ZKIZ Archives


大劉賣甘比舊居賺半億The Mayfair呎價3萬創新高 李華華

2010-02-11  AD






 

劉鑾雄「大劉」舊年豪擲億八銀,喺山頂歌賦山里買咗間獨立大屋,呢間屋經過一輪悉心裝修後,終於喺幾個月前搞掂,此刻又到大劉重整其他物業項目嘅時候。

話說甘比(陳凱韻)自從幫大劉生咗幼女劉秀樺(Josephine),得寵指數節節上升,舊年底就一家大細搬咗去山頂住,而佢之前住開嘅中半山梅道一號The Mayfair,已聽聞喺市場上放售。

內地商家接貨買埋下層

噚日華華就聽到消息,話大劉揸住嘅The Mayfair高層單位,俾一個內地商人睇中,用咗8800萬港銀買咗;呢個單位有成2918方呎,計落每呎成三萬銀,雖然同o依家啲新晉豪宅郁啲都話四萬五萬蚊有段距離,但已經係The Mayfair嘅紀錄新高呎價。

出名有投資眼光嘅大劉,02年用3005萬蚊買入呢個單位,今次賣出,賺咗成半億有多,睇嚟甘比都好旺佢,除咗生女,仲帶挈埋大劉賺錢!一般打工仔可能打一世工都未必賺到呢個價錢喇。聽講話,個內地商人唔止買咗大劉個單位,仲買埋佢樓下個單位,認真豪氣!

李華華

LiWaWa@AppleDaily.com



大劉 甘比 舊居 賺半 半億 The Mayfair 呎價 萬創 新高 華華
PermaLink: https://articles.zkiz.com/?id=14196

關智斌賺半億 終於準時畀家用

1 : GS(14)@2016-05-21 19:04:23

關智斌(Kenny)早年返內地發展,已經很久沒有在香港現身,不過因為下月10日推出新國語專輯,所以他返港宣傳。有指他近年密密返內地拍劇,應該賺了不少錢,於內地、香港、加拿大等擁四個物業,估計共半億身家。問他為何還有興趣唱歌?Kenny即時謙虛地說:「唔好咁講,我當年係拖一個篋就上去拍劇,每次一留就要半年,阿爸阿媽都好擔心我。」


■關智斌(右)近年密密在內地拍劇,賺了不少人仔。資料圖片

父母催婚

Kenny又表示:「而家都係搵緊生活所需,捱咗幾年叫做每個月準時畀家用,阿爸阿媽咪冇咁擔心。」他自言一直很鍾意唱歌,不少由他主演的內地劇主題曲都是他自己主唱,之前有幾個月空檔不用拍劇,所以就做了一張國語專輯,Kenny還笑話不拍劇那有唱片推出。
Kenny的感情生活一直是話題,他承認家中兩老有時都會問他何時結婚,Kenny表示:「我都有諗,阿爸阿媽問我幾時有孫抱,趁佢哋仲有氣有力湊,我都想快啲。」採訪、攝影:曹家誠





來源: http://hk.apple.nextmedia.com/entertainment/art/20160521/19621175
關智 智斌 斌賺 賺半 半億 終於 準時 家用
PermaLink: https://articles.zkiz.com/?id=300994

美聯前執董賣美孚舖賺半億

1 : GS(14)@2016-07-06 08:07:56

【本報訊】五年前買舖,一個升一倍,一個僅升兩成。美聯前執董郭應龍持有的荔枝角美孚新邨百老匯街1號地下C號舖,面積約3,000方呎,以約1億元沽出,呎價約3.3萬元,持貨五年,賬面賺約5,200萬元,舖位升值逾1倍。土地註冊處資料,上述舖位由南澤有限公司在2011年3月以約4,800萬元買入,公司董事包括美聯前執行董事郭應龍。據了解,舖位剛續租,租客為渣打銀行,月租由22.8萬元增至28萬元,以新成交計,回報率約3.36厘。此外,九龍城衙前圍道120號地下,面積約1,400呎,以4,700萬元沽出,原業主都是2011年買入,當時買入價3,850萬元,但賺幅就差得遠,賺850萬元或22%。舖位由藥房承租,月租12萬元,回報率3厘。





來源: http://hk.apple.nextmedia.com/financeestate/art/20160706/19682776
美聯 前執 執董 董賣 美孚 舖賺 賺半 半億
PermaLink: https://articles.zkiz.com/?id=302649

梁朝偉入市賺半億家燕姐死城舖勁蝕九成

1 : GS(14)@2016-10-30 14:35:58

賭王四太梁安琪之前豪花13億買咗4個大宅俾超盈超欣,話想俾個機會兩個女學投資。既然要學,可以試下跟于文鳳咁睇千呎舖位,又或者向以下呢班藝人做功課,分分鐘賺夠可以買番幾個單位送番俾四太:古巨基資深投資者羅家寶12年以1.228億元買入中環擺花街22及24號兩個地舖,三個月後交吉摩出,接手嘅正係古巨基。基仔入貨後冇轉手,選擇放租回本,今年6月以8萬數租金,租咗俾一間化妝品店。謝霆鋒同樣都係擺花街,不過比古巨基更早入市,喺05年開始以1.2億買咗3個地舖,12年楊受成再用9120萬元買咗28號地舖,轉送咗俾霆鋒。不過貴為「擺花街舖王」冇收手,霆鋒再喺13年以1.17億買入26號舖。梁朝偉梁朝偉除咗係影帝,投資都有一手。佢08年首次以私人名義入市,買入中環威靈頓街73號地舖連閣樓,當時作價係2880萬元。偉仔等咗四年之後,以7950萬元沽出舖芝,賬面億超過半億。薛家燕投資有賺有蝕,家燕姐就試過失利,佢92年以250萬買入咗佐敦廣場兩個舖位,雖然喺旺區,不過商場管理不善,又搵唔到其他業主,結果想翻新商場唔成功,變咗做一代死場。佐敦廣場喺10年俾財團睇中,家燕姐乘機賣舖,但加埋只係收得番約27萬,總共蝕咗226萬,賬面勁蝕9成咁多。洗米華買舖可以做投資,亦都可以當做禮物咁送俾人。太陽娛樂揸弗人周焯華(洗米華)經常四圍飛,陪完Mandy又要o氹番洗米嫂。洗米華今年就試過購入七千萬澳門地舖,送俾洗米嫂,非常大手筆。




來源: http://hk.apple.nextmedia.com/entertainment/art/20161030/19817079
梁朝偉 入市 賺半 半億 家燕 死城 舖勁 勁蝕 蝕九 九成
PermaLink: https://articles.zkiz.com/?id=314123

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019