除晒衫通屋跑,仲衝咗入浴室裝鍾楚紅沖涼。呢一幕坦蕩蕩嘅場面,吳耀漢喺訪問中曾解釋話:「我係一個演員,個場戲有需要就要演出!」嘩,幾有氣勢!當時洪金寶仲好肯定咁要由吳耀漢演出,原因係「因為你(吳耀漢)個樣夠戇居。」吳耀漢憶述呢場戲,佢話「小吳耀漢」完全無遮無掩無黐膠紙,結果剝光出度嚟一刻,連攝影師都忍唔住笑,結果不停NG,一場戲要拍足一日。呢個喜劇角色,以唔同方式延續落去,仲令吳耀漢成為咗香港整蠱節目嘅鼻祖!所講嘅,喺亞視節目《吳耀漢攪攪震》,以低成本製作道具,親身走上街整蠱途人,好似有扮牆上油畫、匿入假嘅郵箱幫人收信、捐入地底彈出嚟嚇人咁。佢哋仲有一招好叻,就係幾個工作人員拎住幾張大地圖遮擋視線,趁混亂偷龍轉鳳,呢招萬試萬靈,例如假model公仔變番真人、細狗換大狗,次次被整蠱嘅人都笑埋一份。




來源: http://hk.apple.nextmedia.com/entertainment/art/20170605/20045098
剝光 光豬 豬通 通屋 屋走 走吳 吳耀 耀漢 漢整 整蠱 節目 鼻祖
PermaLink: https://articles.zkiz.com/?id=334602

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019